 If you would like a copy of this version please contact info@davaraudiobibles.org

Beembe Bible

<div class="version vid812 iso6393beq" data-vid="812" data-iso6393="beq">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s1">Yowane Mubotiki waheeke bantumu kuri Yesu</div><div class="r">(Luk 7.18-35)</div><div class="p"> 1Yesu kamana kuha ntumunu dzidzo kuri bayiki baandi bo kuumi na boolo, wayisika haho, na wayende mu kweyikisa na mu kwebikisa mu mabvula.</div><div class="p"> 2Ngo Yowane, mu boroko mu kaba, wayuka badzoonsolo mu biyiriki bya Kiristo. Nde ha kaheeke bayiki baandi, 3mu kumufuula ti: &#171;Ye ngo wunde wukwiisa, hoti, beetu tukiinga mukimi?&#187; 4Yesu wabvutula kuri bo ti: &#171;Yende lweluyaabisa kuri Yowane, mamo ma luri mu kuyuka na ma luri mu kumono: 5Bafwa miisu bamono, na bikata bikweyende, babeele bwaasi batsyeemekusu, bafwa makutu bayuka, bafwa bafuluka, na Musamu Wamubwete bari mu kuyaabisa kuri bawelu. 6Kiminu kuri wunde wuhele kubumina makya mu me.&#187;</div><div class="p"> 7Bayiki babo bamanaa kubvutuka, Yesu wabeke kudzoonso kuri mampuumbu mu ntoono Yowane ti: &#171;Nki beenu lweensyee kumono ku nsi ya nkatu? Dyaari dyanyingusu mu kiteembu? 8Heki nki beenu lweensyee kumono? Muutu walwaata binkuta byabibwe? Hambeti, balwaata binkuta byabibwete mu manzo ma bambyaasi babaanaa. 9Heki nki lweensyee kumono? Mubikiri? Heehe, nyiluleeriri ti nde bvuriri na mubikiri. 10Mu mitariri nde, diri dyatinu ti: "Mono, me nyiheeke munati-mukeensu waami ku mankula ma ye, nde wuyirika nzila yaaku, ku mankula ma ye." 11Ngwanwa me nyiluleele ti: Mu babutuka mu bakyeetu, kwahele wubvuriri bukuutu na Yowane Mubotiki; ngo wubvuriri bulesi mu Kimfumu kya mayulu, bvuriri bukuutu na nde. 12Kuholosono mu biluumbu bya Yowane Mubotiki, natee mu lumalu, Kimfumu kya mayulu kyanwaanusu; na baholo kyo, bangaa-makwa. 13Mukwongo, babikiri bobanso na Mangisi babikiri natee mu ntaangu ya Yowane. 14Ngo mbuti lutiiri kutaambula, lo nde ngo Eliya wuyelemini kwiisa. 15Mpisi wunde wuri na makutu hemese kayuka.&#187; 16&#171;Na na me nyifwanikisa kiseendu kimaki? Kyafwanikina na mwaa-baala badzakala ha kibeendu kya bobanso, na bari mu kuleele kuri bakaka, 17ti: "Beetu twasikiri nseembe mu beenu, ngo kasi beenu lwaasii kina ko; beetu twayimbiri mikuunga mya lufwa, ngo kasi beenu lwaasii tsoniso mansangasa ko!" 18Mukwongo, Yowane wayisa, wahele kwedya, na kwenwa, baatu baleele ti: "Nde wuri na mpeeve yayibi!" 19Mwaana muutu wayisa, wukwedya na wukwenwa, baatu kuleele ti: "Monee ngaa-mante ma kudya, yaa-kinwi, nduku batori ba mpaku na bangaa-masumu!" Madyeele mabaka buungu mu biyiriki byaandi.&#187;</div><div class="s1">Mabvula mabisa kusa kanyi</div><div class="r">(Luk 10.13-15)</div><div class="p"> 20Haho, Yesu wabeke kuseembe mabvula, mari nde wayirikiri bimaangu byaandi byalaka munsa mo, bukuri mo masii yiinga madyeele ko: 21&#171;Kyaari kuri ye Koradzi! Kyaari kuri ye Betesayida! Bukuri mbuti bimaangu byayirimini kuri beenu, ngo byayirimini ku Tiro na Sidoni, nkani na kidzika bo balweeti matsaaka na kuyoolo lufuta, nkani baketi yiinga madyeele. 22Ngo me nyileele kuri beenu ti, mu kiluumbu kya munsuundu, sa babvula kuseembe beenu ti na Tiro na Sidoni. 23Heki ye Kafarnawumi, buri natee ku yulu, ye wuba wadzaangusu? Natee ku nsuku lubila ye wusunduka; bukuri mbuti mu Sodoma mwa yirimini bimaangu byayirimini ku wuri ye, nkani Sodoma dyakiri natee lolo. 24Ngo me nyiluleele ti, mu kiluumbu kya munsuundu, ye sa babvula kukuseembe ti na nsi ya Sodoma.&#187;</div><div class="s1">Wasee kuri me mu kubaka mpuumunu</div><div class="r">(Luk 10.21-22)</div><div class="p"> 25Mu ntaangu yiyo, Yesu wabaangula mbeembu waleele ti: &#171;Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele. 26Bunubwo Taata, ye bubwo watiiriri ti buba ha busu bwaaku.&#187; 27&#171;Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.&#187; 28&#171;Waseenu kuri me, beenu-banso, bari na mpasi na bari na bilemu, na me sa nyaluha mpuumunu. 29Lwaateenu kihaangu kyaami, na yiikeenu kuri me, bukuri me nyiri na bundeembu na nyakuluka mu mutima, beenu sa lwabaka mpuumunu ya miheebulu myeenu. 30Mukwongo, kihaangu kya me kyahele na mpasi, na kinati kwaami kyaleenge.&#187;</div>
 </div>
 </div>
</div>

Nouveau Testament Beembe © Bible Society of the Republic of Congo, 2013.

