OHÚTU 3
3
Ɔlɛɛcɛ le íne bīya
1 #
Mafú 12.9; 20.2 Ɛgwā kē jé ula fíyɛ́ aɛ́bɛ́ dóódu nɛ̄ Óndú ā Ɔwɔicō yá ā á. Anɔ́ɔ ɛ̄cɛ̄ éyi ó da ɔ̄cɛnyā ā ɔ̄kā kahíníī, “Ɔ́wɔicō da aá ka aá kóō híī lé īkpō kú ɔcí dúúmā kú ɛhɔ̄ nyā ŋ́ ɔkwɔ̄ɔ̄kwɛ̄yi nɛɛ?” 2Ɔnyā ā tá ɔ̄ ohi kahíníī, “Alɔ lɔfú lé īkpō kú ɔcí dóódu kú ipú ɛhɔ̄ ā glá, 3amáŋ Ɔwɔicō ka ālɔ̄ híī lé īkpō kú ɔcí nōo kwu ɔtāhɛ̄ kú ɛhɔ̄ ā ŋ́. Ó klla da alɔ ka ālɔ̄ kōō híī lɛ iyē kwu ɔ́ ŋ́ o yá ka alɔ híī kwú ŋ́.” 4Ɛgwā tá ɔ̄ ohi kahíníī, “Ó wɛ ɔkwɛ̄yi ŋ́, aá í gáā kwú ŋ́. 5Ɔwɔicō jē ka eko nɛ̄ aá lɛ īkpō kú ɔcí ɔ́ɔmā ā lé, eyī kú aá géē jē nwūla nɛ̄ aá géē lɛbɛ̄ɛka Ɔwɔicō ā, nɛ̄ aá géē jē ɔdā olɔhi mɛ́mla obɔ̄bí dóódu#3.5 Ɔwɔicō, ámāŋ aɔ́wɔ Anú yá nōó da aá ka aá híī lé ŋ́ má.” 6Anɔ́ɔ, ɔ̄cɛ̄nyā le má ka īkpō ɔcí ā héyīfuú klla ī ŋmúnwū kú ɔ̄cɛ kóō lé á. Ó má ɔ̄ ka ó klla wɛ ɔdā nēe gē je íjéeyī lɛ ɔ́ glá. Anɔ́ɔ ó le hɛ́ le lé á. Ɔnyā ā klla le je le ɔbá nū, anɔ́ɔ ó le lé dúú á. 7Abɔ̄ é le lé ā, ɔkwɔɔkwu ɔ́ɔmā eyī kú uwā kwú nwūla. Anɔ́ɔ é le jé ka aá ɔ́ɔ tóohɛ́ɛwa á. É le ēpū kú ɔcī nēé hī ufígi ā hɛ́ lɛ ɔ́ gɔ́ kwɔhá, anɔ́ɔ é kwú ú tū ohí á. 8Ɛplá ɔ̄nɔ̄ɔ̄nɛ̄ pɛtɛɛ ā, é le úcɛ́ kú Ɔwɔicō pó abɔ̄ ó yɔ̄ ī yɛ ipú ɛhɔ̄ kú Ídɛn ā. Anɔ́ɔ ɔ̄cɛnyīlɔ ā mɛ́mla ɔnyā le pɛ́ kwu í tayínū igbīhi aɔ́cí, o yá ɛ́ɛ́ kú Ɔwɔicō kóō híī má uwā ŋ́ má. 9Amáŋ Óndú ā, nōo wɛ Ɔwɔicō ā, hī ɔ̄cɛnyīlɔ ā igwú da ɔ́ ɔ̄kā kahíníī, “Iní nɛ̄ a yɔ̄ āa?” 10Anɔ́ɔ ɔlɛɛcɛ ā tóohi kahíníī, “N le úcɛ́ kú uwɔ pó ipū ɛhɔ̄ ā, ufi le um kwú, abɔ̄ n tóohɛ́ɛwa ā. Anɔ́ɔ n le kwu tayínū á.” 11Anɔ́ɔ Óndú ā, nōo wɛ Ɔwɔicō ā, da ɔ́ ɔ̄kā kahíníī, “Ɔ̄nyɛ da uwɔ ka awɔ ɔ́ɔ tóohɛ́ɛwa āa? A lɛ īkpō ɔcí nɛ̄ n da uwɔ ka ā híī lé ŋ́ má lé nɛɛ?” 12Ɔ̄cɛ ā tá ɔ̄ ohi kahíníī, “Ɔ̄cɛnyā nɛ̄ a je gā um kóō yɔ̄ mla um ā je īkpō ɔcī ā gā um, nɛ̄ n lé á.” 13#2 Ukɔ́r 11.3; 1 Utím 2.14Anɔ́ɔ Óndú ā, nōo wɛ Ɔwɔicō ā, da ɔ̄cɛ̄nyā ā ɔ̄kā kahíníī, “Ɔdíyá ɛ́ɛ́ nɛ̄ a yá ɛ̄nyā āa?” Anɔ́ɔ ɔ̄cɛnyā ā kahíníī, “Ɛgwā ā plla um tū ɔ̄ nɛ̄ n lé á.”
Ɔwɔicō le ɛpɔ̄ ka tū uwā
14Anɔ́ɔ Óndú ā, nōo wɛ Ɔwɔicō ā, da ɛgwā ā kahíníī,
“Ohígbū ɔdā nɛ̄ a yá nyā,
n le okónu tá lɛ awɔ ofōōfū uwɔ ŋmá ipú aɛ́bɛ́ dóódu ɛɛ́.
