Мәтта 9
9
Иса шьлушәʼтәки ԛәнщ дькә у гӧнед ԝи дьбахшинә
(Марԛос 2:1-12; Луԛа 5:17-26)
1Иса кʼәтә ԛәйьке пашда вәгәрʼийа һатә бажаре Хԝә#9:1 Ль гора Мәтта 4:13, бажаре Ԝи Кәфәрнаһум бу. . 2Ԝе дәре шьлушәʼтәк ньвинеда пʼалдайи анинә щәм. Гава Иса баԝәрийа ԝан дит, готә йе шьлушәʼт: «Лаԝо, сәр хԝә бә! Гӧнед тә һатьнә бахшандьне».
3Һьнге жь ԛанунзана һьнәк нав хԝәда фькьрин: «Әва ньге Хԝә Хԝәдерʼа давежә»#9:3 Аһа жи те фәʼмкьрьне: «Әва кʼьфьрийа дькә» йан «Әва наве Хԝәде беһӧрмәт дькә». . 4Фькьред ԝан Исава әʼйан бун у гот: «Һун чьма дьле хԝәда тьште хьраб дьфькьрьн? 5Кʼижан рʼьһʼәт те готьне: ‹Гӧнед тә һатьнә бахшандьне›, йан ‹Рʼабә у бьгәрʼә›? 6Ле ԝәки һун бьзаньбьн кӧ һʼӧкӧме Кӧрʼе Мерьв һәйә ль сәр дьне гӧна бьбахшинә», һьнге готә йе шьлушәʼт: «Рʼабә ньвина хԝә һьлдә, һәрʼә мала хԝә!» 7Әԝ жи рʼабу чу мала хԝә. 8Гава әʼлаләте әв йәк дит, хофе әԝ гьртьн у шькьри данә Хԝәде, кӧ әв һʼӧкӧм дайә мәрьва.
Иса гази Мәтта дькә
(Марԛос 2:13-17; Луԛа 5:27-32)
9Иса жь ԝьр пешда чу, йәки кӧ наве ԝи Мәтта бу ль щийе хәрщһьлдане рʼуньшти дит у готе: «Пәй Мьн ԝәрә». Әԝ жи рʼабу пәй Иса чу.
10Гава Иса мала Мәттада сәр сьфре рʼуньштьбу, гәләк хәрщгьр у гӧнәкʼаред дьн һатьн тʼәви Иса у шагьртед Ԝи рʼуньштьн. 11Чахе ферьсийа әв йәк дит, шагьртед Ԝирʼа готьн: «Чьма Дәрсдаре ԝә тʼәви хәрщгьр у гӧнәкʼара дьхԝә у вәдьхԝә?» 12Ле гава Иса әв йәк бьһист ԝанарʼа гот: «Сахләм нә һʼәԝще һʼәким ьн, ле нәхԝәш. 13Һәрʼьн мәʼна ван хәбәра һин бьн: ‹Әз рʼәʼме дьхԝазьм, нә кӧ ԛӧрбане›#9:13 Һосейа 6:6. . Әз нәһатьмә гази йед рʼаст кьм, ле гази гӧнәкʼара».
Пьрса рʼожигьртьне
(Марԛос 2:18-22; Луԛа 5:33-39)
14Һьнге шагьртед Йуһʼәнна һатьнә щәм Ԝи у готьне: «Чьма әм у ферьси гәләк щара рʼожи дьгьрьн, ле шагьртед Тә рʼожи нагьрьн?» 15Иса готә ԝан: «Ԛәт дьбә кӧ хԝәндийед дәʼԝате шине бькьн, һʼәта кӧ зәʼва тʼәви ԝан ә? Ле рʼоже бен, гава зәʼва жь ԝан бе һьлдане, һьнге ԝе рʼожи бьгьрьн.
16Кәсәк пе пʼарчʼе ну кʼьнща кәвьн пʼинә накә, чьмки пʼарчʼе кʼьнща кәвьнва дьрути ԝе зоре ль кʼьнща кәвьн бькә у щийе ԛәльши ԝе һе ль бәр һәв һәрʼә. 17Нә жи шәрава ну дькьнә мәшкед кәвьн. Һәгәр ӧса бә, мәшке бьтʼәԛьн, шәраве бьрʼьжә у мәшке жи хьраб бьн. Ле шәрава ну дькьнә мәшке ну у һәр дӧ жи тенә хԝәйикьрьне».
Ԛизька мьри у кʼӧлфәтәкә нәхԝәш
(Марԛос 5:21-43; Луԛа 8:40-56)
18Гава Иса һе әв йәка ԝанарʼа дьгот, һәма һьнге сәрԝерәк һат хԝә авитә бәр ньге Ԝи у готе: «Ԛиза мьн һежа мьрийә. Ле ԝәрә дәсте хԝә дайнә сәр ԝе у әԝе бьжи».
19Иса рʼабу тʼәви шагьртед Хԝә да пәй ԝи чу. 20У ва кʼӧлфәтәкә нәхԝәш, кӧ донздәһ салед ԝе бун сәр хуне вәбьбу, пьштева һат у рʼишийед кʼьнще Иса кʼәт. 21Әԝе нета хԝәда данибу: «Һәгәр әз тʼәне кʼьнще Ԝи кʼәвьм, әзе ԛәнщ бьм». 22Иса сәр мьле Хԝәва вәгәрʼийа әԝ дит у готе: «Әʼвде! Сәр хԝә бә! Баԝәрийа тә тӧ ԛәнщ кьри». У ԝе дәме әԝ кʼӧлфәт ԛәнщ бу.
23Гава Иса гьһиштә мала сәрԝер, дина Хԝә дайе, ԝе ԛарʼә-ԛарʼа әʼлаләте йә у бьлурван жи зәлули ле дьхьн 24у готә ԝан: «Дәркʼәвьн! Ԛизьк нәмьрийә, ле һеньжийә». Ԝана ԛәрфе хԝә Пе дькьрьн. 25Ле гава щьмәʼт дәрхьстьнә дәрва, Иса чу һьндӧрʼ дәсте ԝе гьрт у ԛизьк рʼабу сәр хԝә. 26Әва дәнг-бәʼса тʼәмамийа ԝи ԝәлатида бәла бу.
Иса дӧ кора ԛәнщ дькә
27Гава Иса жь ԝьр дәркʼәт чу, дӧ мәрьвед кор данә пәй Ԝи кьрьнә ԛирʼин у готьн: «Кӧрʼе Даԝьд! Мә ԝәрә рʼәʼме!»
28Гава кӧ гьһиштьнә мале, әԝ һәр дӧ кор һатьнә щәм Ԝи. Иса жь ԝан пьрси у гот: «Һун баԝәр дькьн, кӧ Әз дькарьм али ԝә бькьм?» Ԝана гот: «Бәле Хӧдан». 29Һьнге Иса дәсте Хԝә да чʼәʼвед ԝан у гот: «Ль гора баԝәрийа ԝә ԝәрʼа бә». 30Ԝе дәме чʼәʼвед ԝан вәбун. Иса һʼьшк тʼәми ль ԝан кьр у гот: «Һаш жь хԝә һәбьн, кӧ тʼӧ кәс ве йәке нәһʼәсә». 31Ле әԝ дәркʼәтьн, тʼәмамийа ԝи ԝәлатида нав у дәнге Ԝи бәла кьрьн.
Иса лал ԛәнщ дькә
32Чахе әԝана дәркʼәтьн чун, һьнәка щьнакʼәтики лал ани щәм Иса. 33Гава Әԝи щьн дәрхьст, йе лал хәбәр да. Әʼлаләт әʼщебмайи ма у гот: «Ль Исраеле жи тьштәки аһа тʼӧ щар нәԛәԝьмийә». 34Ле ферьсийа гот: «Әԝ бь һʼӧкӧме сәрԝере щьна щьна дәрдьхә».
Гӧне Иса ль щьмәʼте те
35Иса һʼәму гӧнд у бажара дьгәрʼийа, кʼьништед ԝанда һин дькьр, Мьзгинийа Пʼадшатийе даннасин дькьр у ль нав щьмәʼте һʼәму щурʼә нәхԝәши ԛәнщ дькьрьн. 36Гава Әԝи әʼлаләт дит, гӧне Ԝи ль ԝан һат, чьмки әԝана мина пәзе бе шьван, бәрʼәдайи у бәлабуйи бун. 37Һьнге Әԝи шагьртед Хԝәрʼа гот: «Нандьрун гәләк ә, ле пʼалә һьндьк ьн. 38Аԝа һиви жь Хԝәйе дьруне бькьн, ԝәки пʼала нандьруна Хԝәрʼа бьшинә».
دیاریکراوەکانی ئێستا:
Мәтта 9: KmrNTC
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© Институт перевода Библии, 2000, 2011