<div class="version vid2398 iso6393ayz" data-vid="2398" data-iso6393="ayz">
 <div class="book bkMAT">
 <div class="chapter ch20" data-usfm="MAT.20">
 <div class="label">20</div><div class="s">Bi yabi yaren raa ro misoh armato ro anggur rait</div><div class="p"> 1&#8220;Allah yamo Raja ybo raa mana rAit to, mfi bi yabi sait frok rabu momo yamo saso raa baro. Yawe raa mama misoh armato ro anggur rait. Ana mkah bo rait tna ait yoo boren yaren ana. 2Ait ykai raa baro tna ykyas boren mabyoh jya kbe ait yaren ana. Ana mkyas bo su. Tna ait yawe kbe ana mno bo wait mamo snok hreha tna ait yaren pitis dinar mauf sau k&#700;ana. Tna ybis ana mamo mkah bo mam armato rait. 3Tna baas ay&#245; moo maa matak bo feto to, bi ait retait frok yamo tna fri raa mabo baro mhau baas sai mam pasar. 4Tibyo ait yawe k&#700;ana yawe, &#8216;Nmo nisoh armato ro anggur aj&#245;. Tna kbe j&#245; too boren mnan si taren anu.&#8217; Ana mari feto, masen mamo misoh ye. 5Tna mam wore baas ay&#245; mros susai bo feto, ait frok yamo u. Ait fri raa baro mhau baas sai. Tna ykyas bo ysya ana, yawe mnan anya sai. Tna mam wore hreha ay&#245; hawer bo feto, ait frok yamo yno bo feto naut u ye. 6Tna mam wore ay&#245; frut bo feto ye, ait frok yamo fri raa roto taro naut. Tna ytu k&#700;ana yawe, &#8216;Riwai anu nhau baas sai nno fyi?&#8217; 7Menohe ana mawe k&#700;ait mawe, &#8216;Raa aro mbis amu nkah bo rait fee.&#8217; Tibyo bi ait yawe, &#8216;Feto to, nmo nkah bo mam armato anggur aj&#245;.&#8217; 8Kene mam wore arin mti bo feto, tna bi yabi ro armato rait ybis aban mana ro ybo raa ro misoh armato rait yawe, &#8216;Namo ntu raa ro mkah bo mam armato aj&#245; to. Nawe ana mama re ny&#245; naren ana sait-sait. Naren raa ro mama mtis wia. Tna naren raa ro mama hreha. Tna naren ana ro matim rabu.&#8217; 9Ana ro mkah bo weto mama tna ait yaren ana ro mama mrof wore ay&#245; mfrut fo wia. Ait yaren ana sait-sait mkah pitis dinar mauf sau. 10Raa ro matim rabu mkah bo to, mmat feto tna mnaut mawe kbe ana raa maren boren mase miwrek ana ro mama mam tis to. Menohe mfe. Aban mana retait yaren ana mkah pitis dinar mauf sau aran sai ye. 11Ana moo boren wana tna ntbur mawe, &#8216;Bi ro armato anggur retait yaren bo kaket fee sai a? 12Amu ro ntim rabu nkah bo wia ay&#245; mafit nhai to. Menohe boren ro ait yaren amu mnan anya sai mfi boren ro ait yaren k&#700;ana ro mama mam tis! Yno fyi meto? Ana weto mkah bo ay&#245; sau aran sai!&#8217; 13Menohe bi yabi retait yawe k&#700;ana wetait sait yawe, &#8216;Tao; kmo ma. J&#245; tno bo ro mkair aro mai k&#700;ny&#245; fee. Riwai anu bkyas bo su bwe anu nkah bo ti ro miy&#245; sau to, kbe j&#245; taren anu pitis dinar mauf sau no? 14Noo boren wony&#245; tna namo oh. J&#245; ksoh taren ana ro mama mam tis ye mnan anya mfi boren ro j&#245; taren k&#700;ny&#245; to ye. 15Ny&#245; nawe j&#245; tno bo manhai woj&#245; mkah j&#245; ksoh aj&#245; sai to ma fe mfe a? Soh j&#245; thaf ase tna tatmof raa anya to, kbe ny&#245; nhaf mkair a?&#8217;&#8221; 16Tna Yesus yawe, &#8220;Feto ye, raa ro masom makus mtis to, meen masom haberek matim mana wia. Tna ana ro masom matim mana wia to, meen haberek masom mamo mtis mrof.