Tuwali Ifugao - 2004 Edition (Drama - NT)

<div class="version vid2123 iso6393ifk" data-vid="2123" data-iso6393="ifk">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="p"> 1Ot tumaddog am-in nadan munhumalya ot iedah Jesus hi kad-an Pilatu an gobernador ot kanan day 2&#8220;Hituwen tagu ya itanuttudu na nadah ibbamin Judyuy pangahingan dah linteg di gubilnu. Ya iadi nay pumbayadan hi buwis nah gubilnun di Roma. Ya kanana boy hiyay Kristo an pinilin Apu Dios an mumpatul.&#8221; 3Ot kanan Pilatu ke Jesus di &#8220;Kon he-ay patul di Judyu?&#8221; Hinumang nan kananay &#8220;Deya ot an hinaey kanam.&#8221; 4Kanan Pilatu nadah ap-apun di padi ya nadah udum an naamung di &#8220;Maid di mahamak kuh bahul tuwen tagu.&#8221; 5Mu ipapilit dan kanan day &#8220;Huhhumlun di ituttudu nah pun-aawwitan am-in di tatagud Galilee ta deyan dimmatong hitud Judea.&#8221;</div><div class="s">Hay nunhumalyaan Herod ke Jesus</div><div class="p"> 6Handih dingngol Pilatuh tuwe ya minahmahana hin iGalilee hi Jesus. 7Handi ininnilan Pilatu an iGalileeh Jesus ya impae nah kad-an Herod an ap-apud Galilee ta hiyay munhumalyan Jesus te kediye ya nipaddin wadah Herod ad Jerusalem.</div><div class="p"> 8Immamlong hi Herod hi nanib-anan Jesus te nabayag an pinhod nan tibon. Dakol di dingngol nan inat nah milagro ta pinhod na ot an tibon di udum an milagron atona, mu maid. 9Dakol di minahmahan Herod ke hiya, mu adi humumang. 10Ot nadan ap-apun di padi ya nadan muntuttuduh Tugun Moses an muntattaddog hidi ya namahig an pun-itkuk da nan kanan dan bahul na. 11Hi Herod damdama ya nadan tindaluna ya tinaltalanggaan da ya numpadngolan da. Impabulwatin nadan tindalu nan bulwatin di patul ke Jesus ot pabangngadon dah kad-an Pilatu. 12Nipalpun diye ya nunggayyum uppe da Herod ke Pilatu yaden numbuhhulan da handi.</div><div class="s">Hay pamatayan dan Jesus</div><div class="r">(Mateo 27:15-26; Marcos 15:6-15; Juan 18:39&#8212;19:16)</div><div class="p"> 13Impaayag Pilatu nadan ap-apun di padi, ya nadan ap-apun di Judyu ya nadan udum an tatagu ot 14kananan diday &#8220;Kanan yuy ituttudun tuwen taguy pangahingan yuh linteg, mu dingngol kuy kalinah nunhumalyaak ke hiya ya maid di ena numbahulan ke danaen eyu ipabahul ke hiya. 15Takon hi Herod an nunhumalyan hiya ya kananay maid peman di bahul tuwen tagu ot pabangngadonah tu. Ta nganne moy gapunah e pamatayan ke hiya? 16Hay ke ot pe kanak ya ipahoplat ku ya ahik impae.&#8221; 17[Katootoon on mahapul an waday ohan ipaen Pilatuh balud hin nadatngan nan Piyestan di Nala-uwan di Anghel Apu Dios.] 18Mu am-in nadan tatagu ya muntukuk da an kanan day &#8220;Patayon yuh naen tagu ta hi Barabbas di ipae yu.&#8221; 19Hi Barabbas an nibalud ya hiyay oha nadah nakigulu ad Jerusalem ya pimmate.</div><div class="p"> 20Impatnan bon Pilatu an kumali nadah tatagut hi Jesus ot di mipae, 21mu tagan day tukuk an kanan day &#8220;Ipatak hi krus! Ipatak hi krus!