If you would like a copy of this version please contact info@davaraudiobibles.org

Kayort New Testament, CC-BY-SA-4.0, The Love Fellowship. Kayort New Testament Audio Bible, CC-BY-SA-4.0, Davar Partners International, The Love Fellowship, 2022.

Kayort New Testament

Kayort (केवट) Bible by The Love Fellowship is licensed under Creative Commons Attribution-ShareAlike 4.0 License.

हप्ताके पहेला दिन यानिकी ऐतबारके दिन भोरे सबेरे ऊ जनानीसब आपन तैय्यार कैल गमकौव्वा मसाला ल्याके सारामे ऐलै। ऊसब साराके प्रवेश द्वारके बडका पत्थलके हटैल देखल्कै। आर भितरमे जैके जब ऊसब देखल्कै ते प्रभु येशूके लास नैपैल्कै। एरंको देखिके ऊसब दुविधामे पडी गेलै जे यी कि भ्यागेलै? तखनिहैं ऊसब देखल्कै कि चमकौव्वा कपडा पिन्हल दीटा आदमी ओकरसिके बगलमे प्रकट भेलै। जब जनानीसब डरसे माथ झुक्याके नजर निच्चा करिके भुइयाँमे देखे लाग्लै ते, ऊ दोनो आदमी ओकरासिके कहैल्कै, “तुहेंसब जिन्दा भेलके मर्ल आदमीसिके सारामे कथिले खोजैछैं? येशू एत्ते नैछै। ऊ मुर्दासे जिन्दा भ्याके उठ्लै छे! गालील जिलामे हुऐ बख्तियाँ ऊ तोरासिके कि कहैल्कौ रहे से बात याद कर। ‘कि हमे, आदमीके बेटा पापी आदमीसिके हातमे सौंप्ल जैबै, आर क्रूसमे काँटी ठोकिके जान मार्ल जैबै आर तेसर दिनमे फेर मुर्दासे जिन्दा भ्याके उठ्बै।’ ” तखनी ओकरासिके येशूके कहेल बात याद ऐलै। तब ऊसब सारासे वापस आबिके आपन देख्ल सभे बातसब एगारो चेलासिके आर बाँकी आदमीसिके सभैके बतैल्कै। ऊ जनानीसब, मरियम जे मग्देला सहरके रहै, योअन्ना आर याकूबके मयाँ मरियम रहै आर ओकरसिके संगे भेल आरहौ जनानीसब रहै। इहेसब यी बात एगार चुन्ल आर भेज्ल चेलासिके सुनैल्कै रहे। मगर चुन्ल आर भेज्ल चेलासिके यी सभे बातसब बेमतलबवाला खिसा जेरं लाग्लै सोचल्कै आर ऊसब विश्वास नैकैल्कै। सारामे लिबिके देख्लके बाद, पत्रुस येशूके लासके लपेटल मलमलके कपडाके लम्बा चद्दर खाली राख्ल देखल्कै। यी देखिके ऊ चकित भ्याके घर चल गेलै।


