Rendille, Kenya 2018 WBT Non-Drama (NT)

Rendille, Kenya 2018 WBT Drama (NT)

<div class="version vid2277 iso6393rel" data-vid="2277" data-iso6393="rel">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">Yeesso oroosoo ka bicche urgiyicha, farsoti sabiib kayeela</div><div class="p"> 1Ibeenki seyyahnaatteet ka, oroosoo ilkerengeetti Kaana boroofenhi Gaalilaaya kajirto ka lagele. Abar Yeesso la intaas a kajirte. 2Yeesso ichoow abattitiis laka oroosaas a liiwahe. 3Inkoo farsoti sabiib &#42892;doo&#42892;d kaguute ka, abar Yeesso usu itimiyye, &#8220;Farsoti sabiib a guute,&#8221; itidah.</div><div class="p"> 4Yeesso wihi us ilaabe, &#8220;Abartaay, ati mee wihi an yeelo isoocheekto. Ibeenki Waakh isoogooche a ankhanyahe.&#8221;</div><div class="p"> 5Abartiis wihi iche ilbooyye itidah, &#8220;Walahbaaw us yeela atin iidah, yeela.&#8221;</div><div class="p"> 6&#42892;Diraammetoo lihenye burbuurenye dagaheete bicche lakachibo yaafohi Ya&#42892;huud hugumme ka kadikhatti intaas a kajireen. Kooba la bicchehi geeddi litta tomon siyyeet ichoowka litta kudoo ichoow tomon lamma iche khaata.</div><div class="p"> 7Yeesso wihi us ilbooyye iyidah, &#8220;&#42892;Diraamme bicche buuhicha.&#8221; Ilbooyye &#42892;diraamme buuhisse af keente.</div><div class="p"> 8&#42892;Deerka wihi us ilbooyye iyidah, &#8220;Bal wohoor soogessa, &#42892;dee khaata, ilbooyi oroos ka golol itoollo igeecha.&#8221;</div><div class="p">Ilbooyye la i&#42892;daas yeesse. 9Ilbooyi golol itoollo la bicchehi luurgiyiche farsoti sabiib lakayeele chanchame. Ulla inti lakakeene ma garanne, ilbooyyeti bicche soogelisse la a garatta. Ilbooyi golol itoollo eti min diste &#42892;dol iwahe, 10wihi us iyidah, &#8220;Ebba farsoti sabiibe weyti haaggane orey leekeena, inkoo marti farsoti buure dante ka, farsoti gato &#42892;dabakhe lasookhaata. At la farsoti weyti haaggane laabte ichoowka toolla.&#8221;</div><div class="p"> 11Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. &#42892;Deerka weynaantiis &#42892;doo&#42892;d isoobabbakkaahiche, abattitiis la usu kakhuufte.</div><div class="s1">Yeesso minki Waakhe buure ka &#42892;doo&#42892;di bacchaarti riha</div><div class="r">(Mattaayo 21:12-13, Marko 11:15-17, Luuka 19:45-46)</div><div class="p"> 12&#42892;Da&#42892;ddaboka Yeesso abartiis ichoow walaalinyetiis ichoow abattitiis khabaayi ilkerengeetti Kafarnaa&#42892;hum ikhubte, intaas ibeennetoo fiddiye.</div><div class="p"> 13Maanti Daawti yaafohi Ya&#42892;huude Baasakka layadeeh soodowwaatte, Yeesso ilkerengeetti weene Yeerusaleem ikore. 14Uranti minki Waakhe buure ka, &#42892;doo&#42892;di looyyo ichoow iiy ichoow kutukuurrug ba ororicho ichoow &#42892;doo&#42892;doo addane komborohi balballaaddan koorronte chilimme iskadooricho &#42892;hele. 15&#42892;Deerka yabarretoo laajja kayeesse, icho tuumman ichoow iiy ichoow looyyo ba uranti minki Waakhe buure karihe. Komborohi balballaaddane &#42892;doo&#42892;d chilimme iskadooricho rerreeche, chilimme la seley turraa&#42892;hiche. 16Wihi us &#42892;doo&#42892;di kutukuurrug ororicho iyidah, &#8220;Kutukurrugtaas inta kabahcha. Min Aabbaheey uurgiyinna sokko akayeelina!&#8221;</div><div class="p"> 17Abattitiis waha chiiran kasoo&#42892;hesse, &#8220;Kamuraaw, &#42892;dooninti an minkaah &#42892;doono, weyti buurtahe ichoowka a ikhaatta laka.&#8221;#2:17 Sabuur 69:9.</div><div class="p"> 18&#42892;Deerka ewweenki yaafohi Ya&#42892;huud wihi us Yeesso worsate, &#8220;Wahanyeyyohi miigti Waakh tuso at nah tusso &#42892;dee saggi rumanka Waakh antohi at waha kayeesse kisiiche iagarro a mehe?&#8221;</div><div class="p"> 19Yeesso wihi us icho ilaabe, &#8220;Minka Waakhe buure jejjebcha, anna ibeen seyyah goyaka toro a disaa.&#8221;</div><div class="p"> 20Iche la wihi iche ilaabte, &#8220;Minka Waakhe buure, gu&#42892;h tomon affar ichoow lihe khaate ladise. Alla maan seyyah goya on ka dissa?&#8221; 21I&#42892;daasenyi minka Waakhe buurenye Yeesso woriis kayeyyeedo a sartiissa. 22Inkoo Waakh usu omoot kasookahche ka, abattitiis wihi us &#42892;hor kayeyyeede kasoo&#42892;hesse. Abatti &#42892;deerka Chiirnaanneti Waakh ichoow wihi Yeesso yidah ba rummeysatte.</div><div class="s1">Yeesso mali weeli enenyet tuumman a garta</div><div class="p"> 23Geedda Yeesso ilkerengeetti weene Yeerusaleem ka daawti Baasakka kajiro, &#42892;doo&#42892;di buure wahanyeyyohi noole miigti Waakh tuso us yeelo arge, usu rummeeste. 24I&#42892;daasenyi Yeesso icho ma kakhuufin, a mehe us enenyet tuumman i&#42892;diis a garta. 25Walah etoo miinsane usu liicheeko mele, i&#42892;di tahe usu rubeytiis uuri weeli enenyet a garta.</div>
 </div>
 </div>
</div>

