If you have would like a copy of this version please contact info@davarpartners.org

Text: Garhwali New Testament, CC-BY-SA-4.0, The Love Fellowship. -- Audio: Garhwali New Testament Audio Bible, CC-BY-SA-4.0, Davar Partners International, The Love Fellowship, 2021

Garhwali New Testament

Garhwali - Common Language Version BSI (NT) Drama

Garhwali -2018- WBT (John and James) Drama

Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.

फरीसियों मा बट्टी नीकुदेमुस नौं कु एक आदिम छो जु यहूदियों कु धार्मिक अगुवा छो उ एक फरीसी छो। वेल राती यीशु का संमणी ऐ के वेमा बोलि, हे गुरु हम जंणदा छा परमेश्वर ल त्वे तैं हम तैं सिखांण कु भिज्युं च किलैकि कुई भि यूं चमत्कार तैं जु तु दिखौंदि छै त जु परमेश्वर वे दगड़ी नि हो त नि दिखै सकदु। यीशु ल वे तैं जवाब द्ये, कि मि त्वे बट्टी सच-सच बुल्ण छौं जु कुई नया सिरा से नि जन्मो त परमेश्वर का राज्य कु अनुभव नि कैरी सकद। नीकुदेमुस ल वेमा बोलि, मनिख जब बुढया हवे गै त कनके जन्म ले सकद? निश्चित रूप बट्टी एक आदिम दुसरी बार पैदा हूंण कु अपड़ी ब्वे कि कोखी मा वापिस नि जै सकद? यीशु ल जवाब द्ये, कि मि त्वे बट्टी सच-सच बुल्ण छौं जब तक कुई मनिख पांणी अर पवित्र आत्मा बट्टी नि जन्मो त उ परमेश्वर का राज्य मा प्रवेश नि कैर सकद। मनिख भस मनिख जीवन तैं ही दुबरा पैदा किये सकदु च, इलै पवित्र आत्मा स्वर्ग बट्टी नयो जीवन दींदो। भैचक नि हो कि मिल त्वे बट्टी बोलि, त्वे तैं नया सिरा बट्टी पैदा हूंण जरूरी च। हवा जनै चाँदि उख चलदी च अर तु वेकी आवाज सुंणदि छै पर नि जंणदी कि व कख बट्टी औणि अर कनै कु जांणि च? जु कुई पवित्र आत्मा बट्टी चलदो च उ इन ही च। नीकुदेमुस ल वे तैं जवाब दींनि, कि यु बात कनके हवे सकदींनि? यु सूंणि के यीशु ल वे तैं उत्तर दे, “तु इस्राएल का लुखुं का घराना मा एक महान शिक्षक छै त्वे तैं वास्तव मा यूं बातों तैं समझण चयणु च? मि त्वे बट्टी सच-सच बुल्ण छौं, कि हम जु जंणदा छा उ ही बुल्दा छा, पर जै तैं हम ल देखि वेकी गव्है दींदां छा अर तुम हम जु बुल्दा छा वे पर विश्वास नि करदां। जब मिल तुम बट्टी धरती पर हूंण वली बातों तैं बोलि, अर तुम विश्वास नि कैरी त मि तुम बट्टी स्वर्ग की बातों तैं बोलु की स्वर्ग मा कि होलो त फिर कनके विश्वास करिल्या? कुई स्वर्ग पर नि गै पर भस मि मनिख कु नौंनो ही स्वर्ग बट्टी मुड़ी अयुं छों। और जै ढंग से मूसा ल एकांत जंगल म पीतल कु गुरो तैं ऊँचा पर चड़ै वे ही ढंग से जरूरी च कि मि मनिख कु नौंनो भि ऊँचा पर चड़ै जौं। इलै की जु कुई मि पर विश्वास कैरो उ अनन्त जीवन पालो।
किलैकि परमेश्वर ल दुनिया का लुखुं बट्टी इन प्रेम रखि कि वेल अपड़ो एकलौतो नौंनो दे दींनि इलै की जु कुई मि पर विश्वास कैरो उ नष्ट नि हो पर अनन्त जीवन पौ। किलैकि परमेश्वर ल अपड़ा नौंना तैं दुनिया का लुखुं पर दंड दींणु कु नि भेजि, पर इलै भेजि कि दुनिया का लोग वेका द्वारा उद्धार पां। जु परमेश्वर का नौंना पर विश्वास करदो वे पर दंड की आज्ञा नि हूंदी पर जु वे पर विश्वास नि करदो उ अपराधी ठैरी चुकि गै इलै की वेल परमेश्वर का एकलौता नौंना का नौं पर विश्वास नि कैरी। अर दंड कि आज्ञा कु कारण यु च कि उज्यला जगत मा ऐ, मनिख्युं ल अंधेरो तैं उज्यला बट्टी जादा अच्छो जांणि किलैकि ऊँका काम बुरा छा। किलैकि जु कुई बुरै करदो उ उज्यला बट्टी बैर रखदु अर उज्यला मा नि औंदु कखी इन नि हो कि ऊंका कामों पर भंगार लगै जौं। पर जु सच पर चलदो, उ उज्यला मा औंदु च किलैकि वेका काम प्रगट हूंनु कि उ जु परमेश्वर चांदु च कि उ कैरो किये गै छा।”

