Chin, Zyphe: Biahrai Tha, Zyphe rei New Testament

Biahrai Tha, Zyphe rei

<div class="version vid930 iso6393zyp" data-vid="930" data-iso6393="zyp">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="p"> 1Mataico a pahmopaw vytei cawh tho he ka, Zisu cawh raang uhbui Pilat khatah aa seikhui. 2Taico, Ama cawh sua pu he ka, &#8220;Ma paw tahei kaa mingphing a pingpaly tah a hruipaw he kaa hmuh. Ama tahei Sizar khatah ngungkhui pei khe law tah ka, Khri a cangpaw siangpahrang ka cang a tah,&#8221; tatah aa tah.</div><div class="p"> 3Macawtaco Pilat tah Zisu cawh, &#8220;Juda cawngsaw aa siangpahrang cawh na cang maw?&#8221; tatah a hae.</div><div class="p">&#8220;A cang, na reipaw hraco a cang,&#8221; tatah Zisu tah a palei.</div><div class="p"> 4Mataico, Pilat tah tlangbui macang sahlo le zawpuipaw cawh, &#8220;Ma paw sua pho rua pawtah hei a chahlynah zehmai hmuh bei neh,&#8221; tatah a thang he.</div><div class="p"> 5Canghrasala aaning sahlo taco, &#8220;Ama tahei Judia raang pungpaluh letei cawngsaw sahlo cawh a cawngpah n&#225; tah hnahnawhnah a chuasah. Galili taitah a patho ka, ma tai heh a va phahpaw a cang,&#8221; tatah thaw tah aa rei.</div><div class="p"> 6Ma cawh a thui tihtah Pilat taco, &#8220;Ma paw heh Galili cawngsaw maw a cang?&#8221; a tah he. 7Zisu cawh Herod a uhnah rai letei a ungpaw Galili raang cawngsaw a cang tahpaw khah Pilat tah a hni tihtah ma ningcai letei Jerusalem letah a ung thlangpaw Herod khakhei a seisah khui he.</div><div class="p"> 8Herod tah Zisu a hmuh tihtah a lung a lawng ngetei, zecawtamaw tatah cai sypui hmuh a za du ngetei cawtah a cang. Zisu a thong khah a za thui teinah cawtah ningang chuipaw hming sahlo a tuapaw khah ka hmuh myca a, tatah a hnabei a sui. 9Bia a hlupui hae cakhia ka, canghrasala Zisu tah zehmai chai be. 10Tlangbui macang le phungbia cawngpahtu sahlo cawh ma leco a daw thlang hrah he ka, Zisu cawh a sah pui tah sua aa pu leimei. 11Mataico, Herod le a raekeh sahlo tah Zisu cawh hnuiso he ka, aa pasi aa pasa. Pai achaw ngeteipaw a buhsah he ka, Pilat khatah aa seisah kaw. 12Ma ning taico Pilat le Herod cawh huivesaw a cang he. Ma hlai taco a za carae tei he.</div><div class="p"> 13Pilat tah tlangbui macang sahlo le uhtu sahlo le zawpuipaw khah y pahmo he ka, 14aa hai letah, &#8220;Ma paw heh zawpui khah carae tah a thosah he tatei kama kha naa va chuakhuipaw khah a cang. Ama heh naa hmekaw letah haecakhia neh ka, reipachia tei sua naa pupaw heh a dongkhang be tatah ka hmuh. 15Herod zong tah, a suanah hmuh be ca ka, kaaning kha a va ma kua kawpaw a cang. Naa hmuh thlangpaw hratah thih tlang a tlahpaw hming zehmai tua be. 16Macawtaco chei s&#225; he neh ka, mataico ka thlaw a,&#8221; tatah a tah he. 17Khungsai Panawnah ning maikaw letah Pilat tah thong a tlahpaw chung taitah pakheh khah a thlaw hrahring ruapaw a cang.#23:17 Kih cia thaikheh leco cai 17 heh ung be.</div><div class="p"> 18Zawpui sahlo cawh hmokheh tah y hrui he ka, &#8220;Ama cawh theh thlang la, Baraba khah ma thlawpah hri,&#8221; tatah aa tah. 19Baraba cawh khuapui chung letah rae a tho sahpaw a cang rawng tah le lee a nongpaw rawng tah thong a tlahpaw a cang.</div><div class="p"> 20Pilat tah Zisu cawh thlaw a dunah cawtah khei aaning cawh a hae hry he. 21Canghrasala aaning taco, &#8220;Khraws letah khaipai! Khraws letah khaipai!