Kinyaturu - 2010 BST (NT) Drama

<div class="version vid301 iso6393rim" data-vid="301" data-iso6393="rim">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Yesu Uguvoya As&#235;ywi Vakwe M&#235;ghuu</div><div class="p"> 1Naa sigunkuu a Fasaka &#235;k&#235;&#235; inafika, Yesu naa umanyie mwino itungo rakwe roohegha mu ur&#235;mi gwenda kun&#235; Tata rafikaa. Mweeso agavayanja antu n&#235;naa v&#235;muhuv&#235;e un&#235; naa v&#235;&#235; mu ur&#235;mi, agavayanja faka mpeo a uduvi wakwe. 2Na itungo ra mal&#235;wa a mp&#235;nd&#235;, Setani na wadaha umutendea Yuda mwana wamwa Simion Isikareote nkhoo a umutoneera Yesu. 3Yesu na umanyie mwino Tata wamufee mantu oong'e u m&#235;khono akwe. Na mwino mweeso naa wajie ufuma kun&#235; Muungu na naa winj&#235; kun&#235; Muungu. 4N&#235;naa k&#235;&#235; v&#235;ula mal&#235;wa a mp&#235;nd&#235;, Yesu ag&#235;m&#235;ka, agarua masaa akwe na uyav&#235;ka umpeo. Na agahora isune raufyaghwera m&#235;khono agitunga mu g&#235;&#235;no. 5Uvii mweeso agaf&#252;ngua maj&#235; mu g&#235;fe, na agaandya goya m&#235;ghuu a as&#235;ywi vakwe. Agahora isune n&#235;naa wik&#235;nd&#235;kie mu g&#235;&#235;no na agafyaghua m&#235;ghuu awe. 6Mweeso agaja kun&#235; Simioni Fetero. Na Fetero agamw&#235;&#235;ra, &#8220;M&#252;k&#252;&#252;, veve ugoya m&#235;ghuu ane?&#8221; 7Yesu agamusucha, &#8220;Ras&#235;&#235; n&#235;ngur&#235;tenda veve utiur&#235;manya itungwee, &#235;gweeso veve ujie ur&#235;manya usonge.&#8221; 8Fetero agamw&#235;&#235;ra, &#8220;Veve utiunjoya m&#235;ghuu ane kamwe.&#8221; Yesu agamusucha, &#8220;Mbesa nene n&#235;d&#235;e ugoya veve, veve utina ukhuv&#235;i ginako.&#8221; 9Simioni Fetero agamw&#235;&#235;ra, &#8220;M&#252;k&#252;&#252;, ti m&#235;ghuu ane gutufu, &#235;gweeso noo n&#235; m&#235;khono ane nan&#235; itwe rane.&#8221; 10Yesu agamw&#235;&#235;ra, &#8220;Mweeso un&#235; woghie atina nkumbu agogha, &#235;gweeso goya m&#235;ghuu akwe, gusoko mweeso n&#235; mweru mw&#235;&#235;r&#235; woong'e. Nyenye mwe veru, &#235;gweeso ti nyoong'e.&#8221; 11Gusoko mweeso naa umanyie anyu n&#235;ujie umutonera. Soko &#235;s&#235;&#235; mweeso agahanya, &#8220;Nyenye nyoong'e muti veeru.&#8221; 12N&#235;naa mweeso wadaha uvoya m&#235;ghuu awe, agahora masaa akwe agayanja, na agikhaa fana naw&#235;khee. Mweeso agav&#235;&#235;ra, &#8220;Nyenye mwamanyaa ras&#235;&#235; n&#235; nene namut&#235;ndea nyeena? 13Nyenye muntanaa nene Mus&#235;yi na M&#252;k&#252;&#252;. Nyenye murigh&#235;&#235;tya tut&#235;, gusoko nene n&#235; mweeso. 14Uvii mbesa nene, nene M&#252;k&#252;&#252; wanyu nan&#235; Mus&#235;yi wanyu, namwoyaa m&#235;ghuu anyu, nyeenoo imunoneye gioya m&#235;ghuu nyenye gwa nyenye. 15Gusoko nene namufaa nyenye nyinkhori, uvii nyeeno noo mutende mwino nene namutendea nyenye. 16Tut&#235;, tuut&#235;, nene ngumw&#235;&#235;ra nyenye, mutumwa ti m&#252;k&#252;&#252; uk&#235;ra m&#252;k&#252;&#252; wakwe; mbesa mweeso un&#235; watumiwe ti m&#252;k&#252;&#252; uk&#235;ra mweeso un&#235; wamutumie mweeso. 17Nesa nyenye mwamanyaa mantu ayaa, bahu anyu mbesa nyenye mwinj&#235; uyatenda asaa. 18Nene ntiuyarigh&#235;&#235;tya mantu ayaa gusoko anyu nyoong'e. Nene n&#235;manyie va anyu n&#235; nene navahwaniye. &#203;y&#235;&#235; n&#235; gusoko Maand&#235;ko &#235;dahe ukhondekeka, &#8216;Mweeso un&#235; walee il&#235;wa rane watendeka murughu wane.&#8217; 19Nene ngumukhan&#235;a nyenye itungwee, n&#235;k&#235;&#235; rinadw&#235;&#235;ra, usi n&#235;renda udw&#235;&#235;ra nyenye mudahe uhuv&#235;a mwino nene n&#235; mweeso. 20Tute, tuut&#235;, nene ngumw&#235;&#235;ra nyenye, mweeso un&#235; ugumughenyifa wasuu un&#235; nene ngumutuma ugung'enyifa nene. Na mweeso un&#235; ugung'enyifa nene ugumughenyifa mweeso un&#235; wantumie nene.&#8221;</div><div class="s">Yesu Uguhanya mwino Ujie Utoneerwa</div><div class="p"> 21N&#235;naa Yesu wadaha urigh&#235;&#235;tya uvii, nkhoo akwe &#235;gafya, na agasudang&#235;a, &#8220;Tut&#235;, tuut&#235;, nene ngumw&#235;&#235;ra nyenye, umwedu mukhat&#235; anyu winj&#235; untoneera nene.&#8221; 22As&#235;ywi v&#235;gagirarava veeso gwa veeso, v&#235;timanyie naaugumuhanya anyu. 23Umwe wa as&#235;ywi vakwe, un&#235; Yesu naa umwanj&#235;te, nauhaghamie mug&#235;kuva gamwa Yesu. 24Uvii Simioni Fetero agamuhin&#235;a mweeso na agamuw&#235;&#235;ya, &#8220;Muw&#235;ye, anyu wasuu n&#235; ugumuhanya,&#8221; 25Uvii naa, uhaghamie mug&#235;kuva gamwa Yesu, mweeso agamw&#235;&#235;ra, &#8220;M&#252;k&#252;&#252; anyu wasuu?&#8221; 26Yesu agasucha, &#8220;N&#235; wasuu un&#235; nene ngumufa ntonge n&#235; nam&#235;sin&#235;ya mu chungu.&#8221; Uvii n&#235;naa wam&#235;sin&#235;ya ntonge as&#235;&#235; mu nyanyi, agamufa Yuda, mwana wamwa Simioni Isikareote. 27Uvii n&#235;naa Yesu wadaha um&#235;sin&#235;ya ntonge as&#235;&#235; Setani agamwingea Yuda. Yesu agamw&#235;&#235;ra, &#8220;Ras&#235;&#235; n&#235; winj&#235; ur&#235;tenda, r&#235;tende ruv&#235;.&#8221; 28Itungo ras&#235;&#235; na gutie mba umwe n&#235;naa wikhee u mesa n&#235;naa umanyie soko k&#235; Yesu agamw&#235;&#235;ra Yuda vii. 29Vang&#235;ja v&#235;gaghema mwino, gusoko Yuda naa uguhoraa mp&#235;nda a hela, Yesu naa ugumukhan&#235;a, &#8220;Ghura asaa n&#235; sese guyasigh&#235;te mu sigunkuu; mba mweeso adahe uvafa atuki g&#235;ntu.&#8221; 30Uvii n&#235;naa Yuda wadaha um&#235;hoa ntonge as&#235;&#235;, g&#235;nyafafo mweeso agadua gunji. Itungo ras&#235;&#235; na utiku.</div><div class="s">Iragh&#235;&#235;yo n&#235; Ifya</div><div class="p"> 31N&#235;naa Yuda wadua gunji, Yesu agahanya, &#8220;Itungwee Mwamuntu wakuriwaa, na mukhat&#235; a mweeso Muungu wakuriwaa. 32Mbesa Muungu wakuriwa mukhat&#235; akwe, Muungu noo winj&#235; umukurya mweeso mukhat&#235; akwe (Muungu) mughonjo, na ugumukurya mweeso g&#235;nyafaafo. 33Nyenye un&#235; nene n&#235;muyanj&#235;te, &#235;k&#235;&#235; itungo ikuf&#235; nene n&#235;itamb&#235;&#235;mwe na nyee. Nyenye mwinj&#235; umpenja nene; na mwino nene naa nahanyiye gwa Ayahudi itungwee nene nguhanya kun&#235; nyenye, &#8216;kun&#235; nene ninj&#235; nyenye mutiudaha uja.&#8217; 34Nene ngumufa nyenye iragh&#235;&#235;yo n&#235; ifya, uvii nyenye mwiyanje nyenye gwa nyenye. Mwino nene namuyanjie nyee, uvii nyeeno noo mwiyanje nyenye gwa nyenye. 35Gwa untenda vii antu voong'e vinj&#235; umanya mwino nyenye mw&#235; as&#235;ywi vane, mbesa nyenye mwinj&#235; g&#235;yanja nyenye gwa nyenye.&#8221;</div><div class="s">Yesu Uguhanya mwino Fetero Ujie Umukhana</div><div class="p"> 36Simioni Fetero agamw&#235;&#235;ra Yesu, &#8220;M&#252;k&#252;&#252;, veve winj&#235;fe?&#8221; Yesu agamusucha, &#8220;Kun&#235; nene ninj&#235; veve utiudaha uja itungwee; &#235;gweeso veve ujie ung'onga kheeng&#235;.&#8221; 37Fetero agamusucha, &#8220;M&#252;k&#252;&#252;, asik&#235; nene n&#235;d&#235;e uguhonga veve itungwee? Nene nguuduya ufanga wane gusoko ako.&#8221; 38Yesu agasucha, &#8220;Veve uguduya ufanga wako gusoko ane? Tut&#235;, tuut&#235;, nene ngugw&#235;&#235;ra veve, jololo &#235;tiukunkua, n&#235;k&#235;&#235; veve winankhana nene m&#235;h&#235;njo &#235;tatu.&#8221;</div>
 </div>
 </div>
</div>

 Kirimi New Testament © Bible Society of Tanzania, 2008.

Naa sigunkuu a Fasaka ëkëë inafika, Yesu naa umanyie mwino itungo rakwe roohegha mu urëmi gwenda kunë Tata rafikaa. Mweeso agavayanja antu nënaa vëmuhuvëe unë naa vëë mu urëmi, agavayanja faka mpeo a uduvi wakwe. Na itungo ra malëwa a mpëndë, Setani na wadaha umutendea Yuda mwana wamwa Simion Isikareote nkhoo a umutoneera Yesu. Yesu na umanyie mwino Tata wamufee mantu oong'e u mëkhono akwe. Na mwino mweeso naa wajie ufuma kunë Muungu na naa winjë kunë Muungu. Nënaa këë vëula malëwa a mpëndë, Yesu agëmëka, agarua masaa akwe na uyavëka umpeo. Na agahora isune raufyaghwera mëkhono agitunga mu gëëno. Uvii mweeso agafüngua majë mu gëfe, na agaandya goya mëghuu a asëywi vakwe. Agahora isune nënaa wikëndëkie mu gëëno na agafyaghua mëghuu awe. Mweeso agaja kunë Simioni Fetero. Na Fetero agamwëëra, “Müküü, veve ugoya mëghuu ane?” Yesu agamusucha, “Rasëë nëngurëtenda veve utiurëmanya itungwee, ëgweeso veve ujie urëmanya usonge.” Fetero agamwëëra, “Veve utiunjoya mëghuu ane kamwe.” Yesu agamusucha, “Mbesa nene nëdëe ugoya veve, veve utina ukhuvëi ginako.” Simioni Fetero agamwëëra, “Müküü, ti mëghuu ane gutufu, ëgweeso noo në mëkhono ane nanë itwe rane.” Yesu agamwëëra, “Mweeso unë woghie atina nkumbu agogha, ëgweeso goya mëghuu akwe, gusoko mweeso në mweru mwëërë woong'e. Nyenye mwe veru, ëgweeso ti nyoong'e.” Gusoko mweeso naa umanyie anyu nëujie umutonera. Soko ësëë mweeso agahanya, “Nyenye nyoong'e muti veeru.” Nënaa mweeso wadaha uvoya mëghuu awe, agahora masaa akwe agayanja, na agikhaa fana nawëkhee. Mweeso agavëëra, “Nyenye mwamanyaa rasëë në nene namutëndea nyeena? Nyenye muntanaa nene Musëyi na Müküü. Nyenye murighëëtya tutë, gusoko nene në mweeso. Uvii mbesa nene, nene Müküü wanyu nanë Musëyi wanyu, namwoyaa mëghuu anyu, nyeenoo imunoneye gioya mëghuu nyenye gwa nyenye. Gusoko nene namufaa nyenye nyinkhori, uvii nyeeno noo mutende mwino nene namutendea nyenye. Tutë, tuutë, nene ngumwëëra nyenye, mutumwa ti müküü ukëra müküü wakwe; mbesa mweeso unë watumiwe ti müküü ukëra mweeso unë wamutumie mweeso. Nesa nyenye mwamanyaa mantu ayaa, bahu anyu mbesa nyenye mwinjë uyatenda asaa. Nene ntiuyarighëëtya mantu ayaa gusoko anyu nyoong'e. Nene nëmanyie va anyu në nene navahwaniye. Ëyëë në gusoko Maandëko ëdahe ukhondekeka, ‘Mweeso unë walee ilëwa rane watendeka murughu wane.’ Nene ngumukhanëa nyenye itungwee, nëkëë rinadwëëra, usi nërenda udwëëra nyenye mudahe uhuvëa mwino nene në mweeso. Tute, tuutë, nene ngumwëëra nyenye, mweeso unë ugumughenyifa wasuu unë nene ngumutuma ugung'enyifa nene. Na mweeso unë ugung'enyifa nene ugumughenyifa mweeso unë wantumie nene.”

