Urarina - 2006 Edition (NT)

<div class="version vid692 iso6393ura" data-vid="692" data-iso6393="ura">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Jiurona rautaa Cana Coaunera Calaohi Jesosone</div><div class="p"> 1Nii baihate Jerosaleeun cauha cue Jesoso, Jorioocuru beseta bitoaane coina.</div><div class="p"> 2Nii Jerosaleeunte, carenero bacuujuaneein curuajaain nenaa acuujua rohan ne Beteseta neein curuajaain acau netaojia najaan. 3Ecute saoquiin niha loanarine jana nasaae daraacoore arajiin cunaitenacaauru, maosacuru, bacosacuru, neluhinaauru, jihuronacaauru, niichuru daraaque nerurujuaa nii acau netaojiane cohaca. 4Nii acau netaojia jetaote, tabaque nichoae fauha Cana Coaunera Letonone, nerurujuae nii acau. Nitohaneein nerurujuaane jana, ichoaaichaniha cuhane faui cunaitenaa jetaote nerautae.</div><div class="p"> 5Cuute ne leinjiin cacha, nichatachoonca fosa jaanacaain cunaaicha aina nei. 6Niite tocoeecohane jana coarae Cana Coaunera Calaohi Jesoso. Coaraane jana, inae nitohaneein carajaain cunai aina nihana jaunte, rai: &#8220;Nerautanaa jereeina&#8221;, naain caje bajaa Jesosone janate:</div><div class="p"> 7&#8220;Eejeen, aihanu niquicha. Nete nene caa acau netaojianaja cuhane canu faeraanura. Faunaa jerichaaunne naineeinte, canu ichoachaniha faaure leeochaaurura&#8221;, naa nii cunaitenaane janate:</div><div class="p"> 8&#8220;Saan. Chajaain nimichuhin chela seriin amuute coaracaara&#8221;, naa Jesosone janate, 9nii rijieeoritiin caoachanainejeein nerautaain, nela seriin nichaauraain jelai caje amue nii cunaitenaa.</div><div class="p">Nii janate nebetacanaa janonaa bana nitohanai ichaane jaun, coaraain: 10&#8220;Ta cocoaeraa chaelai baijiera erenene coitucuhinete, nebetacanaa cojoanonaa nihane saijieein anajiin baijiaai&#8221;, naauruha rai Jorioocurune janate:</div><div class="p"> 11&#8220;Aihanu niqui, nete caletoae canu cunai caje carautaera&#8221;, naane jana:</div><div class="p"> 12&#8220;Chate nii nitohanai ichaaine coina eletoaeta&#8221;, naain niqui bajaauruhane jana 13coitucuene, arajiin cacha jana nitajeoriha Jesosone jaun.</div><div class="p"> 14Nii baihate nii Jerosaleeun nenaa ita taojiaain Cana Coaunera bajaauruha Jorioocuru najaan Teenforo asaae eruhin:</div><div class="p">&#8220;Aonaau, inae laaen nerautaaicha. Jiaonria coaiteen naosatenaa coaauquine. Coaiteeinete jelai amuritoeriin coaraa curiquiincha&#8221;, naa Jesoso raine jaunte, 15Jorioocuru rai biha cue:</div><div class="p">&#8220;Acate carautaera&#8221;, naain. 16Nii jaunte Jesoso aina nejerateein, jataain sohin jaonaa jerecure Jorioocuru, nitohaneein nebetacanaa janonaa bana cacha rautaane jaun.</div><div class="p"> 17Nii jaunte: &#8220;Joaenreein bana amihaniha Ofana jaunna, jerichanejeein ichaaunra&#8221;, nae Cana Coaunera Calaohi Jesoso.</div><div class="p"> 18Niritoha Jesosone jaunte, jataain jelaichoae jauhecotojoeriin aina obajeein sohin jaonaa jerecure. Chaaen nebetacanaa janonaa que aitocuruhane tonoraelanaala, &#8220;Cana Coaunera Calaohi nihane jaun jete, ichaa Cana Coaunerane rijijieein ichae&#8221;, naane corenihane maajeein jataain rautaaurene Jorioocuru.</div><div class="s">Rai inaca Cana Coaunera cocoainanohineein niha Cana Coaunera Calaohine</div><div class="p"> 19Nii jaunte: &#8220;Esinaena rauhijiriin aitoreeunni inara rai, Coatiha casuujua caje coaauneein quiicha jerei ichana nainihaaun, Cana Coaunera Calaohi nichaaun natiin. Acaihanejein Ofaacha jerenohichane ichaaun. Itolere Ofaacha ichaine ichaaun canu netonai. 20Cacoelaiha Ofa Cana Coaunerana jaunte, itolere niicha ichai que canotajae. Chaaen techu jeelai choae jauhecotojoeriin caque itolere ichaain inara notaaratihane, nii cojoelatiin coaraa curiquicheein. 21Onacaauru ichateein acaauru rai ichaonaa tiha Ofa Cana Coaunerana jaunna, canu netonai quiicha belaihuri ichateein acaauru rai ichaonaa teeun. 