&#8221; tatah a y vy tima he.</div><div class="p"> 22A uithungnah leco aaning cawh, &#8220;Ze rawng tamaw? Ma paw tahei ze suanah ky maw a tua? Thihnah tai dangt&#225; pawtah a panah zehmai hmuh bei neh. Macawtaco chei s&#225; he neh ka, ka thlaw a,&#8221; tatah a tah he.</div><div class="p"> 23Canghrasala, Ama cawh khraws letah khaipai tatah tai lytah a thangpui tah y he ka, aa ypaw takhei Pilat khah a pahnei. 24Macawtaco Pilat tah aa haepaw khah peh a pawtah bia a chaw. 25Pilat taco hnahnawhnah le lenongnah rawng tei thong a tlahpaw, aa haepaw Baraba khah thlaw ka, aa dunah hrakhei tua rua pawtah Zisu cawh a hlai he.</div><div class="s">Zisu cawh khraws letah aa khaipai</div><div class="r">(Mt 27:31-44; Mk 15:21-32; Jh 19:17-27)</div><div class="p"> 26Zisu cawh raekeh sahlo tah seikhui he ka, langpui letah khuatei lang tah khua a va tlongpaw Sairin khuapaw Simon khah tle he ka, khraws cawh a cung lekhei khing he ka, Zisu hninglang khei aa puhsah lai. 27Cawngsaw a rungpui takhei pazui he ka, a cawtah a ngechia katei, a cahpaw canu sahlo zong a ung hrah he. 28Zisu tah a paleh ka aa hai leco, &#8220;Jerusalem sawcanu sahlo pa cawkhui khe o, naaning naa cawtah le naa sawtei leh cawtah cah hri my lo, 29zemaw tah pawco, &#8216;A cingpaw canu sahlo, sawtei a pho bang lypaw chi le meimei zai bang lypaw hnabae sahlo cawh bonghnang a tingpaw a cang he,&#8217; tatah naa tah n&#225;paw cai a va chuh a! 30Mataico,</div><div class="q1">&#8216;aaning sahlo tah tlaang sahlo cawh, &#8220;Ma tlahso law,&#8221; tah he ka,</div><div class="q2">tlangby sahlo khah, &#8220;Ma vuh law,&#8221;#Hose 10:8 aa tah he a.&#8217;</div><div class="m"> 31Ma hming sahlo heh cawngsaw tah thingkung a hring thlang ningtah hmai aa tua caco, thingkung a ro tihtah co zemaw aa tua chichi a?&#8221; a tah he.</div><div class="p"> 32Ahringpaw cawngsaw pahning, mehsua va vei khah Zisu khatah thaw hrui rua pawtah aa seikhui hrah he. 33Luru hming aa tahpaw hminghmaw aa va phah tih taco, ma leco Ama cawh damia sahlo khakhei pakheh khah a cacang lang letah pakheh khah a cavui lang letah aa khaipai he. 34Zisu taco, &#8220;Apaw, ngethai my lo, aa tua leimeipaw heh aa hnilynah cawtah hei,&#8221; tatah a tah. Taico raekeh sahlo taco basung phe he ka, a chaichi cawh a chaichy he.</div><div class="p"> 35Zawpuipaw cawh ma lekhei a daw he ka, ming thlang he ka, uhtu sahlo tahmai tah aa hnuiso. &#8220;Cawngsaw ahringpaw cawh pachah he ka, Khazing a thingpaw, Khri a cang hmuisui caco, ato heh ama le ama cawh a pachah seh,&#8221; tatah aa tah.</div><div class="p"> 36Raekeh sahlo zong taco a vong he ka, Ama cawh pasipasa he ka, misur zu a thobahlapaw khah aa hlai. 37&#8220;Juda cawngsaw aa siangpahrang na cang caco nama le nama a pachah ca,&#8221; tatah aa tah.</div><div class="p"> 38A lu cung letei ca a ciapaw cawh, &#8220;MA HEH JUDA CAWNGSAW AA SIANGPAHRANG A CANG,&#8221; tah heh a cang.</div><div class="p"> 39Ma letei aa pathle hrahpaw suanah a tuapaw pakhehpaw taco Ama cawh naisui hmo khei, &#8220;Khri cawh cang bei ceh maw? Nama a pachah la, kaaning zong ma pachah hrah tua!&#8221; tatah a tah.</div><div class="p"> 40Canghrasala, mehsua ahringpaw pakheh taco raw ka, &#8220;Khazing hmai heh ci bei ceh maw? Ama khatah a lopaw tah hreh na cangpaw heh! 41Kaaning cawh hreh tlang ka cang peh, kaa tuasanah khatah a tlahpaw kaa hmuh hi. Canghrasala ma cawngsaw heh cawh suanah zehmai tua be hi,&#8221; tatah a tah.