<div class="version vid344 iso6393mfe" data-vid="344" data-iso6393="mfe">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt2"><span class="content">INTRODIKSION</span></div><div class="im"><span class="content">Bonn Nouvel dapre Matie rakont bon nouvel ki Zezi limem Sover ki Bondie ti promet; limem par ki Bondie finn ranpli bann promes ki li ti fer so pep dan Ansien Testaman. Sa bon nouvel la, li pa zis pou lepep Zwif kot Zezi ti pran nesans e kot li ti viv, me pou lemonn antie.</span></div><div class="ip"><span class="content">Matie bien organize. Li komans par nesans Zezi; li rakont so batem ek so tantasion; lerla li koz lor so minister laparol, lansegnman ek gerizon dan Galile. Apre sa, Bonn Nouvel la rakont vwayaz ki Zezi ti fer depi Galile ziska Zerizalem, ek bann levennman so dernie semenn ki fini par so lamor lor lakrwa ek so rezireksion.</span></div><div class="ip"><span class="content">Sa Bonn Nouvel la prezant Zezi kouma enn gran Met ki ena lotorite pou interpret Lalwa Bondie, e ki donn lansegnman lor Rwayom Bondie. Enn bon parti so lansegnman groupe par size dan sink seksion: (1) Sermon lor montagn, ki konsern karakter, devwar, privilez ek destin bann sitwayin Rwayom lesiel (sapit 5-7); (2) instriksion pou bann douz disip lor zot mision (sapit 10); (3) parabol lor rwayom lesiel (sapit 13); (4) lansegnman lor kisavedir vinn enn disip (sapit 18); ek (5) lansegnman lor lafin lepok prezan ek larive Rwayom lesiel (sapit 24-25).</span></div><div class="iot"><span class="content">Plan Bonn Nouvel Matie</span></div><div class="io1"><span class="content">Rasinn ek nesans Zezi Kris 1.1-2.23</span></div><div class="io1"><span class="content">Minister Zan Batis 3.1-12</span></div><div class="io1"><span class="content">Batem ek tantasion Zezi 3.13-4.11</span></div><div class="io1"><span class="content">Minister piblik Zezi dan Galile 4.12-18.35</span></div><div class="io1"><span class="content">Depi Galile ziska Zerizalem 19.1-20.34</span></div><div class="io1"><span class="content">Dernie semenn dan Zerizalem 21.1-27.66</span></div><div class="io1"><span class="content">Rezireksion ek bann aparision Zezi 28.1-20</span></div>
      </div>
   </div>
</div>

Mauritian Kreol New Testament © Bible Society of Mauritius, 2009. 

INTRODIKSION
Bonn Nouvel dapre Matie rakont bon nouvel ki Zezi limem Sover ki Bondie ti promet; limem par ki Bondie finn ranpli bann promes ki li ti fer so pep dan Ansien Testaman. Sa bon nouvel la, li pa zis pou lepep Zwif kot Zezi ti pran nesans e kot li ti viv, me pou lemonn antie.
Matie bien organize. Li komans par nesans Zezi; li rakont so batem ek so tantasion; lerla li koz lor so minister laparol, lansegnman ek gerizon dan Galile. Apre sa, Bonn Nouvel la rakont vwayaz ki Zezi ti fer depi Galile ziska Zerizalem, ek bann levennman so dernie semenn ki fini par so lamor lor lakrwa ek so rezireksion.
Sa Bonn Nouvel la prezant Zezi kouma enn gran Met ki ena lotorite pou interpret Lalwa Bondie, e ki donn lansegnman lor Rwayom Bondie. Enn bon parti so lansegnman groupe par size dan sink seksion: (1) Sermon lor montagn, ki konsern karakter, devwar, privilez ek destin bann sitwayin Rwayom lesiel (sapit 5-7); (2) instriksion pou bann douz disip lor zot mision (sapit 10); (3) parabol lor rwayom lesiel (sapit 13); (4) lansegnman lor kisavedir vinn enn disip (sapit 18); ek (5) lansegnman lor lafin lepok prezan ek larive Rwayom lesiel (sapit 24-25).
Plan Bonn Nouvel Matie
Rasinn ek nesans Zezi Kris 1.1-2.23
Minister Zan Batis 3.1-12
Batem ek tantasion Zezi 3.13-4.11
Minister piblik Zezi dan Galile 4.12-18.35
Depi Galile ziska Zerizalem 19.1-20.34
Dernie semenn dan Zerizalem 21.1-27.66
Rezireksion ek bann aparision Zezi 28.1-20

گوێگرتن لە Mt INTRODIKSION