<div class="version vid3774 iso6393gid" data-vid="3774" data-iso6393="gid">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">&#399;TO&#330; ADD&#399;V&#399;N</span></div><div class="ip"><span class="content">W&#601;n nenek s&#601;ma Yohanna tay &#601;rban Yesu va &#601;pel na Ma&#331;g&#601;lva an fa&#599; m&#601;s d&#601;de va &#599;&#601;fa, d&#601;ki ze&#331;gile a wala&#331;m&#601;. &#394;erewel z&#601;k nan anah&#601;k na, Alabara nenek van&#601;s m&#601;verin na vi m&#601;s d&#601;&#331;&#599;an pak d&#601;tafg&#601;n na Yesu m&#601;zuko&#771;h an nazzani, w&#601;t&#601;n Ma&#331;g&#601;lva, ya m&#601;s d&#601;&#599;iy&#601;n &#601;taf net akan pak waraha&#331; ze&#331;gile (20:31).</span></div><div class="ip"><span class="content">D&#601;r&#595;aga &#601;rban &#601;pel na Ma&#331;g&#601;lva an fa&#599; d&#601; Yesu, p&#601;&#599;ak maddaab&#601;&#331; na Alabara nenek van tay &#601;rbet sekene&#599; temtem m&#601;s Yesu w&#601;t&#601;n Ma&#331;g&#601;lva m&#601;zuko&#771;hgit &#599;iy nazzan ag&#601;&#599;&#601;. S&#601;bbirit na, &#601;pel temtem d&#601;boton va arban dit sekene&#599;i. P&#601;&#599;ak na &#599;erewel van tay &#601;pel aka va &#599;iy ataf&#601;n Yesu, akkpa&#331;ga&#331; m&#601;z&#601;zban&#601;ni, tak &#599;iy me&#595;&#595;et tay &#601;&#595;o&#331;go&#331; akani g&#601;m d&#601;&#331;g&#601;m &#601;taf&#601;n &#595;a. (Du&#599;ak 13-17) tay &#601;rban &#601;nziya h&#601;d&#601;k na bayna na Yesu dit gewle&#599; nani d&#601;f&#601;&#599; m&#601;s m&#601;rmani, g&#601;m &#601;pel nan nawza&#595;eti g&#601;m nas&#595;et nadda&#331; pay adakkpa'&#601;n&#601;n aka m&#601;zliwrihe. &#399;grak na du&#599;ak van tay &#601;pel aka &#601;rma na Yesu g&#601;m &#601;taww&#601;n akani, &#399;kkpa' nan aka m&#601;zliwrihe g&#601;m &#601;silye nan s&#601;ka &#601;mta, g&#601;m &#601;rba m&#601;s arban z&#601;n azet gewle&#599; nan s&#601; d&#601;r&#595;aga &#601;silye nan s&#601;ka &#601;mta.</span></div><div class="ip"><span class="content">Alabara nat guluk m&#601;rm&#601;t s&#601;ka &#601;kuh a gizbe 8:1-11, m&#601;&#599;iy&#601;n add&#601;vit z&#601;ge&#599; g&#601;d&#601;gbo&#331;&#599;e na, vi &#599;erewel&#599;e m&#601;verit me&#595;&#595;et ave&#331;ge&#331;gik kini, me&#595;&#595;et tam agulun&#601;k a t&#601;ki ma&#595;&#595;ani.</span></div><div class="ip"><span class="content">Yohanna aziwik aka &#601;v&#601;l na ze&#331;gile an fa&#599; d&#601; Kristu, &#601;v&#601;l m&#601;s d&#601;kol kaka&#331;ka g&#601;m d&#601;de sit &#599;iy en d&#601;zlan s&#601;n&#601;n Yesu, d&#601;san tive, gegesi&#331; g&#601;m ze&#331;gile. An du&#599;akan Yohanna dit &#599;iy me&#595;&#595;et na, apelik d&#601; z&#601;ga narba m&#601;s adawg&#601;m s&#601;zet z&#601;ge&#599; nadd&#601;v &#601;nziya pay pak&#601; vi karban gegesi&#331; net z&#601;ge&#599; na &#601;mp&#601;sa, va i&#331;kile, mepteke, &#601;ke&#599;e&#599;e'e, m&#601;zuta&#599;a dit time&#331;gi&#599; nani, mbazla net megezlembirke g&#601;m uwa neti.