&#8221; 22Impitlun Pilatun kimmali nadah tatagun kananay &#8220;Tipe, kon nganney bahul tuwen tagu? Maid di gapunah e pamatayan ke hiya. Kinali abunay ipahoplat ku ta ahik ipae.&#8221; 23Mu namam-a ot ya abun pun-itkuk dan mipatak hi krus 24ot iunnud mon Pilatu nah pinhod dan maat. 25Hi Barabbas moy impaena yaden nabahulan te nakigulu ya pimmate ot hi Jesus moy ipipate na te hidiyey pinhod nadan tatagu.</div><div class="s">Hay nipatakan Jesus hi krus</div><div class="r">(Mateo 27:32-44; Marcos 15:21-32; Juan 19:17-27)</div><div class="p"> 26Pun-ie dah Jesus nah eda pangipatakan ke hiya ya dinamu dah Simon an iCyrene an manganamut. Impapilit nadan tindalun ipipah-on ke hiya nan krus an pinah-on Jesus ot pah-onona ot mituntun-ud ke hiya. 27Kediyen pun-ie dah Jesus ya dakkodakkol day tatagun miun-unnud ke hiya ya wadada nadan binabain kumogakoga te nan eda pamatayan ke hiya. 28Inliggun Jesus ke dida ot kananay &#8220;Dakayun binabain iJerusalem, bokon ha-oy di kog-an yu, mu hay adol yu ya nadan imbabale yu 29te ahi madatngan nan algon nahalman di ahiyu punholholtapan, ta hidiye nan wadaday tatagun ahida kanan di &#8216;Kudukdul nadan binabain maid di golang dan mun-inum.&#8217; 30Ya ahida bo kanan hanadah bilid di &#8216;Magde kayu ta matab-unan kami.&#8217; 31Te kediyen tiempo ya nahalman di holholtapon di tatagu. Tibon yun ha-on an maid di bahul ku yaden athituy aton dan ha-on an punholholtaponak, ot namam-a moy ahida aton hanadah tatagun waday bahul da.&#8221; 32Kediye wadada damdamay duwan balud an eda pakipate.</div><div class="p"> 33Dimmatong da nah nangadanan hi Gunit di Ulu ot ipatak dah Jesus nah krus. Takon nadan duwan balud ya impatak da damdama dida. Hanan oha ya wadah winawwan Jesus ya na bon oha ya wadah iniggid na. 34Kanan Jesus di &#8220;Ama, pakawanam di liwat datuwen mangipipaten ha-on te uggeda inilay at-atton da.&#8221;</div><div class="p">Hanadan tindalu ya imbubunut da hin dahdin diday mangala nadah bulwatin Jesus.</div><div class="p"> 35Hanadan tatagu ya dehdi dan mun-ang-ang-ang yaden hanada ken aap-apu da ya taltalanggaan dan kanan day &#8220;Binaddanganay udum ot tumagu da ya agat tibon taku hin baddanganay adol nat kitib-anan hiyay pinilin Apu Dios an Kristo an mangipaptok hi tagu.&#8221; 36Takon nadan tindalu ya taltalanggaan da damdama ot idatan dah mun-antam an mainum 37ot kanan dan hiyay &#8220;Deket he-ay patul di Judyu ya baddangam di adol mut adika mate.&#8221; 38Kanan dah di te nan nitudok hi tap-on di uluna ya kananay &#8220;Hituwey Patul di Judyu.&#8221;</div><div class="p"> 39Takon damdama nan ohan nipatak ya taltalanggaanah Jesus an kananay &#8220;Kon bokon he-a nan pinilin Apu Dios an mangipaptok hi tagu? Daan bot baddangam di adol mu takon di dakami?