</div><div class="p"> 42Mataico ama taco, &#8220;Zisu, na painah raang na phah tihtah a pa thui thlang my lo,&#8221; tatah a tah.</div><div class="p"> 43Zisu taco ma cawngsawpaw cawh, &#8220;Biahmuisui ka ca ching, kama khatah Paradis letah atoning na ung hra a,&#8221; tatah a chai.</div><div class="s">Zisu thihnah</div><div class="r">(Mt 27:45-56; Mk 15:33-41; Jh 19:28-30)</div><div class="p"> 44Ningching suimehlang hluihning hrong taitah zailang suimehlang pathung tai raang pungpaluh letah muinah a tlung, 45zecawtamaw tatah ning a khainah khah a calinah cawtah a cang. Taico, behnah ing letei pai pazypaw cawh pehning tah a hria chy. 46Zisu tah a thangpui tah, &#8220;Apaw, nama khatah ka thlawpaw ka chia,&#8221; tatah a y. Ma hraco a rei khy cangkawleh cawh a hu a ceh chung.</div><div class="p"> 47Ma cawh raekeh zakheh buipaw tah a hmuh tihtah Khazing cawh reithai ka, &#8220;Ma cawngsaw heh mehding a cang hrahring thlang,&#8221; tatah a tah. 48Ma hming ungzia hnikhui rua pawtei a pahmopaw cawngsaw vytei tah ma hming khah aa hmuh tihtah ngechia tah aa cacanghnaw a cung he ka, a seihly thlu he. 49Canghrasala, Galili raang tai tei a va zuipaw canu sahlo reipai tah Ama a hnihpaw vytei taco a langpa khei a daw he ka, ma hming sahlo cawh aa cai thlang.</div><div class="s">Zisu aa phungnah</div><div class="r">(Mt 27:57-61; Mk 15:42-47; Jh 19:38-42)</div><div class="p"> 50Ma leco Juda khongsil chung letah a taepaw mehchaw mehding a cangpaw Josef aa tahpaw ung ka, 51bia aa thliapaw le rai aa hrepaw cung letah a nawtlah beh. Ama cawh Judia raang, Arimathea khua taitah a vongpaw cang ka, Khazing painah raang a va tlungpaw a heh thlangpaw a cang. 52Pilat khaco va sei ka, Zisu a rawh cawh a va hae. 53Mataico a rawh cawh khraws taitah lawthlah ka, paithladih anaipaw tah pahlong ka, alung kho aa ruipaw thlai thapaw ahohmai aa phung bang lynah pawhe lekhei a isah. 54Ma cawh ningpangaw ning Sabat ning cawtah pachianah ning cang ka, Sabat ning cawh a patho daimang tei.</div><div class="p"> 55Galili taitah Zisu khatei a va seipaw he canu sahlo takhei Josef cawh zui he ka, athlai le a chung letei rawh cawh zekhatamaw aa isah tahpaw khah aa hmuh. 56Mataico aaning cawh ing lang a dih he ka, a rawh cawtah ringthopaw sahlo le zihmui ringthopaw aa pachia. Canghrasala phungbia aa zuinah cawtah khei Sabat ning leco a hia he.</div>
 </div>
 </div>
</div>

Mataico a pahmopaw vytei cawh tho he ka, Zisu cawh raang uhbui Pilat khatah aa seikhui. Taico, Ama cawh sua pu he ka, “Ma paw tahei kaa mingphing a pingpaly tah a hruipaw he kaa hmuh. Ama tahei Sizar khatah ngungkhui pei khe law tah ka, Khri a cangpaw siangpahrang ka cang a tah,” tatah aa tah.
Macawtaco Pilat tah Zisu cawh, “Juda cawngsaw aa siangpahrang cawh na cang maw?” tatah a hae.
“A cang, na reipaw hraco a cang,” tatah Zisu tah a palei.
Mataico, Pilat tah tlangbui macang sahlo le zawpuipaw cawh, “Ma paw sua pho rua pawtah hei a chahlynah zehmai hmuh bei neh,” tatah a thang he.
Canghrasala aaning sahlo taco, “Ama tahei Judia raang pungpaluh letei cawngsaw sahlo cawh a cawngpah ná tah hnahnawhnah a chuasah. Galili taitah a patho ka, ma tai heh a va phahpaw a cang,” tatah thaw tah aa rei.
