<div class="version vid2078 iso6393atb" data-vid="2078" data-iso6393="atb">
    <div class="book bkMRK">
        <div class="chapter ch5" data-usfm="MRK.5">
            <div class="label">5</div><div class="s1"><span class="heading">Nat jum le hkat pyam e</span></div><div class="p"><span class="content">  </span><span class="verse v1" data-usfm="MRK.5.1"><span class="label">1</span><span class="content">Ahkwi hau nawng he-hpaw ma Gerase bang mung hpyang yang maw je kaw e.</span></span></div><div class="p"><span class="verse v1" data-usfm="MRK.5.1"><span class="content">  </span></span><span class="verse v2" data-usfm="MRK.5.2"><span class="label">2</span><span class="content">Yang g&#235;, lai mai htaw law e hkun-jang, a-joi-a-yung e nat dap e byu ra yu lup-dung mai htaw law lwi, Yang le te-yu e.</span></span></div><div class="p"><span class="verse v2" data-usfm="MRK.5.2"><span class="content">  </span></span><span class="verse v3" data-usfm="MRK.5.3"><span class="label">3</span><span class="content">Hau yu a ni jang g&#235;, lup pe ma ngut lwi e, aw ngut-kaw-lang, yang le sham taw twi e lang, a waw twi taw.</span></span></div><div class="p"><span class="verse v3" data-usfm="MRK.5.3"><span class="content">  </span></span><span class="verse v4" data-usfm="MRK.5.4"><span class="label">4</span><span class="content">Hka-su-mu-ga-le, hki kyum e sham taw twi e, myaw myaw ling yang le twi taw kaw-lang, sham taw twi le lang hpit pyam lwi, hki kyum le law-hkyawp-law-nyang pyam lwi e, aw ngut-kaw-lang, yang le me-yu ra wum a baw kaw.</span></span></div><div class="p"><span class="verse v4" data-usfm="MRK.5.4"><span class="content">  </span></span><span class="verse v5" data-usfm="MRK.5.5"><span class="label">5</span><span class="content">Ni-wi-min-wi hka nam le hau lup pe bum pe hka ni wun lwi, puk i-jang yang gung-du le lu-gawk e zan-che ni ra.</span></span></div><div class="p"><span class="verse v5" data-usfm="MRK.5.5"><span class="content">  </span></span><span class="verse v6" data-usfm="MRK.5.6"><span class="label">6</span><span class="content">Yesu le we we mai byu myang jang, yang din e lwi Yang le pai le e, &#8220;Myang dik e Karai Kasang yang zaw Yesu e, ngaw Nang e hai tu le hta?&#8221;</span></span></div><div class="p"><span class="verse v6" data-usfm="MRK.5.6"><span class="content">  </span></span><span class="verse v7" data-usfm="MRK.5.7"><span class="label">7</span><span class="content">&#8220;Nang ngaw le a zing-ri shang ga, Karai Kasang jang ngaw Nang le dung taw le,&#8221; ga lwi, hte maw e puk e.</span></span></div><div class="p"><span class="verse v7" data-usfm="MRK.5.7"><span class="content">  </span></span><span class="verse v8" data-usfm="MRK.5.8"><span class="label">8</span><span class="content">Hka-su-mu-ga-le, Yang g&#235;, &#8220;a-joi-a-yung nat nang e, hau yu jang mai htaw law a!&#8221; ngu lwi, yang le tai taw poi be.</span></span></div><div class="p"><span class="verse v8" data-usfm="MRK.5.8"><span class="content">  </span></span><span class="verse v9" data-usfm="MRK.5.9"><span class="label">9</span><span class="content">Yesu g&#235;, &#8220;Nang e ming hai ngut le hta?&#8221; ga lwi, yang le mi jang. Yang g&#235;, &#8220;Nga maw myaw myaw ngut le mu, nga e ming Legu ngut le,&#8221; ga lwi, Yang le tu e.