<div class="version vid2630 iso6393sor" data-vid="2630" data-iso6393="sor">
 <div class="book bkEXO">
 <div class="chapter ch2" data-usfm="EXO.2">
 <div class="label">2</div><div class="s1">Ya&#768;a g&#616;n&#601; Moyis me d&#616;nani duwa me</div><div class="p"> 1Abe m&#616;n g&#616; g&#616;nd&#616;w i gangle g&#616;n&#601; Lebiy&#601; me u deme d&#616; g&#616;nd&#616;d&#616; i gangle g&#616; ta l&#601; di me ca. 2Deme d&#616; ta di u gudi me y&#601;&#768; dwe g&#616; abe. Mana g&#616; tandi y&#601;r dwe di lad&#616; nan&#816;e mwom da, tandi bud&#616;w a&#768;l duru subu. 3Me tandi nem bud&#601;w b&#616;raa b&#616;raa b&#601;d&#601;. &#407;r&#816;&#616; tandi ha &#42892;woo k&#616;range&#768; g&#616; g&#616; aw&#616;w g&#616; d&#616;rwa me, tandi &#599;agd&#616;w dur&#816;u l&#601; tar&#616;w&#601; dara &#616;m&#601;g&#616; g&#616; nimi n&#816;ir&#616;ng&#601; ha&#769;ra l&#601; dalaw&#601; bam me, a&#769;l dwe di l&#601; dwal&#616;n&#816;y&#601;. Mwom da, tandi u k&#616;range&#768; di ha ch&#601;&#769;w mana g&#616; d&#616;rwa dalaw&#601; sura, kuray g&#616; Nil b&#616;w&#601;. 4Dwe g&#616; man&#816; di chid&#616;w &#599;&#616;b&#616; bam hin&#816;e dara yara i na gaa ba ha a&#768;lala mo?</div><div class="p"> 5&#385;am mwom da, dole g&#616; Ejibt&#616; durm&#601;w ha g&#616;r ha ch&#601;&#769;&#601; kurayy&#601; dara ba d&#616; wiy s&#616;d&#616; bam. Me woni a&#768;lad&#616;&#769; giy&#601; da, k&#616;d&#616;b&#601;r day kuray b&#616;w&#601; cab cab. Mana g&#616; dole durm&#601;w di ba d&#616; y&#601;r k&#616;range&#768; di mana g&#616; d&#616;rwa dalaw&#601; mwom da, tandi giy id&#616; a&#768;lad&#616;&#769; giy&#601; d&#616; m&#616;n ba hana un&#601; k&#616;range&#768; di. 6Mana g&#616; ba d&#616; t&#616;n&#816; k&#616;range&#768; di b&#616;w bam mwom da, tandi y&#601;r dwe g&#616; man&#816; g&#616; abe il&#601; nul&#601; gura l&#601;. &#407;r&#816;&#616; d&#616;r&#601;d&#616; &#42892;y&#601;ng&#616;d&#616; dwe di d&#616;w&#601; me way ba da: &#171;Ta di i nare n&#601; Eb&#616;r&#601; dwe day.&#187; 7Mwom da, dwe di chid&#616;w wayd&#616; dole durm&#601;w di ba da: &#171;D&#601; u&#768;r ba n&#601; hana kan&#816;j&#616;nay deme d&#616; Eb&#616;r&#601; ba hane &#42892;ya&#768;naw dwe di na&#771;y &#616;s&#616;n&#601;y gand&#616;w mo?&#187; 8Dole durm&#601;w di cod&#616; l&#601; diiy&#601; ba da: &#171;Ha, kan&#816;jan!&#187; Me dwe di chid&#616;w ha g&#616;r ha &#42892;waga dwe di iw duwa gang. 9Dole durm&#601;w wayd&#616; deme di ba da: &#171;U dwe di ha gand&#616;w, d&#601; ha &#42892;ya&#768;w na&#771;y, &#616;s&#616;n gand&#616;w, me n&#601; ha &#42892;ywagay gwayni diya.&#187; Me deme di u dwe di ha gand&#616;w g&#616;r ha &#42892;ya&#768;w na&#771;y &#616;s&#616;w n&#616;m.</div><div class="p"> 10Mana g&#616; dwe di d&#616;r&#601;w naa mwom da, tandi uw ha gand&#616;w &#42892;ya&#768;d&#616; dole durm&#601;w. Dole durm&#601;w di u dwe di cow g&#616;d&#616;w ya gornd&#616;d&#616; g&#616; ya&#768;a de. Tandi &#42892;wog&#616;&#769;w sum&#616;w &#171;Moyis&#187;, sumi g&#616; ta di wun i ya &#171;&#42892;woo g&#616; mani&#187; de. Tandi &#42892;wog&#616;w yande dara tandi way ba d&#616; &#42892;wo&#769;w i nimiy&#601;.</div><div class="s1">Moyis &#42892;y&#601; gun g&#616; Ejibt&#616;</div><div class="p"> 11Mana g&#616; Moyis g&#616;d&#616; geche mwom da, wa&#769;la m&#616;n, an&#816;ji so ha dara ba a ha yara war&#816;aw n&#601; Eb&#616;r&#601;. G&#616;r al&#601; ta da, an&#816;ji y&#601;r g&#616; il&#601; g&#616;l&#601;g&#616; war&#816;aw n&#601; Eb&#616;r&#601; di d&#616;r&#601;g&#616; l&#601; g&#616; giy&#601; g&#616; wome. An&#816;ji y&#601;r gun g&#616; Ejibt&#616; il&#601; gwaba wil&#601;w g&#616; Eb&#616;r&#601; l&#601;. 12Mana g&#616; Moyis &#42892;wun&#816; tul&#616;w ka me ka me y&#601;r gun m&#616;n kaw il&#601; b&#601;d&#601; mwom da, an&#816;ji gob&#616; gun g&#616; Ejibt&#616; di &#42892;y&#601;w bam me, muw bud&#616;w dod&#601; gaws&#616;ni dalaw&#601;.</div><div class="p"> 13Sanga d&#616;ra da, an&#816;ji d&#616;m&#601; iche me y&#601;r war&#816;aw n&#601; Eb&#616;r&#601; s&#616;r il&#601; jara l&#601;. Me an&#816;ji way&#616;w g&#616; gwale duwa ha l&#601; b&#601;d&#601; di ba da: &#171;Dana me m&#601; gob&#616; chend&#616;m di yande mo?&#187; 14An&#816;ji cow Moyis l&#601; diiy&#601; ba da: &#171;I wi me &#42892;ya&#768;m gas&#616;nani me ch&#616;&#769;m aba a&#768;lanin sariya me mo? Labaa, m&#601; u&#768;r ba m&#601; &#42892;y&#601;nne ya tanga ba m&#601; &#42892;ya&#769;a g&#616; gun g&#616; Ejibt&#616; di de me ca mo?&#187; Mwom da, Moyis la&#769;n&#816;a a&#768;l&#616;w me &#616;r&#616;m dus&#616;w&#601; ba da: &#171;I s&#616;d&#616;, gwale g&#616; ta di, nare &#42892;wocn&#816;&#616;we.&#187;</div><div class="s1">Moyis wa&#768; ha dama s&#616;n&#816;a d&#616; Madiyann&#601;</div><div class="p"> 15-18Mana g&#616; dole g&#616; Ejibt&#616; di doy gwale g&#616; ta di mwom da, an&#816;ji u&#768;r ba &#42892;y&#601; Moyis di bam. Me Moyis di wa&#768; dara b&#616;l&#601; s&#616;w mana g&#616; dole di &#616;s&#601;w&#601;. An&#816;ji ha dama bud&#601; s&#616;w mana g&#616; s&#616;n&#816;a d&#616; Madiyann&#601;. S&#616;n&#816;a d&#616; Madiyann&#601; di, aba bwasa Ma&#771;r&#816;i&#771; m&#616;n il&#601;, g&#616; &#42892;wog&#616;w Rewel#2.15-18 Rewel Rewel di, sum&#616;w g&#616; m&#616;n &#599;ang i Jet&#616;ro, yarna K&#616;rara g&#616; daa (Exode) 3.1.. D&#616;ndaw n&#601; namde il&#601; wurg&#616;subu.</div><div class="p">Wa&#769;la m&#616;n, Moyis ha dama b&#616;la b&#616;w&#601;. Rewel d&#616;ndaw di ha&#769;rag&#616; dara wada nimi bwaa p&#616;rda l&#601; &#42892;ya&#768;g&#616;&#769; g&#616; bage n&#601;n&#601; ab&#616;rag&#616; duwa ba cha&#768;na. &#407;r&#816;&#616; woni gama bage n&#601; &#599;ang ha&#769;ra &#42892;yorg&#616; bam, mwom da, Moyis so wag&#616; aba bwasa Ma&#771;r&#816;i&#771; d&#616;ndaw di l&#601;, me &#42892;ya&#768;g&#616;&#769; bage day di nimi cendi ch&#601;&#768;.