<div class="version vid855 iso6393mpg" data-vid="855" data-iso6393="mpg">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s">Tchod&#8217;a hi sumid&#8217;a ti zul he&#238;</div><div class="p"> 1Ata yima suma nde zul yam andagad&#8217;a, a nga vut gro aropma mi na, 2Alona groma#6.2 Alona groma: Nala, Malaika suma a le tchod&#8217;ina, d&#8217;oze suma a kal yam ndrozinina. a we gro arop ndazina a djif irazi he&#238;, a man suma a nde irazina, a vigiziya.</div><div class="p"> 3Kayam ndata, Ma didina mi dala: An mba ni ar Muzuk mana mba mi kak ki sana gak didin ndi; kayam mam mi sana mba mi mid&#8217;a, mba mi le bizad&#8217;a ni kis yam dok mb&#224;.</div><div class="p"> 4Kur bur m&#225;ma suma fuyogeina a nga yam andagad&#8217;a tua, ata yima Alona groma a mba a zlap ki gro aropmina, a vut grona; azi ni suma ad&#8217;eng suma a nga adjeuna, ni suma simiy&#234;zi nde yina he&#238;na.</div><div class="p"> 5Ata yima Ma didina mi we tchod&#8217;a hi suma nga d&#8217;i i avogovok djib&#8217;er mazid&#8217;a bur&#226; pet ni yam tcho d&#8217;a led&#8217;ina, 6mi mbut hat hurum yam le d&#8217;a mi le sana yam andagad&#8217;id&#8217;a. Kayam ndata, hurum zal ngola, 7mi de kurum ala: An mba ni dap ahle suma an lazi yam andagad&#8217;ina woyo, nala, suma, azureina, ambureina, ahle suma a dram k&#228; na kaluweina, kayam an hurun hat ngola yam le d&#8217;a an lazid&#8217;a. 8Wani Noe ni sama djivina avok Ma didina.</div><div class="s">Noe mi min batod&#8217;a</div><div class="p"> 9Wana ni zla d&#8217;a ded&#8217;a yam Noe-d&#8217;a: Noe ni sama d&#8217;ing&#234;r ma d&#8217;engzeng&#226; avok Alona, mi tit zlapa kAlona. 10Mi vut grona hindi, nala, Sem, Ham ki Jafet.</div><div class="p"> 11Alona mi we suma yam andagad&#8217;ina a mbut vama b&#8217;laka avoromu, ar&#238; asa&#8217;at ta led&#8217;a sasak, 12mi wazi a mbut vama b&#8217;laka, kayam azi pet a we nga lovot ta a tit kua yam andagad&#8217;id&#8217;a d&#8217;i.</div><div class="p"> 13Alona mi de mi Noe ala: An min dap suma woyo; ni kayam asa&#8217;at mazid&#8217;a ba, andagad&#8217;a mbut vama b&#8217;laka, an nga ni b&#8217;lagazi woi zlapa kandagad&#8217;a. 14Ang min bato d&#8217;a ngola kagu gofer&#226;, ang kat hurut teteng, ang gulud&#8217;ut hurut ki huyogot ki dubang&#226;. 15Ang lat fiyagat metred&#8217;a kis yam dok vahl, bubuwat metred&#8217;a dok mb&#224; yam vahl, fiyagat ta akulod&#8217;a metred&#8217;a dogo yam vahl mi. 16Ang le fenetred&#8217;a k&#228; ad&#8217;u azid&#8217;a yam batod&#8217;a adigazi ki d&#8217;a akulod&#8217;a go ki nus metred&#8217;a, ang ar vun ma kala huyok batod&#8217;a, ang minit akulo yam ndrata hurut hindi.</div><div class="p"> 17Mi dum kua ala: An nga ni kus mbina yam andagad&#8217;a &#225; b&#8217;lak ahle suma ari suma yam andagad&#8217;ina woi pet; ahle suma yam andagad&#8217;ina pet a mba bo woyo, 18wani an mba ni djin vunan ki sed&#8217;eng&#251;. Ang mba kal kur batod&#8217;a kamanga ki grong&#226; kamiy&#244;zina. 19Ang yo ahle suma arina ad&#8217;u andjavazi kakapa tutu pet, mandjuf&#226; katchad&#8217;a, kayam a kak karid&#8217;a zlapa ki sed&#8217;eng&#251;, 20aluweina kandjavaziya, d&#8217;uwar&#226; kandjavamu, ahle suma dram k&#228; na kandjavaziya, andjaf ahle suma lara ge pet mb&#224;mb&#224; ang tchuguzi geveng kayam a sud&#8217;a. 21Wani ang yo ahle suma te suma lara ge pet ad&#8217;ung&#251;, te mang&#226; ki te mazina mi.</div><div class="p"> 22 Noe mi lahlena pet d&#8217;igi Alona mi hum vuna na.</div>
 </div>
 </div>
</div>