</span></span></div><div class="p"><span class="verse v9" data-usfm="MRK.5.9"><span class="content">  </span></span><span class="verse v10" data-usfm="MRK.5.10"><span class="label">10</span><span class="content">Hau htaw ma, hau mung mai yang maw le a hkat pyam shang ga, yang Yesu le gyai ju-dung e.</span></span></div><div class="p"><span class="verse v10" data-usfm="MRK.5.10"><span class="content">  </span></span><span class="verse v11" data-usfm="MRK.5.11"><span class="label">11</span><span class="content">Ahkwi hau bum hki pe ma wa jum maw but zaw ni akaw.</span></span></div><div class="p"><span class="verse v11" data-usfm="MRK.5.11"><span class="content">  </span></span><span class="verse v12" data-usfm="MRK.5.12"><span class="label">12</span><span class="content">Hau mu lwi nat pe g&#235;, &#8220;Nga maw hau wa pe jang waw wang shang ga, nangkat kaw la,&#8221; ga lwi, Yang le dung kaw e.</span></span></div><div class="p"><span class="verse v12" data-usfm="MRK.5.12"><span class="content">  </span></span><span class="verse v13" data-usfm="MRK.5.13"><span class="label">13</span><span class="content">Hau hkun Yang yang maw le ahkang bi kat e, a-joi-a-yung nat pe kum g&#235;, htaw law lwi, wa pe jang wang e ngut mu, wa jum g&#235;, hau gam-kum mai nawng shut din wang lwi, nawng ma myaw-shi byu kaw e. Hau wa pe g&#235;, i tung kaw ngut akaw.</span></span></div><div class="p"><span class="verse v13" data-usfm="MRK.5.13"><span class="content">  </span></span><span class="verse v14" data-usfm="MRK.5.14"><span class="label">14</span><span class="content">Wa zung bang kum g&#235;, hpang-law lwi, hau wa e mau-hka hau hkyaw tai kyaw kaw e. Hau hkun hau su dut law e hkyaw le wu wu ra, yang maw htaw e-law kaw e.</span></span></div><div class="p"><span class="verse v14" data-usfm="MRK.5.14"><span class="content">  </span></span><span class="verse v15" data-usfm="MRK.5.15"><span class="label">15</span><span class="content">Yang maw Yesu jang je le, Legu lawm e nat dap e su g&#235;, me-bu wut lwi h&#235; hpyang ma e i-mit bun ging lwi zung taw e le, yang maw myang kaw e ngut mu, gyu-dan byu kaw e.</span></span></div><div class="p"><span class="verse v15" data-usfm="MRK.5.15"><span class="content">  </span></span><span class="verse v16" data-usfm="MRK.5.16"><span class="label">16</span><span class="content">Hau hkyaw le myang e bang le, hau nat dap e byu e wa pe hka-su dut law e le, yang maw le lawm tai kyaw kaw e.</span></span></div><div class="p"><span class="verse v16" data-usfm="MRK.5.16"><span class="content">  </span></span><span class="verse v17" data-usfm="MRK.5.17"><span class="label">17</span><span class="content">Hau mu lwi, yang maw e mau-hkyaw mai htaw law ra hkyaw le, Yang le chawm-ju dung kaw e.</span></span></div><div class="p"><span class="verse v17" data-usfm="MRK.5.17"><span class="content">  </span></span><span class="verse v18" data-usfm="MRK.5.18"><span class="label">18</span><span class="content">Hau lai ma wang le Yang e ra-ha ni ra ga, h&#235; hpyang nat dap su g&#235;, Yang le ju-dung e.