&#8221; 40Mu kanan nan ohan nipatak di &#8220;Antipet iathinam di kalim ke hiya? Kon adika tumakut ke Apu Dios yaden inilam an mate ka? 41Dita ke ya mate ta te hidiyey kastigu tah numbahulan ta, mu hiya ke ya maid gapunay pamatayan dan hiya te maid di bahul na.&#8221; 42Ot kananan Jesus di &#8220;Apu Jesus, ahiyak ahan nomnomon hantuh ahim pumpatulan.&#8221; 43Ya kanan Jesus ke hiyay &#8220;O, takon ad uwani ya maki-e kan ha-on nah kawad-an di linggop ya an-anla.&#8221;</div><div class="s">Hay natayan Jesus</div><div class="r">(Mateo 27:45-56; Marcos 15:33-41; Juan 19:28-30)</div><div class="p"> 44Indanit maal-algo ya himmilong am-in di boble hi tulun oras 45an nama-id di potang. Hanan kurtina nah Templo ya nahathat ot magodwa. 46Indani ya tinumkuk hi Jesus an kananay &#8220;Ama, nangamung kah linnawak.&#8221;#23:46 Psalm 31:5 Kinali nah tuwe ot mate.</div><div class="p"> 47Hanan ap-apun di tindalu ya tinibonan am-in nan na-na-at ot dayawonah Apu Dios an kananay &#8220;Makulug peman tuwalin maid di bahul tuwen tagu.&#8221; 48Hanada ke damdaman tatagun nanibon diyen naat ya u-umyung da nuppen mumpanganamut. 49Am-in nadan nun-ib-ibban Jesus takon nadan binabain niunuunud ke hiya an nalpud Galilee ya nibata-an dan mun-ang-ang-ang nah ma-ma-at.</div><div class="s">Hay nilubukan Jesus</div><div class="r">(Mateo 27:57-61; Marcos 15:42-47; Juan 19:38-42)</div><div class="p"> 50,51Indani ya wada on ohan Judyu an hi Joseph di ngadana an iArimatea. Hiya ya madayaw te maphod di pangi-ena, kinali takon di hiyay oha nadah ap-apun di Judyu ya ad-adiyonah diyen eda inat ke Jesus. Hiyay oha nadah munho-ho-od hi datngan di pun-ap-apuwan Apu Dios. 52Handih nateh Jesus ya immeh kad-an Pilatu ot ena ibagat alanay adol Jesus. 53In-abulut Pilatu ot ena lokahon ot libbutanah luput ot ena ilubuk nah gungat an batun maid ni-an di nilubuk hidi. 54Ginalaanan e inlubuk te kediyey kilappuwan di ngilinon dan algo.</div><div class="p"> 55Hanadan binabain niunud ke Jesus an iGalilee ya naki-e dan Joseph ot tibon da nan lubuk ya hay inat nan nangilubuk. 56Handih immanamut da ya indadaan day lana ya nadan udum an mihaad hi adol di nate. Mu kabigatanan diye ya Sabadun Tungo ot mun-iyatu da an miunnud nah Tugun Moses.</div><div class="s">Hay namahuwan Jesus</div><div class="r">(Mateo 28:1-10; Marcos 16:1-8; Juan 20:1-10)</div>
 </div>
 </div>
</div>

Ot tumaddog am-in nadan munhumalya ot iedah Jesus hi kad-an Pilatu an gobernador ot kanan day “Hituwen tagu ya itanuttudu na nadah ibbamin Judyuy pangahingan dah linteg di gubilnu. Ya iadi nay pumbayadan hi buwis nah gubilnun di Roma. Ya kanana boy hiyay Kristo an pinilin Apu Dios an mumpatul.” Ot kanan Pilatu ke Jesus di “Kon he-ay patul di Judyu?” Hinumang nan kananay “Deya ot an hinaey kanam.” Kanan Pilatu nadah ap-apun di padi ya nadah udum an naamung di “Maid di mahamak kuh bahul tuwen tagu.” Mu ipapilit dan kanan day “Huhhumlun di ituttudu nah pun-aawwitan am-in di tatagud Galilee ta deyan dimmatong hitud Judea.”

