<div class="version vid3478 iso6393wum" data-vid="3478" data-iso6393="wum">
 <div class="book bkLUK">
 <div class="chapter ch4" data-usfm="LUK.4">
 <div class="label">4</div><div class="s">IMAAMA DZE ZEZU</div><div class="p"> 1Zezu, ayinga nzali ye Zudeen. Singa ye Fudzu ye Umpende yedze nedzi, Fudzu ye Umpende ya bapa wangu se ikanye. 2Awawu ye Satan emaama Zezu se masi meku menayi. Se masi mamu mesi wangu akuta utsili ve nzala, ye mana nzala ya kwata wangu. 3Satan nedzi ati: &#171;Ti wedzi ni nwana we Nzambi, tanda ne imanya dzi dze yikwene bila.&#187; 4Zezu nedzi ati: &#171;Batende se sanguvu ye Umpende.&#187; Ati: &#171;Mutu nde lunga ne bila bitu.&#187; 5Yumana vavu, ye Satan ebapa Zezu ikulu ne ulaka wangu melongo mesi. 6Wangu nedzi ati: &#171;We ni wami itse kaba ukani, ne untanvu nwen melongo mesi, byangu byesi ni byami, me tuka kaba ne wami itondo. 7Ti wavuna mebongo busu vami ne ubondo me, metse kabe we bibyesi.&#187; 8Zezu nedzi ati: &#171;Batende se sanguvu ye Umpende.&#187; Ati: &#171;Wowe itse bondo si Kunwu Nzambi ne upika dzandza dzedzi mene.&#187; 9Ye Satan ebapa Zezu Zeluzalemi, yedzi esatse wangu kule nwanza nwen ndaku ye Nzambi nedzi ati: &#171;Ti wedzi ni nwana we Nzambi, padzime sina.&#187; 10Ni batende se sanguvu ye Umpende ati: &#171;Utsina nowe Nzambi aluma betuma bedzi ne ubata we.&#187; 11Bangu betse supa we se meboko me bangu toko mekulu mowe makula memanya. 12Zezu nedzi ati: &#171;Batende se sanguvu ye Umpende.&#187; Ati: &#171;We nde maama Kunwu Nzambi wowe.&#187; 13Satan amana maama Zezu se misumvu myesi, yedzi etse ulayi nedzi ndzii ne ndili ye Nzambi etanda.</div><div class="s">Zezu abanda dzandza dzedzi Galile</div><div class="p"> 14Fudzu ye Umpende ye mana lundise Zezu, yedzi evutse Galile. Batu bedze ne uyuka likuma ledzi se bingundu bye nongo ne Galile. 15Wangu edze ne lakise iwowe dze Nzambi se mendaku me umbondu, batu besi bedze ne kakise wangu.</div><div class="s">Batu balewe Zezu Nazaleti</div><div class="p"> 16Zezu atse Nazaleti, ngundu yedzi enene. Vusa ve idzundu Zezu anyindzile se ndaku ye umbondu, yangu niku yedzi, ye utelime ne untangale sanguvu ye Umpende. 17Ye bekaba wangu sanguvu ye Ezayi Mutu we Nzambi. Zezu adzuvile sanguvu, ayene buma ye batende ati: 18&#171;Fudzu ye Kunwu yedzi kule yami.&#187;</div><div class="q1">Wangu ni we me tobo me,</div><div class="q1">ne utanda be unkuna unsisili umve,</div><div class="q1">wangu ni we me luma me</div><div class="q1">ne utanda ne bidzi mingenenge ati, Bangu baya ni nyengele,</div><div class="q1">ne utanda ne be misa pii ati, bangu betuka yene,</div><div class="q1">ne utanda ne be binyokile ati, bangu baya ne singa.</div><div class="q1"> 19Ne utanda ne batu</div><div class="q1">ayi ni ndili ye beyi bitse yene itondo dze Kunwu.</div><div class="p"> 20Zezu adzuba Sanguvu, avutise Sanguvu ne undzandzi, asunda untsitsi, batu besi bedze se ndaku ye umbondu bedze ne misa kule yedzi. 21Zezu ne bangu ati: &#171;Me beyi beme yuka me tangala se Sanguvu ye Umpende, mayikwe lolo umbu.&#187; 22Batu besi bayene wangu umve, bakima ne ma nvu meve medze ne pula se undzu nvu nwedzi, ni mutu yu, ka nwana we Zozefi. 