Mongondow - Today's Mongondow Version, 2006 (Drama NT)

<div class="version vid2874 iso6393mog" data-vid="2874" data-iso6393="mog">
 <div class="book bk1CO">
 <div class="chapter ch8" data-usfm="1CO.8">
 <div class="label">8</div><div class="s">Soal&#803; kaanon inta pinosumba kon berhala</div><div class="p"> 1Yo tanaa in soal&#803; kaanon inta inogoi sal&#803;aku sosumba kon berhala. Oo, totuub&#237; in kain intau, &#8220;Kita in komintan bidon nongopandoi.&#8221; T&#225;e pandoi tatua in nokopobal&#817;&#237;don kon intau mokal&#803;akuang, t&#225;e aka tabi, yo mokobiag kon intau. 2Intau inta monganggap kon nobayongdon in kinotaauannea, sabanarnea in di&#225;b&#237; nonotaau totok in sia. 3T&#225;e intau inta totu-totuudon motabi kon i Allah, sia tua in kotaauanb&#237; totok i Allah.</div><div class="p"> 4Yo soal&#803; mokaan kon kaanon inta ain pinosumba kon berhala, sabanarnea in kinotaauanb&#237; naton kon berhala tua in di&#225;b&#237; onda. Sin kinotaauanb&#237; doman naton kon tong&#225;b&#237; tobat&#250; in ki Allah; di&#225;b&#237; in ibanea mako. 5Totuub&#237; kon moant&#243; doman inta sinangoian ki allah andeka ki tuhan in kon dunia naa. 6T&#225;e kita in nopirisayab&#237; kon tong&#225;b&#237; tobat&#250; in ki Allah. Inta nomal&#817;&#237; kon bayongan bonu in dunia naa. Bo tong&#225;b&#237; mobiag kon kopontingan-Nea in kita. Ki Tuhan in tong&#225;b&#237; doman tobat&#250;, tuata in ki Yesus Kristus. Pinongin i-Nia tua bayongan in yagi-yagi binal&#817;&#237;, bo lantaran doman Sia d&#225; nobiag in kita.</div><div class="p"> 7Umpaka natua, t&#225;e di&#225;b&#237; komintan intau in nonotaau kon soal&#803; tatua. Sin umaaipa doman masa in tanaa oy&#250;onpa in umuran mosumba kon berhala mita. Tuamai oy&#250;onpa doman in raian kon kaanon inta ain pinosumba kon berhala in kaanonb&#237; doman in berhala. Manangka intua aka kaanon monia in kaanon tatua yo porasaan monia in baradosaanb&#237; in mosia; tua komintan popis&#237;b&#237; in di&#225;pa noguyang in pirisaya monia. 8Sabanarnea kaanon in di&#225;b&#237; mokopobal&#817;&#237; konb&#225; modiug kon i Allah in kita. Aka kaanon naton in kaanon tatua, yo di&#225;b&#237; in pongarunea. Di&#225;b&#237; in kauntungannea bo di&#225;b&#237; doman in karugiannea.</div><div class="p"> 9Tong&#225; musti mokopopia! Sinb&#225; di&#225; mokopopis&#237; kon intau mita inta di&#225;pa noguyang in pirisaya monia in baradosaan, sin popis&#237; in moiko nobebasdon in mogaid kon onukadon. 10Nanaa i makusudku: Aka kuma moiko inta aindon nopirisaya totu-totuu bo indoianmai il&#817;imit&#250;b&#237; mako bo mongaan kon bonu in bal&#803;oi pobobogoian kon sosumba kon berhala, bo inontong in intau mita inta di&#225;pa noguyang in pirisayanea. D&#225; tant&#250; oaidmu tatua in mobogoi bidon in contoh kon intau ibanea sahingga in nobarani intau tatua nokaan kon kaanon inta inogoidon pinosumba kon berhala? 11Mangal&#817;enea kon naa, binaradosadon intau ibanea popis&#237; in pirisayamu tatua. Bokaka lantarandon mosia tua d&#225; ki Kristus in minatoi. 12Bo aka natua in tant&#250; aidan monimu kon bayongan utat mita Keresten &#8211; d&#225; mangal&#817;enea kon tua, moiko in nomoguyaatdon kon pirisaya in intau inta di&#225;pa noguyang in pirisaya &#8211; d&#225; baradosaandon kon i Kristus in moiko. 13Tuamai aka mokobaradosab&#237; kon i utatku mita in kaanon tatua, d&#225; do&#237; bidon in akuoi mokaan kon ponoy&#225; tatua. Sin dikabo baradosaan in ki utatku tua popis&#237; akuoi.</div>
 </div>
 </div>
</div>

