If you have would like a copy of this version please contact info@davarpartners.org

Kimochi Old Testament

<div class="version vid3097 iso6393old" data-vid="3097" data-iso6393="old">
 <div class="book bkGEN">
 <div class="chapter ch34" data-usfm="GEN.34">
 <div class="label">34</div><div class="s">Simeoni na Lewi wataa ki&#7775;ache kipfa kya mshiki owo</div><div class="p"> 1Nahong'u Dina, mana o kika o Lea, msa Lea alefeeya Yakobo, kakure nahende iwona wana wa kika wa oruka lulya. 2Shekemu, mana o Hamori, Mhivi, mnene o oruka, kammbona kamduo, kala&#7775;ana nao kamnyama&#7775;a wukeha wulya woke. 3Mrima foke fukaoshana na Dina mana o Yakobo, kakunda manachu o kika, kadeda na manachu ko madedo mecha. 4Shekemu kawia ndee Hamori, kahamba, &#8220;Kekunjiinengie manachu o kika nawe mka oko.&#8221; 5Kyasia Yakobo kaicho ke amenyama&#7775;a wukeha wo mana oke Dina. Na wana wake wawei na shuma kulya patenyi. Yakobo kakutsiia, m&#7775;asa kiheri walecha.</div><div class="p"> 6Hamori, ndee o Shekemu kakure kahendia Yakobo nadede nao. 7Wana wa Yakobo wekiicho isho, wakacha wawuka patenyi, wakasokyo mnu nyi fowa, wakarihinyika mnu, kipfa kya ili alewuta sha wukika ko Israeli, kya alela&#7775;ana na mana o Yakobo, kindo kilasumhanyi iwuto. 8Hamori kadeda nawo, kechihamba, &#8220;Mrima fo mana oko Shekemu fulangie mana onu o kika, hoinyi kekumnengienyi namwalike. 9Mualikane naso, muluinenge so wana wanu wa kika, nanyo mukudae wana wadu ya kika. 10Nanyo mochikaa naso, na orukalu lochikaa oshangunyi lonu; kaenyi, na ikapiapfo mbucha, mukuwonyiepfo masaa.&#8221; 11Shekemu kawia ndee o mana ulya o kika na wana wa mae, &#8220;Kenjiidikienyi oshangunyi lonu, na chandu mochinjiwia njechiwuta. 12Ma mukafehe&#7775;a mnu ngosa na kitsinyio, njechiwuta chandu mochinjiwia, kya indi munnenge manachu o waka nawe mka oko.&#8221;</div><div class="p"> 13Wana wa Yakobo wakahaluo Shekemu na ndee Hamori, kui mtambo, kipfa nalenyama&#7775;a mshiki owo Dina, 14wakawawia, &#8220;Lochiidima iwuta idedolyipfo, luinengie mshiki odu ko mndu alamdinepfo; kiwewa wusutsu kodu. 15Kyaindi kipfa kya iki tupu lochiidikiana nanyo; mkawa chaso, orio mndu mso&#7775;o o konu ose kadino, 16nlyondi lochimuinenga nyo wana wadu wa kika, naso lochionduo wana wanu wa kika, lochikaa handu hamu nanyo, naso lochiwa wandu wamu. 17Kyaindi kokoya mulaluidikia mukadino, nahong'u lochionduopfo mshikichu odu, luhende kodu.