<div class="version vid2918 iso6393lua" data-vid="2918" data-iso6393="lua">
    <div class="book bkGEN">
        <div class="chapter ch3" data-usfm="GEN.3">
            <div class="label">3</div><div class="s1"><span class="heading">Badi bipata bantu mu lupangu</span></div><div class="p"><span class="content">  </span><span class="verse v1" data-usfm="GEN.3.1"><span class="label">1</span><span class="content">Nyoka uvua mudimuke mupite nyama yonsu ivua Maweja-Nangila Mvidi Mukulu mufuke. Nyoka kukonka mukaji ne:</span></span></div><div class="p"><span class="verse v1" data-usfm="GEN.3.1"><span class="content">&#8212; Mbulelela menemene Mvidi Mukulu mmunukandike ne: kanudi bimuma bia mitshi yonsu idi mu lupangu anyi?</span><span class="note f"><span class="label">#</span><span class=" body"><span class="fr">3.1 </span><span class="fq">Nyoka: </span><span class="ft">fuanyikija ne Didim 12.9; 20.2.</span></span></span></span></div><div class="p"><span class="verse v1" data-usfm="GEN.3.1"><span class="content">  </span></span><span class="verse v2" data-usfm="GEN.3.2"><span class="label">2</span><span class="content">Mukaji kuandamuna ne:</span></span></div><div class="p"><span class="verse v2" data-usfm="GEN.3.2"><span class="content">&#8212; Tudi mua kudia bimuma bia mitshi yonsu idi mu lupangu. </span></span><span class="verse v3" data-usfm="GEN.3.3"><span class="label">3</span><span class="content">Kadi bua bimuma bia mutshi udi munkatshi mua lupangu, Mvidi Mukulu mmutukandike ne: kanudi, kanulengi bua kanuvu kufua.</span></span></div><div class="p"><span class="verse v3" data-usfm="GEN.3.3"><span class="content">  </span></span><span class="verse v4" data-usfm="GEN.3.4"><span class="label">4</span><span class="content">Nyoka kubenga wamba ne:</span></span></div><div class="p"><span class="verse v4" data-usfm="GEN.3.4"><span class="content">&#8212; To, kanuena nufua nansha. </span></span><span class="verse v5" data-usfm="GEN.3.5"><span class="label">5</span><span class="content">Mvidi Mukulu mmumanye ne: dituku dinuadia bimuma abi, mesu enu neatabale, mifuanangane nende, nujingulule malu mimpe ne mabi.</span></span></div><div class="p"><span class="verse v5" data-usfm="GEN.3.5"><span class="content">  </span></span><span class="verse v6" data-usfm="GEN.3.6"><span class="label">6</span><span class="content">Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia. </span></span><span class="verse v7" data-usfm="GEN.3.7"><span class="label">7</span><span class="content">Pashishe mesu abu bonsu babidi kutabala. Kujingululabu ne: tudi butaka. Kukuatakajabu mabeji a mutshi wa tshinyi bua kuvuala bu bilamba.</span></span></div><div class="p"><span class="verse v7" data-usfm="GEN.3.7"><span class="content">  </span></span><span class="verse v8" data-usfm="GEN.3.8"><span class="label">8</span><span class="content">Dilolu kumvuabu Maweja-Nangila Mvidi Mukulu wendakana mu lupangu, mulume ne mukaji kubutama munkatshi mua mitshi ivua mu lupangu. </span></span><span class="verse v9" data-usfm="GEN.3.9"><span class="label">9</span><span class="content">Maweja-Nangila Mvidi Mukulu kubikila mulume, kumukonka ne:</span></span></div><div class="p"><span class="verse v9" data-usfm="GEN.3.9"><span class="content">&#8212; Udi penyi?</span></span></div><div class="p"><span class="verse v9" data-usfm="GEN.3.9"><span class="content">  </span></span><span class="verse v10" data-usfm="GEN.3.10"><span class="label">10</span><span class="content">Mulume kuandamuna ne:</span></span></div><div class="p"><span class="verse v10" data-usfm="GEN.3.10"><span class="content">&#8212; Pangumvu mikuma yebe mu lupangu, buowa kungenza, meme kubutama, bualu ndi butaka.</span></span></div><div class="p"><span class="verse v10" data-usfm="GEN.3.10"><span class="content">  </span></span><span class="verse v11" data-usfm="GEN.3.11"><span class="label">11</span><span class="content">Maweja-Nangila Mvidi Mukulu kumukonka kabidi ne:</span></span></div><div class="p"><span class="verse v11" data-usfm="GEN.3.11"><span class="content">&#8212; Wakujinguluidi ne udi butaka nnganyi? Udi mumane kudia tshimuma tshia mutshi umvua mukukandike anyi?</span></span></div><div class="p"><span class="verse v11" data-usfm="GEN.3.11"><span class="content">  </span></span><span class="verse v12" data-usfm="GEN.3.12"><span class="label">12</span><span class="content">Mulume kuandamuna ne:</span></span></div><div class="p"><span class="verse v12" data-usfm="GEN.3.12"><span class="content">&#8212; Anu mukaji uuvua mumpeshe ke udi muntuadile tshimuma, meme panyi kutshidia.</span></span></div><div class="p"><span class="verse v12" data-usfm="GEN.3.12"><span class="content">  </span></span><span class="verse v13" data-usfm="GEN.3.13"><span class="label">13</span><span class="content">Maweja-Nangila Mvidi Mukulu kuebeja mukaji ne:</span></span></div><div class="p"><span class="verse v13" data-usfm="GEN.3.13"><span class="content">&#8212; Tshiwenzedi nanku ntshinyi?</span></span></div><div class="p"><span class="verse v13" data-usfm="GEN.3.13"><span class="content">Mukaji kuandamuna ne:</span></span></div><div class="p"><span class="verse v13" data-usfm="GEN.3.13"><span class="content">&#8212; Nyoka mmundinge, meme panyi kudia tshimuma.</span><span class="note f"><span class="label">#</span><span class=" body"><span class="fr">3.13 </span><span class="fq">Fuanyikija ne 2 Kor 11.3; 1 Tim 2.14.</span></span></span></span></div><div class="p"><span class="verse v13" data-usfm="GEN.3.13"><span class="content">  </span></span><span class="verse v14" data-usfm="GEN.3.14"><span class="label">14</span><span class="content">Maweja-Nangila Mvidi Mukulu umvua nanku, kuambilaye nyoka ne:</span></span></div><div class="q1"><span class="verse v14" data-usfm="GEN.3.14"><span class="content">&#8212; Wewe newenji nenku, ndi nkutshipa.</span></span></div><div class="q1"><span class="verse v14" data-usfm="GEN.3.14"><span class="content">Ku nyama yonsu anu wewe</span></span></div><div class="q1"><span class="verse v14" data-usfm="GEN.3.14"><span class="content">newikale ukoka difu panshi,</span></span></div><div class="q1"><span class="verse v14" data-usfm="GEN.3.14"><span class="content">kabidi neudie buloba</span></span></div><div class="q1"><span class="verse v14" data-usfm="GEN.3.14"><span class="content">matuku onsu audi ne muoyi.</span></span></div><div class="q1"><span class="verse v14" data-usfm="GEN.3.14"><span class="content">  </span></span><span class="verse v15" data-usfm="GEN.3.15"><span class="label">15</span><span class="content">Nenteke lukuna pankatshi pebe ne mukaji,</span></span></div><div class="q1"><span class="verse v15" data-usfm="GEN.3.15"><span class="content">pankatshi pa ndelanganyi yebe ne yende.</span></span></div><div class="q1"><span class="verse v15" data-usfm="GEN.3.15"><span class="content">Kabidi muana wa ku ndelanganyi ya mukaji neaboze mutu webe,</span></span></div><div class="q1"><span class="verse v15" data-usfm="GEN.3.15"><span class="content">wewe pebe neumusume ku tshikankanya.</span><span class="note f"><span class="label">#</span><span class=" body"><span class="fr">3.15 </span><span class="ft">Fuanyikija ne Didim 12.17.</span></span></span></span></div><div class="p"><span class="verse v15" data-usfm="GEN.3.15"><span class="content">  </span></span><span class="verse v16" data-usfm="GEN.3.16"><span class="label">16</span><span class="content">Maweja-Nangila Mvidi Mukulu kuambila mukaji ne:</span></span></div><div class="q1"><span class="verse v16" data-usfm="GEN.3.16"><span class="content">&#8212; Pawimita difu nenkuvudijile makenga.</span></span></div><div class="q1"><span class="verse v16" data-usfm="GEN.3.16"><span class="content">Neulele bana anu mu dikenga.</span></span></div><div class="q1"><span class="verse v16" data-usfm="GEN.3.16"><span class="content">Kabidi, newikale utuma mwoyi webe anu kudi bayebe, yeye neikale mfumuebe.</span></span></div><div class="p"><span class="verse v16" data-usfm="GEN.3.16"><span class="content">  </span></span><span class="verse v17" data-usfm="GEN.3.17"><span class="label">17</span><span class="content">Pashishe Maweja-Nangila Mvidi Mukulu kuambila mulume ne:</span></span></div><div class="q1"><span class="verse v17" data-usfm="GEN.3.17"><span class="content">&#8212; Bua pawitabi diyi dia mukajebe,</span></span></div><div class="q1"><span class="verse v17" data-usfm="GEN.3.17"><span class="content">wewe kudia tshimuma tshimvua mukukandike,</span></span></div><div class="q1"><span class="verse v17" data-usfm="GEN.3.17"><span class="content">ndi ntshipa buloba bua tshilema tshiuvua muenze.</span></span></div><div class="q1"><span class="verse v17" data-usfm="GEN.3.17"><span class="content">Tshiakudia tshiebe neutshipete</span></span></div><div class="q1"><span class="verse v17" data-usfm="GEN.3.17"><span class="content">anu pawenza mudimu mukole</span></span></div><div class="q1"><span class="verse v17" data-usfm="GEN.3.17"><span class="content">matuku onsu audi ne muoyi pa buloba.</span></span></div><div class="p"><span class="verse v17" data-usfm="GEN.3.17"><span class="content">  </span></span><span class="verse v18" data-usfm="GEN.3.18"><span class="label">18</span><span class="content">Buloba nebukumenene</span></span></div><div class="q1"><span class="verse v18" data-usfm="GEN.3.18"><span class="content">meba ne mingonga.</span></span></div><div class="q1"><span class="verse v18" data-usfm="GEN.3.18"><span class="content">Neudie bisekiseki bia mu lupangu.</span><span class="note f"><span class="label">#</span><span class=" body"><span class="fr">3.18 </span><span class="ft">tun. 17-18: fuanyikija ne Ebrewu 6.8.</span></span></span></span></div><div class="q1"><span class="verse v18" data-usfm="GEN.3.18"><span class="content">  </span></span><span class="verse v19" data-usfm="GEN.3.19"><span class="label">19</span><span class="content">Neupete tshiakudia tshiebe</span></span></div><div class="q1"><span class="verse v19" data-usfm="GEN.3.19"><span class="content">anu ku tshisululu tshia mu mpala muebe,</span></span></div><div class="q1"><span class="verse v19" data-usfm="GEN.3.19"><span class="content">too ne pawapingana mu buloba</span></span></div><div class="q1"><span class="verse v19" data-usfm="GEN.3.19"><span class="content">bundi mukufuke nabu.</span></span></div><div class="q1"><span class="verse v19" data-usfm="GEN.3.19"><span class="content">Udi lupuishi,</span></span></div><div class="q1"><span class="verse v19" data-usfm="GEN.3.19"><span class="content">newandamuke kabidi lupuishi.</span></span></div><div class="p"><span class="verse v19" data-usfm="GEN.3.19"><span class="content">  </span></span><span class="verse v20" data-usfm="GEN.3.20"><span class="label">20</span><span class="content">Mulume kuinyika mukajende dina ne: Eva. Mmumue ne: &#8220;Mua-bana&#8221;, bualu yeye udi mamu wa bonsu badi ne muoyi. </span></span><span class="verse v21" data-usfm="GEN.3.21"><span class="label">21</span><span class="content">Maweja-Nangila Mvidi Mukulu kuenzela mulume ne mukajende bilamba bia biseba bia nyama, kubavuadika. </span></span><span class="verse v22" data-usfm="GEN.3.22"><span class="label">22</span><span class="content">Pashishe Maweja-Nangila Mvidi Mukulu kuamba ne: &#8220;Monayi, muntu wenji bu umue wa ku tuetu, watufuanyi ku dijingulula dia malu mimpe ne mabi. Mbimpe kumukandika bua kuolodi tshianza tshiende ku mutshi wa muoyi. Yeye mupole tshimuma, mutshidie neashale ne muoyi kashidi.</span><span class="note f"><span class="label">#</span><span class=" body"><span class="fr">3.22 </span><span class="ft">Didim 22.14.</span></span></span><span class="content">&#8221; </span></span><span class="verse v23" data-usfm="GEN.3.23"><span class="label">23</span><span class="content">Maweja-Nangila Mvidi Mukulu kuipata muntu mu lupangu lua Edene bua aye kudima buloba, bualu buloba ke buvuaye mumufuke nabu. </span></span><span class="verse v24" data-usfm="GEN.3.24"><span class="label">24</span><span class="content">Maweja-Nangila Mvidi Mukulu mumane kuipata muntu mu lupangu lua Edene, kutekaye Bakerubine mu lupangu amu ne muela utema kapia. Bavua bimane ku tshibuelelu tshia lupangu luseke ludi diba dipatukila, bakandika bua muntu kafiki muaba uvua njila wa ku mutshi wa muoyi.</span></span></div>
        </div>
    </div>
</div>

Bible avec Livres Deutérocanoniques en Tshiluba © Société Biblique de la R. D. Congo, 1996

Nyoka uvua mudimuke mupite nyama yonsu ivua Maweja-Nangila Mvidi Mukulu mufuke. Nyoka kukonka mukaji ne:
— Mbulelela menemene Mvidi Mukulu mmunukandike ne: kanudi bimuma bia mitshi yonsu idi mu lupangu anyi?