23Zezu ne bangu ati: &#171;Me yiba miti beyi befumba te me ngana ye unsaki, saka we, we mene, beyi betandele me ati, besu bayuka mowe me pika se ngundu ye kapenayumi, pika mangu motu se ngundu yowe mene.&#187; 24Zezu avele tanda ne bangu ati: &#171;Me tanda beyi ni umbu amene, Mutu we Nzambi, batu nde mekidze wangu se ngundu yedzi mene.&#187; 25Metanda beyi ni umbu, ndili ye Eli Mutu we Nzambi, se ilongo dze Izayeli yedze ne mikwili miyitsi. Ndili mene yangu mbotu, badze bisiwu bisatu ne liyi, nvula nde no, ne pinga ya kwa se ilongo dzesi dze Izayeli. 26Ni Nzambi eke luma Eli kwele ye unkwili nwen Izayeli, wangu eluma Eli ni kwele ye unkwili nwen ngundu ye Salepeta se ilongo dze Sidoni. 27Ndili ye Elizi Mutu we Nzambi, yedze ne batu bedze ne bifima se Izayeli, ni Elizi eke lungise mutu tine motu se Izayeli, ni Elizi alungise Naama we ilongo dze Sili. 28Ye batu besi beyuka me Zezu edze ne utanda se ndaku ye umbondu, ye bangu besi beka mve nedzi. 29Bangu batelime, bapanza Zezu se ngundu, babapa wangu se kudzi ye bangu betunga ngundu, bangu bafumba linda wangu. 30Ni Zezu asuta tima ye bangu, yedzi etse.</div><div class="s1">Zezu asaka mutu wedzi ne umbiti</div><div class="p"> 31Zezu atse Kapenayumi ngundu ye Galile vusa ve idzundu, Zezu alakise batu. 32Bangu besi bakima nda wangu edze ne ulakise, ni Zezu edze ne uwowe ne singa ye Nzambi ekaba wangu. 33Se ndaku ye umbondu, yedze ne mutu motu wedze ne umbiti, wangu awula unsima ne singa ati: 34&#171;We Zezu we Nazaleti, yowe ifumba ne besu niyi? We meya ni ne utsala singa ye besu? Meyibe we, we ni umpende nwen Nzambi me luma.&#187; 35Zezu atanda ne umbiti ati: &#171;Dzuba undzumvu, pula.&#187; Ye umbiti nwen nawunle mutu mene busu ve batu besi, ye nwangu nwen pula, mutu mene eke yukumve mbonzi. 36Batu besi bakima, bawowe tima ye bangu ati: &#171;Ami miwowili ni binza? Apanza mimbiti ye myangu mipula.&#187; 37Ye batu besi bewowe ne kumvu ye Zezu se ilongo dzesi.</div><div class="s">Zezu asaka mibedzu miyitsi</div><div class="p"> 38Zezu apula ndaku ye umbondu, atse ndaku ye Simon, akobise utsili ve Simon ve saba ne unwaku nwen singa. Batu basunwule Zezu ne usaka wangu. 39Zezu adondime kule yedzi, akamve ne unwaku ye unwaku nwen siya, ye utsili ve Simon ve telime ne ukaba bangu bila. 40Ne ikolo batu bedze ne mebedzu mesi, babapa bangu kwele ye Zezu, yedzi esatse bangu meboko, ye mibedzu myesi mye lunga. 41Ne mimbiti miyitsi mya pula se batu ne uwula misima ati: &#171;Weni nwana we Nzambi.&#187; Ni Zezu abanwunle bangu asumba bangu ne uwowe, ne bangu beyiba ati, wangu ni we Nzambi etobo.</div><div class="s">Zezu alakise se mendaku me umbondu</div><div class="p"> 42Vusa ve se nwen, Zezu apula se ngundu, atse se buma ye ikanye. Batu batse ne ufumba Zezu, bakobise wangu, basumba Zezu ati: &#171;Wende tse.&#187; 43Ni Zezu ne bangu ati: &#171;Uve matse ne utanda misisili mive mye likuma le Nzambi se bingundu byoko, Nzambi ameluma me utsina ne vavu.&#187; 44Ye Zezu etse ne utanda misisili mive se mendaku me umbondu me Zudee.</div>
 </div>
 </div>
</div>