</span></span></div><div class="p"><span class="verse v18" data-usfm="MRK.5.18"><span class="content">  </span></span><span class="verse v19" data-usfm="MRK.5.19"><span class="label">19</span><span class="content">Yang lum ahkang a bi e za. &#8220;Nang yum ma bang e nang bin-chang wi jang dum law lwi, Hau yum-sing nang le hka-myaw wa karum lwi, shaw-gyaw e le law tai kyaw a!&#8221; ga lwi, yang le tai kat e.</span></span></div><div class="p"><span class="verse v19" data-usfm="MRK.5.19"><span class="content">  </span></span><span class="verse v20" data-usfm="MRK.5.20"><span class="label">20</span><span class="content">Hau yan-mai yang htaw law lwi, Yesu Yang le hka-myaw wa karum be e le Dekapoli mau ma tai kyaw lwi, lung-lang bang mau-ba bum kaw e.</span></span></div><div class="s1"><span class="heading">Yesu le Ya-iru wut yu e</span></div><div class="p"><span class="verse v20" data-usfm="MRK.5.20"><span class="content">  </span></span><span class="verse v21" data-usfm="MRK.5.21"><span class="label">21</span><span class="content">Ahkwi Yesu g&#235;, lai ma he-hpaw shut dum gu-dap law hkun, byu jum maw Yang jang le mung kaw e. Yang g&#235;, hau nawng yam ma ni taw le.</span></span></div><div class="p"><span class="verse v21" data-usfm="MRK.5.21"><span class="content">  </span></span><span class="verse v22" data-usfm="MRK.5.22"><span class="label">22</span><span class="content">Han hkun, tara jawng a-gi pe ma, Ya-iru ngu su byu ra yu je le lwi, Yang le myang jang Yang e hki wang ma hki-hput-htu mu,</span></span></div><div class="p"><span class="verse v22" data-usfm="MRK.5.22"><span class="content">  </span></span><span class="verse v23" data-usfm="MRK.5.23"><span class="label">23</span><span class="content">&#8220;Nga mi-we-zaw ti su shi law ni a-be. Yang ge law lwi, dwi ni shang ga, yang e a-htaw ma law ke bi ra, le je a!&#8221; ga lwi, Yang le gyai gyai ju-dung e.</span></span></div><div class="p"><span class="verse v23" data-usfm="MRK.5.23"><span class="content">  </span></span><span class="verse v24" data-usfm="MRK.5.24"><span class="label">24</span><span class="content">Hau mu lwi, yang e ra-ha e-law e. Byu lajum maw le Yang jang chang bum lwi, yang maw g&#235;, Yang le zang shaw jin-jap kaw e.</span></span></div><div class="s1"><span class="heading">Swi yut yut naw e mi-we-zaw le law ge bi e</span></div><div class="p"><span class="verse v24" data-usfm="MRK.5.24"><span class="content">  </span></span><span class="verse v25" data-usfm="MRK.5.25"><span class="label">25</span><span class="content">Ra htse i zan swi yut yut naw e mi-we-zaw ra yu le lawm ni ra.</span></span></div><div class="p"><span class="verse v25" data-usfm="MRK.5.25"><span class="content">  </span></span><span class="verse v26" data-usfm="MRK.5.26"><span class="label">26</span><span class="content">Yang g&#235;, chi sara-maw myaw myaw e law ma a-shaw-a-wi myaw myaw hwi le e, yang waw ma waw lung-lang le ban hpyu yam kaw-lang, ra zwi le a waw ge, je je wi law e.</span></span></div><div class="p"><span class="verse v26" data-usfm="MRK.5.26"><span class="content">  </span></span><span class="verse v27" data-usfm="MRK.5.27"><span class="label">27</span><span class="content">Yang g&#235;, Yesu e hkyaw le waw gyaw jang, hau shiwa-hpung hkau yam htang ma e-je lwi, Yang e me-bu le sawp e.