यांका बाद यीशु अर वेका चेला यहूदिया प्रान्त मा ऐनी अर उ उख ऊं दगड़ी रै के बपतिस्मा दींण लगि गै। अर यूहन्ना भि ऐनोन गौं मा जु सामरिया क्षेत्र सालेम नगर का संमणी च मा बपतिस्मा दींदु छो किलैकि उख भौत पांणी छो अर लोग ऐ के बपतिस्मा ल्यून्दा छा। किलैकि यूहन्ना वे बगत तक जेलखना म नि डले गै छो। उख यूहन्ना का चेलों कु कै यहूदियों का अपड़ा धार्मिक रीति का अनुसार हथ धुणौं कु रिवाज छो येका बारा मा झगड़ा हवे। अर यूहन्ना का चेला यूहन्ना का संमणी ऐ के वेमा बुल्ण लगी गैनी, “हे गुरु जु मनिख यरदन गाड का पूर्व दिशा मा त्वे दगड़ी छो अर जै की तिल गव्है दे छै, देख, उ बपतिस्मा दींणु च अर सब लोग संमणी औंदा छिन।” यूहन्ना ल जवाब दे जब तक मनिख तैं स्वर्ग बट्टी न दिये जौं तब तक उ कुछ नि पै सकद। तुम तैं निश्चित रूप बट्टी याद च की मिल तुम तैं कन बतै छो, की मिल बोलि, मि मसीह नि छौं पर वेका अगनैं भिजे गै छौं। ब्योला ब्योली से ब्यो कैरी के वीं दगड़ी ही खड़ो हुंदू अर वे तैं सुंणदो च, ब्योला का शब्दो बट्टी भौत खुश हुंदू, अब मेरी या खुशी पूरी हवे गै अर मेरू मन आनन्द बट्टी भुरे गै। उ अर अधिक महत्वपूर्ण हवे जौ अर मि कम महत्वपूर्ण हवे जौं। जु स्वर्ग बट्टी औंदु उ श्रेष्ट च जु धरती बट्टी औंणु उ धरती कु ही च अर धरती कि बात बुल्द जु स्वर्ग बट्टी औंणु उ सबसे बड़ी के च। जु कुछ वेल देखि अर सूंणि वेकी गव्है दींद अर भौत कम लोग वेकी गव्है तैं स्वीकार करदींनि। पर जैल वेकी गव्है स्वीकार कैरेली वेल ईं बात पर मोहर लगै दींनि कि परमेश्वर सचो च। किलैकि जै तैं परमेश्वर ल भेजि उ परमेश्वर कि बात बुल्द किलैकि यु ऊई च जै तैं परमेश्वर ल पवित्र आत्मा पूरा ढंग से दीयूं च। पिता परमेश्वर नौंना से प्रेम रखदु अर वेल सब चीज वेका हथ मा दियीं छिन। जु परमेश्वर का नौंना पर विश्वास करदो अनन्त जीवन वेको ही च पर जु नौंना कि नि मणदो वे तैं अनन्त जीवन नि मिलालो पर परमेश्वर कु दण्ड वे पर ही रालो।

گوێگرتن لە यूहन्ना 3