Quechua, Cajamarca - 2004 Edition (NT) Drama

Quechua, Cajamarca - 2004 Edition (NT)

<div class="version vid648 iso6393qvc" data-vid="648" data-iso6393="qvc">
    <div class="book bkMAT">
        <div class="chapter ch6" data-usfm="MAT.6">
            <div class="label">6</div><div class="s"><span class="heading">Suqkunata yanapashun, piru ama alabadu kananchiq</span></div><div class="p"><span class="content">  </span><span class="verse v1" data-usfm="MAT.6.1"><span class="label">1</span><span class="content">Jisusqam kayshinapis yach'achikurqan:</span></span></div><div class="p"><span class="verse v1" data-usfm="MAT.6.1"><span class="content">&#8212;Ima allikunata rurashpaqa, ama rurayllapachu, runakuna rikashushpa alabashunambaq. Alabadu kaptikillapaqam, Tayta Dyusqa mana qoshunqallapachu primyuykitaqa. </span></span><span class="verse v2" data-usfm="MAT.6.2"><span class="label">2</span><span class="content">Chayri pubrisitukunata yanapashpaqa, ama pitapis parlachiychu: &#8220;Kayshinam noqaqa yanapakuni&#8221;, nishpaqa, Dyusta chay shiminwanlla kasuqkunashinaqa. Chaqa chay shiminwanlla kasukuqkunaqam pita imanllapata qoshpaqa, sinaguga wasipi, kallikunapi yanapakushqanda rimanllapa, uyaqkuna paykunata alabananllapa. Piru alliptam niykillapa, paykunaqam chayshina alabadukuna kashpaqa, manana Dyusmandaqa nimatapis rinllapachu ch'askiq. </span></span><span class="verse v3" data-usfm="MAT.6.3"><span class="label">3</span><span class="content">Chayri ufrindaykita qoptikiqa, ama ni mas kuyashqayki yanasuyki (yanasayki) yach'anqachu. </span></span><span class="verse v4" data-usfm="MAT.6.4"><span class="label">4</span><span class="content">Chayshina pakashpa qoptikiqam, Taytanchiq Dyus rikashuqlla ufrindaykipaqqa yach'anqaqa. Chaymi payqa yumbaypa &#241;awpambi primyuykitaqa rin qoshuq.</span></span></div><div class="s"><span class="heading">Tayta Dyuswan kayshina parlashun</span></div><div class="r"><span class="heading">(Lk 11.2-4)</span></div><div class="p"><span class="verse v4" data-usfm="MAT.6.4"><span class="content">  </span></span><span class="verse v5" data-usfm="MAT.6.5"><span class="label">5</span><span class="content">Jisusqam nirqambis:</span></span></div><div class="p"><span class="verse v5" data-usfm="MAT.6.5"><span class="content">&#8212;Amar chay shiminwanlla kasukuqshinaqa Tayta Dyusmanqa ma&#241;akuyllapachu. Chaqa paykunaqam ancha gustanllapa shayashpa sinaguga wasikunapi, kallikunapa iskinangunapi Dyusman ma&#241;akuyta, suqkuna rikanambaq. Piru alliptam niykillapa, paykunaqam chayshina kay bidapi alabashqakuna kashpaqa, Dyusmandaqa mana nima primyuta rinllapachu ch'askiq. </span></span><span class="verse v6" data-usfm="MAT.6.6"><span class="label">6</span><span class="content">Chayri qamkunaqa ama paykunashinaqa kayllapachu. Ashwanri Dyusman munashpa ma&#241;akuytaqa, uku wasikiman yaykushpa, punguykita kirpashpa, sapalaykilla Dyusman ma&#241;akuy. Chayshina ma&#241;akuptikiqam, Tayta Dyuslla uyashushpa, suq shumaq primyuta &#763;yumbaypa &#241;awpambi&#764; rin qoshuqllapa.