</span></span></div><div class="p"><span class="verse v27" data-usfm="MRK.5.27"><span class="content">  </span></span><span class="verse v28" data-usfm="MRK.5.28"><span class="label">28</span><span class="content">Hka-su-mu-ga-le, yang g&#235;, &#8220;Yang e me-bu le za lang, ngaw waw sawp le g&#235; ngaw ge law ra,&#8221; ga e.</span></span></div><div class="p"><span class="verse v28" data-usfm="MRK.5.28"><span class="content">  </span></span><span class="verse v29" data-usfm="MRK.5.29"><span class="label">29</span><span class="content">Hau hkun-jang yang e swi yut kan byu law lwi, yang e a-na ge byu e le yang gung se be.</span></span></div><div class="p"><span class="verse v29" data-usfm="MRK.5.29"><span class="content">  </span></span><span class="verse v30" data-usfm="MRK.5.30"><span class="label">30</span><span class="content">Yesu g&#235;, yang jang ma e wum-aw htaw law e le, Yang e i-mit ma hau hkun-jang se e mu, hau shiwa-hpung hpyang ling law u-jang, &#8220;Nga e me-bu le, aw sawp kaw e hta?&#8221; ga lwi, mi e.</span></span></div><div class="p"><span class="verse v30" data-usfm="MRK.5.30"><span class="content">  </span></span><span class="verse v31" data-usfm="MRK.5.31"><span class="label">31</span><span class="content">Hau mu lwi, Yang e lagyaw pe. &#8220;Shiwa byu pe Nang le jin-jap nyam shaw dut e le Nang myang taw lwi e, &#8216;Ngaw le aw sawp akaw?&#8217; ga ashi nung li?&#8221; ga lwi, Yang le tu kaw e.</span></span></div><div class="p"><span class="verse v31" data-usfm="MRK.5.31"><span class="content">  </span></span><span class="verse v32" data-usfm="MRK.5.32"><span class="label">32</span><span class="content">Yang yu g&#235;, hau a-mu kut e mi-we-zaw le byu-wu ra ma-tu, ling-wu ni e.</span></span></div><div class="p"><span class="verse v32" data-usfm="MRK.5.32"><span class="content">  </span></span><span class="verse v33" data-usfm="MRK.5.33"><span class="label">33</span><span class="content">Hau mi-we-zaw kum g&#235;, yang jang dut law e a-mu le se mu, gyu-nan u-jang hwi le lwi, Yang e h&#235; ma hki-hput-htu lwi, yang e hkyaw lung-lang teng e hkyaw za tai kyaw e.</span></span></div><div class="p"><span class="verse v33" data-usfm="MRK.5.33"><span class="content">  </span></span><span class="verse v34" data-usfm="MRK.5.34"><span class="label">34</span><span class="content">Yang jau g&#235;, &#8220;Mi-we-zaw e, nang e lum e i-mit g&#235;, nang le law ge bi be. Ngwi-ngwi-ngawn ngawn e-law ahkoi! Nang e a-na-ahkya ge shang ga,&#8221; ga lwi, yang le tai kyaw e.</span></span></div><div class="s1"><span class="heading">Ya-iru yang zaw le dum dwi law nang e</span></div><div class="p"><span class="verse v34" data-usfm="MRK.5.34"><span class="content">  </span></span><span class="verse v35" data-usfm="MRK.5.35"><span class="label">35</span><span class="content">Yang dang nyaw taw ashi le, tara jawng a-gi e yum ma bang je le lwi &#8220;Nung zaw shi byu be. Hau sara le hai mu lwi shitsang ni ashi hta?&#8221; ga kaw e.</span></span></div><div class="p"><span class="verse v35" data-usfm="MRK.5.35"><span class="content">  </span></span><span class="verse v36" data-usfm="MRK.5.36"><span class="label">36</span><span class="content">Yesu yu g&#235;, hau le tai e dang le hai a ngam mu, &#8220;Hka gyu! Lum e i-mit za baw a!&#8221; ga lwi, tara jawng a-gi wa le tai kyaw e.