</span></div><div class="iot"><span class="content">Va mu&#599;akani</span></div><div class="io1"><span class="content">&#399;pel maddaab&#601;&#331; </span><span class="ior"><span class="content">(</span><span class="content">1:1-18</span><span class="content">) </span></span></div><div class="io1"><span class="content">Yohanna m&#601;g&#601;&#599; baptem g&#601;m gewle&#599; nan maddaab&#601;&#331; </span><span class="ior"><span class="content">(</span><span class="content">1:19-51</span><span class="content">) </span></span></div><div class="io1"><span class="content">W&#601;za na Yesu na Paya </span><span class="ior"><span class="content">(</span><span class="content">2:1&#8212;12:50</span><span class="content">)</span></span></div><div class="io1"><span class="content">Pay nan an d&#601;r&#595;e fa&#599; add&#601;v g&#601;m go'o d&#601; Yerusalem </span><span class="ior"><span class="content">(</span><span class="content">13:1&#8212;19:42</span><span class="content">)</span></span></div><div class="io1"><span class="content">&#399;silye s&#601;ka &#601;mta g&#601;m &#601;rba m&#601;s Daya arban z&#601;ni </span><span class="ior"><span class="content">(</span><span class="content">20:1-31</span><span class="content">)</span></span></div><div class="io1"><span class="content">&#399;grak&#601;n: &#601;rba m&#601;s Daya arban z&#601;n &#601;mpa a Galile </span><span class="ior"><span class="content">(</span><span class="content">21:1-25</span><span class="content">)</span></span></div>
      </div>
   </div>
</div>

ƏTOŊ ADDƏVƏN
Wən nenek səma Yohanna tay ərban Yesu va əpel na Maŋgəlva an faɗ məs dəde va ɗəfa, dəki zeŋgile a walaŋmə. Ɗerewel zək nan anahək na, Alabara nenek vanəs məverin na vi məs dəŋɗan pak dətafgən na Yesu məzukõh an nazzani, wətən Maŋgəlva, ya məs dəɗiyən ətaf net akan pak warahaŋ zeŋgile (20:31).
Dərɓaga ərban əpel na Maŋgəlva an faɗ də Yesu, pəɗak maddaabəŋ na Alabara nenek van tay ərbet sekeneɗ temtem məs Yesu wətən Maŋgəlva məzukõhgit ɗiy nazzan agəɗə. Səbbirit na, əpel temtem dəboton va arban dit sekeneɗi. Pəɗak na ɗerewel van tay əpel aka va ɗiy atafən Yesu, akkpaŋgaŋ məzəzbanəni, tak ɗiy meɓɓet tay əɓoŋgoŋ akani gəm dəŋgəm ətafən ɓa. (Duɗak 13-17) tay ərban ənziya hədək na bayna na Yesu dit gewleɗ nani dəfəɗ məs mərmani, gəm əpel nan nawzaɓeti gəm nasɓet naddaŋ pay adakkpa'ənən aka məzliwrihe. Əgrak na duɗak van tay əpel aka ərma na Yesu gəm ətawwən akani, Əkkpa' nan aka məzliwrihe gəm əsilye nan səka əmta, gəm ərba məs arban zən azet gewleɗ nan sə dərɓaga əsilye nan səka əmta.
Alabara nat guluk mərmət səka əkuh a gizbe 8:1-11, məɗiyən addəvit zəgeɗ gədəgboŋɗe na, vi ɗerewelɗe məverit meɓɓet aveŋgeŋgik kini, meɓɓet tam agulunək a təki maɓɓani.
Yohanna aziwik aka əvəl na zeŋgile an faɗ də Kristu, əvəl məs dəkol kakaŋka gəm dəde sit ɗiy en dəzlan sənən Yesu, dəsan tive, gegesiŋ gəm zeŋgile. An duɗakan Yohanna dit ɗiy meɓɓet na, apelik də zəga narba məs adawgəm səzet zəgeɗ naddəv ənziya pay pakə vi karban gegesiŋ net zəgeɗ na əmpəsa, va iŋkile, mepteke, əkeɗeɗe'e, məzutaɗa dit timeŋgiɗ nani, mbazla net megezlembirke gəm uwa neti.
Va muɗakani
Əpel maddaabəŋ ( 1:1-18 )
Yohanna məgəɗ baptem gəm gewleɗ nan maddaabəŋ ( 1:19-51 )
Wəza na Yesu na Paya ( 2:1—12:50 )
Pay nan an dərɓe faɗ addəv gəm go'o də Yerusalem ( 13:1—19:42 )
Əsilye səka əmta gəm ərba məs Daya arban zəni ( 20:1-31 )
Əgrakən: ərba məs Daya arban zən əmpa a Galile ( 21:1-25 )

گوێگرتن لە Yohanna ƏTOŊ ADDƏVƏN