©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Zezu, ayinga nzali ye Zudeen. Singa ye Fudzu ye Umpende yedze nedzi, Fudzu ye Umpende ya bapa wangu se ikanye. Awawu ye Satan emaama Zezu se masi meku menayi. Se masi mamu mesi wangu akuta utsili ve nzala, ye mana nzala ya kwata wangu. Satan nedzi ati: «Ti wedzi ni nwana we Nzambi, tanda ne imanya dzi dze yikwene bila.» Zezu nedzi ati: «Batende se sanguvu ye Umpende.» Ati: «Mutu nde lunga ne bila bitu.» Yumana vavu, ye Satan ebapa Zezu ikulu ne ulaka wangu melongo mesi. Wangu nedzi ati: «We ni wami itse kaba ukani, ne untanvu nwen melongo mesi, byangu byesi ni byami, me tuka kaba ne wami itondo. Ti wavuna mebongo busu vami ne ubondo me, metse kabe we bibyesi.» Zezu nedzi ati: «Batende se sanguvu ye Umpende.» Ati: «Wowe itse bondo si Kunwu Nzambi ne upika dzandza dzedzi mene.» Ye Satan ebapa Zezu Zeluzalemi, yedzi esatse wangu kule nwanza nwen ndaku ye Nzambi nedzi ati: «Ti wedzi ni nwana we Nzambi, padzime sina.» Ni batende se sanguvu ye Umpende ati: «Utsina nowe Nzambi aluma betuma bedzi ne ubata we.» Bangu betse supa we se meboko me bangu toko mekulu mowe makula memanya. Zezu nedzi ati: «Batende se sanguvu ye Umpende.» Ati: «We nde maama Kunwu Nzambi wowe.» Satan amana maama Zezu se misumvu myesi, yedzi etse ulayi nedzi ndzii ne ndili ye Nzambi etanda.

