Tuwali Ifugao - 2004 Edition (Drama - NT)

<div class="version vid2123 iso6393ifk" data-vid="2123" data-iso6393="ifk">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="p"> 1Mundaldallanan da Jesus ya waday tinibo dah tagun nakulap tuwali handih nitungowana. 2Kanan nadan disipulosna ke Jesus di &#8220;Apu, nganney gapunat nakulap an nitungo, kon gapuh liwat di ammod na weno hay liwat na?&#8221; 3Kanan Jesus di &#8220;Bokon hinaey gapuna, mu nakulap ta mipatiboy ongal an kabaelan Apu Dios nah kakaanan di kulap na. 4Ad uwanin mapat-al ni-an ya aton taku nan ngunun indinol nan nangitud-ak ke ha-on te gagala ya mahilong ta maid moy aton takun mungngunu. 5Ad uwanin wadaak tuh luta ya pat-alak di nomnom di tagu ta inilaon day makulug.&#8221; 6Handih kinali nah tuwe ya timmuppa nah luta ot umala nah tinuppaana ot idan-i nah matan nan nakulap 7ot kananay &#8220;Ume kat eka mun-ihu nah lobong ad Siloam.&#8221; (Hay kibalinan di Siloam &#8220;Nitud-ak&#8221;.) Imme nan tagu ot e mun-ihu ya pakatibo nuppe ot umanamut.</div><div class="p"> 8Hanadan hinag-ona ya nadan nanibon hiya handih mungkodkoddo ya kanan day &#8220;Kon bokon hiya nan tagun uumbun handi an mungkodkoddo?&#8221; 9Kanan di udum di &#8220;Hiya ot.&#8221; Kanan bon di udum di &#8220;Bokon hiya, mu hay ang-ang na ya kay hiya.&#8221; Ya kanan nan taguy &#8220;Ha-oy hidiye.&#8221; 10Kanan dan hiyay &#8220;Nganney naat ta pakatibo ka mo?&#8221; 11Kananay &#8220;Hanan tagun kanan dan hi Jesus ya timmuppa nah luta ot umala nah tinuppaana ot idan-i nah matak ot ahina kanan di eyak mun-ihu ad Siloam. Immeyak ot mun-ihuwak ya pakatibowak mo.&#8221; 12Kanan dan hiyay &#8220;Daan hidiyen tagu?&#8221; Kananay &#8220;Uggek inila.&#8221;</div><div class="p"> 13In-e dah diyen nakaan di kulap na hi kad-an nadan Pharisee 14te kediyen nangiapuwapan Jesus hi pitok nah matan diyen tagu ot makaan di kulap na ya Sabadun Tungo. 15Ot mahmahan bon nadan Pharisee ke hiya hin nganney innun di kulap nan nakaan ya kananan diday &#8220;Timmuppah Jesus nah luta ot umala ot idan-i nah matak. Nun-ihuwak ya maid maptok ya pakatibowak mo.&#8221;</div><div class="p"> 16Hanadan udum an Pharisee ya kanan day &#8220;Bokon hi Apu Dios di nangitud-ak ketuwen tagu te adina un-unudon di tugun an mipanggep hi Sabadun Tungo.&#8221; Mu kanan nadan udum di &#8220;Nganney innunan nangat hi milagro hin makulug an naliwat?&#8221; Hidiyey hinumlun hi nagodwaan nadan Pharisee mipanggep ke Jesus. 17Kanan da bo nah nakaan di kulap nay &#8220;Nganney pangalim mipanggep nah tagun nangaan hi kulap mu?&#8221; Ya kananay &#8220;Hiya ya profetas Apu Dios.&#8221;</div><div class="p"> 18Hanadan Judyu ya adida kulugon an nan tagu ya nakulap tuwali handih nitungo ot ipaayag da nadan aammod na ot mahmahan da. 19Kanan dan diday &#8220;Kon imbabale yuh tuwe? Kon nakulap tuwali handih nitungowana? Nganney innunat pakatibo mo?&#8221; 20Kanan nadan aammod nay &#8220;Om, hiya ya imbabale min nakulap tuwali handih nitungowana. 21Mu uggemi inila hin nganney innunan e nakaan di kulap na ya dahdiy nangaan. Mahmahan yun hiya ot kat-agun inila nan humumang.&#8221; 22Hituwey kinalin nadan ammod na te tumakut da nadah ap-apun di Judyu te kanan day hana ken tagun mangalin hi Jesus di tinuddun Apu Dios an Kriston mangipaptok hi tagu ya adida paghopon nah simbaan ta adi mo mabalin an mundayaw hidi. 23Kinali kanan nadan ammod nay &#8220;Hiyay punmahmahan yu ot kat-agu.&#8221;</div><div class="p"> 24Impaayag da bo nan nakaan di kulap na ot kanan dan hiyay &#8220;Hi Apu Dios di dayawom te hiyay nangaan hi kulap mu, bokon hi Jesus te inila min hiya ya naliwat.&#8221; 25Kanan nan taguy &#8220;Uggek inila hin naliwat weno ugge. Hay inilak ya abu ya nakulapak ni-an, mu ad uwani ya pakatibowak.&#8221; 26Kanan dan hiyay &#8220;Nganney inat nan he-a? Nganney innunan nangaan hi kulap mu?&#8221; 27Ya kananan diday &#8220;Kinalik ot bon dakayu, mu adiyu donglon. Kon tipe-, pinhod yu bon donglon? Kon pinhod yu damdaman mangun-unud ke hiya?&#8221; 28Pinadngolan da ot kanan day &#8220;He-a pe ya abuy mangun-unud ke hiya, te dakami ke pe ya hay Tugun Moses di un-unudon mi. 29Inila min nakihummangan hi Apu Dios ke Moses, mu nan kanam an tagun nangaan hi kulap mu ya uggemi inila.&#8221;</div><div class="p"> 30Kanan nan nakaan di kulap nay &#8220;Ag-agam kayu! Kanan yuy uggeyu inila yaden hiyay nangaan hi kulap ku. 31Inila takun hi Apu Dios ya adina donglon di dasal di naliwat an tagu, mu nadan tatagun manaydayaw ke hiya ya mangat hi pinhod na ya donglonay dasal da. 32Nipalpu handih naltuwan di luta ingganad uwani ya maid di etaku dingngol hi tagun ena kinaan di kulap di ohan nakulap nipalpuh nitungowana. 33Ta hidiye nan gulat nat bokon hi Apu Dios di nangitud-ak ke hiya ya maid ot kumay kabaelana.&#8221; 34Ya bimmoh-ol nadan Pharisee ot kanan dan hiyay &#8220;Nakaliwwat ka tuwali handih nitungowam, kon tuttuduwan dakamin he-a?&#8221; Ot palah-unon da nah simbaan.</div><div class="s">Hay tagun adi mangulug ya mialig nah nakulap an tagu</div><div class="p"> 35Dingngol Jesus di nangipalah-unan dan diyen tagu ot handih dinatngana ya kananan hiyay &#8220;Kon kulugom nan Panguluwan di tagu?&#8221; 36Ya kananay &#8220;Apu, dahdih diyen kanam? Kalyom ke ha-on ta kulugok.&#8221; 37Kanan Jesus di &#8220;Tinibom te hiyah tuwen makihumhummangan ke he-a.&#8221; 38Ya kananay &#8220;Apu, kulugon dakan ha-on.&#8221; Ya nundukkun ot dayawonah Jesus.