Ókónu ō tá ā wɛ ka o ŋmá abālɔbányā gɔbū a géē lɛ ɔtū mɛ́mla ipú kú uwɔ pi ajɛ,
úmúlá kē géē wɛ ɔdōlé kú uwɔ piyóó,
ipū oyēeyī kú uwɔ á.
15 #
Mafú 12.17
Awɔ mɛ́mla ɔ̄cɛnyā ā géē wɛ olɛlā kú īyī aá.
Ɔyí kú nū mɛ́mla ákú uwɔ klla í wɛ olɛlā kú īyī ūwā.
Ɔyí kú nū ā géē ca uwɔ ɛyí tāajɛ piyóó,
a kē géē kwú ɔ́ ayīnu amīyɛ ikpó.”
Okónu nēé tá lɛ ɔ̄cɛnyā ā
16Ɔwɔicō da ɔ̄cɛnyā ā kahíniī,
“N géē yá uwɔ ōwē nɛ̄hi eko nɛ̄ a yipú, a klla í jɔ́ɔnɔ nɛ̄ɛ̄nɛ̄hi eko nɛ̄ a í mɔyí.
Nááná a ɔbá uwɔ géē he uwɔ ɔtū nɛ̄hi,
ó kē í wɛ ɔkpani uwɔ.
17 #
Uhíb 6.8
Ɔwɔicō da ɔ̄cɛnyīlɔ nɛ̄ iyē kú lé ka Ádām ā kahíníī,
“Abɔ̄ ā cɛ̄, le ɔdā nɛ̄ ɔnyā awɔ da uwɔ ā yá ā. Nɛ̄ a kē le īkpɔ̄cí nɛ̄ n ka ā híī lé ŋ́ mā lé ā. N le okónu tá lɛ ajɛ ohígbū uwɔ ɛ́ɛ́. A géē yúklɔ́ nɛ̄hi ɛjɛ̄ɛ̄jī oyēeyī kú uwɔ ɛ́ɛ́ kú ā má ɔdōlé lé ŋmá anú.
18Ɔcí ujē mɛ́mlā ácí ujē ɛyɛ́ɛyɛ́yí géē bū ŋmá ajɛ ga uwɔ á. Ɔdɛ̄hɔ̄ nōo bū ŋmá ajɛ nɛ̄ a gáā lé á. 19A géē lɛ abɔ̄ kla ahɛ ŋmá údɔ̄bū kú uwɔ
ɛ́ɛ́ nɛ̄ a géē má ɔdōlé lé á, jāā gbéeko nēé je uwɔ cīgbīhi ga ipú ajɛ. Ohígbū ka ipú ajɛ nēé yá uwɔ ŋmá á. Ipú ajɛ ā nɛ̄ a kē í kwúcē nyɔ̄ á.
É lɛ ɔlɛɛcɛ ā nū bɛ̄cɛ ŋmá ipú ɛhɔ̄ kú Ídɛn
20Ádām,#3.20 “ádāmƐyí kú iyē nyā okónu Úhíbru wɛ “ɔlɛɛcɛ” ɔ̄cɛnyīlɔ̄ ā kwú iyē ú ce ɔnyā nū ka Íifu,#3.20 íifu. Ɔkɔ kú iyē nyā wɛ ékpó mɛ́mla ɔkɛ̄la kú Uhíbru nēé hī “oyēeyī”, nēé ka amāa ka ɔ́ɔ wɛ “alɛɛcɛ” ā ohígbū ka anú wɛ ɛ́nɛ́ kú odúúdú alɛɛcɛ á. 21Anɔ́ɔ Óndú ā, nōo wɛ Ɔwɔicō ā, le īlī kú ɔkpɛ́bɛ́ yá lɛ Ádām mɛ́mla Íifu, ɔnyā Ádam ā. 22#Mafú 22.14Óndú ā, nōo wɛ Ɔwɔicō ā, kahíníī, “Mɔ́ɔ̄, ɔ̄cɛ kwú lɛbɛ̄ɛka alɔ ā ɛɛ́. Ó le ɔdɔ̄lɔhi mɛ́mla ɔdōbɔ̄bí jé ɛɛ́#3.22 ɔdā olɔhi mɛ́mla ɔdōbɔ̄bí jé ɛɛ́ámāŋɛjɛ̄ɛ̄jī ɔdā dóódu jé ɛɛ́ A yá ó lɛ ɛga má fu īkpō kú ɔcí nōo gē je oyēeyī opiyóó ā, je le lé, cɛ́ɛ́ kóō yēeyī piyóó.” 23Ohígbū ɔ́ɔmā, Óndú ā, nōo wɛ Ɔwɔicō ā, le ɔ́ nū bɛ̄cɛ ŋmá ipú ɛhɔ̄ kú Ídɛn ā, kóō gaá hí ajɛ nēé yá ɔ̄ ŋmá āa. 24Abɔ̄ Ɔwɔicō le ācɛ ā nu bɛ̄cɛ ā, ó le aálelékwū ōtɛ̄hɔ̄ kú nū kpóā fu kwāajɛ ɛnɔ̄ɔ̄cī kú Ídɛn. Ó kwū ɔkpacāŋgelī ō cɔ̄lá nōo ī pīyeyī ga ɛga dóódu ā ú gbo ɔwɛ kóō cɛ̄ lɛ ɔ̄cɛ dóódu ga ɛgiyí ɔcí nōo ī je oyēeyī opiyóó ā ŋ́.
دیاریکراوەکانی ئێستا:
OHÚTU 3: IFBCL
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە