<div class="version vid2914 iso6393fat" data-vid="2914" data-iso6393="fat">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">NH&#400;NMU</span></div><div class="ip"><span class="content">Dzin Gyenesis a w&#596;dze ama nwoma yi kyer&#603; ab&#596;dze Ahy&#603;se. Nwoma no ka mbr&#603; wosii b&#596;&#596; wiadze na adasamba, na mbr&#603; &#596;y&#603;e a b&#596;n na amandzehu baa wiadze. &#390;ka kwan a Nyankop&#596;n dze nyimpa fa do so ho as&#603;m. Wotum ky&#603; Ahy&#603;se nwoma no mu ebien ma &#596;y&#603; yie.</span></div><div class="ip"><span class="content">1. Tsir 1-11 ka mbr&#603; wosii b&#596;&#596; wiadze na adasamba ho tsetses&#603;m. Ha na w&#596;ka Adam, Eve, Kain, Abel, Noa na nsuyirii no, na Babil&#596;n Abantsentsen no ho as&#603;m.</span></div><div class="ip"><span class="content">2. Tsir 12-50 ka tsetse Israelfo no ho as&#603;m. Abraham na odzi kan. Ne gyedzi na setsie a &#596;y&#603;&#603; maa Nyankop&#596;n no maa &#596;gyee dzin k&#603;se. Abraham n&#8217;ekyir na ne ba Isaak na ne nana Jakob a &#596;noara so nye Israel no dzi. Jakob woo mbabanyin duebien, na h&#596;n na w&#596;hy&#603;&#603; Israel ebusuakuw duebien no ase. Josef ka Jakob ne mbabanyin duebien no ho dze, naaso dza w&#596;ka fa no ho no y&#603; soronko. &#390;nam no do na Jakob na ne mba nkaa no na h&#596;n yernom na h&#596;n mba kefiir Egypt k&#603;tsenaa h&#596;.</span></div><div class="ip"><span class="content">&#390;w&#596; mu d&#603; nwoma yi ka nyimpa ho as&#603;m dze, naaso dza Nyankop&#596;n ay&#603; no tsitsir na osi do tam. &#390;dze adzeb&#596; hy&#603; ase, na &#596;dze anohoba a Nyankop&#596;n b&#596;&#596; d&#603; &#596;b&#596;k&#596; do araa ahw&#603; nyimpa no wie. Nyankop&#596;n tsitsir na nwoma no ka no ho as&#603;m. &#390;no na obu ats&#603;n, na &#596;twe h&#596;n a w&#596;y&#603; b&#596;n no aso. &#390;kyer&#603;kyer&#603; ne mamfoo kwan a w&#596;mfa do, &#596;dandan h&#596;n na &#596;boa h&#596;n w&#596; abrab&#596; mu so. W&#596;kyer&#603;&#603;w nwoma yi aky&#603;r yie. &#390;ka nyimpa bi h&#596;n gyedzi ho as&#603;m d&#603; mbr&#603; &#596;b&#603;y&#603; a d&#603;m gyedzi no betsim.</span></div><div class="iot"><span class="content">Dza &#390;w&#596; Mu</span></div><div class="io1"><span class="content">W&#596;b&#596;&#596; wiadze na adasamba 1.1&#8212;2.25</span></div><div class="io1"><span class="content">B&#596;n na amandzehu ahy&#603;se 3.1-24</span></div><div class="io1"><span class="content">Ofi Adam do kesi Noa do 4.1&#8212;5.32</span></div><div class="io1"><span class="content">Noa na nsuyirii ho as&#603;m 6.1&#8212;10.32</span></div><div class="io1"><span class="content">Babil&#596;n Abantsentsen no ho as&#603;m 11.1-9</span></div><div class="io1"><span class="content">Ofi Sem do kesi Abram do 11.10-32</span></div><div class="io1"><span class="content">Tsetse Egyanom: Abraham, Isaak, na Jakob ho as&#603;m 12.1&#8212;35.29</span></div><div class="io1"><span class="content">Esau asefo 36.1-43</span></div><div class="io1"><span class="content">Josef na no nuanom ho as&#603;m 37.1&#8212;45.28</span></div><div class="io1"><span class="content">Israelfo k&#603;tsena Egypt 46.1&#8212;50.26</span></div>
        </div>
    </div>
</div>

Mfantse Bible © Bible Society of Ghana, 2011.

NHƐNMU
Dzin Gyenesis a wɔdze ama nwoma yi kyerɛ abɔdze Ahyɛse. Nwoma no ka mbrɛ wosii bɔɔ wiadze na adasamba, na mbrɛ ɔyɛe a bɔn na amandzehu baa wiadze. Ɔka kwan a Nyankopɔn dze nyimpa fa do so ho asɛm. Wotum kyɛ Ahyɛse nwoma no mu ebien ma ɔyɛ yie.
1. Tsir 1-11 ka mbrɛ wosii bɔɔ wiadze na adasamba ho tsetsesɛm. Ha na wɔka Adam, Eve, Kain, Abel, Noa na nsuyirii no, na Babilɔn Abantsentsen no ho asɛm.
2. Tsir 12-50 ka tsetse Israelfo no ho asɛm. Abraham na odzi kan. Ne gyedzi na setsie a ɔyɛɛ maa Nyankopɔn no maa ɔgyee dzin kɛse. Abraham n’ekyir na ne ba Isaak na ne nana Jakob a ɔnoara so nye Israel no dzi. Jakob woo mbabanyin duebien, na hɔn na wɔhyɛɛ Israel ebusuakuw duebien no ase. Josef ka Jakob ne mbabanyin duebien no ho dze, naaso dza wɔka fa no ho no yɛ soronko. Ɔnam no do na Jakob na ne mba nkaa no na hɔn yernom na hɔn mba kefiir Egypt kɛtsenaa hɔ.
Ɔwɔ mu dɛ nwoma yi ka nyimpa ho asɛm dze, naaso dza Nyankopɔn ayɛ no tsitsir na osi do tam. Ɔdze adzebɔ hyɛ ase, na ɔdze anohoba a Nyankopɔn bɔɔ dɛ ɔbɔkɔ do araa ahwɛ nyimpa no wie. Nyankopɔn tsitsir na nwoma no ka no ho asɛm. Ɔno na obu atsɛn, na ɔtwe hɔn a wɔyɛ bɔn no aso. Ɔkyerɛkyerɛ ne mamfoo kwan a wɔmfa do, ɔdandan hɔn na ɔboa hɔn wɔ abrabɔ mu so. Wɔkyerɛɛw nwoma yi akyɛr yie. Ɔka nyimpa bi hɔn gyedzi ho asɛm dɛ mbrɛ ɔbɛyɛ a dɛm gyedzi no betsim.
Dza Ɔwɔ Mu
Wɔbɔɔ wiadze na adasamba 1.1—2.25
Bɔn na amandzehu ahyɛse 3.1-24
Ofi Adam do kesi Noa do 4.1—5.32
Noa na nsuyirii ho asɛm 6.1—10.32
Babilɔn Abantsentsen no ho asɛm 11.1-9
Ofi Sem do kesi Abram do 11.10-32
Tsetse Egyanom: Abraham, Isaak, na Jakob ho asɛm 12.1—35.29
Esau asefo 36.1-43
Josef na no nuanom ho asɛm 37.1—45.28
Israelfo kɛtsena Egypt 46.1—50.26

گوێگرتن لە Gyenesis NHƐNMU