</div><div class="p"> 39Ot kanan Jesus di &#8220;Immaliyak hituh lutan e mangipainilan Apu Dios ta mainila nadan nakulap ya nadan ugge nakulap. Ta nadan nakulap an pinhod dan inilaon di mipanggep ke hiya ya makaan di kulap da, mu nadan kalyon day inila dah Apu Dios, mu hi kakulugana ya ugge da, ya diday makulug an nakulap.&#8221;</div><div class="p"> 40Hanadan udum an Pharisee an wadah kad-ana ya kanan day &#8220;Kon hay kanam ya nakulap kami damdama?&#8221; 41Kanan Jesus ke diday &#8220;Gulat na ot ta abuluton yun makulug an nakulap kayu ya makaan ot di liwat yu. Mu gaput kanan yuy ugge kayu nakulap ya munnanong di liwat yu.&#8221;</div><div class="s">Hay mumpaptok hi kalnero</div>
 </div>
 </div>
</div>

Mundaldallanan da Jesus ya waday tinibo dah tagun nakulap tuwali handih nitungowana. Kanan nadan disipulosna ke Jesus di “Apu, nganney gapunat nakulap an nitungo, kon gapuh liwat di ammod na weno hay liwat na?” Kanan Jesus di “Bokon hinaey gapuna, mu nakulap ta mipatiboy ongal an kabaelan Apu Dios nah kakaanan di kulap na. Ad uwanin mapat-al ni-an ya aton taku nan ngunun indinol nan nangitud-ak ke ha-on te gagala ya mahilong ta maid moy aton takun mungngunu. Ad uwanin wadaak tuh luta ya pat-alak di nomnom di tagu ta inilaon day makulug.” Handih kinali nah tuwe ya timmuppa nah luta ot umala nah tinuppaana ot idan-i nah matan nan nakulap ot kananay “Ume kat eka mun-ihu nah lobong ad Siloam.” (Hay kibalinan di Siloam “Nitud-ak”.) Imme nan tagu ot e mun-ihu ya pakatibo nuppe ot umanamut.
Hanadan hinag-ona ya nadan nanibon hiya handih mungkodkoddo ya kanan day “Kon bokon hiya nan tagun uumbun handi an mungkodkoddo?” Kanan di udum di “Hiya ot.” Kanan bon di udum di “Bokon hiya, mu hay ang-ang na ya kay hiya.” Ya kanan nan taguy “Ha-oy hidiye.” Kanan dan hiyay “Nganney naat ta pakatibo ka mo?” Kananay “Hanan tagun kanan dan hi Jesus ya timmuppa nah luta ot umala nah tinuppaana ot idan-i nah matak ot ahina kanan di eyak mun-ihu ad Siloam. Immeyak ot mun-ihuwak ya pakatibowak mo.” Kanan dan hiyay “Daan hidiyen tagu?” Kananay “Uggek inila.”
In-e dah diyen nakaan di kulap na hi kad-an nadan Pharisee te kediyen nangiapuwapan Jesus hi pitok nah matan diyen tagu ot makaan di kulap na ya Sabadun Tungo. Ot mahmahan bon nadan Pharisee ke hiya hin nganney innun di kulap nan nakaan ya kananan diday “Timmuppah Jesus nah luta ot umala ot idan-i nah matak. Nun-ihuwak ya maid maptok ya pakatibowak mo.”
Hanadan udum an Pharisee ya kanan day “Bokon hi Apu Dios di nangitud-ak ketuwen tagu te adina un-unudon di tugun an mipanggep hi Sabadun Tungo.” Mu kanan nadan udum di “Nganney innunan nangat hi milagro hin makulug an naliwat?” Hidiyey hinumlun hi nagodwaan nadan Pharisee mipanggep ke Jesus. Kanan da bo nah nakaan di kulap nay “Nganney pangalim mipanggep nah tagun nangaan hi kulap mu?” Ya kananay “Hiya ya profetas Apu Dios.”