Ma cawh a thui tihtah Pilat taco, “Ma paw heh Galili cawngsaw maw a cang?” a tah he. Zisu cawh Herod a uhnah rai letei a ungpaw Galili raang cawngsaw a cang tahpaw khah Pilat tah a hni tihtah ma ningcai letei Jerusalem letah a ung thlangpaw Herod khakhei a seisah khui he.
Herod tah Zisu a hmuh tihtah a lung a lawng ngetei, zecawtamaw tatah cai sypui hmuh a za du ngetei cawtah a cang. Zisu a thong khah a za thui teinah cawtah ningang chuipaw hming sahlo a tuapaw khah ka hmuh myca a, tatah a hnabei a sui. Bia a hlupui hae cakhia ka, canghrasala Zisu tah zehmai chai be. Tlangbui macang le phungbia cawngpahtu sahlo cawh ma leco a daw thlang hrah he ka, Zisu cawh a sah pui tah sua aa pu leimei. Mataico, Herod le a raekeh sahlo tah Zisu cawh hnuiso he ka, aa pasi aa pasa. Pai achaw ngeteipaw a buhsah he ka, Pilat khatah aa seisah kaw. Ma ning taico Pilat le Herod cawh huivesaw a cang he. Ma hlai taco a za carae tei he.
Pilat tah tlangbui macang sahlo le uhtu sahlo le zawpuipaw khah y pahmo he ka, aa hai letah, “Ma paw heh zawpui khah carae tah a thosah he tatei kama kha naa va chuakhuipaw khah a cang. Ama heh naa hmekaw letah haecakhia neh ka, reipachia tei sua naa pupaw heh a dongkhang be tatah ka hmuh. Herod zong tah, a suanah hmuh be ca ka, kaaning kha a va ma kua kawpaw a cang. Naa hmuh thlangpaw hratah thih tlang a tlahpaw hming zehmai tua be. Macawtaco chei sá he neh ka, mataico ka thlaw a,” tatah a tah he. Khungsai Panawnah ning maikaw letah Pilat tah thong a tlahpaw chung taitah pakheh khah a thlaw hrahring ruapaw a cang.
Zawpui sahlo cawh hmokheh tah y hrui he ka, “Ama cawh theh thlang la, Baraba khah ma thlawpah hri,” tatah aa tah. Baraba cawh khuapui chung letah rae a tho sahpaw a cang rawng tah le lee a nongpaw rawng tah thong a tlahpaw a cang.
Pilat tah Zisu cawh thlaw a dunah cawtah khei aaning cawh a hae hry he. Canghrasala aaning taco, “Khraws letah khaipai! Khraws letah khaipai!” tatah a y vy tima he.
A uithungnah leco aaning cawh, “Ze rawng tamaw? Ma paw tahei ze suanah ky maw a tua? Thihnah tai dangtá pawtah a panah zehmai hmuh bei neh. Macawtaco chei sá he neh ka, ka thlaw a,” tatah a tah he.
Canghrasala, Ama cawh khraws letah khaipai tatah tai lytah a thangpui tah y he ka, aa ypaw takhei Pilat khah a pahnei. Macawtaco Pilat tah aa haepaw khah peh a pawtah bia a chaw. Pilat taco hnahnawhnah le lenongnah rawng tei thong a tlahpaw, aa haepaw Baraba khah thlaw ka, aa dunah hrakhei tua rua pawtah Zisu cawh a hlai he.


Zisu cawh raekeh sahlo tah seikhui he ka, langpui letah khuatei lang tah khua a va tlongpaw Sairin khuapaw Simon khah tle he ka, khraws cawh a cung lekhei khing he ka, Zisu hninglang khei aa puhsah lai. Cawngsaw a rungpui takhei pazui he ka, a cawtah a ngechia katei, a cahpaw canu sahlo zong a ung hrah he. Zisu tah a paleh ka aa hai leco, “Jerusalem sawcanu sahlo pa cawkhui khe o, naaning naa cawtah le naa sawtei leh cawtah cah hri my lo, zemaw tah pawco, ‘A cingpaw canu sahlo, sawtei a pho bang lypaw chi le meimei zai bang lypaw hnabae sahlo cawh bonghnang a tingpaw a cang he,’ tatah naa tah nápaw cai a va chuh a! Mataico,
‘aaning sahlo tah tlaang sahlo cawh, “Ma tlahso law,” tah he ka,
tlangby sahlo khah, “Ma vuh law,” aa tah he a.’
Ma hming sahlo heh cawngsaw tah thingkung a hring thlang ningtah hmai aa tua caco, thingkung a ro tihtah co zemaw aa tua chichi a?” a tah he.