Azumeina Bible © Alliance Biblique du Tchad, 1999.

Ata yima suma nde zul yam andagad’a, a nga vut gro aropma mi na, Alona groma a we gro arop ndazina a djif irazi heî, a man suma a nde irazina, a vigiziya.
Kayam ndata, Ma didina mi dala: An mba ni ar Muzuk mana mba mi kak ki sana gak didin ndi; kayam mam mi sana mba mi mid’a, mba mi le bizad’a ni kis yam dok mbà.
Kur bur máma suma fuyogeina a nga yam andagad’a tua, ata yima Alona groma a mba a zlap ki gro aropmina, a vut grona; azi ni suma ad’eng suma a nga adjeuna, ni suma simiyêzi nde yina heîna.
Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina, mi mbut hat hurum yam le d’a mi le sana yam andagad’id’a. Kayam ndata, hurum zal ngola, mi de kurum ala: An mba ni dap ahle suma an lazi yam andagad’ina woyo, nala, suma, azureina, ambureina, ahle suma a dram kä na kaluweina, kayam an hurun hat ngola yam le d’a an lazid’a. Wani Noe ni sama djivina avok Ma didina.

Wana ni zla d’a ded’a yam Noe-d’a: Noe ni sama d’ingêr ma d’engzengâ avok Alona, mi tit zlapa kAlona. Mi vut grona hindi, nala, Sem, Ham ki Jafet.
Alona mi we suma yam andagad’ina a mbut vama b’laka avoromu, arî asa’at ta led’a sasak, mi wazi a mbut vama b’laka, kayam azi pet a we nga lovot ta a tit kua yam andagad’id’a d’i.
Alona mi de mi Noe ala: An min dap suma woyo; ni kayam asa’at mazid’a ba, andagad’a mbut vama b’laka, an nga ni b’lagazi woi zlapa kandagad’a. Ang min bato d’a ngola kagu goferâ, ang kat hurut teteng, ang gulud’ut hurut ki huyogot ki dubangâ. Ang lat fiyagat metred’a kis yam dok vahl, bubuwat metred’a dok mbà yam vahl, fiyagat ta akulod’a metred’a dogo yam vahl mi. Ang le fenetred’a kä ad’u azid’a yam batod’a adigazi ki d’a akulod’a go ki nus metred’a, ang ar vun ma kala huyok batod’a, ang minit akulo yam ndrata hurut hindi.
Mi dum kua ala: An nga ni kus mbina yam andagad’a á b’lak ahle suma ari suma yam andagad’ina woi pet; ahle suma yam andagad’ina pet a mba bo woyo, wani an mba ni djin vunan ki sed’engû. Ang mba kal kur batod’a kamanga ki grongâ kamiyôzina. Ang yo ahle suma arina ad’u andjavazi kakapa tutu pet, mandjufâ katchad’a, kayam a kak karid’a zlapa ki sed’engû, aluweina kandjavaziya, d’uwarâ kandjavamu, ahle suma dram kä na kandjavaziya, andjaf ahle suma lara ge pet mbàmbà ang tchuguzi geveng kayam a sud’a. Wani ang yo ahle suma te suma lara ge pet ad’ungû, te mangâ ki te mazina mi.
Noe mi lahlena pet d’igi Alona mi hum vuna na.

گوێگرتن لە Ad’u Tinda 6