Kwi pǝ̀ɥzɔ̃̀ wò
Sámìɔ̀ kwì bìɛ̀zǝ̀ é nɛ̀ e tɔɔ wɔ̃́ bɛ̃ɛ̃̀sɥ̀ é gbã̀ wɔ̃́ tàbɔɔ̀sɥ̀ é goá mɛtàkòzǝ-mɛ̀nù waa yi ɓà ɥ́ loá kíŋnù sɥ́ yì ɓàɛ̀. Ézrɛ̀ sɛ̀ kpɔ̀n ɓà wɔ tàbɔɔ̀sɥ̀ nɛ̀ɛ̀ è bɔ̀ mɛ yààka là, Sámìɔ̀ é kǝ̀ mɛtàkòzǝ mɛ̀ và do káɛ, Sɔ́ɔ̀ é kǝ̀ Ézrɛ̀mɛ̀a kíŋ bìɛ̀zǝ̀ káɛ, ĩ́ĩ́ Dèɓé e wãã̀ Sámìɔ̀nù ĩ́ĩ́ Sɔ́ɔ̀nù wó bɔ wɔ̃́ plǝǝ̀zǝ̀ gɥ́ nyɛ̀ɛ̀ kɔ̀ kǝsɥà kíŋ ká ɓɛ.
Wɔ̃́ gɔ̀ và é kwi nɛ̀ gɥ́ɛ é tɔɔ kǝ̀ wɔ̃́dèzǝ̀ Aaɓí-lǝ̀sɥ̀ è nu yèyíàsɥ̀ ká, kǝǝ Aaɓi wòtósɥ̀ è nù gɥ́sìèle ká. Wɔ̃́ do é nɛ̀ à sùu bɛɛ̀sɥ̀mɥ̀ wɔ̃́ zii kwìnù wó wòdɔwò kwì zii ɓɛ gɥ́ɛ gɥ́. Wɔ̃́ nɛ̀ɛ̀ à bɛ̃ɛ̃̀sɥ̀ mɥ̀ púúká Aaɓia lùòpɵwò é nu Íláà píéɛ gɥ́ 2.30 là nɛ̀ɛ̀, “A lò ɓlɛ̀kpɔ́le nu mɛ wó n ɓlɛ̀kpɔɛ wo lǝ̀, mɛ wó n zǝlíɛ a lò wo zǝlí pɵ́.”
Kwi nɛ̀ɛ̀, mɛnù zòtákɔ̀ gbɛgbɛ é gbã̀ kíŋnù sɥ́ɥ̀ ɓàɛ̀ à bɛ̃ɛ̃̀sɥ̀ mɥ̀ à gɥ́. Wò Aaɓi dɔ̀ nɛ̀ɛ̀ Ézrɛ̀a Kíŋ dèèdè mɥ̀à ká, kǝ lɛ̀ Ézrɛ̀mɛ̀ wô pɵ wà mɛ̀ɛ̀ kíŋ káɛ Aaɓi è kíŋ nù wo lǝ̀. Wɔ̃́dè kpã̀ã̀zǝ̀ é wɔ̃́ ɓɛɛ gɥ́ɛ é tɔɔ kíŋ wãã̀ Ézrɛ̀ wò kǝ̀ Aaɓia píígbéèlɛ̀ wãã̀ àɓà zadɔsɥ̀ xlɵ̀ɵ̀ 2.7-10. Aaɓia tɔn xlɵ̀ɵ̀ɛ̀, mɛ sáálɵɛ, wò kǝ̀ ɓɔ̀umɛ̀káo ĩ́ĩ́ fɛ́ɛ́ mɛ̀ káo, zòkǝ̀ wo píé sǝ̀sɥ̀ è kǝ̀lɵ̀.
Wɔ̃́ gɔ̀gɔ̀ dɔ̀kpàɥsɥ̀
Lɛ̀ Sámìɔ̀ kǝ̀ mɛtàkòzǝmɛ̀ ká Ézrɛ̀ɛ̀ (1.1–7.17)
Sɔ́ɔ̀ kǝ̀ kíŋ kásɥ̀ (8.1–10.27)
Sɔ́ɔ̀a ɓɔ̀u kwɛ̀nù bìɛ̀zǝ̀ (11.1–15.35)
Dèɓé wãã̀ Sɔ́ɔ̀ (16.1–30.31)
Sɔ́ɔ̀ wãã̀ e gbɵnù wo gasɥ̀ (31.1-13)

گوێگرتن لە 1 Sámìɔ̀ Kwi pǝ̀ɥzɔ̃̀ wò