22Chabana cacha coujuhin coaraai Ofa Cana Coaunera. Coatiha ichana nainenihane caun aihei. Nii jaunte canu cocoainaain caletoae cacha coujuhin coaraaunnuque, 23chaaen rijijieein jataain curuaanaa neein nihanune coitucuhin, rai nere tonoraauruhane rijijieein quere netonai tonoraauruhane coina. Cha teeinti quere tonoraene, niite caletoaera Ofa ere tonoraenereein.</div><div class="p"> 24Caletoaera ere esenetaain, quere tonoraain naaojoain neeichenena inara coujuhin inara coaraelanaala rauhijiriin nitajenaachara nejeein nenaa ichaonaa tereeunni inara rai, jaoleneein neeichene coataa. Esinaena rauhijiriin aitoon.</div><div class="p"> 25Enene caje coauneeinte Cana Coaunera Calaohineein nihanune ere aonacuruha Cana Coaunera coitucuhi cachaaurune jana, quere tonoraauruhane, acaauru suujua coriha cureein Cana Coaunera. 26Raajenihane ichaonaa nitajenaachara nejeein nenaa ichaonaa teraneein niha Ofa Cana Coaunerana jaunna, jerichanejeein rijijieein nenaa rai calaohi nichaaunne jaun canu netonai nitajenaachara nejeein nenaa ichaonaa teeun. 27Inaraacha cohajei cacha calaohi nichaaunne cocoainaainte caletoae, caohachaain ichaaoruhane coaraain baasoneein ichaonacaauru ichao rucuheranu que. 28Coa caa aitocoaunne cojoaelatohache. Inae cojoinaca que turuhane banate, rai nere aonacurureein. 29Nii banate natane bana caje mituurureein satiin onacaauru, caohacha icharaauru nitajenaachara nejeein nenaa ichaonaa raauruhane jana, baaso icharaaurute caseteco coaraa cuurureein.</div><div class="p"> 30Coatiha casuujua caje coaauneein cacha coujuhin coarahaaun. Aitiin caletoaa Ofane rijijieeina rauhijiriin cacha coujuhin coaraaun.</div><div class="p"> 31&#8216;Cana Coaunera Calaohi nichaunra&#8217;, naain irihanu caraajenianene caohacharihei. 32-33Inae Joaan caje bajaerateichene jana, rauhijiriin inara rai bihalu Joaan. Aihana jaun, esenetaaichenete caohachae, Cana Coaunera ere beraneein niha Joaane coitucuhichene jaun.</div><div class="p"> 34Esinaete rauhijiriinte caque aite Joaan acauhanau teein cachaauru coujunacateein baotisaera, caje bajaaichene jana niqui, nena cacha aitohane lateneeun. Jianacoon mituhin neeiche osa cajene jerena caaunna, caa niritiin aitoon.</div><div class="p"> 35Aca aiha leinjiin conone rijijieein niha Joaane jaunte niqui, coroajeein neeichelu basiinjiin reeintiariin. 36Chaaen techu, &#8216;Acate canaacha cohajeinera&#8217;, naain inara rai biha rauhijiriin Joaane choae tacaain techu niqui, inara nota que itolere ichacaaunne coaraquiche. Nii quiicha ichaina ichaaun, esinae rauhijiriin caletoaa Ofa Cana Coaunerane coitucuhichene coina.</div><div class="p"> 37-40Chariji bana Cana Inaca Cana Coaunera coaraain nere aonaheeiche niqui. Nete, nere bera inoaesihuru que catohaneein turuhanune berateein laenaeratihalu Cana Inaca najaan que nerelaaiche niqui, caje ichaonaa nitajenaachara nejeein nenaa raaichene coina. Nete nii aitohane rijijieein caletoaa Cana Inacane esenetaeneeichene jaun raenereicheein.</div><div class="p"> 41Nii jaunna caque tacaain canu coroajeein caraaichene jereneeun. 42Chaaen nachu raotojoeein Cana Coaunera jereein, nere tonoraain neneeichene coitucuun.</div><div class="p"> 43Cana Inaca Cana Coaunerate niqui caletoae. Nete, caohachaain canu ranaa jereneeiche. Jana inara rene turuhin, &#8216;Canune Cana Coaunera letono neeunra&#8217;, naa inara rene turuhin Cana Coaunera letono niheinete laen caohachaain rariquiche.</div><div class="p"> 44Cana Coaunera coacuelanaala itaacha coroajeein, &#8216;Iite caohati cachaneein neeicha&#8217;, naain neeichene jaunte, quesenetana naineneeiche.</div><div class="p"> 45Coatiha Ofa rai inara colurujuenaa coauhaaun canu. Nii Moisesa inaraacha esenetaaite laen Cana Coaunera rai inara colurujuereein. 46Moisesa aitoonjoan esenetaaichene jana nihanete, quesenetareeiche, catohaneein turuhanune que aitiin laenaelu Moisesane jaun. 47Nii aitiin niicha laenai esenetaeneeichene, chatohaneein jana aitocoaunne esenetareeiche&#8221;, nae Jesoso.</div>
 </div>
 </div>
</div>

Nii baihate Jerosaleeun cauha cue Jesoso, Jorioocuru beseta bitoaane coina.