Alkitab Singog In Mongondow Masa In Tanaa © Indonesian Bible Society, 2016.

Yo tanaa in soaḷ kaanon inta inogoi saḷaku sosumba kon berhala. Oo, totuubí in kain intau, “Kita in komintan bidon nongopandoi.” Táe pandoi tatua in nokopobaḻídon kon intau mokaḷakuang, táe aka tabi, yo mokobiag kon intau. Intau inta monganggap kon nobayongdon in kinotaauannea, sabanarnea in diábí nonotaau totok in sia. Táe intau inta totu-totuudon motabi kon i Allah, sia tua in kotaauanbí totok i Allah.
Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako. Totuubí kon moantó doman inta sinangoian ki allah andeka ki tuhan in kon dunia naa. Táe kita in nopirisayabí kon tongábí tobatú in ki Allah. Inta nomaḻí kon bayongan bonu in dunia naa. Bo tongábí mobiag kon kopontingan-Nea in kita. Ki Tuhan in tongábí doman tobatú, tuata in ki Yesus Kristus. Pinongin i-Nia tua bayongan in yagi-yagi binaḻí, bo lantaran doman Sia dá nobiag in kita.
Umpaka natua, táe diábí komintan intau in nonotaau kon soaḷ tatua. Sin umaaipa doman masa in tanaa oyúonpa in umuran mosumba kon berhala mita. Tuamai oyúonpa doman in raian kon kaanon inta ain pinosumba kon berhala in kaanonbí doman in berhala. Manangka intua aka kaanon monia in kaanon tatua yo porasaan monia in baradosaanbí in mosia; tua komintan popisíbí in diápa noguyang in pirisaya monia. Sabanarnea kaanon in diábí mokopobaḻí konbá modiug kon i Allah in kita. Aka kaanon naton in kaanon tatua, yo diábí in pongarunea. Diábí in kauntungannea bo diábí doman in karugiannea.
Tongá musti mokopopia! Sinbá diá mokopopisí kon intau mita inta diápa noguyang in pirisaya monia in baradosaan, sin popisí in moiko nobebasdon in mogaid kon onukadon. Nanaa i makusudku: Aka kuma moiko inta aindon nopirisaya totu-totuu bo indoianmai iḻimitúbí mako bo mongaan kon bonu in baḷoi pobobogoian kon sosumba kon berhala, bo inontong in intau mita inta diápa noguyang in pirisayanea. Dá tantú oaidmu tatua in mobogoi bidon in contoh kon intau ibanea sahingga in nobarani intau tatua nokaan kon kaanon inta inogoidon pinosumba kon berhala? Mangaḻenea kon naa, binaradosadon intau ibanea popisí in pirisayamu tatua. Bokaka lantarandon mosia tua dá ki Kristus in minatoi. Bo aka natua in tantú aidan monimu kon bayongan utat mita Keresten – dá mangaḻenea kon tua, moiko in nomoguyaatdon kon pirisaya in intau inta diápa noguyang in pirisaya – dá baradosaandon kon i Kristus in moiko. Tuamai aka mokobaradosabí kon i utatku mita in kaanon tatua, dá doí bidon in akuoi mokaan kon ponoyá tatua. Sin dikabo baradosaan in ki utatku tua popisí akuoi.

گوێگرتن لە KORINTUS 1 8