Ahringpaw cawngsaw pahning, mehsua va vei khah Zisu khatah thaw hrui rua pawtah aa seikhui hrah he. Luru hming aa tahpaw hminghmaw aa va phah tih taco, ma leco Ama cawh damia sahlo khakhei pakheh khah a cacang lang letah pakheh khah a cavui lang letah aa khaipai he. Zisu taco, “Apaw, ngethai my lo, aa tua leimeipaw heh aa hnilynah cawtah hei,” tatah a tah. Taico raekeh sahlo taco basung phe he ka, a chaichi cawh a chaichy he.
Zawpuipaw cawh ma lekhei a daw he ka, ming thlang he ka, uhtu sahlo tahmai tah aa hnuiso. “Cawngsaw ahringpaw cawh pachah he ka, Khazing a thingpaw, Khri a cang hmuisui caco, ato heh ama le ama cawh a pachah seh,” tatah aa tah.
Raekeh sahlo zong taco a vong he ka, Ama cawh pasipasa he ka, misur zu a thobahlapaw khah aa hlai. “Juda cawngsaw aa siangpahrang na cang caco nama le nama a pachah ca,” tatah aa tah.
A lu cung letei ca a ciapaw cawh, “MA HEH JUDA CAWNGSAW AA SIANGPAHRANG A CANG,” tah heh a cang.
Ma letei aa pathle hrahpaw suanah a tuapaw pakhehpaw taco Ama cawh naisui hmo khei, “Khri cawh cang bei ceh maw? Nama a pachah la, kaaning zong ma pachah hrah tua!” tatah a tah.
Canghrasala, mehsua ahringpaw pakheh taco raw ka, “Khazing hmai heh ci bei ceh maw? Ama khatah a lopaw tah hreh na cangpaw heh! Kaaning cawh hreh tlang ka cang peh, kaa tuasanah khatah a tlahpaw kaa hmuh hi. Canghrasala ma cawngsaw heh cawh suanah zehmai tua be hi,” tatah a tah.
Mataico ama taco, “Zisu, na painah raang na phah tihtah a pa thui thlang my lo,” tatah a tah.
Zisu taco ma cawngsawpaw cawh, “Biahmuisui ka ca ching, kama khatah Paradis letah atoning na ung hra a,” tatah a chai.


Ningching suimehlang hluihning hrong taitah zailang suimehlang pathung tai raang pungpaluh letah muinah a tlung, zecawtamaw tatah ning a khainah khah a calinah cawtah a cang. Taico, behnah ing letei pai pazypaw cawh pehning tah a hria chy. Zisu tah a thangpui tah, “Apaw, nama khatah ka thlawpaw ka chia,” tatah a y. Ma hraco a rei khy cangkawleh cawh a hu a ceh chung.
Ma cawh raekeh zakheh buipaw tah a hmuh tihtah Khazing cawh reithai ka, “Ma cawngsaw heh mehding a cang hrahring thlang,” tatah a tah. Ma hming ungzia hnikhui rua pawtei a pahmopaw cawngsaw vytei tah ma hming khah aa hmuh tihtah ngechia tah aa cacanghnaw a cung he ka, a seihly thlu he. Canghrasala, Galili raang tai tei a va zuipaw canu sahlo reipai tah Ama a hnihpaw vytei taco a langpa khei a daw he ka, ma hming sahlo cawh aa cai thlang.


Ma leco Juda khongsil chung letah a taepaw mehchaw mehding a cangpaw Josef aa tahpaw ung ka, bia aa thliapaw le rai aa hrepaw cung letah a nawtlah beh. Ama cawh Judia raang, Arimathea khua taitah a vongpaw cang ka, Khazing painah raang a va tlungpaw a heh thlangpaw a cang. Pilat khaco va sei ka, Zisu a rawh cawh a va hae. Mataico a rawh cawh khraws taitah lawthlah ka, paithladih anaipaw tah pahlong ka, alung kho aa ruipaw thlai thapaw ahohmai aa phung bang lynah pawhe lekhei a isah. Ma cawh ningpangaw ning Sabat ning cawtah pachianah ning cang ka, Sabat ning cawh a patho daimang tei.
Galili taitah Zisu khatei a va seipaw he canu sahlo takhei Josef cawh zui he ka, athlai le a chung letei rawh cawh zekhatamaw aa isah tahpaw khah aa hmuh. Mataico aaning cawh ing lang a dih he ka, a rawh cawtah ringthopaw sahlo le zihmui ringthopaw aa pachia. Canghrasala phungbia aa zuinah cawtah khei Sabat ning leco a hia he.

گوێگرتن لە LUKA 23