&#8221;</div><div class="s">Yesus ykyas yawe kbe Ait yajat</div><div class="p"> 17Yesus yawe yamo&#700;t Yerusalem. Tna Ait ytu kuber wAit mesait aran mama. Tna Ait ykyas bo k&#700;ana yawe, 18&#8220;J&#245; fi &#8216;Ait ro Yroh Yama Yfi Raa Sai.&#8217; Anu bmo&#700;t Yerusalem mefo. Mam beto to, kbe raa moo J&#245; msan k&#700;imam manes msya guru agama ro Yahudi. Tna kbe ana mtu srah mari tibyo mawe safo makan btek mai k&#700;J&#245;. Tna mawe raa mame J&#245; tajat. 19Tibyo ana ro agama Yahudi to, kbe moo J&#245; msan k&#700;raa ro wase Allah. Kbe ana mamus J&#245;, moo too mmok-mak J&#245;, tna kbe ana mame J&#245; tajat mam ara warok. Tna ti ro tuuf to, kbe Taja yno J&#245; trok tasen.&#8221;</div><div class="s">Boyoh ro Yakobus ysya Yohanes mme mayoh</div><div class="p"> 20Bi Zebedeus yfain msya ku wau mabo ewok mama mo k&#700;Yesus. Tna fai au mjit mimna ntmi mam tabam, tna soh-soh Ait. 21Yesus ytu k&#700;fai au yawe, &#8220;Bo ro ny&#245; nayoh k&#700;J&#245; to bawya?&#8221; Tna fai au mawe, &#8220;Meen Ny&#245; namo Raja nbo raa mana aNy&#245;. J&#245; tayoh k&#700;Ny&#245; tawe, noo ku woj&#245; mabo ewok, nse mbewok hre msya Ny&#245; re ana mamo mase msya Ny&#245; ye. Nbis sait hre k&#700;Ny&#245; mam ati ro natem ati. Tna nbis sait hre mam ati ro natem ta.&#8221; 22Menohe Yesus yawe k&#700;ana yawe, &#8220;Anu wase bo ro anu nyoh: Fyi, kbe anu ntai nsom kair ro kbe mama mai k&#700;J&#245; fe mfe a?&#8221; Tna ana mawe, &#8220;Amu ntak ye.&#8221; 23Tna Yesus yawe, &#8220;Bo ro mai k&#700;J&#245; to, saah meen anu nsom ye oh. Menohe awya ro hre mam ati ro tatem ati msya temta to, J&#245; oh mi tsok to fee. Raa ro hre mam yuk reto to, meen Taja yesait ysok bo rAit oh.&#8221; 24Kuber wAit mabo nsaa taro mari bo reto, tibyo ana mrok kmo ana mbewok ro mao k&#700;anya reto. 25Feto tibyo Ait ytu ana mama tna yawe k&#700;ana yawe, &#8220;Raa ro wase Allah mam tabam refo to, anu nhar nwe raa ro mamo aban mana wana to, ja mberasi raa kinyah ro ana mbo. Tna raa mase ro mhre aby&#245; mam uu to, mberasi ana ro mamo aban mana weto ye. 26Menohe anu to, nno bo feto ma. Awya sai ro yawe yase k&#700;anu wefo to, ait yamo raabis ranu tna ait yno bo wanu ye tu oh. 27Tna awya ro yawe yatim yamo aban mana k&#700;anu to, ait yamo sryan tna yno bo wanu wia. 28Ynan fi J&#245; fo. J&#245; fi 'Ait ro Yroh Yama Yfi Raa Sai'. J&#245; tama fo, tawe tbis raa mno bo woJ&#245; fee. Menohe J&#245; tama fo re tno bo k&#700;raa. Tna tama re too tetsu aj&#245; tfes raa mawat. Tibyo kbe ana mkai riof ro mase&#8221;</div><div class="s">Yesus yisoh raa mabo ewok ro masu mboh</div><div class="p"> 29Yesus ysya kuber wAit frok mbam Yerikho fo, raa msis-sas kro Ait. 30Tna raa ro masu mboh mabo ewok hre wea mam iso maam weto. Ana mari mawe Yesus yamo frit iti feto, tibyo ana masen mtu k&#700;Ait mawe, &#8220;Tuhan; Ku ro Daud#20:30 Bokom ro Allah mawe Mesias ro meen yama tait, ybam kube ro raja Daud. Raa ro agama Yahudi beta mhar bokom reto. Feto to ana mtu Mesias yasom &#8216;Ku ro Daud&#8217; ye., natmof amu!&#8221; 31Raa msis-sas sor weto kmo bhah ana mbewok mawe, &#8220;Shait!&#8221; Menohe ana mbewok reto beroh mtu fari renti mawe, &#8220;Ku ro Daud, natmof amu!&#8221; 32Tna Yesus yari feto, tibyo susu yros. Yros tna ytu bo k&#700;ana mbewok yawe, &#8220;Anu ksoh nwe J&#245; tno bawya k&#700;anu?&#8221; 33Ana mawe si k&#700;Ait mawe, &#8220;Tuhan; amu nksoh nmat bo ye!&#8221; 34Yesus yatmof ana tna yiir ana mbewok masu. Tibyo ana masu maah. Tna ana kro Ait mamo ye.</div>
 </div>
 </div>
</div>

“Allah yamo Raja ybo raa mana rAit to, mfi bi yabi sait frok rabu momo yamo saso raa baro. Yawe raa mama misoh armato ro anggur rait. Ana mkah bo rait tna ait yoo boren yaren ana. Ait ykai raa baro tna ykyas boren mabyoh jya kbe ait yaren ana. Ana mkyas bo su. Tna ait yawe kbe ana mno bo wait mamo snok hreha tna ait yaren pitis dinar mauf sau kʼana. Tna ybis ana mamo mkah bo mam armato rait. Tna baas ayõ moo maa matak bo feto to, bi ait retait frok yamo tna fri raa mabo baro mhau baas sai mam pasar. Tibyo ait yawe kʼana yawe, ‘Nmo nisoh armato ro anggur ajõ. Tna kbe jõ too boren mnan si taren anu.’ Ana mari feto, masen mamo misoh ye. Tna mam wore baas ayõ mros susai bo feto, ait frok yamo u. Ait fri raa baro mhau baas sai. Tna ykyas bo ysya ana, yawe mnan anya sai. Tna mam wore hreha ayõ hawer bo feto, ait frok yamo yno bo feto naut u ye. Tna mam wore ayõ frut bo feto ye, ait frok yamo fri raa roto taro naut. Tna ytu kʼana yawe, ‘Riwai anu nhau baas sai nno fyi?’ Menohe ana mawe kʼait mawe, ‘Raa aro mbis amu nkah bo rait fee.’ Tibyo bi ait yawe, ‘Feto to, nmo nkah bo mam armato anggur ajõ.’ Kene mam wore arin mti bo feto, tna bi yabi ro armato rait ybis aban mana ro ybo raa ro misoh armato rait yawe, ‘Namo ntu raa ro mkah bo mam armato ajõ to. Nawe ana mama re nyõ naren ana sait-sait. Naren raa ro mama mtis wia. Tna naren raa ro mama hreha. Tna naren ana ro matim rabu.’ Ana ro mkah bo weto mama tna ait yaren ana ro mama mrof wore ayõ mfrut fo wia. Ait yaren ana sait-sait mkah pitis dinar mauf sau. Raa ro matim rabu mkah bo to, mmat feto tna mnaut mawe kbe ana raa maren boren mase miwrek ana ro mama mam tis to. Menohe mfe. Aban mana retait yaren ana mkah pitis dinar mauf sau aran sai ye. Ana moo boren wana tna ntbur mawe, ‘Bi ro armato anggur retait yaren bo kaket fee sai a? Amu ro ntim rabu nkah bo wia ayõ mafit nhai to. Menohe boren ro ait yaren amu mnan anya sai mfi boren ro ait yaren kʼana ro mama mam tis! Yno fyi meto? Ana weto mkah bo ayõ sau aran sai!’ Menohe bi yabi retait yawe kʼana wetait sait yawe, ‘Tao; kmo ma. Jõ tno bo ro mkair aro mai kʼnyõ fee. Riwai anu bkyas bo su bwe anu nkah bo ti ro miyõ sau to, kbe jõ taren anu pitis dinar mauf sau no? Noo boren wonyõ tna namo oh. Jõ ksoh taren ana ro mama mam tis ye mnan anya mfi boren ro jõ taren kʼnyõ to ye. Nyõ nawe jõ tno bo manhai wojõ mkah jõ ksoh ajõ sai to ma fe mfe a? Soh jõ thaf ase tna tatmof raa anya to, kbe nyõ nhaf mkair a?’” Tna Yesus yawe, “Feto ye, raa ro masom makus mtis to, meen masom haberek matim mana wia. Tna ana ro masom matim mana wia to, meen haberek masom mamo mtis mrof.”

Yesus yawe yamoʼt Yerusalem. Tna Ait ytu kuber wAit mesait aran mama. Tna Ait ykyas bo kʼana yawe, “Jõ fi ‘Ait ro Yroh Yama Yfi Raa Sai.’ Anu bmoʼt Yerusalem mefo. Mam beto to, kbe raa moo Jõ msan kʼimam manes msya guru agama ro Yahudi. Tna kbe ana mtu srah mari tibyo mawe safo makan btek mai kʼJõ. Tna mawe raa mame Jõ tajat. Tibyo ana ro agama Yahudi to, kbe moo Jõ msan kʼraa ro wase Allah. Kbe ana mamus Jõ, moo too mmok-mak Jõ, tna kbe ana mame Jõ tajat mam ara warok. Tna ti ro tuuf to, kbe Taja yno Jõ trok tasen.”

Bi Zebedeus yfain msya ku wau mabo ewok mama mo kʼYesus. Tna fai au mjit mimna ntmi mam tabam, tna soh-soh Ait. Yesus ytu kʼfai au yawe, “Bo ro nyõ nayoh kʼJõ to bawya?” Tna fai au mawe, “Meen Nyõ namo Raja nbo raa mana aNyõ. Jõ tayoh kʼNyõ tawe, noo ku wojõ mabo ewok, nse mbewok hre msya Nyõ re ana mamo mase msya Nyõ ye. Nbis sait hre kʼNyõ mam ati ro natem ati. Tna nbis sait hre mam ati ro natem ta.” Menohe Yesus yawe kʼana yawe, “Anu wase bo ro anu nyoh: Fyi, kbe anu ntai nsom kair ro kbe mama mai kʼJõ fe mfe a?” Tna ana mawe, “Amu ntak ye.” Tna Yesus yawe, “Bo ro mai kʼJõ to, saah meen anu nsom ye oh. Menohe awya ro hre mam ati ro tatem ati msya temta to, Jõ oh mi tsok to fee. Raa ro hre mam yuk reto to, meen Taja yesait ysok bo rAit oh.” Kuber wAit mabo nsaa taro mari bo reto, tibyo ana mrok kmo ana mbewok ro mao kʼanya reto. Feto tibyo Ait ytu ana mama tna yawe kʼana yawe, “Raa ro wase Allah mam tabam refo to, anu nhar nwe raa ro mamo aban mana wana to, ja mberasi raa kinyah ro ana mbo. Tna raa mase ro mhre abyõ mam uu to, mberasi ana ro mamo aban mana weto ye. Menohe anu to, nno bo feto ma. Awya sai ro yawe yase kʼanu wefo to, ait yamo raabis ranu tna ait yno bo wanu ye tu oh. Tna awya ro yawe yatim yamo aban mana kʼanu to, ait yamo sryan tna yno bo wanu wia. Ynan fi Jõ fo. Jõ fi 'Ait ro Yroh Yama Yfi Raa Sai'. Jõ tama fo, tawe tbis raa mno bo woJõ fee. Menohe Jõ tama fo re tno bo kʼraa. Tna tama re too tetsu ajõ tfes raa mawat. Tibyo kbe ana mkai riof ro mase”

Yesus ysya kuber wAit frok mbam Yerikho fo, raa msis-sas kro Ait. Tna raa ro masu mboh mabo ewok hre wea mam iso maam weto. Ana mari mawe Yesus yamo frit iti feto, tibyo ana masen mtu kʼAit mawe, “ Tuhan ; Ku ro Daud, natmof amu!” Raa msis-sas sor weto kmo bhah ana mbewok mawe, “Shait!” Menohe ana mbewok reto beroh mtu fari renti mawe, “Ku ro Daud, natmof amu!” Tna Yesus yari feto, tibyo susu yros. Yros tna ytu bo kʼana mbewok yawe, “Anu ksoh nwe Jõ tno bawya kʼanu?” Ana mawe si kʼAit mawe, “Tuhan; amu nksoh nmat bo ye!” Yesus yatmof ana tna yiir ana mbewok masu. Tibyo ana masu maah. Tna ana kro Ait mamo ye.

گوێگرتن لە Matius 20