Nii Jerosaleeunte, carenero bacuujuaneein curuajaain nenaa acuujua rohan ne Beteseta neein curuajaain acau netaojia najaan. Ecute saoquiin niha loanarine jana nasaae daraacoore arajiin cunaitenacaauru, maosacuru, bacosacuru, neluhinaauru, jihuronacaauru, niichuru daraaque nerurujuaa nii acau netaojiane cohaca. Nii acau netaojia jetaote, tabaque nichoae fauha Cana Coaunera Letonone, nerurujuae nii acau. Nitohaneein nerurujuaane jana, ichoaaichaniha cuhane faui cunaitenaa jetaote nerautae.
Cuute ne leinjiin cacha, nichatachoonca fosa jaanacaain cunaaicha aina nei. Niite tocoeecohane jana coarae Cana Coaunera Calaohi Jesoso. Coaraane jana, inae nitohaneein carajaain cunai aina nihana jaunte, rai: “Nerautanaa jereeina”, naain caje bajaa Jesosone janate:
“Eejeen, aihanu niquicha. Nete nene caa acau netaojianaja cuhane canu faeraanura. Faunaa jerichaaunne naineeinte, canu ichoachaniha faaure leeochaaurura”, naa nii cunaitenaane janate:
“Saan. Chajaain nimichuhin chela seriin amuute coaracaara”, naa Jesosone janate, nii rijieeoritiin caoachanainejeein nerautaain, nela seriin nichaauraain jelai caje amue nii cunaitenaa.
Nii janate nebetacanaa janonaa bana nitohanai ichaane jaun, coaraain: “Ta cocoaeraa chaelai baijiera erenene coitucuhinete, nebetacanaa cojoanonaa nihane saijieein anajiin baijiaai”, naauruha rai Jorioocurune janate:
“Aihanu niqui, nete caletoae canu cunai caje carautaera”, naane jana:
“Chate nii nitohanai ichaaine coina eletoaeta”, naain niqui bajaauruhane jana coitucuene, arajiin cacha jana nitajeoriha Jesosone jaun.
Nii baihate nii Jerosaleeun nenaa ita taojiaain Cana Coaunera bajaauruha Jorioocuru najaan Teenforo asaae eruhin:
“Aonaau, inae laaen nerautaaicha. Jiaonria coaiteen naosatenaa coaauquine. Coaiteeinete jelai amuritoeriin coaraa curiquiincha”, naa Jesoso raine jaunte, Jorioocuru rai biha cue:
“Acate carautaera”, naain. Nii jaunte Jesoso aina nejerateein, jataain sohin jaonaa jerecure Jorioocuru, nitohaneein nebetacanaa janonaa bana cacha rautaane jaun.
Nii jaunte: “Joaenreein bana amihaniha Ofana jaunna, jerichanejeein ichaaunra”, nae Cana Coaunera Calaohi Jesoso.
Niritoha Jesosone jaunte, jataain jelaichoae jauhecotojoeriin aina obajeein sohin jaonaa jerecure. Chaaen nebetacanaa janonaa que aitocuruhane tonoraelanaala, “Cana Coaunera Calaohi nihane jaun jete, ichaa Cana Coaunerane rijijieein ichae”, naane corenihane maajeein jataain rautaaurene Jorioocuru.

Nii jaunte: “Esinaena rauhijiriin aitoreeunni inara rai, Coatiha casuujua caje coaauneein quiicha jerei ichana nainihaaun, Cana Coaunera Calaohi nichaaun natiin. Acaihanejein Ofaacha jerenohichane ichaaun. Itolere Ofaacha ichaine ichaaun canu netonai. Cacoelaiha Ofa Cana Coaunerana jaunte, itolere niicha ichai que canotajae. Chaaen techu jeelai choae jauhecotojoeriin caque itolere ichaain inara notaaratihane, nii cojoelatiin coaraa curiquicheein. Onacaauru ichateein acaauru rai ichaonaa tiha Ofa Cana Coaunerana jaunna, canu netonai quiicha belaihuri ichateein acaauru rai ichaonaa teeun. Chabana cacha coujuhin coaraai Ofa Cana Coaunera. Coatiha ichana nainenihane caun aihei. Nii jaunte canu cocoainaain caletoae cacha coujuhin coaraaunnuque, chaaen rijijieein jataain curuaanaa neein nihanune coitucuhin, rai nere tonoraauruhane rijijieein quere netonai tonoraauruhane coina. Cha teeinti quere tonoraene, niite caletoaera Ofa ere tonoraenereein.