Mukaji kuandamuna ne:
— Tudi mua kudia bimuma bia mitshi yonsu idi mu lupangu. Kadi bua bimuma bia mutshi udi munkatshi mua lupangu, Mvidi Mukulu mmutukandike ne: kanudi, kanulengi bua kanuvu kufua.
Nyoka kubenga wamba ne:
— To, kanuena nufua nansha. Mvidi Mukulu mmumanye ne: dituku dinuadia bimuma abi, mesu enu neatabale, mifuanangane nende, nujingulule malu mimpe ne mabi.
Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia. Pashishe mesu abu bonsu babidi kutabala. Kujingululabu ne: tudi butaka. Kukuatakajabu mabeji a mutshi wa tshinyi bua kuvuala bu bilamba.
Dilolu kumvuabu Maweja-Nangila Mvidi Mukulu wendakana mu lupangu, mulume ne mukaji kubutama munkatshi mua mitshi ivua mu lupangu. Maweja-Nangila Mvidi Mukulu kubikila mulume, kumukonka ne:
— Udi penyi?
Mulume kuandamuna ne:
— Pangumvu mikuma yebe mu lupangu, buowa kungenza, meme kubutama, bualu ndi butaka.
Maweja-Nangila Mvidi Mukulu kumukonka kabidi ne:
— Wakujinguluidi ne udi butaka nnganyi? Udi mumane kudia tshimuma tshia mutshi umvua mukukandike anyi?
Mulume kuandamuna ne:
— Anu mukaji uuvua mumpeshe ke udi muntuadile tshimuma, meme panyi kutshidia.
Maweja-Nangila Mvidi Mukulu kuebeja mukaji ne:
— Tshiwenzedi nanku ntshinyi?
Mukaji kuandamuna ne:
— Nyoka mmundinge, meme panyi kudia tshimuma.
Maweja-Nangila Mvidi Mukulu umvua nanku, kuambilaye nyoka ne:
— Wewe newenji nenku, ndi nkutshipa.
Ku nyama yonsu anu wewe
newikale ukoka difu panshi,
kabidi neudie buloba
matuku onsu audi ne muoyi.
Nenteke lukuna pankatshi pebe ne mukaji,
pankatshi pa ndelanganyi yebe ne yende.
Kabidi muana wa ku ndelanganyi ya mukaji neaboze mutu webe,
wewe pebe neumusume ku tshikankanya.
Maweja-Nangila Mvidi Mukulu kuambila mukaji ne:
— Pawimita difu nenkuvudijile makenga.
Neulele bana anu mu dikenga.
Kabidi, newikale utuma mwoyi webe anu kudi bayebe, yeye neikale mfumuebe.
Pashishe Maweja-Nangila Mvidi Mukulu kuambila mulume ne:
— Bua pawitabi diyi dia mukajebe,
wewe kudia tshimuma tshimvua mukukandike,
ndi ntshipa buloba bua tshilema tshiuvua muenze.
Tshiakudia tshiebe neutshipete
anu pawenza mudimu mukole
matuku onsu audi ne muoyi pa buloba.
Buloba nebukumenene
meba ne mingonga.
Neudie bisekiseki bia mu lupangu.
Neupete tshiakudia tshiebe
anu ku tshisululu tshia mu mpala muebe,
too ne pawapingana mu buloba
bundi mukufuke nabu.
Udi lupuishi,
newandamuke kabidi lupuishi.
Mulume kuinyika mukajende dina ne: Eva. Mmumue ne: “Mua-bana”, bualu yeye udi mamu wa bonsu badi ne muoyi. Maweja-Nangila Mvidi Mukulu kuenzela mulume ne mukajende bilamba bia biseba bia nyama, kubavuadika. Pashishe Maweja-Nangila Mvidi Mukulu kuamba ne: “Monayi, muntu wenji bu umue wa ku tuetu, watufuanyi ku dijingulula dia malu mimpe ne mabi. Mbimpe kumukandika bua kuolodi tshianza tshiende ku mutshi wa muoyi. Yeye mupole tshimuma, mutshidie neashale ne muoyi kashidi.” Maweja-Nangila Mvidi Mukulu kuipata muntu mu lupangu lua Edene bua aye kudima buloba, bualu buloba ke buvuaye mumufuke nabu. Maweja-Nangila Mvidi Mukulu mumane kuipata muntu mu lupangu lua Edene, kutekaye Bakerubine mu lupangu amu ne muela utema kapia. Bavua bimane ku tshibuelelu tshia lupangu luseke ludi diba dipatukila, bakandika bua muntu kafiki muaba uvua njila wa ku mutshi wa muoyi.

گوێگرتن لە Tshibangidilu 3