उहे दिन येशूके दीटा चेलासब यरूशलेम सहरसे लगभग एगार किलोमिटर दूर इम्माउस नामके एकटा गाँवमहर जैते रहै। ऊसब हाले घट्ल सभे घटनाके बारेमे एक दोसरसे बातचित कर्ते रहै। येशू एरंके एक दोसरसे बातचित कर्ते जैबेरियाँ येशू आपनहैं आबिके ओकरसिके संग चले लाग्लै। मगर परमेश्वर ओकरासिके येशूके पहचानैसे रोकिके राखल्कै रहे। येशू ओकरासिके पुछल्कै, “तुहेंसब कोन चीजके बारेमे बात कर्ते लरैछैं?” ऊसब रुक्लै आर ओकरसिके चेहरा बहुते उदास लाग्ते रहै। ऊ दी झनमेसे क्लेओपास नामके चेला ओकरा पुछल्कै, “बाहारसे आबेवाला परदेशीसिमे शायद तुहें ही एकटा असकल्ला आदमी छह जकरा यी बात मालुम नैछै। पिछला कुछु दिनमे यरूशलेम सहरमे भेल घटनाके विषयमे कि तोरा मालुम नैछौं?” येशू ओकरासिके पुछल्कै, “कोन बात?” ऊसब जबाब देल्कै, “नासरत गाँवके निवासी येशूके विषयमे भेल बात। ऊ परमेश्वर आर आदमीसिके समनामे शक्तिशाली काम करेवाला आर अदभुत शिक्षा दिएवाला परमेश्वरके वक्ता रहै।” मगर प्रमुख पुजारी आर हमरसिके अगुवासब ओकरा मृत्युदण्डके लिए सौंपी देल्कै आर ओकरा क्रूसमे काँटी ठोकिके जान मारल्कै। उहे ही इस्राएलीसिके रोमीसिसे छुटकारा देतै कहिके हमेसब आशा कैलियै रहे। मगर ओकरा क्रूसमे काँटी ठोकिके जान मार्ल भी ऐज तीन दिन भ्यागेलै छे। एकर सिवाय हमरसिके दलके कोय-कोय जनानीसब हमरासिके चकित बनैल्कै छे। ऊसब ऐज भोरे सबेरे येशूके शरीर राख्ल सारामे गेलै। मगर ऊसब ओत्ते येशूके शरीर नैपैल्कै। ऊसब वापस आबिके हमरासिके सुनैल्कै, “हमेसब स्वर्गदूतके देख्लियै, जे येशू जिन्दा छै कहिके कहैल्कै। हमरसिके समूहके कोय-कोय आदमीसब सारामे गेलै, आर ऊ जनानीसब जे कहैल्कै रहे ओहिने पैल्कै, मगर येशूके नैदेखल्कै।”
येशू दोनो चेलासिके कहैल्कै, “तुहेंसब कतनें मूर्ख छैं! जे कुछु परमेश्वरके वक्तासब धरमशास्त्रमे लिखल्कै छे तोरासिके उटा बातमे विश्वास करैले बहुते कठिन लागैछौ। यी जरुरी रहै कि ख्रीष्ट यी सभे दुःख उठाबै आर फेर आपन महिमामे प्रवेश करै।” येशू ओकरासिके पुरा धरमशास्त्रमे, मूसाके विधि-विधानसे शुरु करिके सभे परमेश्वरके वक्तासिके द्वारा आपन विषयमे लिख्ल बात सम्झैल्कै।
इम्माउस गाँवके नज्दिक पुग्लके बाद येशू ओकरासिके एरंके देखैल्कै कि ऊ ओकरसिसे आगु जैले चाहैछै। मगर ऊ दीटा चेलासब ओकरा एरं कहिके बिन्ती कैल्कै, “हमरेसिके संगे रह, कहिनेकी सझौवा हुए लाग्लै छे आर दिन बहुते ढलि गेलै छे।” तब येशू ओकरसिके संगे रहैले घरमे गेलै। जब येशू ओकरसिके संगे खैले बैठ्लै, ऊ रोटी ल्याके परमेश्वरके धन्यवाद देल्कै, आर रोटी तोडीके ओकरासिके देल्कै। तब ऊसब महसुस कैल्कै कि ऊ येशू छै। तब तखनिहैं येशू ओकरसिके नजरसे बिल्या गेलै। ऊसब आपसमे कहैल्कै, “ऊ आपनसिके संगे रस्तामे बातचित करैबेरियाँ आर अपनासिके धरमशास्त्रके मतलब व्याख्या करैबेरियाँ कि आपनसिके हृदय उत्साह आर आशासे नैभर्ल रहै?” तब ऊसब तखनिहैं उठिके यरूशलेम सहरमहर वापस ऐलै, आर एगार चेला आर ओकरसिके संगे जमा भेल सभैके भेट कैल्कै। आर ऊसब दीटा चेलासिके एरं कहैल्कै, “प्रभु सच्कोरे मुर्दासे जिन्दा भ्याके उठ्लै छे आर सिमोन पत्रुसके लगत दिखाई पड्लै रहे।” तब ऊ दीटा चेलासब रस्तामे घट्ल घटना आर येशू रोटी तोडैबेरियाँ ऊसब ओकरा चिन्हल बात चेलासिके सुनैल्कै।