Handih dingngol Pilatuh tuwe ya minahmahana hin iGalilee hi Jesus. Handi ininnilan Pilatu an iGalileeh Jesus ya impae nah kad-an Herod an ap-apud Galilee ta hiyay munhumalyan Jesus te kediye ya nipaddin wadah Herod ad Jerusalem.
Immamlong hi Herod hi nanib-anan Jesus te nabayag an pinhod nan tibon. Dakol di dingngol nan inat nah milagro ta pinhod na ot an tibon di udum an milagron atona, mu maid. Dakol di minahmahan Herod ke hiya, mu adi humumang. Ot nadan ap-apun di padi ya nadan muntuttuduh Tugun Moses an muntattaddog hidi ya namahig an pun-itkuk da nan kanan dan bahul na. Hi Herod damdama ya nadan tindaluna ya tinaltalanggaan da ya numpadngolan da. Impabulwatin nadan tindalu nan bulwatin di patul ke Jesus ot pabangngadon dah kad-an Pilatu. Nipalpun diye ya nunggayyum uppe da Herod ke Pilatu yaden numbuhhulan da handi.


Impaayag Pilatu nadan ap-apun di padi, ya nadan ap-apun di Judyu ya nadan udum an tatagu ot kananan diday “Kanan yuy ituttudun tuwen taguy pangahingan yuh linteg, mu dingngol kuy kalinah nunhumalyaak ke hiya ya maid di ena numbahulan ke danaen eyu ipabahul ke hiya. Takon hi Herod an nunhumalyan hiya ya kananay maid peman di bahul tuwen tagu ot pabangngadonah tu. Ta nganne moy gapunah e pamatayan ke hiya? Hay ke ot pe kanak ya ipahoplat ku ya ahik impae.” [Katootoon on mahapul an waday ohan ipaen Pilatuh balud hin nadatngan nan Piyestan di Nala-uwan di Anghel Apu Dios.] Mu am-in nadan tatagu ya muntukuk da an kanan day “Patayon yuh naen tagu ta hi Barabbas di ipae yu.” Hi Barabbas an nibalud ya hiyay oha nadah nakigulu ad Jerusalem ya pimmate.
Impatnan bon Pilatu an kumali nadah tatagut hi Jesus ot di mipae, mu tagan day tukuk an kanan day “Ipatak hi krus! Ipatak hi krus!” Impitlun Pilatun kimmali nadah tatagun kananay “Tipe, kon nganney bahul tuwen tagu? Maid di gapunah e pamatayan ke hiya. Kinali abunay ipahoplat ku ta ahik ipae.” Mu namam-a ot ya abun pun-itkuk dan mipatak hi krus ot iunnud mon Pilatu nah pinhod dan maat. Hi Barabbas moy impaena yaden nabahulan te nakigulu ya pimmate ot hi Jesus moy ipipate na te hidiyey pinhod nadan tatagu.


Pun-ie dah Jesus nah eda pangipatakan ke hiya ya dinamu dah Simon an iCyrene an manganamut. Impapilit nadan tindalun ipipah-on ke hiya nan krus an pinah-on Jesus ot pah-onona ot mituntun-ud ke hiya. Kediyen pun-ie dah Jesus ya dakkodakkol day tatagun miun-unnud ke hiya ya wadada nadan binabain kumogakoga te nan eda pamatayan ke hiya. Inliggun Jesus ke dida ot kananay “Dakayun binabain iJerusalem, bokon ha-oy di kog-an yu, mu hay adol yu ya nadan imbabale yu te ahi madatngan nan algon nahalman di ahiyu punholholtapan, ta hidiye nan wadaday tatagun ahida kanan di ‘Kudukdul nadan binabain maid di golang dan mun-inum.’ Ya ahida bo kanan hanadah bilid di ‘Magde kayu ta matab-unan kami.’ Te kediyen tiempo ya nahalman di holholtapon di tatagu. Tibon yun ha-on an maid di bahul ku yaden athituy aton dan ha-on an punholholtaponak, ot namam-a moy ahida aton hanadah tatagun waday bahul da.” Kediye wadada damdamay duwan balud an eda pakipate.