Nënaa Yesu wadaha urighëëtya uvii, nkhoo akwe ëgafya, na agasudangëa, “Tutë, tuutë, nene ngumwëëra nyenye, umwedu mukhatë anyu winjë untoneera nene.” Asëywi vëgagirarava veeso gwa veeso, vëtimanyie naaugumuhanya anyu. Umwe wa asëywi vakwe, unë Yesu naa umwanjëte, nauhaghamie mugëkuva gamwa Yesu. Uvii Simioni Fetero agamuhinëa mweeso na agamuwëëya, “Muwëye, anyu wasuu në ugumuhanya,” Uvii naa, uhaghamie mugëkuva gamwa Yesu, mweeso agamwëëra, “Müküü anyu wasuu?” Yesu agasucha, “Në wasuu unë nene ngumufa ntonge në namësinëya mu chungu.” Uvii nënaa wamësinëya ntonge asëë mu nyanyi, agamufa Yuda, mwana wamwa Simioni Isikareote. Uvii nënaa Yesu wadaha umësinëya ntonge asëë Setani agamwingea Yuda. Yesu agamwëëra, “Rasëë në winjë urëtenda, rëtende ruvë.” Itungo rasëë na gutie mba umwe nënaa wikhee u mesa nënaa umanyie soko kë Yesu agamwëëra Yuda vii. Vangëja vëgaghema mwino, gusoko Yuda naa uguhoraa mpënda a hela, Yesu naa ugumukhanëa, “Ghura asaa në sese guyasighëte mu sigunkuu; mba mweeso adahe uvafa atuki gëntu.” Uvii nënaa Yuda wadaha umëhoa ntonge asëë, gënyafafo mweeso agadua gunji. Itungo rasëë na utiku.

Nënaa Yuda wadua gunji, Yesu agahanya, “Itungwee Mwamuntu wakuriwaa, na mukhatë a mweeso Muungu wakuriwaa. Mbesa Muungu wakuriwa mukhatë akwe, Muungu noo winjë umukurya mweeso mukhatë akwe (Muungu) mughonjo, na ugumukurya mweeso gënyafaafo. Nyenye unë nene nëmuyanjëte, ëkëë itungo ikufë nene nëitambëëmwe na nyee. Nyenye mwinjë umpenja nene; na mwino nene naa nahanyiye gwa Ayahudi itungwee nene nguhanya kunë nyenye, ‘kunë nene ninjë nyenye mutiudaha uja.’ Nene ngumufa nyenye iraghëëyo në ifya, uvii nyenye mwiyanje nyenye gwa nyenye. Mwino nene namuyanjie nyee, uvii nyeeno noo mwiyanje nyenye gwa nyenye. Gwa untenda vii antu voong'e vinjë umanya mwino nyenye mwë asëywi vane, mbesa nyenye mwinjë gëyanja nyenye gwa nyenye.”

Simioni Fetero agamwëëra Yesu, “Müküü, veve winjëfe?” Yesu agamusucha, “Kunë nene ninjë veve utiudaha uja itungwee; ëgweeso veve ujie ung'onga kheengë.” Fetero agamusucha, “Müküü, asikë nene nëdëe uguhonga veve itungwee? Nene nguuduya ufanga wane gusoko ako.” Yesu agasucha, “Veve uguduya ufanga wako gusoko ane? Tutë, tuutë, nene ngugwëëra veve, jololo ëtiukunkua, nëkëë veve winankhana nene mëhënjo ëtatu.”

گوێگرتن لە Yohana 13