If you have would like a copy of this version please contact info@davaraudiobibles.org

Inner Seraji New Testament, CC-BY-SA-4.0, The Love Fellowship (Text). Inner Seraji New Testament Audio Bible, CC-BY-SA-4.0, Davar Partners International, The Love Fellowship, 2022 (Audio).

Inner Seraji New Testament

Inner Seraji 2017 BI (NT) NonDrama

Inner Seraji 2017 BI (NT) Drama

Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.

यीशु एक भीड़ भाली करे पहाडा पैंदे चढू, जेबा सह बेठअ तेबा तेऊरे चेले तेऊ सेटा बे आउए। होर सह यह बोली करे तयाबे शिक्षा दींदअ लागअ:


धन्य साहा तमे जोह मना रे दीन साहा, किबेकी स्वर्गा रा राज्य त्याही रा साहा।
धन्य त्याह साहा, जोह शोक करा, किबेकी त्याह शांति पाऊणी।
धन्य त्याह साहा, जोह नम्र साहा, किबेकि त्याह धरती रे अधिकारी हूँणे।
धन्य त्याह साहा, जोह धार्मिकता रे भोछे होर शोखे साहा, किबेकी तमे तृप्त हुणे।
धन्य त्याह साहा, जोह दयालु साहा, किबेकि त्याह पैंदे दया करणी।
धन्य त्याह साहा, जासके मन शुद्ध साहा, किबेकि त्याह परमेश्वर हेरनअ।
धन्य त्याह साहा, जोह मेल करण आले साहा, किबेकि तयाबे परमेश्वरा रे शोहरू बोलणाा।
धन्य त्याह साहा, जोह धार्मिकता री बजा का सताउंणे, किबेकि स्वर्गा रा राज्य त्याही रा साहा।
धन्य साहा तमे, जेबा मणशा मेरी बजहा का थारी निन्दा करे, होर सताए होर झूठ बोली करे थारे बिरोधा में सब तरहा री बुरी गला बोले। जेबा एडा होए तेबा तमे खुश होए होर खुशी मनाये, किबेकि तमाबे स्वर्गा में जोह इनाम डाहूदअ साहा सह बहु बडअ साहा। किबेकी बहु वक्ता पहिले भविष्यद्वक्ता भी, ईऊ साबे त्याहे सताई दे थी।


तमे धरती रा लूँण साहा; पर अगर लूँणा रा सुआद बिगड़े, तेबा कासु चीजे संघे लूँणा करना। तेहुकी सह कासी कामा लायक नांई, सीधी एतकी तणी कि बाग़े शोटे होर मणशा री ज़ांघा थंईं फिज़णे बै आसा। तमें संसारा री ज्योति साहा। जोह नगर पहाड़ा में बसुदा साहा सह गोझी नांई सकता। होर लोका सजीये ज़ाल़ी करे टोकरु थंईं नांई पर दीवटा पैंदे डाहंडा, तेबा घरा रे सभी लोका बे प्रयाषा पूजा। तेऊ साबे थारा प्रयाषा मणशा रे सामने चमके कि त्याह थारे भले कामा भाल़ी करे थारे बापू री, जोह स्वर्गा में साहा, बड़ाई करे।

यह नांई समझा, कि हाऊं मूसा री व्यवस्था या भविष्यद्वक्ता री कताबा खत्म करदअ आउअ दअ, खत्म करदअ नांई, पर पुरे करदअ आउअ दअ। किबेकि हाऊं तमाबे सच बोला, कि जेबरे तणी सरग होर पृथ्वी ना टल़ए, तेबरे तणी व्यवस्था रा एक मात्र या एक बिन्दु भी बिना पुरे होए नांई टल़णे। एतकी तणी जोह कोई या होछी का होछी आज्ञा मज़ा का कासु एकी भी चोडे, होर तेडा ही लोका बे सखाए, तेऊबै स्वर्गा रे राज्य में सभी का होछअ बोलणा, पर जोह कोई त्याह आज्ञा रा पालन करलअ होर त्याह सखाउलअ, तेऊबै सरगा रे राज़ा में बडअ मनलअ। किबेकि हाऊं तमा लोक बे बोला, कि अगर थारी धार्मिकता शास्त्री होर फरीसी री धर्मिकता का बडी करे नांई होए, तेबा तमा स्वर्गा रे राज्य में कधी भी प्रबेश नांई पाउणा।