Caletoaera ere esenetaain, quere tonoraain naaojoain neeichenena inara coujuhin inara coaraelanaala rauhijiriin nitajenaachara nejeein nenaa ichaonaa tereeunni inara rai, jaoleneein neeichene coataa. Esinaena rauhijiriin aitoon.
Enene caje coauneeinte Cana Coaunera Calaohineein nihanune ere aonacuruha Cana Coaunera coitucuhi cachaaurune jana, quere tonoraauruhane, acaauru suujua coriha cureein Cana Coaunera. Raajenihane ichaonaa nitajenaachara nejeein nenaa ichaonaa teraneein niha Ofa Cana Coaunerana jaunna, jerichanejeein rijijieein nenaa rai calaohi nichaaunne jaun canu netonai nitajenaachara nejeein nenaa ichaonaa teeun. Inaraacha cohajei cacha calaohi nichaaunne cocoainaainte caletoae, caohachaain ichaaoruhane coaraain baasoneein ichaonacaauru ichao rucuheranu que. Coa caa aitocoaunne cojoaelatohache. Inae cojoinaca que turuhane banate, rai nere aonacurureein. Nii banate natane bana caje mituurureein satiin onacaauru, caohacha icharaauru nitajenaachara nejeein nenaa ichaonaa raauruhane jana, baaso icharaaurute caseteco coaraa cuurureein.
Coatiha casuujua caje coaauneein cacha coujuhin coarahaaun. Aitiin caletoaa Ofane rijijieeina rauhijiriin cacha coujuhin coaraaun.
‘Cana Coaunera Calaohi nichaunra’, naain irihanu caraajenianene caohacharihei. Inae Joaan caje bajaerateichene jana, rauhijiriin inara rai bihalu Joaan. Aihana jaun, esenetaaichenete caohachae, Cana Coaunera ere beraneein niha Joaane coitucuhichene jaun.
Esinaete rauhijiriinte caque aite Joaan acauhanau teein cachaauru coujunacateein baotisaera, caje bajaaichene jana niqui, nena cacha aitohane lateneeun. Jianacoon mituhin neeiche osa cajene jerena caaunna, caa niritiin aitoon.
Aca aiha leinjiin conone rijijieein niha Joaane jaunte niqui, coroajeein neeichelu basiinjiin reeintiariin. Chaaen techu, ‘Acate canaacha cohajeinera’, naain inara rai biha rauhijiriin Joaane choae tacaain techu niqui, inara nota que itolere ichacaaunne coaraquiche. Nii quiicha ichaina ichaaun, esinae rauhijiriin caletoaa Ofa Cana Coaunerane coitucuhichene coina.
Chariji bana Cana Inaca Cana Coaunera coaraain nere aonaheeiche niqui. Nete, nere bera inoaesihuru que catohaneein turuhanune berateein laenaeratihalu Cana Inaca najaan que nerelaaiche niqui, caje ichaonaa nitajenaachara nejeein nenaa raaichene coina. Nete nii aitohane rijijieein caletoaa Cana Inacane esenetaeneeichene jaun raenereicheein.
Nii jaunna caque tacaain canu coroajeein caraaichene jereneeun. Chaaen nachu raotojoeein Cana Coaunera jereein, nere tonoraain neneeichene coitucuun.
Cana Inaca Cana Coaunerate niqui caletoae. Nete, caohachaain canu ranaa jereneeiche. Jana inara rene turuhin, ‘Canune Cana Coaunera letono neeunra’, naa inara rene turuhin Cana Coaunera letono niheinete laen caohachaain rariquiche.
Cana Coaunera coacuelanaala itaacha coroajeein, ‘Iite caohati cachaneein neeicha’, naain neeichene jaunte, quesenetana naineneeiche.
Coatiha Ofa rai inara colurujuenaa coauhaaun canu. Nii Moisesa inaraacha esenetaaite laen Cana Coaunera rai inara colurujuereein. Moisesa aitoonjoan esenetaaichene jana nihanete, quesenetareeiche, catohaneein turuhanune que aitiin laenaelu Moisesane jaun. Nii aitiin niicha laenai esenetaeneeichene, chatohaneein jana aitocoaunne esenetareeiche”, nae Jesoso.

گوێگرتن لە Joaancha Laenai 5