Ruti 2
2
1Andrani aa ago Naomi dri adrupi, madi returi limitoritro. Madi di ani drile Elimileki dri ongwele Boazi.
2Ongolo Ruti odzo Naomi dri, Lososi mamu amvu Boazi dri dukwi mvuri ani volega. Naomi odzo anidri, Nya barangwa.
3Ongolo Ruti omu amvu, omvo dukwi nai dedi vururi pakasa voga.
4Driso gadro Boazi enga Betelemu, otsa amvua, odzo ba dri, Anyelora Rubatro. Aiongwe laka, Ruba kanyikonyi.
5Ongolo Boazi ozi nyampara anidri, Di ani nyemuresi ngoniri?
6Nyampara engwi laka, Di ani nyemuresi Moabu dri nai engwi dia Naomitro lofo anienga vo Moabu dri.
7Aniodzo, Kilososi rukasasi muka ba nai voga dukwe lowakari voka nai aiobele vuru. Aniemu ininipui ongo ede paka diadro.
8Ongolo Boazi odzo Ruti dri, Nyerera barangwa, nyako amvu ziga dukwi nyidri emvure, nyemu dia odu tsidru nyede oko amadritro.
9Lososi nyendre amvu nai ailowadzori, nya aivoga, madzo iyai dri aiketsandi nyiko aru. Lofo dzo nyi eivitro nya ei mvure kudoa amadri.
10Ongolo Ruti owo aniandra, odzo anidri. Mesu grazia nyamiga adosi paka nyematamba mai amu dini?
11Ongolo Boazi engwi laka Ruti dri, Ba odzo manira ta podru nyedelele odu nyago dradzori paka diadro lele nyidri beka nyiendre ti nyiata tro vu nyidritro muka vo ba dri nai nyoniko.
12Opi engwi faida ebu nyidri aru. Opi Ruganga Israei dri okwe nyi bakisisi angbu adosikoa nyemu anidri ruka.
13Ongolo Ruti odzo anidri, Lososi mesu grazia nyamiga adosi nyemakonyi nyedzo ledzo losori madri barangwa nyidri, duba ma kendre izionzi nyidri ziko.
14Boazi engwi laka anidri, odzo, Sawa lonya dri nyemu dia, nyenya mugate nyedosa mugate tubisia. Aniolo ere ba nai dukwi lwakari. Boazi okwe ani ekwi asilerari ongolo anyonyara. Anaa oga tri ongara.
15Lofo anikengwi dukwi mvure, Boazi odzo iyai anidri, Anyebe ani kolwa dukwi lokuri anyi etsandi aniko.
16Kilososi anyewa anidri dukwi ziri anyebe ai vuru. Ongolo anikomvoa anyi etsandi aniko.
17Ongolo anikomvoa amvua paka ondrwe. Lofo aniodi dukwi podru angioga evo nusu.
18Ongolo anikonzia driga ozi eia. Anago endre ondre nai anamvolera. Ongolo aniodu lonya, aniokwe ani nai anabale lofo anaogara.
19Ongolo anago endre odzo anidri, Nyemvo dukwi ngwa endro? Nyede ebu nyidri ngwa? Lososi Ruba kikonyi madi nai nyata mbadiri. Ongolo anietedi anago endre dri madi nai aniede ebu anidri. Aniodzo ru ani Boazi.
20Ongolo Naomi odzo anabara izi dri, Lososi Ruba kikonyi ani adosikoa aniebeko edeka asi losorisi ba lidriri drakaritro. Naomi odzo anidri, Madi di ani amagori. Ani amagori lokudro.
21Ongolo Ruti izi Moabu dri odzo, Aniodzosa madri, Nyolo ba madritro paka aiolwaki dukwi podru.
22Ongolo Naomi odzo Ruti anabara izi dri, Kilososi zangwa muka izionzi anidritro, aikesuru nyitro amvu ziriako.
23Ongolo anikolondro vo izionzi Boazi dri paka aiolwa dukwi podru eidzi titro; anikolo dini anago endretro.
دیاریکراوەکانی ئێستا:
Ruti 2: MHIRuth
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© British and Foreign Bible Society 1938, 2018