ऊसब जब यी बातके चर्चा कर्तहैं रहै, येशू ओकरसिके बीचमे प्रकट भेलै आर कहैल्कै, “तोरासिके शान्ति मिलौ।” भूत देख्लियै छे कहिके ऊसब घबरैलै आर डरैलै। मगर येशू ओकरासिके कहैल्कै, “तुहेंसब कथिले एरंके विचलित हैछैं, आर तुहेंसब आपन मनमे कथिले शंका करैछैं? हमर हात पैर देख तब यी हम्हीं छियै कहिके तुहेंसब जान्भैं। आपने हातसे हमरा छुबिके देख, यी हमर हड्डी आर मासके शरीर छै, मगर भूतके ते हड्डी आर मासके शरीर नैहैछै!”
एरं कहिके ऊ ओकरासिके आपन हात आर पैर देखैल्कै। ऊसब एतनें ढेर खुशी आर चकित भेलै कि ओकरासिके यी बातके विश्वासे नैभेलै कि येशू मुर्दासे जिन्दा भेलै छे। उटा समयमे येशू ओकरासिके कहैल्कै, “कि तोरसिकेलगत एत्ते कोनो खाना छौ?” ऊसब ओकरा पकैल माछ देल्कै। जब ऊसब देख्ते रहै तब येशू उटा माछ खैल्कै। आर ओकरासिके कहैल्कै, “हमे तोरसिके संगे रहै बेरियाँ हमर बोल्ल बातसब इहे छै ‘हमर विषयमे मूसाके विधि-विधान, परमेश्वरके वक्ता आर भजनके किताबमे लिख्ल सभे बात पुरा हुहै पड्तै’ कहिके हमे तोरासिके कहैलियौ रहे!” तकरबाद ऊ ओकरासिके धरमशास्त्रमे लिख्ल बात तब बुझैले सहायता कैल्कै। आर ऊ ओकरासिके कहैल्कै, “धरमशास्त्रमे एरं लिख्ल छै, कि: ख्रीष्ट दुःख भोगिके तेसर दिन फेर मुर्दासे जिन्दा भ्याके उठ्तै। ख्रीष्टके नाममे पाप करैले छोडिके परमेश्वरके तरफ मन लगैनेसे पापके माफी मिलैछै कहिके यरूशलेम सहरसे ल्याके सारा संसारमे जात-जातके आदमीसिके प्रचार कैल जाना चाही। तुहेंसब यी सभे बातके गवाह ठहर्भैं। आर हमे खुद तोरसिके उप्परमे पवित्र आत्माके भेज्बौ जकर वादा हमर पिता कैल्कै छे। मगर तोरासिके तबतक सहरमे इन्तजार करे पड्तौ जबतक तोरासिके स्वर्गसे शक्ति नैदेल जैछौ।”


तकरबाद येशू चेलासिके सहरसे बाहार बेथानियाँ गाँवमहर ल्यागेलै, ओत्ते पहुँचीके ऊ आपन हात उठ्याके ओकरासिके आशीर्वाद देल्कै। जब येशू आशीर्वाद देते रहै, ऊ ओकरसिसे अलग भेलै आर स्वर्गमे लजैल गेलै। ऊसब ओकर आगुमे झुकिके ओकर आराधना कैल्कै गोड लागल्कै आर खुब खुशी हैते यरूशलेम सहरमहर वापस गेलै ऊसब सभे दिन परमेश्वरके मन्दिरमे जमा है आर परमेश्वरके स्तुति करै।

گوێگرتن لە लूका 24