&#8221; 18Madedoho hawo hakachia oshangunyi lo Hamori, na oshangunyi lo Shekemu, mana o Hamori. 19Manake ulya aleti&#7775;a iwuta idedo lilyapfo, kyamba nalechihi&#7775;o mnu nyi mana ulya o waka o Yakobo. Ngose&#7775;a ya isho Shekemu nawewode ki&#7775;umi kota wose wa kanyi ko ndee.</div><div class="p"> 20Hamori na mana oke Shekemu, wakacha na alya mongo fo m&#7775;inyi fowo, wakadeda na wandu wa m&#7775;inyi fowo, wehamba, 21&#8220;Wandu wa wawode mbuya naso, wakekukaiya kunu orukenyi, na ikapyapfo mbucha; kyamba oruka lung'anyi, luwashikie; lukekudayang'u wana wawo wa kika wawe waka wadu, na wana wadu wa kika lukuwainengye. 22Kyaindi kipfa kya iki kimu tupu wechiidikiana naso wakae kodu wose, luwe wandu wamu, kokoya orio mndu mso&#7775;o adino, chandu nawo iwa wawadine. 23Ngesa! Machondi hawo, na masaa hawo, na shuma shawo shose shechiwa masaa hadu? Nahongu lukeidikiana nawo tupu, nawo wechikaa kodu.&#8221; 24Hamori na mana oke Shekemu wakaidikiana nawo, hamu na iwo wose wawukie mongonyi fo m&#7775;i foke. Wakadino orio mndu mso&#7775;o, iwo wose wawukie mongo fo m&#7775;i foke.</div><div class="p"> 25Nahong'u ili mkonu fo ka&#7775;a&#7775;u, wechiwawio mnu, wanake wawi wa Yakobo, Simioni na Lewi wana wa mae wa Dina, wakaira orio mndu oshu loke, wakasembelia m&#7775;i kui wukahari, wakawaha waso&#7775;o wose. 26Wakawaaha Hamori na mana Shekemu, kui wuohi wo oshu, wakairapfo Dina kulya mmbenyi ko Shekemu wakakurepfo.</div><div class="p"> 27Wana wa Yakobo wakachea walya walewooho wakaduo m&#7775;i fulya kipfa kya lilya walenyama&#7775;a mshiki owo. 28Wakaduo machondi hawo, na mmbe tsawo, na nzoi tsawo, na shindo shiwei kulya m&#7775;inyi, na isho shiwei patenyi. 29Wakaduo masaa hawo hose, na wana wawo wose, na waka wawo, na shiwei mba kowo shose. 30Yakobo kawia Simioni na Lewi, &#8220;Monjiwinyisha, mkanjitana njidae owicho kiidi kya wandu wa wa orukalu, kyamba wandu wako wawaangu, Wakanaani na Waperisi wechinjipufukia, wanjikape, na inyi njechirumatso, inyi na mba yako.&#8221; 31Nawo wakahamba, &#8220;Ngesa na kicha iwutia mshiki odu chammeluki?&#8221;</div>
 </div>
 </div>
</div>