</span></span></div><div class="p"><span class="verse v6" data-usfm="MAT.6.6"><span class="content">  </span></span><span class="verse v7" data-usfm="MAT.6.7"><span class="label">7</span><span class="content">&#8217;Piru Dyusman ma&#241;akunaykillapaqa, ama kutin kutinqa rimayllapachu Dyuspi mana kriyiqkunashinaqa. Chaqa paykunaqam kutin kutin ancha ma&#241;akunllapa dyusningunaman, yuyashpa: Achkata rimashpa ma&#241;akuptiymi, dyusniykuna rinllapa uyawaq, nishpa. </span></span><span class="verse v8" data-usfm="MAT.6.8"><span class="label">8</span><span class="content">Amar paykunashinaqa kayllapachu. Chaqa Taytanchiq Dyusqam manaraq ni ma&#241;akuptiki, yach'anna imam faltashungi, nishpa. </span></span><span class="verse v9" data-usfm="MAT.6.9"><span class="label">9</span><span class="content">Chayri kayshina Tayta Dyusman ma&#241;akuyllapa:</span></span></div><div class="q"><span class="verse v9" data-usfm="MAT.6.9"><span class="content">Taytanchiq Dyusitu syilupi kaq, qamllam ancha santu, mana nima uchayuqchu kangi. Chaymi ancha balin, yumbay runa, warmi qamtalla alabashunanllapa.</span></span></div><div class="q"><span class="verse v9" data-usfm="MAT.6.9"><span class="content">  </span></span><span class="verse v10" data-usfm="MAT.6.10"><span class="label">10</span><span class="content">Shamuyri, qamna yumbayta shumaqta kamachinayki. Qam munashqaykitar yumbay runa warmi kay pachapi ruranqallapa, anaq syilupi ruraqkunashina.</span></span></div><div class="q"><span class="verse v10" data-usfm="MAT.6.10"><span class="content">  </span></span><span class="verse v11" data-usfm="MAT.6.11"><span class="label">11</span><span class="content">Taytitu, tukuy diyapaqri mikunitayta qowayllapa.</span></span></div><div class="q"><span class="verse v11" data-usfm="MAT.6.11"><span class="content">  </span></span><span class="verse v12" data-usfm="MAT.6.12"><span class="label">12</span><span class="content">Mana allita rurashqaytapisri pirdunawayllapa, noqaykuna waq mana alli rurawaqkunata pirdunashqayshina.</span></span></div><div class="q"><span class="verse v12" data-usfm="MAT.6.12"><span class="content">  </span></span><span class="verse v13" data-usfm="MAT.6.13"><span class="label">13</span><span class="content">Dyablu munaptin tyintawaytapisri, ama dijaychu uchata rurachiwananqa. Ashwanri tukuy chay mana allikunamanda washawayllapa.</span></span></div><div class="q"><span class="verse v13" data-usfm="MAT.6.13"><span class="content">&#763;Tukuy imar qamtalla kasushunqa. Chaqa qamllam ancha pudirniyuqqa kangi. Qamllam ancha shumaqtaqa llipyangi. Chayshinallar tukuy tyimpu kanqa,&#764; nishpa.</span></span></div><div class="p"><span class="verse v13" data-usfm="MAT.6.13"><span class="content">  </span></span><span class="verse v14" data-usfm="MAT.6.14"><span class="label">14</span><span class="content">&#8217;Chayri yumbay da&#241;achishuqkunata pirdunayllapa. Chaqa mayqan runa ichu warmi mana allita rurashuptin, qamkuna pirdunaptikiqam, syilupi kaq Tayta Dyuspis uchaykimanda rin pirdunashuq. </span></span><span class="verse v15" data-usfm="MAT.6.15"><span class="label">15</span><span class="content">Piru paykunata mana pirdunaptikiqam, Taytanchiq Dyuspis mana rinchu pirdunashuqllapa.