Yesu kamana kuha ntumunu dzidzo kuri bayiki baandi bo kuumi na boolo, wayisika haho, na wayende mu kweyikisa na mu kwebikisa mu mabvula.
Ngo Yowane, mu boroko mu kaba, wayuka badzoonsolo mu biyiriki bya Kiristo. Nde ha kaheeke bayiki baandi, mu kumufuula ti: «Ye ngo wunde wukwiisa, hoti, beetu tukiinga mukimi?» Yesu wabvutula kuri bo ti: «Yende lweluyaabisa kuri Yowane, mamo ma luri mu kuyuka na ma luri mu kumono: Bafwa miisu bamono, na bikata bikweyende, babeele bwaasi batsyeemekusu, bafwa makutu bayuka, bafwa bafuluka, na Musamu Wamubwete bari mu kuyaabisa kuri bawelu. Kiminu kuri wunde wuhele kubumina makya mu me.»
Bayiki babo bamanaa kubvutuka, Yesu wabeke kudzoonso kuri mampuumbu mu ntoono Yowane ti: «Nki beenu lweensyee kumono ku nsi ya nkatu? Dyaari dyanyingusu mu kiteembu? Heki nki beenu lweensyee kumono? Muutu walwaata binkuta byabibwe? Hambeti, balwaata binkuta byabibwete mu manzo ma bambyaasi babaanaa. Heki nki lweensyee kumono? Mubikiri? Heehe, nyiluleeriri ti nde bvuriri na mubikiri. Mu mitariri nde, diri dyatinu ti: "Mono, me nyiheeke munati-mukeensu waami ku mankula ma ye, nde wuyirika nzila yaaku, ku mankula ma ye." Ngwanwa me nyiluleele ti: Mu babutuka mu bakyeetu, kwahele wubvuriri bukuutu na Yowane Mubotiki; ngo wubvuriri bulesi mu Kimfumu kya mayulu, bvuriri bukuutu na nde. Kuholosono mu biluumbu bya Yowane Mubotiki, natee mu lumalu, Kimfumu kya mayulu kyanwaanusu; na baholo kyo, bangaa-makwa. Mukwongo, babikiri bobanso na Mangisi babikiri natee mu ntaangu ya Yowane. Ngo mbuti lutiiri kutaambula, lo nde ngo Eliya wuyelemini kwiisa. Mpisi wunde wuri na makutu hemese kayuka.» «Na na me nyifwanikisa kiseendu kimaki? Kyafwanikina na mwaa-baala badzakala ha kibeendu kya bobanso, na bari mu kuleele kuri bakaka, ti: "Beetu twasikiri nseembe mu beenu, ngo kasi beenu lwaasii kina ko; beetu twayimbiri mikuunga mya lufwa, ngo kasi beenu lwaasii tsoniso mansangasa ko!" Mukwongo, Yowane wayisa, wahele kwedya, na kwenwa, baatu baleele ti: "Nde wuri na mpeeve yayibi!" Mwaana muutu wayisa, wukwedya na wukwenwa, baatu kuleele ti: "Monee ngaa-mante ma kudya, yaa-kinwi, nduku batori ba mpaku na bangaa-masumu!" Madyeele mabaka buungu mu biyiriki byaandi.»


Haho, Yesu wabeke kuseembe mabvula, mari nde wayirikiri bimaangu byaandi byalaka munsa mo, bukuri mo masii yiinga madyeele ko: «Kyaari kuri ye Koradzi! Kyaari kuri ye Betesayida! Bukuri mbuti bimaangu byayirimini kuri beenu, ngo byayirimini ku Tiro na Sidoni, nkani na kidzika bo balweeti matsaaka na kuyoolo lufuta, nkani baketi yiinga madyeele. Ngo me nyileele kuri beenu ti, mu kiluumbu kya munsuundu, sa babvula kuseembe beenu ti na Tiro na Sidoni. Heki ye Kafarnawumi, buri natee ku yulu, ye wuba wadzaangusu? Natee ku nsuku lubila ye wusunduka; bukuri mbuti mu Sodoma mwa yirimini bimaangu byayirimini ku wuri ye, nkani Sodoma dyakiri natee lolo. Ngo me nyiluleele ti, mu kiluumbu kya munsuundu, ye sa babvula kukuseembe ti na nsi ya Sodoma.»


Mu ntaangu yiyo, Yesu wabaangula mbeembu waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele. Bunubwo Taata, ye bubwo watiiriri ti buba ha busu bwaaku.» «Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.» «Waseenu kuri me, beenu-banso, bari na mpasi na bari na bilemu, na me sa nyaluha mpuumunu. Lwaateenu kihaangu kyaami, na yiikeenu kuri me, bukuri me nyiri na bundeembu na nyakuluka mu mutima, beenu sa lwabaka mpuumunu ya miheebulu myeenu. Mukwongo, kihaangu kya me kyahele na mpasi, na kinati kwaami kyaleenge.»

گوێگرتن لە Mat 11