</div><div class="p">Mana g&#616; d&#616;ndaw cwara ha&#769;ra &#42892;yow ulay mwom da, ab&#616;rag&#616; di u&#768;rg&#616; ba da: &#171;I man me laba da, an&#601; cwara ha&#769;ra ulay kala&#769;ng yande mo?&#187; 19Me cendi cow l&#601; diiy&#601; ba da: &#171;Abe m&#616;n, i gun g&#616; s&#616;n&#816;a d&#616; Ejibt&#616; l&#601;, me k&#616;d&#601;nin daa woni gama bage &#616;s&#616;rag&#616; l&#601;, me wada nimi di nan&#816; &#42892;ya&#768;g&#616;&#769; bage &#616;nda di cha&#768;a an&#816;ju me ca.&#187; 20Ab&#616;rag&#616; di u&#768;rg&#616; ba da: &#171;Abe di il&#601; we mo? Dana me an&#601; kalaw wara al&#601; ta mo? Cwarna hana walnaw, kal&#616;w a hane damna wamna mani ganand&#616;.&#187;</div><div class="p"> 21Moyis y&#616; gwale duwa di me dam gand&#616;w. Mwom da, Rewel di &#42892;ya&#768;w durm&#601;w d&#616; g&#616; &#42892;wog&#616;d&#616; Sepora me, an&#816;ji ud&#616; deme. 22Me tandi y&#601;&#768;w dwe g&#616; abe me, Moyis &#42892;wog&#616;w sum&#616;w Gerchom, g&#616;nd&#616;w d&#616; biy&#601; da, i &#171;m&#616;je&#187;. An&#816;ji &#42892;wog&#616;w yande dara an&#816;ji way ba i m&#616;je g&#616; ba yala dam i s&#616;n&#816;a d&#616; nare dayy&#601;.</div><div class="s1">Ma&#771;r&#816;i&#771; y&#601;r nare n&#601; Israyel n&#816;ag&#616;ni day</div><div class="p"> 23Targ&#616;n&#816; &#599;ang, a&#768;l wa&#769;la nan&#816; da, dole g&#616; Ejibt&#616; di mar bam me, nare n&#601; Israyel di il&#601; g&#616;l&#601; d&#616;r&#616;n&#816;y&#601; nan&#816;e me il&#601; bwaa gura me ca, dara kwaynani day di yala &#599;oy d&#616;d&#601;g&#616; le. Me &#42892;waga g&#616; cendi &#42892;wog&#616; Ma&#771;r&#816;i&#771; di, mar&#816;&#616;jag&#616; so b&#616;raa ya&#769; &#616;ndara Ma&#771;r&#816;i&#771; sum&#616;w&#601; daa. 24Ma&#771;r&#816;i&#771; doy nul&#601; g&#616; cendi nul s&#616;d&#601;g&#616; &#42892;wog&#616;w n&#616;m di mwom da, &#616;r&#816;&#616; dus&#616;w guw daa mana g&#616; m&#616;lan d&#616; an&#816;ji tanga y&#616; g&#616; Ab&#616;raham me Isak me Jakob me di d&#616;d&#601;. 25Ma&#771;r&#816;i&#771; y&#601;r nare n&#601; Israyel di b&#616;raa me &#42892;wocn&#816; wamani day di me ca.</div>
 </div>
 </div>
</div>

Abe mɨn gɨ gɨndɨw i gangle gɨnə Lebiyə me u deme dɨ gɨndɨdɨ i gangle gɨ ta lə di me ca. Deme dɨ ta di u gudi me yə̀ dwe gɨ abe. Mana gɨ tandi yər dwe di ladɨ nan̰e mwom da, tandi budɨw àl duru subu. Me tandi nem budəw bɨraa bɨraa bədə. Ɨr̰ɨ tandi ha ꞌwoo kɨrangè gɨ gɨ awɨw gɨ dɨrwa me, tandi ɗagdɨw dur̰u lə tarɨwə dara ɨməgɨ gɨ nimi n̰irɨngə hára lə dalawə bam me, ál dwe di lə dwalɨn̰yə. Mwom da, tandi u kɨrangè di ha chə́w mana gɨ dɨrwa dalawə sura, kuray gɨ Nil bɨwə. Dwe gɨ man̰ di chidɨw ɗɨbɨ bam hin̰e dara yara i na gaa ba ha àlala mo?
