دووەم کۆرنسۆس 14:2-17
دووەم کۆرنسۆس 14:2-17 پەیمانی نوێ و زەبوورەکان بە سۆرانی (PNTZS)
به‌ڵام سوپاس بۆ خودا، ئه‌وه‌ی هه‌موو كاتێ له كه‌ژاوه‌ی سه‌ركه‌وتن له مه‌سیحدا ڕابه‌رایه‌تیمان ده‌كات، له هه‌موو شوێنێک به‌هۆی ئێمه بۆنی خۆشی ناسینه‌كه‌ی دیارده‌خات. چونكه بۆنی خۆشی مه‌سیحین بۆ خودا، له‌نێوان ئه‌وانه‌ی ڕزگاریان ده‌بێت و له‌نێوان ئه‌وانه‌ی له‌ناوده‌چن. بۆ ئه‌وانه بۆنی مه‌رگه بۆ مه‌رگ، بۆ ئه‌وانی دیكه بۆنی ژیانه بۆ ژیان. ئایا كێ شیاوه بۆ ئه‌م شتانه؟ ئێمه وه‌ک زۆر كه‌س بازرگانی به وشه‌ی خودا ناكه‌ین، به‌ڵكو به دڵسۆزی له خوداوه و له‌به‌رده‌م خودا له مه‌سیحدا ده‌دوێین.
دووەم کۆرنسۆس 14:2-17 كوردی سۆرانی ستانده‌رد (KSS)
بەڵام سوپاس بۆ خودا، ئەوەی هەموو کاتێک لە کەژاوەی سەرکەوتنی مەسیحدا ڕابەرایەتیمان دەکات، لە هەموو شوێنێک بەهۆی ئێمەوە بۆنی خۆشی ناسینەکەی بڵاو دەکاتەوە، چونکە ئێمە بۆنی خۆشی مەسیحین بۆ خودا، لەنێوان ئەوانەی ڕزگاریان دەبێت و لەنێوان ئەوانەی لەناودەچن. بۆ ئەوانە بۆنی مردنە بۆ مردن، بۆ ئەوانی دیکە بۆنی ژیانە بۆ ژیان. ئایا کێ شیاوە بۆ ئەم شتانە؟ ئێمە وەک زۆر کەس بازرگانی بە پەیامی خوداوە ناکەین، بەڵکو بە بێ دووڕوویی لە خوداوە و لەبەردەم خودا بە ناوی مەسیح دەدوێین.