Эхин 3
3
Түрүүшын нүгэл ба хойшолонгынь
1Эзэн Бурханай бии болгоһон газарай амитад сооһоо эгээл мэхэтэйнь могой һэн. Тэрэ эхэнэрһээ асууба:
— Энэ сэсэрлигэй ямаршье модонһоо үрэ жэмэс эдихыетнай Бурхан зүбшөөнэгүй гэжэ үнэн гү? 2— Сэсэрлигэй алишье модоной үрэ жэмэс эдихэдэмнай болохо. 3Зүгөөр диваажанай тэг дундахи модоной үрэ жэмэс эдижэ болохогүй, тэрээнһээ байха энэ модондо дүтэлжэшье болохогүй, тиигэбэл, үхэхэт гэжэ Бурхан айладхаа һэн, — гэжэ эхэнэр харюусаба.
4— Үгы, үхэхэгүйт, — гэжэ могой эхэнэртэ хэлэбэ. 5— Зүгөөр тэдэниие эдихэдээ таанад тэрэ үдэр нюдөө гэнтэ нээһэндэл юумэ боложо, һайн муу хоёрые илгаха шадабаритай Өөртэнь адли болохот гэжэ Бурхан мэдэнэ.
6Энэ модоной үрэ жэмэс эдихэдэ һайн, харахадашье аятай мүн эрдэм мэдэсэшье үгэдэг гэһэн бодолдо эхэнэр абтаба. Тиигээд нэгэ алим жэмэс таһалжа абаад эдижэрхибэ, үбгэндөөшье үгэбэ — тэрэнь эдибэ. 7Нюдөө нээһэн юумэдтэл, бэе бэеынгээ нюсэгэн байһаниие тэдэ обёоржо, инжир модоной набшаһаар халхабша хэжэ, нюсэгэн габаа халхалба.
8Сэсэрлиг соо үдэрэй һэбшээндэ Эзэн Бурханай ябахые соносоод, модод соогуур тэдэ хоргодобод.
9— Хаанабши? — гэжэ Эзэн Бурхан эрэ хүниие ооголбо.
10— Сэсэрлиг соо Танай абяа шэмээ дуулаад, нюсэгэн байһандаа эшээд, бэеэ нюугааб, — гэжэ тэрэнь харюусаба.
11— Нюсэгэнши гэжэ хэн шамда хэлээб? — гэжэ Эзэн Бурхан асууба. — Хорюултай модоной алим эдеэ алтайш?
12— Танай намда үршөөһэн һамган тэрэ модонһоо алим үгөө, тиихэдэнь би эдеэ һэм, — гэжэ хүн харюусаба.
13— Юундэ ши тиигэбэш? — гэжэ Эзэн Бурхан эхэнэрһээ асууба.
— Минии ухаае могой төөрюулээ, үгэдэнь орожо эдеэлби даа, — гэжэ тэрэ эхэнэр харюусаа бэлэй.
14Эзэн Бурхан могойе харааба:
— Ши хэһэн энэ хэрэгэйнгээ түлөө хараалда хүртэхэшни: арьяатан, адууһа мал соо эгээл доройнь боложо, гэдэһэн дээрээ мүлхин ябахаш, хамаг наһаараа тоборог шоройгоор хооллохош. 15Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.
16Эхэнэртэ Тэрэ айладхал буулгаба:
— Шинии хээлитэй болохые хэмгүй зоболонтой болгохоб, зобожо, үбдэжэ хүүгэдые түрэдэг болохош, үбгэеэ хододоо хүсэн байхаш, үбгэншни шинии эзэн болохо.
17Хүндэ Эзэн Бурхан айладхаба:
— Һамганайнгаа үгэдэ орожо, Минии хорюултай гэһэн алим эдиһэнэйш түлөө, шамһаа уршагтажа
энэ газар хараалда хүртэбэ,
шэмэтэ үрыень шадал шэнээгээ гарган,
зобожо абадаг байхаш.
18Гансал адаалхай һөөгүүд, бог үбһэн эндэ ургаха,
адагай ногоогоор хооллохо болонош.
19Хүлһөө адхан эдеэ хоол олодог байхаш.
Газарһаа абтаһан хадаа
дахинаа газартаа бусахаш.
Юуб гэбэл, ши тоборог шорой гээшэш,
иимэл ёһонһоо юрын лэ шорой тооһон болохош.
20Тиигээд Адаам һамгандаа Ева гэжэ нэрэ үгэжэ, хүн түрэлтэнэй изагуур эхэ болгобо#3.20 Еврей хэлэн дээрэ Адаамай нэрэ «хүн», Евын нэрэ «амидарал» гэһэн удхатай..
21Эзэн Бурхан амитанай арһаар хубсаһа хээд, Адаамые, һамгыень хубсалуулба.
22Тиигээд Эзэн Бурхан айладхаба:
— Зай, эдэ зон маанадтал адли һайн, мууе танижа илгаруулдаг болобо. Ажамидарал үгэдэг модоной алим жэмэс таһалжа эдеэд, үхэл мэдэхэгүй, мүнхэ боложо магад!
23Тиигэжэ Эзэн Бурхан болгоомжолоод, тэдэ хоёрые Эдээмэй сэсэрлиг сооһоо намнажа гаргаба: газарһаал абтаһан хадаа тэрэ газараа элдүүрилжэ байг. 24Хүниие намнаад, ажамидаралай һүлдын модондо хэнииешье дүтэлүүлхэгүйн тула сэсэрлигэй зүүн талын зам хаража хамгаалха үүргэтэй, баймга эрьелдэжэ, хүдэлжэ байдаг галта һэлмэтэй, галаар дүлэтэһэн амитад-харуулые Тэрэ табиба.
دیاریکراوەکانی ئێستا:
Эхин 3: BurOTp
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© Bible Society in Russia, 2002-2007, 2011, 2013, 2018.