Ɓam mwom da, dole gɨ Ejibtɨ durməw ha gɨr ha chə́ə kurayyə dara ba dɨ wiy sɨdɨ bam. Me woni àladɨ́ giyə da, kɨdɨbər day kuray bɨwə cab cab. Mana gɨ dole durməw di ba dɨ yər kɨrangè di mana gɨ dɨrwa dalawə mwom da, tandi giy idɨ àladɨ́ giyə dɨ mɨn ba hana unə kɨrangè di. Mana gɨ ba dɨ tɨn̰ kɨrangè di bɨw bam mwom da, tandi yər dwe gɨ man̰ gɨ abe ilə nulə gura lə. Ɨr̰ɨ dɨrədɨ ꞌyəngɨdɨ dwe di dɨwə me way ba da: «Ta di i nare nə Ebɨrə dwe day.» Mwom da, dwe di chidɨw waydɨ dole durməw di ba da: «Də ùr ba nə hana kan̰jɨnay deme dɨ Ebɨrə ba hane ꞌyànaw dwe di nãy ɨsɨnəy gandɨw mo?» Dole durməw di codɨ lə diiyə ba da: «Ha, kan̰jan!» Me dwe di chidɨw ha gɨr ha ꞌwaga dwe di iw duwa gang. Dole durməw waydɨ deme di ba da: «U dwe di ha gandɨw, də ha ꞌyàw nãy, ɨsɨn gandɨw, me nə ha ꞌywagay gwayni diya.» Me deme di u dwe di ha gandɨw gɨr ha ꞌyàw nãy ɨsɨw nɨm.
Mana gɨ dwe di dɨrəw naa mwom da, tandi uw ha gandɨw ꞌyàdɨ dole durməw. Dole durməw di u dwe di cow gɨdɨw ya gorndɨdɨ gɨ yàa de. Tandi ꞌwogɨ́w sumɨw «Moyis», sumi gɨ ta di wun i ya «ꞌwoo gɨ mani» de. Tandi ꞌwogɨw yande dara tandi way ba dɨ ꞌwów i nimiyə.

Mana gɨ Moyis gɨdɨ geche mwom da, wála mɨn, an̰ji so ha dara ba a ha yara war̰aw nə Ebɨrə. Gɨr alə ta da, an̰ji yər gɨ ilə gɨləgɨ war̰aw nə Ebɨrə di dɨrəgɨ lə gɨ giyə gɨ wome. An̰ji yər gun gɨ Ejibtɨ ilə gwaba wiləw gɨ Ebɨrə lə. Mana gɨ Moyis ꞌwun̰ tulɨw ka me ka me yər gun mɨn kaw ilə bədə mwom da, an̰ji gobɨ gun gɨ Ejibtɨ di ꞌyəw bam me, muw budɨw dodə gawsɨni dalawə.