</span></span></div><div class="s"><span class="heading">Jisusmi nirqan, runakunapa &#241;awpambiqa ama ayunananchiq</span></div><div class="p"><span class="verse v15" data-usfm="MAT.6.15"><span class="content">  </span></span><span class="verse v16" data-usfm="MAT.6.16"><span class="label">16</span><span class="content">Jisusqam kayshinapis yach'achikurqan:</span></span></div><div class="p"><span class="verse v16" data-usfm="MAT.6.16"><span class="content">&#8212;Ayunashpaqa, ama rurayllapachu Dyusta shiminwanlla kasuqkunashinaqa. Chaqa paykunaqam ayunashpaqa, llakiqkunashina tukunllapa, rikaqkuna ninanllapa: &#8220;Rikay, akak&#225;w, ayunaykanllapam&#8221;, nishpa. Piru allita uyawayllapa: chay shiminwanlla kasukuqkunapaq chayshina niptinllapaqam, Dyusmandaqa mana nima primyunda rinllapachu ch'askiq. </span></span><span class="verse v17" data-usfm="MAT.6.17"><span class="label">17</span><span class="content">Chayraykur qamkuna ayunashpaqa, qaqllaykita mayllashpa, shumaqta &#241;aqchakuyllapa, </span></span><span class="verse v18" data-usfm="MAT.6.18"><span class="label">18</span><span class="content">rikashuqkuna ama yach'anambaq: Chay runam ayunaykan, nishpa. Chayshina ruraptikillapaqam, Tayta Dyuslla yach'anqa. Chaymi payqa primyuykita &#763;yumbaypa &#241;awpambi&#764; rin qoshuq.</span></span></div><div class="s"><span class="heading">Dyusta kasushpaqam, syilupi tukuy imayuq rinchiq kaq</span></div><div class="r"><span class="heading">(Lk 12.33-34)</span></div><div class="p"><span class="verse v18" data-usfm="MAT.6.18"><span class="content">  </span></span><span class="verse v19" data-usfm="MAT.6.19"><span class="label">19</span><span class="content">Jisusqam nirqambis:</span></span></div><div class="p"><span class="verse v19" data-usfm="MAT.6.19"><span class="content">&#8212;Amar llakiyllapachu, kay mundupi tukuy imayuq kanaykiqa. Chaqa kay mundupiqam pulillakuna chay kusasnikikunata rin kush'kuq. Wakin kusasnikiqam rin muqosuyaq. Wakindaqam ladrunguna rin apaq. </span></span><span class="verse v20" data-usfm="MAT.6.20"><span class="label">20</span><span class="content">Chay kusaskunamandaqa ashwan mushuq bidapaq syilupi ancha yuyayllapa. Chaqa waqpiqam mana nima pulillaqa kanchu, imatapis kush'kunanllapaqa. Manam nimapis rinchu muqosuyaq, ni ladrunguna kanchu apananllapaqa. </span></span><span class="verse v21" data-usfm="MAT.6.21"><span class="label">21</span><span class="content">Chayri allita yuyayllapa, tukuy imaykiwan Dyuspaq trabajanayki. Chayshina trabajashpaqam, Dyuspilla ringillapa yuyakuq; mananam kusasnikipiqa.</span></span></div><div class="s"><span class="heading">Dyuspi allita yuyakushpaqam, allin &#241;awiyuqshina kanchiqllapa</span></div><div class="r"><span class="heading">(Lk 11.34-36)</span></div><div class="p"><span class="verse v21" data-usfm="MAT.6.21"><span class="content">  </span></span><span class="verse v22" data-usfm="MAT.6.22"><span class="label">22</span><span class="content">Jisusqam kayshinapis yach'achikurqan:</span></span></div><div class="p"><span class="verse v22" data-usfm="MAT.6.22"><span class="content">&#8212;&#209;awinchiqqam kwirpunchiqpa michanshina. Chaymi ancha yanapawanchiq allita rikakushpa, yach'ananchiq: &#191;Maymanmi rini? nishpa. Chayshinallam Dyuspis suq michashina paypi kriyiqkunapaqqa. Chaqa paymi yanapawanchiq, yach'ananchiq: &#191;Imam alli? &#191;Imam mana allichu? nishpa. </span></span><span class="verse v23" data-usfm="MAT.6.23"><span class="label">23</span><span class="content">Piru Dyusmanda akrakashpaqam, tutayaqpishina puriykanchiq. Chaymi mana nimatapis rinchiqchu intyindiq Dyuspaqqa.</span></span></div><div class="s"><span class="heading">&#191;Mayqanmi mas balin: Dyus ichu qellay?</span></div><div class="r"><span class="heading">(Lk 16.13)</span></div><div class="p"><span class="verse v23" data-usfm="MAT.6.23"><span class="content">  </span></span><span class="verse v24" data-usfm="MAT.6.24"><span class="label">24</span><span class="content">&#8217;Manam pipis atinchu ishkay patrunda kasuytaqa. Chaqa ishkay patrunniyuq kashpaqam, suq patrunninda ch'iqnishpa, suqta masta kuyanman. Chaymandaqam suqta manana kasushpachu, suqtana masta kasurinman. Chayshinallam noqanchiqkunapis mana atinchiqchu Dyusta qellaytapis pullata kasuytaqa.</span></span></div><div class="s"><span class="heading">Dyusmi kwidan paypi yuyakuqkunata</span></div><div class="r"><span class="heading">(Lk 12.22-31)</span></div><div class="p"><span class="verse v24" data-usfm="MAT.6.24"><span class="content">  </span></span><span class="verse v25" data-usfm="MAT.6.25"><span class="label">25</span><span class="content">Jisusqam nirqambis:</span></span></div><div class="p"><span class="verse v25" data-usfm="MAT.6.25"><span class="content">&#8212;Noqaqam niykillapa, ama llakiyllapachu: &#191;Imataraq mikushaq? &#191;Imataraq upyashaq kawsanaypaqqa? &#191;Imataraq rurakushaq? nishpallapaqa. Ima, &#191;manachu yach'angillapa, Taytanchiq Dyusmi bidaykita qoshushqanshina, mikunaykitapis rin qoshuq kawsanaykipaq, nishpaqa? Ima &#191;manachu yach'angillapa, paymi kwirpuykillapata rurashqanshina rin yanapashuqllapa mudanayuqpis kanaykillapa, nishpaqa? </span></span><span class="verse v26" data-usfm="MAT.6.26"><span class="label">26</span><span class="content">Pishqokunata chapashpa, allita yuyayllapa: Paykunaqam mana tarpukunllapachu, ni kusichakunllapachu, ni trujakunapi granukunata tandanllapachu. Piru Tayta Dyus paykunata mantyinin. Dyuspaqqam qamkunaqa masta balingillapa chay pishqokunamandaqa. </span></span><span class="verse v27" data-usfm="MAT.6.27"><span class="label">27</span><span class="content">May&#225;, ancha munashpa masta wi&#241;aytaqa, &#191;atingimanchu midyu mitru masta wi&#241;ayta? Man&#225;m. Chaymi niykillapa, ama chayshinaqa llakiyllapachu, nishpa.</span></span></div><div class="p"><span class="verse v27" data-usfm="MAT.6.27"><span class="content">  </span></span><span class="verse v28" data-usfm="MAT.6.28"><span class="label">28</span><span class="content">&#8217;Mudanaykipaqpis &#191;imaraykutaq llakingillapaqa? Yuyayllapa chay liryu tuktukunapi. Chaykunaqam mana trabajanllapachu, ni puchkakunllapachu. </span></span><span class="verse v29" data-usfm="MAT.6.29"><span class="label">29</span><span class="content">Piru alliptam niykillapa, chay ancha kapuq gubyirnu Salumunqam maychika ancha shumaqta mudakushpapis, mana chay tuktukunashinaqa mudakurqanchu. </span></span><span class="verse v30" data-usfm="MAT.6.30"><span class="label">30</span><span class="content">Yuyayllapapis qewakunapaq. Chaykunaqam suq tyimpupaqlla kawsan. Chaymanda limpu chakiptinqam, rupachinapaqna balin. Chayshina mana duraqkuna kaptimbismi, Dyusqa ancha shumaq munaypaqta mudachin. Piru qamkunaqam chay qewakunamandaqa Dyuspaqqa masta balingillapa. &#191;Ima manachu yuyakungillapa Dyuspiqa? Payqam chay tuktukunamandaqa ashwan mas shumaqta qamkunataqa rin kwidashuqllapa. </span></span><span class="verse v31" data-usfm="MAT.6.31"><span class="label">31</span><span class="content">Chaymi niykillapa, ama llakiyllapachu: &#191;Imataraq mikushun? &#191;Imataraq upyashun? &#191;Imataraq rurakushun? nishpaqa. </span></span><span class="verse v32" data-usfm="MAT.6.32"><span class="label">32</span><span class="content">Dyuspi mana yuyakuqkunallam chay layapaqqa llakinllapa. Piru qamkunaqar ama paykunashinaqa kayllapachu. Chaqa Taytanchiq Dyusmi allita yach'an imam faltashungillapa, nishpaqa. </span></span><span class="verse v33" data-usfm="MAT.6.33"><span class="label">33</span><span class="content">Chayri chay tukuy imapaq llakinaykimandaqa, ashwan ancha munayllapa Dyus munashqanda rurayta, paylla ancha allin kamachikuqniki kanambaq. Chayshina Dyus munashqanda ruraptikiqam, payqa ima nisitashqaykita rin qoshuqllapa. </span></span><span class="verse v34" data-usfm="MAT.6.34"><span class="label">34</span><span class="content">Chayri ama llakiyllapachu: &#191;Qayaqa imaraq pasawanqa? nishpaqa. Kanan kaqtalla allichayllapa. Qaya ima pasashuptin, qayaraq allichayllapa.</span></span></div>
        </div>
    </div>
</div>

Jisusqam kayshinapis yach'achikurqan:
—Ima allikunata rurashpaqa, ama rurayllapachu, runakuna rikashushpa alabashunambaq. Alabadu kaptikillapaqam, Tayta Dyusqa mana qoshunqallapachu primyuykitaqa. Chayri pubrisitukunata yanapashpaqa, ama pitapis parlachiychu: “Kayshinam noqaqa yanapakuni”, nishpaqa, Dyusta chay shiminwanlla kasuqkunashinaqa. Chaqa chay shiminwanlla kasukuqkunaqam pita imanllapata qoshpaqa, sinaguga wasipi, kallikunapi yanapakushqanda rimanllapa, uyaqkuna paykunata alabananllapa. Piru alliptam niykillapa, paykunaqam chayshina alabadukuna kashpaqa, manana Dyusmandaqa nimatapis rinllapachu ch'askiq. Chayri ufrindaykita qoptikiqa, ama ni mas kuyashqayki yanasuyki (yanasayki) yach'anqachu. Chayshina pakashpa qoptikiqam, Taytanchiq Dyus rikashuqlla ufrindaykipaqqa yach'anqaqa. Chaymi payqa yumbaypa ñawpambi primyuykitaqa rin qoshuq.


Jisusqam nirqambis:
—Amar chay shiminwanlla kasukuqshinaqa Tayta Dyusmanqa mañakuyllapachu. Chaqa paykunaqam ancha gustanllapa shayashpa sinaguga wasikunapi, kallikunapa iskinangunapi Dyusman mañakuyta, suqkuna rikanambaq. Piru alliptam niykillapa, paykunaqam chayshina kay bidapi alabashqakuna kashpaqa, Dyusmandaqa mana nima primyuta rinllapachu ch'askiq. Chayri qamkunaqa ama paykunashinaqa kayllapachu. Ashwanri Dyusman munashpa mañakuytaqa, uku wasikiman yaykushpa, punguykita kirpashpa, sapalaykilla Dyusman mañakuy. Chayshina mañakuptikiqam, Tayta Dyuslla uyashushpa, suq shumaq primyuta ˻yumbaypa ñawpambi˼ rin qoshuqllapa.
’Piru Dyusman mañakunaykillapaqa, ama kutin kutinqa rimayllapachu Dyuspi mana kriyiqkunashinaqa. Chaqa paykunaqam kutin kutin ancha mañakunllapa dyusningunaman, yuyashpa: Achkata rimashpa mañakuptiymi, dyusniykuna rinllapa uyawaq, nishpa. Amar paykunashinaqa kayllapachu. Chaqa Taytanchiq Dyusqam manaraq ni mañakuptiki, yach'anna imam faltashungi, nishpa. Chayri kayshina Tayta Dyusman mañakuyllapa:
Taytanchiq Dyusitu syilupi kaq, qamllam ancha santu, mana nima uchayuqchu kangi. Chaymi ancha balin, yumbay runa, warmi qamtalla alabashunanllapa.
Shamuyri, qamna yumbayta shumaqta kamachinayki. Qam munashqaykitar yumbay runa warmi kay pachapi ruranqallapa, anaq syilupi ruraqkunashina.
Taytitu, tukuy diyapaqri mikunitayta qowayllapa.
Mana allita rurashqaytapisri pirdunawayllapa, noqaykuna waq mana alli rurawaqkunata pirdunashqayshina.
Dyablu munaptin tyintawaytapisri, ama dijaychu uchata rurachiwananqa. Ashwanri tukuy chay mana allikunamanda washawayllapa.
˻Tukuy imar qamtalla kasushunqa. Chaqa qamllam ancha pudirniyuqqa kangi. Qamllam ancha shumaqtaqa llipyangi. Chayshinallar tukuy tyimpu kanqa,˼ nishpa.
’Chayri yumbay dañachishuqkunata pirdunayllapa. Chaqa mayqan runa ichu warmi mana allita rurashuptin, qamkuna pirdunaptikiqam, syilupi kaq Tayta Dyuspis uchaykimanda rin pirdunashuq. Piru paykunata mana pirdunaptikiqam, Taytanchiq Dyuspis mana rinchu pirdunashuqllapa.

Jisusqam kayshinapis yach'achikurqan:
—Ayunashpaqa, ama rurayllapachu Dyusta shiminwanlla kasuqkunashinaqa. Chaqa paykunaqam ayunashpaqa, llakiqkunashina tukunllapa, rikaqkuna ninanllapa: “Rikay, akakáw, ayunaykanllapam”, nishpa. Piru allita uyawayllapa: chay shiminwanlla kasukuqkunapaq chayshina niptinllapaqam, Dyusmandaqa mana nima primyunda rinllapachu ch'askiq. Chayraykur qamkuna ayunashpaqa, qaqllaykita mayllashpa, shumaqta ñaqchakuyllapa, rikashuqkuna ama yach'anambaq: Chay runam ayunaykan, nishpa. Chayshina ruraptikillapaqam, Tayta Dyuslla yach'anqa. Chaymi payqa primyuykita ˻yumbaypa ñawpambi˼ rin qoshuq.


Jisusqam nirqambis:
—Amar llakiyllapachu, kay mundupi tukuy imayuq kanaykiqa. Chaqa kay mundupiqam pulillakuna chay kusasnikikunata rin kush'kuq. Wakin kusasnikiqam rin muqosuyaq. Wakindaqam ladrunguna rin apaq. Chay kusaskunamandaqa ashwan mushuq bidapaq syilupi ancha yuyayllapa. Chaqa waqpiqam mana nima pulillaqa kanchu, imatapis kush'kunanllapaqa. Manam nimapis rinchu muqosuyaq, ni ladrunguna kanchu apananllapaqa. Chayri allita yuyayllapa, tukuy imaykiwan Dyuspaq trabajanayki. Chayshina trabajashpaqam, Dyuspilla ringillapa yuyakuq; mananam kusasnikipiqa.


Jisusqam kayshinapis yach'achikurqan:
—Ñawinchiqqam kwirpunchiqpa michanshina. Chaymi ancha yanapawanchiq allita rikakushpa, yach'ananchiq: ¿Maymanmi rini? nishpa. Chayshinallam Dyuspis suq michashina paypi kriyiqkunapaqqa. Chaqa paymi yanapawanchiq, yach'ananchiq: ¿Imam alli? ¿Imam mana allichu? nishpa. Piru Dyusmanda akrakashpaqam, tutayaqpishina puriykanchiq. Chaymi mana nimatapis rinchiqchu intyindiq Dyuspaqqa.


’Manam pipis atinchu ishkay patrunda kasuytaqa. Chaqa ishkay patrunniyuq kashpaqam, suq patrunninda ch'iqnishpa, suqta masta kuyanman. Chaymandaqam suqta manana kasushpachu, suqtana masta kasurinman. Chayshinallam noqanchiqkunapis mana atinchiqchu Dyusta qellaytapis pullata kasuytaqa.


Jisusqam nirqambis:
—Noqaqam niykillapa, ama llakiyllapachu: ¿Imataraq mikushaq? ¿Imataraq upyashaq kawsanaypaqqa? ¿Imataraq rurakushaq? nishpallapaqa. Ima, ¿manachu yach'angillapa, Taytanchiq Dyusmi bidaykita qoshushqanshina, mikunaykitapis rin qoshuq kawsanaykipaq, nishpaqa? Ima ¿manachu yach'angillapa, paymi kwirpuykillapata rurashqanshina rin yanapashuqllapa mudanayuqpis kanaykillapa, nishpaqa? Pishqokunata chapashpa, allita yuyayllapa: Paykunaqam mana tarpukunllapachu, ni kusichakunllapachu, ni trujakunapi granukunata tandanllapachu. Piru Tayta Dyus paykunata mantyinin. Dyuspaqqam qamkunaqa masta balingillapa chay pishqokunamandaqa. Mayá, ancha munashpa masta wiñaytaqa, ¿atingimanchu midyu mitru masta wiñayta? Manám. Chaymi niykillapa, ama chayshinaqa llakiyllapachu, nishpa.
’Mudanaykipaqpis ¿imaraykutaq llakingillapaqa? Yuyayllapa chay liryu tuktukunapi. Chaykunaqam mana trabajanllapachu, ni puchkakunllapachu. Piru alliptam niykillapa, chay ancha kapuq gubyirnu Salumunqam maychika ancha shumaqta mudakushpapis, mana chay tuktukunashinaqa mudakurqanchu. Yuyayllapapis qewakunapaq. Chaykunaqam suq tyimpupaqlla kawsan. Chaymanda limpu chakiptinqam, rupachinapaqna balin. Chayshina mana duraqkuna kaptimbismi, Dyusqa ancha shumaq munaypaqta mudachin. Piru qamkunaqam chay qewakunamandaqa Dyuspaqqa masta balingillapa. ¿Ima manachu yuyakungillapa Dyuspiqa? Payqam chay tuktukunamandaqa ashwan mas shumaqta qamkunataqa rin kwidashuqllapa. Chaymi niykillapa, ama llakiyllapachu: ¿Imataraq mikushun? ¿Imataraq upyashun? ¿Imataraq rurakushun? nishpaqa. Dyuspi mana yuyakuqkunallam chay layapaqqa llakinllapa. Piru qamkunaqar ama paykunashinaqa kayllapachu. Chaqa Taytanchiq Dyusmi allita yach'an imam faltashungillapa, nishpaqa. Chayri chay tukuy imapaq llakinaykimandaqa, ashwan ancha munayllapa Dyus munashqanda rurayta, paylla ancha allin kamachikuqniki kanambaq. Chayshina Dyus munashqanda ruraptikiqam, payqa ima nisitashqaykita rin qoshuqllapa. Chayri ama llakiyllapachu: ¿Qayaqa imaraq pasawanqa? nishpaqa. Kanan kaqtalla allichayllapa. Qaya ima pasashuptin, qayaraq allichayllapa.

گوێگرتن لە San Matiyu 6