Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s">Iesu evisviseni nir nga sete parwer lokloksi jinibb san</div><div class="p"> 1&#8220;Sete kapwer lokloksi jinibb p&#771;isan, puloli Atua sete mia-wer lokloksi kami. 2Pusorsan tevi nga kami kamwer lokloksi jinibb nir, Atua kele pia-wer lokloksi kami. Ko tevi norrngov sev nga kami kamrrongvie jinibb, Atua pia-rrongvie lweni kami e re nabong nga vitunen. 3-5Ko erpese kumlesi nate nato nga tuwam m&#771;ikrae re nolo b&#771;elan, ko sete kulesi suri nate buluk nga milep nga nik kumkerae re nik nolo b&#771;elam? Ko poro pirpok, ko nik kupwerai pirpese tevi tuwam, &#8216;Tuwak, kuplinglingi b&#771;esre tweni nate nato nga kumkerae re nolo b&#771;elam,&#8217; daron nga nik sete kumleslesi nate buluk nga milep nga nik kumkerae re nik nolo b&#771;elam? O, nik nga kumiel renge sel eru, tukbb&#246;t re aseni ni b&#771;elan, tuloli ni b&#771;elan turro tiasi! Womunen kupsere tweni nate buluk nga milep nga nik kumkerae re nolo b&#771;elam jile pusuw, ko kuplesi nolo b&#771;elam owokwok erres, ko kurongwos kupa-sere tweni vajin nate nato nga tuwam m&#771;ikrae mibb&#246;lji b&#771;elan.#Erpe iel, Matiu osp&#771;e suri nanu nga muto re mete jinibb, ko kem namrieni nga namvijuri murrun ne rijen ne nale nga iel.</div><div class="p"> 6&#8220;Ngok orrongrrongvi nololien nga wowarreng se kalesia nir. Ko re devjen nga re nir ne vare nga marivi jinibb ngamarsij p&#771;etp&#771;eti, kapmetmet re nir. Daron nga poro kapan ji nir nga kapwera tweni nale suk, ko nir arongwose parpalpal p&#771;iterter tevi kami pirpe guli, ko parungasi nale suk pirpe b&#771;erp&#771;er marbb&#246;tbb&#246;t re nanu nga m&#771;irres.</div><div class="s">Loten nga jinibb p&#771;ilai sev nga mungoni ji Atua</div><div class="p"> 7&#8220;Kapungoni, ko Atua pia-lai tevi kami. Kappej, ko Atua puloli kapa-lesi. Kapututi, ko Atua pia-tasi metali nen tevi kami. 8Suri nir jijle nga marok-ungoni para-lai, ko nir jijle nga marok-pej para-lesi, ko nir jijle nga marok-ututi, para-tasi tevir.</div><div class="p"> 9&#8220;Jinibb si re kami poro nga natun pungoni niv tevi ni, ko ni p&#771;ikrekrasi pia-la nev&#246;t tevi natun? 10Ko poro nga natun pungoni mesal, ko rreknga ni pia-la num&#771;et tevi? Ejki rres nawon, sete orongwos puloli pirpok. 11Ko ngok, kami nga kamivi jinibb nga kamsij kamrongwos sel nga kapla nanu nga marres tevi natu kami nir. Ko Tata se kami nga m&#771;ilik re melrin pia-lai ko wor pumomsawos nanu nga marres tevi nir nga marungoni ni.</div><div class="p"> 12&#8220;Nanu jijle nga kami kamwera jinibb parloli tevi kami, kami kele kaploli ko wor tevi nir pirpok kele. Ngok kobbong evi murrun ne nosp&#771;en jile se Moses ko propet nir nga maruli re Naul On.</div><div class="s">Sel ne mauren ko sel ne nejijkien</div><div class="p"> 13&#8220;Kapasi renge metali nga m&#771;ikel, nga pian re lut ne mauren. Suri metali ko sel nga poran renge lut ne nejijkien, metali nen nolon elep, ko sel nen kele elep, ko nir elep nga marvijuri. 14Ko metali ko sel nga poran renge lut ne mauren, metali nen nolon ewelili jer, ko sel nen kele nolon ewelili jer; ko nir pievis kobbong para-vijuri.</div><div class="s">Rraplesi wose jinibb renge wenen ne mauren sen</div><div class="p"> 15&#8220;Kapmetmet renge propet ne gerisen nir. Arirpe guli rrum nga numer m&#771;iajir, ko aruri nevlu sipsip arkerkeris arirpe sipsip nga sete marongwose parlokloksi nanu san. 16Kaplesi wose nir renge wenen nga marpelari renge mauren ser. Sete jinibb arongwose partawe wene drra renge moku, ko wene nitapol renge jibermij, ejki. 17Erpok, nai jijle nga marres parwen kele wenen nga marres, ko nai jijle nga marsij parwen wenen nga marsij. 18Nai jijle nga marres sete arongwos parla wenen nga marsij, ko nai jijle nga marsij sete arongwose parla wenen nga marres. 19Ko nai jijle nga sete parwen wenen nga m&#771;irres, parta twenir, ko parwirrer van re nabb. 20Erpok, kaplesi wose nir renge wenen nga miplari re mauren ser.</div><div class="s">Jinibb mawos nir se Iesu</div><div class="p"> 21&#8220;Sete nir jijle nga marok-veruse inu &#8216;Numal, numal&#8217; tetajer paran renge batun vanu ne melrin. Rrek nir pievis kobbong, nir nga bbong marok-loli marongen se Tata suk nga m&#771;ilik re melrin mare ko. 22Erpok, renge nabong nga vitunen, nir elep parwera tevi inu, &#8216;Numal, numal, sete kurrorrmi wos nga kem namsup&#771;e nosp&#771;en som re nisem, ko nga kem namoji tweni demij nir renge nisem, ko nga kem namloli majingen nga marterter marlelep marres nir renge nisem?&#8217; 23Ko vitunen bea-werai limjer tevi nir, &#8216;Setete nurongwose kami. Kapruj ngasu inu, kami nga kamok-majing nanu nga m&#771;isij.&#8217;</div><div class="s">Jinibb lele eru nga morili naim</div><div class="p"> 24&#8220;Ngel, jinibb jijle nga marunge nale suk ngel nir ko marlolir, osorsan erpe jinibb san nga norongwosien sen otoe, nga m&#771;ili naim sen renge dan nga m&#771;iterter m&#771;irres. 25M&#771;ili jile vajin, mian ko naus ous elep, ko nuwi owlu vini, ko ling eser elep ko owi naim eterter. Ko setete evitan, suri arili pa eterter renge dan nga m&#771;iterter m&#771;irres. 26Ko jinibb jijle nga m&#771;ilengleng, norongwosien sen m&#771;ijkie, nga m&#771;ili naim sen renge dep&#771;inan. 27M&#771;ili jile vajin, mian ko naus ous elep, ko nuwi owlu vini, ko ling eser elep ko owi petpate naim. Ko emav ko omobburbbur jijle.&#8221;</div><div class="s">Nevsivsenien se Iesu orrow erres</div><div class="p"> 28Iesu evinvini ore nale sen osuw iok. Ko bb&#246;sa nga milep elai delung e nir. 29Suri ni nevisvisenien sen orrow erres, sete erpe nevisvisenien se jinibb nevisvisenien ne nale nesesreien nir.</div>
 </div>
 </div>
</div>

“Sete kapwer lokloksi jinibb p̃isan, puloli Atua sete mia-wer lokloksi kami. Pusorsan tevi nga kami kamwer lokloksi jinibb nir, Atua kele pia-wer lokloksi kami. Ko tevi norrngov sev nga kami kamrrongvie jinibb, Atua pia-rrongvie lweni kami e re nabong nga vitunen. Ko erpese kumlesi nate nato nga tuwam m̃ikrae re nolo b̃elan, ko sete kulesi suri nate buluk nga milep nga nik kumkerae re nik nolo b̃elam? Ko poro pirpok, ko nik kupwerai pirpese tevi tuwam, ‘Tuwak, kuplinglingi b̃esre tweni nate nato nga kumkerae re nolo b̃elam,’ daron nga nik sete kumleslesi nate buluk nga milep nga nik kumkerae re nik nolo b̃elam? O, nik nga kumiel renge sel eru, tukbböt re aseni ni b̃elan, tuloli ni b̃elan turro tiasi! Womunen kupsere tweni nate buluk nga milep nga nik kumkerae re nolo b̃elam jile pusuw, ko kuplesi nolo b̃elam owokwok erres, ko kurongwos kupa-sere tweni vajin nate nato nga tuwam m̃ikrae mibbölji b̃elan.
“Ngok orrongrrongvi nololien nga wowarreng se kalesia nir. Ko re devjen nga re nir ne vare nga marivi jinibb ngamarsij p̃etp̃eti, kapmetmet re nir. Daron nga poro kapan ji nir nga kapwera tweni nale suk, ko nir arongwose parpalpal p̃iterter tevi kami pirpe guli, ko parungasi nale suk pirpe b̃erp̃er marbbötbböt re nanu nga m̃irres.

“Kapungoni, ko Atua pia-lai tevi kami. Kappej, ko Atua puloli kapa-lesi. Kapututi, ko Atua pia-tasi metali nen tevi kami. Suri nir jijle nga marok-ungoni para-lai, ko nir jijle nga marok-pej para-lesi, ko nir jijle nga marok-ututi, para-tasi tevir.
“Jinibb si re kami poro nga natun pungoni niv tevi ni, ko ni p̃ikrekrasi pia-la nevöt tevi natun? Ko poro nga natun pungoni mesal, ko rreknga ni pia-la num̃et tevi? Ejki rres nawon, sete orongwos puloli pirpok. Ko ngok, kami nga kamivi jinibb nga kamsij kamrongwos sel nga kapla nanu nga marres tevi natu kami nir. Ko Tata se kami nga m̃ilik re melrin pia-lai ko wor pumomsawos nanu nga marres tevi nir nga marungoni ni.
“Nanu jijle nga kami kamwera jinibb parloli tevi kami, kami kele kaploli ko wor tevi nir pirpok kele. Ngok kobbong evi murrun ne nosp̃en jile se Moses ko propet nir nga maruli re Naul On.

“Kapasi renge metali nga m̃ikel, nga pian re lut ne mauren. Suri metali ko sel nga poran renge lut ne nejijkien, metali nen nolon elep, ko sel nen kele elep, ko nir elep nga marvijuri. Ko metali ko sel nga poran renge lut ne mauren, metali nen nolon ewelili jer, ko sel nen kele nolon ewelili jer; ko nir pievis kobbong para-vijuri.

“Kapmetmet renge propet ne gerisen nir. Arirpe guli rrum nga numer m̃iajir, ko aruri nevlu sipsip arkerkeris arirpe sipsip nga sete marongwose parlokloksi nanu san. Kaplesi wose nir renge wenen nga marpelari renge mauren ser. Sete jinibb arongwose partawe wene drra renge moku, ko wene nitapol renge jibermij, ejki. Erpok, nai jijle nga marres parwen kele wenen nga marres, ko nai jijle nga marsij parwen wenen nga marsij. Nai jijle nga marres sete arongwos parla wenen nga marsij, ko nai jijle nga marsij sete arongwose parla wenen nga marres. Ko nai jijle nga sete parwen wenen nga m̃irres, parta twenir, ko parwirrer van re nabb. Erpok, kaplesi wose nir renge wenen nga miplari re mauren ser.

“Sete nir jijle nga marok-veruse inu ‘Numal, numal’ tetajer paran renge batun vanu ne melrin. Rrek nir pievis kobbong, nir nga bbong marok-loli marongen se Tata suk nga m̃ilik re melrin mare ko. Erpok, renge nabong nga vitunen, nir elep parwera tevi inu, ‘Numal, numal, sete kurrorrmi wos nga kem namsup̃e nosp̃en som re nisem, ko nga kem namoji tweni demij nir renge nisem, ko nga kem namloli majingen nga marterter marlelep marres nir renge nisem?’ Ko vitunen bea-werai limjer tevi nir, ‘Setete nurongwose kami. Kapruj ngasu inu, kami nga kamok-majing nanu nga m̃isij.’

“Ngel, jinibb jijle nga marunge nale suk ngel nir ko marlolir, osorsan erpe jinibb san nga norongwosien sen otoe, nga m̃ili naim sen renge dan nga m̃iterter m̃irres. M̃ili jile vajin, mian ko naus ous elep, ko nuwi owlu vini, ko ling eser elep ko owi naim eterter. Ko setete evitan, suri arili pa eterter renge dan nga m̃iterter m̃irres. Ko jinibb jijle nga m̃ilengleng, norongwosien sen m̃ijkie, nga m̃ili naim sen renge dep̃inan. M̃ili jile vajin, mian ko naus ous elep, ko nuwi owlu vini, ko ling eser elep ko owi petpate naim. Ko emav ko omobburbbur jijle.”

Iesu evinvini ore nale sen osuw iok. Ko bbösa nga milep elai delung e nir. Suri ni nevisvisenien sen orrow erres, sete erpe nevisvisenien se jinibb nevisvisenien ne nale nesesreien nir.

گوێگرتن لە Matiu 7