तमे शूणी छेकू, मूसा री ब्यवस्था में हमारे पुर्बजा बे बोलुदा थी, कि हत्या नांई करे, होर जोह कोई हत्या करलअ सह कचहरी में दण्ड रे लायक हूँणअं। पर हाऊं तमाबे यह बोला, कि जोह कोई आपणे भाई पैंदे गुसा करा, तेऊबे परमेश्वरा री कचहरी में सजा दीणी, होर जोह कोई आपणे भाई बे नकाम्म बोललअ सह महा सभा में दण्ड रे लायक हूँणअं; होर जोह कोई बोले हे मुर्ख, सह नरका री आगि रे दण्ड रे लायक हूँणअं। एतकी तणी अगर तूह आपणी भेंट बेदी पैंदे आंणे, होर तखे तूह याद करे, कि तेरे भाई रै मना में ताहब कुछ बरोध साहा, तेबा आपणी भेंट तखी बेदी रे सामने छाडी दे, होर नाहीं करे आपणे भाई संघे मेल मिलाप कर होर तेबा इच्छी करे आपणी भेंट चढ़ा। जेबरे तणी तूह आपणे दुश्मन संघे बाता ही में साहा, तेऊ सगे झट पटे मेल मिलाप कर कई एडा नांई होए कि दुश्मन ताह न्यायधीशा सेटा बे भेजे, होर न्यायधीश ताह सपाही रे हाथे दे, होर ताह जेला में पाए। हाऊं तमाबै सच बोला की जेबरे तणी तूह पाई-पाई नांई भरे तेबरे तणी तखा का नांई छुटण।

तमे शूणी छेकू कि बोलुदा थी, ब्यभिचार नांई करे। पर हाऊं तमाबे यह बोला, कि जोह कोई कासु बेटड़ी बुरी नजरा सगे हेरे तेबा सह आपणे मना का तेसा संघे ब्यभिचार करी छेका। अगर तेरी धुरी आछ ताहवै ठोकर दे, तेबा तेसा काढी करे फंकी दे; किबेकि ताहबे यह भला साहा कि तेरे अंगा मेज़ा का एक अंग नष्ट होए होर तेरा सारा शरीर नरका री आगि मे नांई पडू लोडी। अगर तेरअ धुरअ हाथ ताहबे पापा री बजाह बणा, तेबा तेऊ काटी करे फेकी दे; किबेकि ताहब यह भला साहा कि तेरे अंगा मेज़ा का एक नष्ट होए होर तेरा सारा शरीर नरका में नांई पड़े।


यह भी बोलू दा साहा, जोह कोई आपणी बेटड़ी बे तलाक दे, सह तेसाबे त्यागपत्र दे। पर हाऊं तमाबे यह बोला कि जोह कोई आपणी बेटड़ी बे ब्यभिचारा रे सिबाए कासु होरी बजा का तलाक दे, तेबा सह तेसका ब्यभिचार कराउंदा; होर जोह कोई तेसा छाडी दी बेटड़ी संघे बिआह करे, सह ब्यभिचार करा।

तेहुकी तमें शूणी छेकू कि पुर्बजो का बोलू दा थी, कि झूठी कसम नांई खाए, कि परमेश्वरा बे आपणी कसम पूरी करे, पर हाऊं तमाबे यह बोला कि कधी भी कसम नांई खाए; ना तअ स्वर्गा री, किबेकि सह परमेश्वर रे सिंहासन साहा; ना पृथ्वी री, किबेकी सह तेऊरी ज़ाघा री चौउकी साहा; ना यरूशलेम री, किबेकि सह महा राजा रअ नगर साहा। आपणे मुड़ा री भी कसम नांई खाए किबेकी तूह एकु बाल़ा भी ना शेतअ, ना कालअ करी सकतअ। पर थारी गला हाँ कि हाँ, या नांई कि नांई हो; किबेकी जोह कुछ एताका ज्यादा हुंदा सह दुष्टा का हूँदा।


तमें शूणी छेकू कि व्यवस्था में लिखू दा साहा, आछी रे बदले आछ, होर दाँदा रे बदले दाँद। पर हाऊं तमाबे यह बोला कि दुष्टा रा बिरोध नांई करना; पर जोह कोई तेरी धुरी चुंजी थप्पड़ बाहे, तेऊ फेरा बे दूजी भी फेर। अगर कोई ताह पैंदे दोष लाई करे तेरा कुरते निणा चाहे, तेबा तेऊबै चोला भी निण दे। जोह कोई ताह एक मिल हांडणे बे बोले, तेबा तेऊ संघे दुई मिल हांडे जोह कुण ताहका मांगे , तेऊबै दे; होर जोह कोई ताहका उधार माँगणा चाह, तेऊका मुँह नांई मोडे।


तमे शूणी छेकू कि व्यवस्था में लिखू दा, आपणे पडोसी संघे प्रेम डाहे, होर आपणे बईरी संघे बईर। पर हाऊं तमाबे यह बोला कि आपणे बईरी संघे प्रेम डाहा होर आपणे सताउणे आलए बै प्रार्थना करा, जासू का तमा आपणे स्वर्गीय बापू रे शोहरू ठहरने किबेकी सह भले होर बुरे दुही लोका पैंदे आपणें सूरज उदय करा, होर धर्मी होर अधर्मी दुही लोका बै पाणी दींदा । किबेकी तमे आपणे प्रेम डाहंणे आले संघे प्रेम डाहा, तेबा परमेश्वरा तमाबे ईनाम किबे देलअ? चुंगी मागण आले भी एडा करदा?
अगर तमे सीधी आपणे भाई ही बै नमस्कार करे, तेबा कुण बडा काम तमे करा? क्‍या अन्यजाति भी ऐडा करा? एतकी तणी लोड़ी कि तमे सिद्ध बणा, जेड़अ थारअ स्वर्गीय बापू सिद्ध साहा।

گوێگرتن لە मत्ती 5