Fudzu ye Umpende ye mana lundise Zezu, yedzi evutse Galile. Batu bedze ne uyuka likuma ledzi se bingundu bye nongo ne Galile. Wangu edze ne lakise iwowe dze Nzambi se mendaku me umbondu, batu besi bedze ne kakise wangu.

Zezu atse Nazaleti, ngundu yedzi enene. Vusa ve idzundu Zezu anyindzile se ndaku ye umbondu, yangu niku yedzi, ye utelime ne untangale sanguvu ye Umpende. Ye bekaba wangu sanguvu ye Ezayi Mutu we Nzambi. Zezu adzuvile sanguvu, ayene buma ye batende ati: «Fudzu ye Kunwu yedzi kule yami.»
Wangu ni we me tobo me,
ne utanda be unkuna unsisili umve,
wangu ni we me luma me
ne utanda ne bidzi mingenenge ati, Bangu baya ni nyengele,
ne utanda ne be misa pii ati, bangu betuka yene,
ne utanda ne be binyokile ati, bangu baya ne singa.
Ne utanda ne batu
ayi ni ndili ye beyi bitse yene itondo dze Kunwu.
Zezu adzuba Sanguvu, avutise Sanguvu ne undzandzi, asunda untsitsi, batu besi bedze se ndaku ye umbondu bedze ne misa kule yedzi. Zezu ne bangu ati: «Me beyi beme yuka me tangala se Sanguvu ye Umpende, mayikwe lolo umbu.» Batu besi bayene wangu umve, bakima ne ma nvu meve medze ne pula se undzu nvu nwedzi, ni mutu yu, ka nwana we Zozefi. Zezu ne bangu ati: «Me yiba miti beyi befumba te me ngana ye unsaki, saka we, we mene, beyi betandele me ati, besu bayuka mowe me pika se ngundu ye kapenayumi, pika mangu motu se ngundu yowe mene.» Zezu avele tanda ne bangu ati: «Me tanda beyi ni umbu amene, Mutu we Nzambi, batu nde mekidze wangu se ngundu yedzi mene.» Metanda beyi ni umbu, ndili ye Eli Mutu we Nzambi, se ilongo dze Izayeli yedze ne mikwili miyitsi. Ndili mene yangu mbotu, badze bisiwu bisatu ne liyi, nvula nde no, ne pinga ya kwa se ilongo dzesi dze Izayeli. Ni Nzambi eke luma Eli kwele ye unkwili nwen Izayeli, wangu eluma Eli ni kwele ye unkwili nwen ngundu ye Salepeta se ilongo dze Sidoni. Ndili ye Elizi Mutu we Nzambi, yedze ne batu bedze ne bifima se Izayeli, ni Elizi eke lungise mutu tine motu se Izayeli, ni Elizi alungise Naama we ilongo dze Sili. Ye batu besi beyuka me Zezu edze ne utanda se ndaku ye umbondu, ye bangu besi beka mve nedzi. Bangu batelime, bapanza Zezu se ngundu, babapa wangu se kudzi ye bangu betunga ngundu, bangu bafumba linda wangu. Ni Zezu asuta tima ye bangu, yedzi etse.

Zezu atse Kapenayumi ngundu ye Galile vusa ve idzundu, Zezu alakise batu. Bangu besi bakima nda wangu edze ne ulakise, ni Zezu edze ne uwowe ne singa ye Nzambi ekaba wangu. Se ndaku ye umbondu, yedze ne mutu motu wedze ne umbiti, wangu awula unsima ne singa ati: «We Zezu we Nazaleti, yowe ifumba ne besu niyi? We meya ni ne utsala singa ye besu? Meyibe we, we ni umpende nwen Nzambi me luma.» Zezu atanda ne umbiti ati: «Dzuba undzumvu, pula.» Ye umbiti nwen nawunle mutu mene busu ve batu besi, ye nwangu nwen pula, mutu mene eke yukumve mbonzi. Batu besi bakima, bawowe tima ye bangu ati: «Ami miwowili ni binza? Apanza mimbiti ye myangu mipula.» Ye batu besi bewowe ne kumvu ye Zezu se ilongo dzesi.

Zezu apula ndaku ye umbondu, atse ndaku ye Simon, akobise utsili ve Simon ve saba ne unwaku nwen singa. Batu basunwule Zezu ne usaka wangu. Zezu adondime kule yedzi, akamve ne unwaku ye unwaku nwen siya, ye utsili ve Simon ve telime ne ukaba bangu bila. Ne ikolo batu bedze ne mebedzu mesi, babapa bangu kwele ye Zezu, yedzi esatse bangu meboko, ye mibedzu myesi mye lunga. Ne mimbiti miyitsi mya pula se batu ne uwula misima ati: «Weni nwana we Nzambi.» Ni Zezu abanwunle bangu asumba bangu ne uwowe, ne bangu beyiba ati, wangu ni we Nzambi etobo.

Vusa ve se nwen, Zezu apula se ngundu, atse se buma ye ikanye. Batu batse ne ufumba Zezu, bakobise wangu, basumba Zezu ati: «Wende tse.» Ni Zezu ne bangu ati: «Uve matse ne utanda misisili mive mye likuma le Nzambi se bingundu byoko, Nzambi ameluma me utsina ne vavu.» Ye Zezu etse ne utanda misisili mive se mendaku me umbondu me Zudee.

گوێگرتن لە Luk 4