Dimmatong da nah nangadanan hi Gunit di Ulu ot ipatak dah Jesus nah krus. Takon nadan duwan balud ya impatak da damdama dida. Hanan oha ya wadah winawwan Jesus ya na bon oha ya wadah iniggid na. Kanan Jesus di “Ama, pakawanam di liwat datuwen mangipipaten ha-on te uggeda inilay at-atton da.”
Hanadan tindalu ya imbubunut da hin dahdin diday mangala nadah bulwatin Jesus.
Hanadan tatagu ya dehdi dan mun-ang-ang-ang yaden hanada ken aap-apu da ya taltalanggaan dan kanan day “Binaddanganay udum ot tumagu da ya agat tibon taku hin baddanganay adol nat kitib-anan hiyay pinilin Apu Dios an Kristo an mangipaptok hi tagu.” Takon nadan tindalu ya taltalanggaan da damdama ot idatan dah mun-antam an mainum ot kanan dan hiyay “Deket he-ay patul di Judyu ya baddangam di adol mut adika mate.” Kanan dah di te nan nitudok hi tap-on di uluna ya kananay “Hituwey Patul di Judyu.”
Takon damdama nan ohan nipatak ya taltalanggaanah Jesus an kananay “Kon bokon he-a nan pinilin Apu Dios an mangipaptok hi tagu? Daan bot baddangam di adol mu takon di dakami?” Mu kanan nan ohan nipatak di “Antipet iathinam di kalim ke hiya? Kon adika tumakut ke Apu Dios yaden inilam an mate ka? Dita ke ya mate ta te hidiyey kastigu tah numbahulan ta, mu hiya ke ya maid gapunay pamatayan dan hiya te maid di bahul na.” Ot kananan Jesus di “Apu Jesus, ahiyak ahan nomnomon hantuh ahim pumpatulan.” Ya kanan Jesus ke hiyay “O, takon ad uwani ya maki-e kan ha-on nah kawad-an di linggop ya an-anla.”


Indanit maal-algo ya himmilong am-in di boble hi tulun oras an nama-id di potang. Hanan kurtina nah Templo ya nahathat ot magodwa. Indani ya tinumkuk hi Jesus an kananay “Ama, nangamung kah linnawak.” Kinali nah tuwe ot mate.
Hanan ap-apun di tindalu ya tinibonan am-in nan na-na-at ot dayawonah Apu Dios an kananay “Makulug peman tuwalin maid di bahul tuwen tagu.” Hanada ke damdaman tatagun nanibon diyen naat ya u-umyung da nuppen mumpanganamut. Am-in nadan nun-ib-ibban Jesus takon nadan binabain niunuunud ke hiya an nalpud Galilee ya nibata-an dan mun-ang-ang-ang nah ma-ma-at.


Indani ya wada on ohan Judyu an hi Joseph di ngadana an iArimatea. Hiya ya madayaw te maphod di pangi-ena, kinali takon di hiyay oha nadah ap-apun di Judyu ya ad-adiyonah diyen eda inat ke Jesus. Hiyay oha nadah munho-ho-od hi datngan di pun-ap-apuwan Apu Dios. Handih nateh Jesus ya immeh kad-an Pilatu ot ena ibagat alanay adol Jesus. In-abulut Pilatu ot ena lokahon ot libbutanah luput ot ena ilubuk nah gungat an batun maid ni-an di nilubuk hidi. Ginalaanan e inlubuk te kediyey kilappuwan di ngilinon dan algo.
Hanadan binabain niunud ke Jesus an iGalilee ya naki-e dan Joseph ot tibon da nan lubuk ya hay inat nan nangilubuk. Handih immanamut da ya indadaan day lana ya nadan udum an mihaad hi adol di nate. Mu kabigatanan diye ya Sabadun Tungo ot mun-iyatu da an miunnud nah Tugun Moses.

گوێگرتن لە Lucas 23