Ibeenki seyyahnaatteet ka, oroosoo ilkerengeetti Kaana boroofenhi Gaalilaaya kajirto ka lagele. Abar Yeesso la intaas a kajirte. Yeesso ichoow abattitiis laka oroosaas a liiwahe. Inkoo farsoti sabiib ꞌdooꞌd kaguute ka, abar Yeesso usu itimiyye, “Farsoti sabiib a guute,” itidah.
Yeesso wihi us ilaabe, “Abartaay, ati mee wihi an yeelo isoocheekto. Ibeenki Waakh isoogooche a ankhanyahe.”
Abartiis wihi iche ilbooyye itidah, “Walahbaaw us yeela atin iidah, yeela.”
ꞌDiraammetoo lihenye burbuurenye dagaheete bicche lakachibo yaafohi Yaꞌhuud hugumme ka kadikhatti intaas a kajireen. Kooba la bicchehi geeddi litta tomon siyyeet ichoowka litta kudoo ichoow tomon lamma iche khaata.
Yeesso wihi us ilbooyye iyidah, “ꞌDiraamme bicche buuhicha.” Ilbooyye ꞌdiraamme buuhisse af keente.
ꞌDeerka wihi us ilbooyye iyidah, “Bal wohoor soogessa, ꞌdee khaata, ilbooyi oroos ka golol itoollo igeecha.”
Ilbooyye la iꞌdaas yeesse. Ilbooyi golol itoollo la bicchehi luurgiyiche farsoti sabiib lakayeele chanchame. Ulla inti lakakeene ma garanne, ilbooyyeti bicche soogelisse la a garatta. Ilbooyi golol itoollo eti min diste ꞌdol iwahe, wihi us iyidah, “Ebba farsoti sabiibe weyti haaggane orey leekeena, inkoo marti farsoti buure dante ka, farsoti gato ꞌdabakhe lasookhaata. At la farsoti weyti haaggane laabte ichoowka toolla.”
Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. ꞌDeerka weynaantiis ꞌdooꞌd isoobabbakkaahiche, abattitiis la usu kakhuufte.


ꞌDaꞌddaboka Yeesso abartiis ichoow walaalinyetiis ichoow abattitiis khabaayi ilkerengeetti Kafarnaaꞌhum ikhubte, intaas ibeennetoo fiddiye.
Maanti Daawti yaafohi Yaꞌhuude Baasakka layadeeh soodowwaatte, Yeesso ilkerengeetti weene Yeerusaleem ikore. Uranti minki Waakhe buure ka, ꞌdooꞌdi looyyo ichoow iiy ichoow kutukuurrug ba ororicho ichoow ꞌdooꞌdoo addane komborohi balballaaddan koorronte chilimme iskadooricho ꞌhele. ꞌDeerka yabarretoo laajja kayeesse, icho tuumman ichoow iiy ichoow looyyo ba uranti minki Waakhe buure karihe. Komborohi balballaaddane ꞌdooꞌd chilimme iskadooricho rerreeche, chilimme la seley turraaꞌhiche. Wihi us ꞌdooꞌdi kutukuurrug ororicho iyidah, “Kutukurrugtaas inta kabahcha. Min Aabbaheey uurgiyinna sokko akayeelina!”
Abattitiis waha chiiran kasooꞌhesse, “Kamuraaw, ꞌdooninti an minkaah ꞌdoono, weyti buurtahe ichoowka a ikhaatta laka.”
ꞌDeerka ewweenki yaafohi Yaꞌhuud wihi us Yeesso worsate, “Wahanyeyyohi miigti Waakh tuso at nah tusso ꞌdee saggi rumanka Waakh antohi at waha kayeesse kisiiche iagarro a mehe?”
Yeesso wihi us icho ilaabe, “Minka Waakhe buure jejjebcha, anna ibeen seyyah goyaka toro a disaa.”
Iche la wihi iche ilaabte, “Minka Waakhe buure, guꞌh tomon affar ichoow lihe khaate ladise. Alla maan seyyah goya on ka dissa?” Iꞌdaasenyi minka Waakhe buurenye Yeesso woriis kayeyyeedo a sartiissa. Inkoo Waakh usu omoot kasookahche ka, abattitiis wihi us ꞌhor kayeyyeede kasooꞌhesse. Abatti ꞌdeerka Chiirnaanneti Waakh ichoow wihi Yeesso yidah ba rummeysatte.

Geedda Yeesso ilkerengeetti weene Yeerusaleem ka daawti Baasakka kajiro, ꞌdooꞌdi buure wahanyeyyohi noole miigti Waakh tuso us yeelo arge, usu rummeeste. Iꞌdaasenyi Yeesso icho ma kakhuufin, a mehe us enenyet tuumman iꞌdiis a garta. Walah etoo miinsane usu liicheeko mele, iꞌdi tahe usu rubeytiis uuri weeli enenyet a garta.

گوێگرتن لە Yoohana 2