Hanadan Judyu ya adida kulugon an nan tagu ya nakulap tuwali handih nitungo ot ipaayag da nadan aammod na ot mahmahan da. Kanan dan diday “Kon imbabale yuh tuwe? Kon nakulap tuwali handih nitungowana? Nganney innunat pakatibo mo?” Kanan nadan aammod nay “Om, hiya ya imbabale min nakulap tuwali handih nitungowana. Mu uggemi inila hin nganney innunan e nakaan di kulap na ya dahdiy nangaan. Mahmahan yun hiya ot kat-agun inila nan humumang.” Hituwey kinalin nadan ammod na te tumakut da nadah ap-apun di Judyu te kanan day hana ken tagun mangalin hi Jesus di tinuddun Apu Dios an Kriston mangipaptok hi tagu ya adida paghopon nah simbaan ta adi mo mabalin an mundayaw hidi. Kinali kanan nadan ammod nay “Hiyay punmahmahan yu ot kat-agu.”
Impaayag da bo nan nakaan di kulap na ot kanan dan hiyay “Hi Apu Dios di dayawom te hiyay nangaan hi kulap mu, bokon hi Jesus te inila min hiya ya naliwat.” Kanan nan taguy “Uggek inila hin naliwat weno ugge. Hay inilak ya abu ya nakulapak ni-an, mu ad uwani ya pakatibowak.” Kanan dan hiyay “Nganney inat nan he-a? Nganney innunan nangaan hi kulap mu?” Ya kananan diday “Kinalik ot bon dakayu, mu adiyu donglon. Kon tipe-, pinhod yu bon donglon? Kon pinhod yu damdaman mangun-unud ke hiya?” Pinadngolan da ot kanan day “He-a pe ya abuy mangun-unud ke hiya, te dakami ke pe ya hay Tugun Moses di un-unudon mi. Inila min nakihummangan hi Apu Dios ke Moses, mu nan kanam an tagun nangaan hi kulap mu ya uggemi inila.”
Kanan nan nakaan di kulap nay “Ag-agam kayu! Kanan yuy uggeyu inila yaden hiyay nangaan hi kulap ku. Inila takun hi Apu Dios ya adina donglon di dasal di naliwat an tagu, mu nadan tatagun manaydayaw ke hiya ya mangat hi pinhod na ya donglonay dasal da. Nipalpu handih naltuwan di luta ingganad uwani ya maid di etaku dingngol hi tagun ena kinaan di kulap di ohan nakulap nipalpuh nitungowana. Ta hidiye nan gulat nat bokon hi Apu Dios di nangitud-ak ke hiya ya maid ot kumay kabaelana.” Ya bimmoh-ol nadan Pharisee ot kanan dan hiyay “Nakaliwwat ka tuwali handih nitungowam, kon tuttuduwan dakamin he-a?” Ot palah-unon da nah simbaan.

Dingngol Jesus di nangipalah-unan dan diyen tagu ot handih dinatngana ya kananan hiyay “Kon kulugom nan Panguluwan di tagu?” Ya kananay “Apu, dahdih diyen kanam? Kalyom ke ha-on ta kulugok.” Kanan Jesus di “Tinibom te hiyah tuwen makihumhummangan ke he-a.” Ya kananay “Apu, kulugon dakan ha-on.” Ya nundukkun ot dayawonah Jesus.
Ot kanan Jesus di “Immaliyak hituh lutan e mangipainilan Apu Dios ta mainila nadan nakulap ya nadan ugge nakulap. Ta nadan nakulap an pinhod dan inilaon di mipanggep ke hiya ya makaan di kulap da, mu nadan kalyon day inila dah Apu Dios, mu hi kakulugana ya ugge da, ya diday makulug an nakulap.”
Hanadan udum an Pharisee an wadah kad-ana ya kanan day “Kon hay kanam ya nakulap kami damdama?” Kanan Jesus ke diday “Gulat na ot ta abuluton yun makulug an nakulap kayu ya makaan ot di liwat yu. Mu gaput kanan yuy ugge kayu nakulap ya munnanong di liwat yu.”

گوێگرتن لە Juan 9