Sanga dɨra da, an̰ji dɨmə iche me yər war̰aw nə Ebɨrə sɨr ilə jara lə. Me an̰ji wayɨw gɨ gwale duwa ha lə bədə di ba da: «Dana me mə gobɨ chendɨm di yande mo?» An̰ji cow Moyis lə diiyə ba da: «I wi me ꞌyàm gasɨnani me chɨ́m aba àlanin sariya me mo? Labaa, mə ùr ba mə ꞌyənne ya tanga ba mə ꞌyáa gɨ gun gɨ Ejibtɨ di de me ca mo?» Mwom da, Moyis lán̰a àlɨw me ɨrɨm dusɨwə ba da: «I sɨdɨ, gwale gɨ ta di, nare ꞌwocn̰ɨwe.»

Mana gɨ dole gɨ Ejibtɨ di doy gwale gɨ ta di mwom da, an̰ji ùr ba ꞌyə Moyis di bam. Me Moyis di wà dara bɨlə sɨw mana gɨ dole di ɨsəwə. An̰ji ha dama budə sɨw mana gɨ sɨn̰a dɨ Madiyannə. Sɨn̰a dɨ Madiyannə di, aba bwasa Mãr̰ĩ mɨn ilə, gɨ ꞌwogɨw Rewel. Dɨndaw nə namde ilə wurgɨsubu.
Wála mɨn, Moyis ha dama bɨla bɨwə. Rewel dɨndaw di háragɨ dara wada nimi bwaa pɨrda lə ꞌyàgɨ́ gɨ bage nənə abɨragɨ duwa ba chàna. Ɨr̰ɨ woni gama bage nə ɗang hára ꞌyorgɨ bam, mwom da, Moyis so wagɨ aba bwasa Mãr̰ĩ dɨndaw di lə, me ꞌyàgɨ́ bage day di nimi cendi chə̀.
Mana gɨ dɨndaw cwara hára ꞌyow ulay mwom da, abɨragɨ di ùrgɨ ba da: «I man me laba da, anə cwara hára ulay kaláng yande mo?» Me cendi cow lə diiyə ba da: «Abe mɨn, i gun gɨ sɨn̰a dɨ Ejibtɨ lə, me kɨdənin daa woni gama bage ɨsɨragɨ lə, me wada nimi di nan̰ ꞌyàgɨ́ bage ɨnda di chàa an̰ju me ca.» Abɨragɨ di ùrgɨ ba da: «Abe di ilə we mo? Dana me anə kalaw wara alə ta mo? Cwarna hana walnaw, kalɨw a hane damna wamna mani ganandɨ.»
Moyis yɨ gwale duwa di me dam gandɨw. Mwom da, Rewel di ꞌyàw durməw dɨ gɨ ꞌwogɨdɨ Sepora me, an̰ji udɨ deme. Me tandi yə̀w dwe gɨ abe me, Moyis ꞌwogɨw sumɨw Gerchom, gɨndɨw dɨ biyə da, i «mɨje». An̰ji ꞌwogɨw yande dara an̰ji way ba i mɨje gɨ ba yala dam i sɨn̰a dɨ nare dayyə.

Targɨn̰ ɗang, àl wála nan̰ da, dole gɨ Ejibtɨ di mar bam me, nare nə Israyel di ilə gɨlə dɨrɨn̰yə nan̰e me ilə bwaa gura me ca, dara kwaynani day di yala ɗoy dɨdəgɨ le. Me ꞌwaga gɨ cendi ꞌwogɨ Mãr̰ĩ di, mar̰ɨjagɨ so bɨraa yá ɨndara Mãr̰ĩ sumɨwə daa. Mãr̰ĩ doy nulə gɨ cendi nul sɨdəgɨ ꞌwogɨw nɨm di mwom da, ɨr̰ɨ dusɨw guw daa mana gɨ mɨlan dɨ an̰ji tanga yɨ gɨ Abɨraham me Isak me Jakob me di dɨdə. Mãr̰ĩ yər nare nə Israyel di bɨraa me ꞌwocn̰ wamani day di me ca.

گوێگرتن لە Kɨrara gɨ daa (Exode) 2