Matiu 1
1
A utatos ina kabotaro anun o Iesu Karisito
(Lk 3:23-38)
1 #
1 Sto 17:11; Stat 22:18 Iri a risan a kabotaro tagun numugu ra o Iesu Karisito i wanpat tagun det. O Iesu, a nutun o Dewid, o Dewid a nutun o Abaram.
2O Abaram o taman o Aisak,
O Aisak o taman o Jekop,
ma o Jekop o taman o Juda ma a kum tistisino.
3 #
Stat 38:29-30; Rut 4:18-22 O Juda o taman o Peres der nam o Sera, ra a nander o Tamar.
O Peres o taman o Esrom,
o Esrom o taman o Ram,
4ma o Ram o taman o Aminadap,
o Aminadap o taman o Nason,
ma o Nason o taman o Salmon,
5 #
Rut 4:13-17
o Salmon o taman o Boas, ma o nano a risano o Reap.
O Boas o taman o Obed, ma o nano a risano o Rut.
O Obed o taman o Jesi,
6 #
2 Sml 12:24
ma o Jesi o taman o Dewid, i ra a king.
O Dewid o taman o Solomon, ma o nano a ino ra i nolin pas nam o Uria.
7O Solomon o taman o Roboam,
o Roboam o taman o Abia,
o Abia o taman o Asa,
8o Asa o taman o Josapat,
o Josapat o taman o Joram,
ma o Joram o taman o Usia,
9o Usia o taman o Jotam,
o Jotam o taman o Akas,
ma o Akas o taman o Esekia,
10o Esekia o taman o Manase,
o Manase o taman o Amon,
ma o Amon o taman o Josaia,
11 #
2 Kin 24:14-15; 2 Sto 36:10; Jer 27:20 o Josaia i ulabo o Jekonia tomo nama kum tistisino. Numur tano, a taro Babilon det dat pas a taro Israel utong o Babilon sur det in kis na karabus.
12 #
Esr 3:2
Numur tan a inawan utong o Babilon:
O Jekonia i ulabo o Salatiel,
o Salatiel o taman o Serubabel,
13o Serubabel o taman o Abiut,
o Abiut o taman o Eliakim,
ma o Eliakim o taman o Asor,
14o Asor o taman o Sadok,
o Sadok o taman o Akim,
ma o Akim o taman o Eliut,
15o Eliut o taman o Eliaser,
o Eliaser o taman o Matan,
ma o Matan o taman o Jekop,
16o Jekop o taman o Josep, i ra i nolin nam o Maria. O Maria i usus o Iesu, ra di watungi o Karisito, i ra o God i tulu ru i.
17A kum taun taro turpasi tagun o Abaram tuk un o Dewid i elar nama noino ma a wat det, ma tagun o Dewid tuk una inawan na karabus tong o Babilon, a noino ma a wat kai det, ma tagun a inawan na karabus tong o Babilon tuk un o Karisito, a noino ma a wat na taun taro kai.
A saksakutna un o Maria ra i usus o Iesu Karisito
(Lk 2:1-7)
18 #
Lk 1:27, 35 Di usus pas o Iesu Karisito lenri: O nano, o Maria, di sa ubek bat tari sur in nolin nam o Josep, ikut numugu tan anunder a nolin o Maria i sa tasmani lena i tianan tan a Tokodos na Nion. 19O Josep ra di sa ubek bat tar o Maria toromi, i a tene tokodos, ma ke nemi sur in ban umaimai o Maria umatan a taro. Ra i nuki lena in kutus eno ru anunder a liliman tagun a nolin.
20Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion. 21#Lk 1:31; 2:21In usus pas a nat na musano, ma un pasor a risano nam o Iesu, uni in ulaun pas anun a taro gusun anundet a kum sakino petutna.”
22A kum utna rop ri i wanpat sur din pam sot pas a kum wasiso anun a Labino ra anun a poropet i sa upuaso tari lenri, 23“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” Ais 7:14
a kukuraino lena, “O God i kis tomo nam dat.”
24Ra o Josep i tuangun, i muri lenutra a ensel anun a Labino i sa inanos tari nami, ra i ben pas o Maria sur anun a ino. 25#Lk 2:21Ikut ka der inep tomo pas tuk ra o Maria i usus pas a nat na musano. Ma o Josep i pasor a risano nam o Iesu.
دیاریکراوەکانی ئێستا:
Matiu 1: kqw
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© 2019 Wycliffe Bible Translators, Inc. All rights reserved.