Kimochi Bible © Bible Society of Tanzania, 2016.

Nahong'u Dina, mana o kika o Lea, msa Lea alefeeya Yakobo, kakure nahende iwona wana wa kika wa oruka lulya. Shekemu, mana o Hamori, Mhivi, mnene o oruka, kammbona kamduo, kalaṟana nao kamnyamaṟa wukeha wulya woke. Mrima foke fukaoshana na Dina mana o Yakobo, kakunda manachu o kika, kadeda na manachu ko madedo mecha. Shekemu kawia ndee Hamori, kahamba, “Kekunjiinengie manachu o kika nawe mka oko.” Kyasia Yakobo kaicho ke amenyamaṟa wukeha wo mana oke Dina. Na wana wake wawei na shuma kulya patenyi. Yakobo kakutsiia, mṟasa kiheri walecha.
Hamori, ndee o Shekemu kakure kahendia Yakobo nadede nao. Wana wa Yakobo wekiicho isho, wakacha wawuka patenyi, wakasokyo mnu nyi fowa, wakarihinyika mnu, kipfa kya ili alewuta sha wukika ko Israeli, kya alelaṟana na mana o Yakobo, kindo kilasumhanyi iwuto. Hamori kadeda nawo, kechihamba, “Mrima fo mana oko Shekemu fulangie mana onu o kika, hoinyi kekumnengienyi namwalike. Mualikane naso, muluinenge so wana wanu wa kika, nanyo mukudae wana wadu ya kika. Nanyo mochikaa naso, na orukalu lochikaa oshangunyi lonu; kaenyi, na ikapiapfo mbucha, mukuwonyiepfo masaa.” Shekemu kawia ndee o mana ulya o kika na wana wa mae, “Kenjiidikienyi oshangunyi lonu, na chandu mochinjiwia njechiwuta. Ma mukafeheṟa mnu ngosa na kitsinyio, njechiwuta chandu mochinjiwia, kya indi munnenge manachu o waka nawe mka oko.”
Wana wa Yakobo wakahaluo Shekemu na ndee Hamori, kui mtambo, kipfa nalenyamaṟa mshiki owo Dina, wakawawia, “Lochiidima iwuta idedolyipfo, luinengie mshiki odu ko mndu alamdinepfo; kiwewa wusutsu kodu. Kyaindi kipfa kya iki tupu lochiidikiana nanyo; mkawa chaso, orio mndu msoṟo o konu ose kadino, nlyondi lochimuinenga nyo wana wadu wa kika, naso lochionduo wana wanu wa kika, lochikaa handu hamu nanyo, naso lochiwa wandu wamu. Kyaindi kokoya mulaluidikia mukadino, nahong'u lochionduopfo mshikichu odu, luhende kodu.” Madedoho hawo hakachia oshangunyi lo Hamori, na oshangunyi lo Shekemu, mana o Hamori. Manake ulya aletiṟa iwuta idedo lilyapfo, kyamba nalechihiṟo mnu nyi mana ulya o waka o Yakobo. Ngoseṟa ya isho Shekemu nawewode kiṟumi kota wose wa kanyi ko ndee.
Hamori na mana oke Shekemu, wakacha na alya mongo fo mṟinyi fowo, wakadeda na wandu wa mṟinyi fowo, wehamba, “Wandu wa wawode mbuya naso, wakekukaiya kunu orukenyi, na ikapyapfo mbucha; kyamba oruka lung'anyi, luwashikie; lukekudayang'u wana wawo wa kika wawe waka wadu, na wana wadu wa kika lukuwainengye. Kyaindi kipfa kya iki kimu tupu wechiidikiana naso wakae kodu wose, luwe wandu wamu, kokoya orio mndu msoṟo adino, chandu nawo iwa wawadine. Ngesa! Machondi hawo, na masaa hawo, na shuma shawo shose shechiwa masaa hadu? Nahongu lukeidikiana nawo tupu, nawo wechikaa kodu.” Hamori na mana oke Shekemu wakaidikiana nawo, hamu na iwo wose wawukie mongonyi fo mṟi foke. Wakadino orio mndu msoṟo, iwo wose wawukie mongo fo mṟi foke.
Nahong'u ili mkonu fo kaṟaṟu, wechiwawio mnu, wanake wawi wa Yakobo, Simioni na Lewi wana wa mae wa Dina, wakaira orio mndu oshu loke, wakasembelia mṟi kui wukahari, wakawaha wasoṟo wose. Wakawaaha Hamori na mana Shekemu, kui wuohi wo oshu, wakairapfo Dina kulya mmbenyi ko Shekemu wakakurepfo.
Wana wa Yakobo wakachea walya walewooho wakaduo mṟi fulya kipfa kya lilya walenyamaṟa mshiki owo. Wakaduo machondi hawo, na mmbe tsawo, na nzoi tsawo, na shindo shiwei kulya mṟinyi, na isho shiwei patenyi. Wakaduo masaa hawo hose, na wana wawo wose, na waka wawo, na shiwei mba kowo shose. Yakobo kawia Simioni na Lewi, “Monjiwinyisha, mkanjitana njidae owicho kiidi kya wandu wa wa orukalu, kyamba wandu wako wawaangu, Wakanaani na Waperisi wechinjipufukia, wanjikape, na inyi njechirumatso, inyi na mba yako.” Nawo wakahamba, “Ngesa na kicha iwutia mshiki odu chammeluki?”

گوێگرتن لە MAWOOKIONYI 34