Matoose 1
1
Yesuusa yella gerita
Luq 3:23-38
1Abrahaamekofa Dawitekofa yelutta Yesuusi Kristosa yeluttey be gassona ha esako: 2Abrahaamey Yissaaqe yello, Yissaaqey Yayqoobe yello, Yayqoobey Yuudaara esindo na'axhitaara yello, 3Yuuday Timaare gara Faresiyaara Zaarahiyara yello, Faresey Hexhrone yello, Hexhroney Raame yello, 4Raamey Aminaadabe yello, Aminaadabey Na'asone yello, Na'asoney Salmoone yello, 5Salmooney Raabe garafa Bo'aaze yello, Bo'aazey Ruute gara Yoobeede yello, Yoobeedey Isseye yello, 6Isseyey kaati Dawite yello.
Dawitey Oriyo macho maaqichanni gara Salamone yello, 7Salamoney Robe'ame yello, Robe'amey Abiya yello, Abiyay Asafine yello 8Asafiney Yosafaxhe yello, Yosafaxhey Yoorame yello, Yooramey Ozziyane yello, 9Ozziyaney Yo'atame yello, Yo'atamey Akaaze yello, Akaazey Hiziqiyase yello, 10Hiziqiyasey Minaase yello, Minaasey Aamoone yello, Aamooney Yosiya yello, 11Yosiyay Yo'akiniyara esindo na'axhitaara yello. Ye beraaka Isra'eelaxiti di'utti dhaddi Babiloone u hando. 12Ye Babiloone di'utti u handosume e geede Yo'akiney Selatiya yello, Selatiyay Zerubabule yello, 13Zerubabuley Abiyoda yello, Abiyoday Eliyaqime yello, Eliyaqimey Azoore yello, 14Azoorey Sadoqe yello, Sadoqey Akime yello, Akimey Eliyuda yello, 15Eliyuday Al'aazare yello, Al'aazarey Mataane yello, Mataaney Yayqoobe yello, 16Yayqoobey Yoosefe yello. Yoosefeni Mesiheydi hiyutte Yesuusa yella Maarame adeko#1:16 Maarame adeko yeydi diizuttasi Qawetena birchutta Hayla Fissharowa <<Maaramey esuse aykuttechoshako>> yeydi hinesako. Grikaxiti nuunanama <<I ade>> hidiko e hine. e maaqicha.
17Yeydiwo Abrahaamiyafa Dawite aalloy tamma oyddi yelutte, Dawitiyafa Isra'eeley Babiloone di'utti u hando aalloy tamma oyddi yelutte, ye di'aafa Mesihe aalloy tamma oyddi yelutteydiko u maaqicha.
Yesuusa yelutte
Luq 2:1-7
18Yesuusi Kristosa yeluttey yeydiko e maaqicha. Esindo Maaramey Yoosefese aykuttesune e etto baanne Ayaana Geeshuna xhiiqussi iinne yeley i gara erutto. 19Iso aytecha Yoosefey woga kakke gizo axe maaddhi iso axi buro adduse be wordo baa gisha aachiyaannawo dhabese e masso. 20Ye esa maxiya e yesune Wonto woosaxi afukkana esuse addeydi <<Dawite yele Yoosefe! Neese aykuttecha Maaramey xhiiqusosi Ayaana Geeshukofa e maaqe gisha iso efese eezzofuna. 21Na'uko i yele, esini be axita cubbowafa e maare gisha e sunxeni <Yesuusa> hidi neyne>> yeydi e hido.
22Ha esi uddi maaqesi Wontoy be kaayaxuna
23<<Siwwayte! Asanxaara muto baa woduroy i xhiiquse. Na'eni i yele. Esani <Amanu'eele> hidi u sunxe>>
yeydi zeeruttechashi aaloronikeko e maaddho. Amanu'eeleydi hiyoni <<Wontoy nuurako e yese>> hidi hiyoko.
24Yoosefey gehunsaafa be birto geede Wonto woosaxi otonike beese aykuttecha Maarame e etto. 25Maaquwaye baaka ye yele i yeloro aallo isaara muto baasso. Yoosefeni ye yelutta xhahe sunxe <<Yesuusa>> yeydi e hido.
دیاریکراوەکانی ئێستا:
Matoose 1: KilleC
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە