Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkMAT">
 <div class="chapter ch19" data-usfm="MAT.19">
 <div class="label">19</div><div class="s">Iesu osp&#771;e suri sel nga marlingi kurtweni nesen ser</div><div class="p"> 1Daron nga Iesu musuw re m&#771;irij vajin, ko evel lingi Galili, evini re Jutia re devje nuwi seser ne Jortan. 2Ko delung elep arvijuri ni, ko ni ololi nir nga marmesi arres luwi ie.</div><div class="p"> 3Ko Parasi kele nir arini jin, arwera parrowrrowe ni. Ko arsusi, &#8220;Erpese? Evi nanu nga m&#771;irres nga jinibb p&#771;ilngi kurtweni nesevin sen suri nanu jijle?&#8221; 4Ko ni erij luwi, owrai tevir: &#8220;Rreknga kami sete kameve nga ni nga muloli nanu jijle womu, ololi norman ko nesevin, 5ko owra &#8216;Ko ngok niko suri mirpel ngel ko, norman pivel lingi tata sen ko tasu sen, pian vajin piptevi nesevin sen. Nuru nga eru ngok porivi vajin niben sansan ko metka sansan.&#8217; 6Ko ngok niko nuru setemun orivi eru, ko orivi vajin niben sansan ko metka sansan. Sev nga Atua m&#771;ijipteni kortoni nuru, sete erres jinibb san p&#771;ila tweni kele.&#8221; 7Ko nir arwera lweni tevi: &#8220;Poro pirpok ngok ko, suri sev Moses owra &#8216;Poro jinibb san p&#771;ilngi kurtweni nesevin sen, ko puli naul p&#771;ilai tevi, ko p&#771;ilngi tweni vajin&#8217;?&#8221; 8Ko ni owra lweni tevir, &#8220;Suri batu kami nga m&#771;iterter, niko Moses mimarong nga kaplingi kurtweni nesevin se kami nir. Ko renge womunen sete erpok. 9Ko nuwrai tevi kami, Poro nga jinibb san nesevin sen sete puloli womue batun, ko m&#771;ernen bbong p&#771;ilngi kurtweni nawone, ko p&#771;itka kele nesevin p&#771;isan kele, ni evitan re nesevin ngok ko vajin.&#8221;</div><div class="p"> 10Ko jinibb sen nir arwerai tevi ni, &#8220;Poro pirpok tevi jinibb san ko nesevin sen, rrek erres sete portektekai nuru.&#8221; 11Ko ni owra lweni tevir, &#8220;Sete jinibb jijle orongwose puloli pirpe nga kamwerai ngok, nir nga bbong Atua m&#771;ilngi re nolor arongwose parloli pirpok. 12Jinibb sopor sete arongwose partekai nesevin suri arivi demaw, rreknga ariak erpok ko wor, rreknga jinibb ololi arirpok. Ko inu nomok-sup&#771;e suri nir nga marivi jinibb rres ko wor, ko sete arteka nesevin suri armajing suri batun vanu ne melrin. Si nga murongwos puloli pirpok, puloli pirpok ko wor.&#8221;</div><div class="p"> 13Ko vitunen jinibb sopor artekai bipiwarreng ser vini ji ni nga ni p&#771;ilngi nevren rer ko pulot. Ko Iesu jinibb sen nir artortori lartul nen nir. 14Ko Iesu owrai tevir: &#8220;Sete kapwer orer. Kaplinglingi bipiwarreng nir parini jik, suri batun vanu ne melrin evi se nir nga marirpe bipiwarreng ngok nir.&#8221; 15Ko elngi nevren rer jile osuw, ko evel lingi ie.</div><div class="s">Jinibb san emrreni p&#771;ila mauren nga sete mia-suw nabong sopon</div><div class="p"> 16Mian ko vitunen vajin, ko jinibb san evini jin ko osusi tevi ni: &#8220;E, jinibb nevisvisenien, bololi majingen sev nga p&#771;irres pivtere nga bea-lai mauren nga tuwi ngok vini?&#8221; 17Ko Iesu owra lweni tevi: &#8220;Erpese kumsusi tevik suri nanu nga m&#771;irres? Jinibb san bbong erres, Atua. Ko poro kupwera kupla mauren ngok, kuptori nale nesesreien se Atua.&#8221; 18Ko m&#771;ernen osusi kele tevi Iesu: &#8220;Sev nale nesesreien ko kumwerai ngok?&#8221; Ko Iesu owra lweni tevi ni: &#8220;Nale nesesreien nen le ngel: &#8216;Sete kuprevji pini jinibb, sete kupvenae nesevin, sete kupevna, sete kupkerkeris re nosp&#771;en se numal nir, 19kuposuri tata som ko tasu som, ko kupmerreni selem pirpe nik luwi.&#8217; &#8221; 20Ko m&#771;elakel nen owra lweni tevi Iesu: &#8220;Nomok-loli jile pa erpe nale nga kumwerair ngok nir. Sev ojpon kele wor nga bololi?&#8221; 21Ko Iesu owra lweni tevi ni, &#8220;Poro kupmerreni kupivi jinibb mawos jile p&#771;irres, kupan kupwulwule jorom jijle nir, ko kupla nev&#246;t nen tevi b&#771;eres nir; ko jorom nga marres putoe mare re melrin. Ko kupini kupvijuri inu.&#8221; 22Daron nga m&#771;elakel murnge nale se Iesu ngok e, ko ornge esij e elep, suri ni joron nir elep. Ko evel.</div><div class="s">Eterter renge jinibb nga joron milep pian re batun vanu ne melrin</div><div class="p"> 23Ko Iesu owrai tevi jinibb sen nir, &#8220;Nuwretun nuwrai tevi kami, Eterter elep renge jinibb nga joron milep pian re batun vanu ne melrin. 24Ko bowrai kele tevi kami: Eterter temijpal renge nato liwen pietiv.#Erpe iel, Matiu osp&#771;e kamel p&#771;isil rrurrngi batu nitel san nolon. Ko suri kamel ejki iel, namsup&#771;e nato ela wani. Ko nga jinibb san nga joron milep poro pian re batunvanu se Atua, eterter wor elep asi wore ngok.&#8221; 25Ko daron nga jinibb sen nir marunge nale ngel, ko bb&#246;sa elair e elep, ko arwera &#8220;Poro pirpok, ko si ma</div><div class="m">orongwos p&#771;ila mauren?&#8221; 26Ko Iesu emtenir ko owrai tevir: &#8220;Eterter re devjen nga jinibb puloli. Ko re devjen nga Atua, ni orongwos puloli nanu jijle.&#8221;</div><div class="p"> 27Ko Pita erij weli, owra lweni tevi: &#8220;Kuplesi kem, namlinglingi joro kem jile arjipon, ko namini namvijuri nik. Naba-la sev p&#771;irres ren?&#8221; 28Ko Iesu owrai lweni tevi nir: &#8220;Nuwretun nuwrai tevi kami, renge daron nga Atua pia-loli nanu jijle parmerr p&#771;irres, ko inu Jinibb Mawos bea-sakel renge nai seksakel suk tevi nosr&#246;vien suk; ko kami nga kamok-vijuri inu, kami kele kapa-sakel re nai seksakel pisngav&#246;l drromon p&#771;ieru, ko kapa-wera suri lat nga puto suri tevi metka ne Isrel nir esngav&#246;l drromon eru. 29&#8220;Ko nir jile kele nga marivel lingi naim ser nir rreknga tuwar nir rreknga jojir nir rreknga tata ser rreknga tasu ser rreknga natur nir rreknga dan ser suri marongen suk, lartul nen nir para-la weli vajin renge iok pijpari pungut pivesan, ko para-lai kele mauren ne tuwi ngok vini. 30Ko nir elep nga marwowomu mian ko para-vivitu, ko nir elep nga marvivitu, mian ko para-wowomu.&#8221;</div>
 </div>
 </div>
</div>

Daron nga Iesu musuw re m̃irij vajin, ko evel lingi Galili, evini re Jutia re devje nuwi seser ne Jortan. Ko delung elep arvijuri ni, ko ni ololi nir nga marmesi arres luwi ie.
Ko Parasi kele nir arini jin, arwera parrowrrowe ni. Ko arsusi, “Erpese? Evi nanu nga m̃irres nga jinibb p̃ilngi kurtweni nesevin sen suri nanu jijle?” Ko ni erij luwi, owrai tevir: “Rreknga kami sete kameve nga ni nga muloli nanu jijle womu, ololi norman ko nesevin, ko owra ‘Ko ngok niko suri mirpel ngel ko, norman pivel lingi tata sen ko tasu sen, pian vajin piptevi nesevin sen. Nuru nga eru ngok porivi vajin niben sansan ko metka sansan.’ Ko ngok niko nuru setemun orivi eru, ko orivi vajin niben sansan ko metka sansan. Sev nga Atua m̃ijipteni kortoni nuru, sete erres jinibb san p̃ila tweni kele.” Ko nir arwera lweni tevi: “Poro pirpok ngok ko, suri sev Moses owra ‘Poro jinibb san p̃ilngi kurtweni nesevin sen, ko puli naul p̃ilai tevi, ko p̃ilngi tweni vajin’?” Ko ni owra lweni tevir, “Suri batu kami nga m̃iterter, niko Moses mimarong nga kaplingi kurtweni nesevin se kami nir. Ko renge womunen sete erpok. Ko nuwrai tevi kami, Poro nga jinibb san nesevin sen sete puloli womue batun, ko m̃ernen bbong p̃ilngi kurtweni nawone, ko p̃itka kele nesevin p̃isan kele, ni evitan re nesevin ngok ko vajin.”
Ko jinibb sen nir arwerai tevi ni, “Poro pirpok tevi jinibb san ko nesevin sen, rrek erres sete portektekai nuru.” Ko ni owra lweni tevir, “Sete jinibb jijle orongwose puloli pirpe nga kamwerai ngok, nir nga bbong Atua m̃ilngi re nolor arongwose parloli pirpok. Jinibb sopor sete arongwose partekai nesevin suri arivi demaw, rreknga ariak erpok ko wor, rreknga jinibb ololi arirpok. Ko inu nomok-sup̃e suri nir nga marivi jinibb rres ko wor, ko sete arteka nesevin suri armajing suri batun vanu ne melrin. Si nga murongwos puloli pirpok, puloli pirpok ko wor.”
Ko vitunen jinibb sopor artekai bipiwarreng ser vini ji ni nga ni p̃ilngi nevren rer ko pulot. Ko Iesu jinibb sen nir artortori lartul nen nir. Ko Iesu owrai tevir: “Sete kapwer orer. Kaplinglingi bipiwarreng nir parini jik, suri batun vanu ne melrin evi se nir nga marirpe bipiwarreng ngok nir.” Ko elngi nevren rer jile osuw, ko evel lingi ie.

Mian ko vitunen vajin, ko jinibb san evini jin ko osusi tevi ni: “E, jinibb nevisvisenien, bololi majingen sev nga p̃irres pivtere nga bea-lai mauren nga tuwi ngok vini?” Ko Iesu owra lweni tevi: “Erpese kumsusi tevik suri nanu nga m̃irres? Jinibb san bbong erres, Atua. Ko poro kupwera kupla mauren ngok, kuptori nale nesesreien se Atua.” Ko m̃ernen osusi kele tevi Iesu: “Sev nale nesesreien ko kumwerai ngok?” Ko Iesu owra lweni tevi ni: “Nale nesesreien nen le ngel: ‘Sete kuprevji pini jinibb, sete kupvenae nesevin, sete kupevna, sete kupkerkeris re nosp̃en se numal nir, kuposuri tata som ko tasu som, ko kupmerreni selem pirpe nik luwi.’ ” Ko m̃elakel nen owra lweni tevi Iesu: “Nomok-loli jile pa erpe nale nga kumwerair ngok nir. Sev ojpon kele wor nga bololi?” Ko Iesu owra lweni tevi ni, “Poro kupmerreni kupivi jinibb mawos jile p̃irres, kupan kupwulwule jorom jijle nir, ko kupla nevöt nen tevi b̃eres nir; ko jorom nga marres putoe mare re melrin. Ko kupini kupvijuri inu.” Daron nga m̃elakel murnge nale se Iesu ngok e, ko ornge esij e elep, suri ni joron nir elep. Ko evel.

Ko Iesu owrai tevi jinibb sen nir, “Nuwretun nuwrai tevi kami, Eterter elep renge jinibb nga joron milep pian re batun vanu ne melrin. Ko bowrai kele tevi kami: Eterter temijpal renge nato liwen pietiv. Ko nga jinibb san nga joron milep poro pian re batunvanu se Atua, eterter wor elep asi wore ngok.” Ko daron nga jinibb sen nir marunge nale ngel, ko bbösa elair e elep, ko arwera “Poro pirpok, ko si ma
orongwos p̃ila mauren?” Ko Iesu emtenir ko owrai tevir: “Eterter re devjen nga jinibb puloli. Ko re devjen nga Atua, ni orongwos puloli nanu jijle.”
Ko Pita erij weli, owra lweni tevi: “Kuplesi kem, namlinglingi joro kem jile arjipon, ko namini namvijuri nik. Naba-la sev p̃irres ren?” Ko Iesu owrai lweni tevi nir: “Nuwretun nuwrai tevi kami, renge daron nga Atua pia-loli nanu jijle parmerr p̃irres, ko inu Jinibb Mawos bea-sakel renge nai seksakel suk tevi nosrövien suk; ko kami nga kamok-vijuri inu, kami kele kapa-sakel re nai seksakel pisngavöl drromon p̃ieru, ko kapa-wera suri lat nga puto suri tevi metka ne Isrel nir esngavöl drromon eru. “Ko nir jile kele nga marivel lingi naim ser nir rreknga tuwar nir rreknga jojir nir rreknga tata ser rreknga tasu ser rreknga natur nir rreknga dan ser suri marongen suk, lartul nen nir para-la weli vajin renge iok pijpari pungut pivesan, ko para-lai kele mauren ne tuwi ngok vini. Ko nir elep nga marwowomu mian ko para-vivitu, ko nir elep nga marvivitu, mian ko para-wowomu.”

گوێگرتن لە Matiu 19