</span></span></div><div class="p"><span class="verse v36" data-usfm="MRK.5.36"><span class="content">  </span></span><span class="verse v37" data-usfm="MRK.5.37"><span class="label">37</span><span class="content">Hau hkun Petru, Yaku e Yaku e yang-gu Yawhan mai gaw-tu Yang jang chang ra ahkang aw le le a bi.</span></span></div><div class="p"><span class="verse v37" data-usfm="MRK.5.37"><span class="content">  </span></span><span class="verse v38" data-usfm="MRK.5.38"><span class="label">38</span><span class="content">Ahkwi hau tara a-gi e yum shut je jang, ki-ki-kyawng-kyawng, ngau-bi-ngau-nap, i-yawn nik nge maw le Yang myang e.</span></span></div><div class="p"><span class="verse v38" data-usfm="MRK.5.38"><span class="content">  </span></span><span class="verse v39" data-usfm="MRK.5.39"><span class="label">39</span><span class="content">Yum hkau hpyang wang law lwi, &#8220;Nung maw hai mu lwi ki-ki-kyawng-kyawng, ngau-bi-ngau-nap dut ni akaw hta? Zaw-shang g&#235;, shi e a ngut. Yup-ngawn ni e ngut le,&#8221; ga lwi yang maw le tai e.</span></span></div><div class="p"><span class="verse v39" data-usfm="MRK.5.39"><span class="content">  </span></span><span class="verse v40" data-usfm="MRK.5.40"><span class="label">40</span><span class="content">Yang maw kum g&#235;, Yang le nyap u-jang, wi pyam kaw e. Yesu g&#235;, lung-lang bang le hkat pyam yau jang, hau zaw-shang e yang-nu yaug-wa e, Yang e ra-ha ni e bang le wut yu lwi, hau zaw-shang le taw jang shut wang law kaw e.</span></span></div><div class="p"><span class="verse v40" data-usfm="MRK.5.40"><span class="content">  </span></span><span class="verse v41" data-usfm="MRK.5.41"><span class="label">41</span><span class="content">Hau hkun zaw shang e law le Yang zwi taw lwi, &#8220;Talihta Kumi,&#8221; ga e. Hau su ga e g&#235;, &#8220;Zaw mi e! Taw a! Ngaw ngu taw le,&#8221; ga e ngut le.</span></span></div><div class="p"><span class="verse v41" data-usfm="MRK.5.41"><span class="content">  </span></span><span class="verse v42" data-usfm="MRK.5.42"><span class="label">42</span><span class="content">Hau hkun-jang, Hau zaw-mi g&#235; taw lwi, saw law e. Yang e asak g&#235;, ra htse i zan ngut taw le. Hau mu lwi yang maw g&#235;, gyai gyai mau-ha bum kaw e.</span></span></div><div class="p"><span class="verse v42" data-usfm="MRK.5.42"><span class="content">  </span></span><span class="verse v43" data-usfm="MRK.5.43"><span class="label">43</span><span class="content">Hau hkyaw le aw le a se shang ga, Yang yang maw le gyai ga tai taw be. Hau htaw ma zaw-shang le zaw-shu bi ra ma-tu Yang tai taw be.</span></span></div>
        </div>
    </div>
</div>

Ahkwi hau nawng he-hpaw ma Gerase bang mung hpyang yang maw je kaw e.
Yang gë, lai mai htaw law e hkun-jang, a-joi-a-yung e nat dap e byu ra yu lup-dung mai htaw law lwi, Yang le te-yu e.
Hau yu a ni jang gë, lup pe ma ngut lwi e, aw ngut-kaw-lang, yang le sham taw twi e lang, a waw twi taw.
Hka-su-mu-ga-le, hki kyum e sham taw twi e, myaw myaw ling yang le twi taw kaw-lang, sham taw twi le lang hpit pyam lwi, hki kyum le law-hkyawp-law-nyang pyam lwi e, aw ngut-kaw-lang, yang le me-yu ra wum a baw kaw.
Ni-wi-min-wi hka nam le hau lup pe bum pe hka ni wun lwi, puk i-jang yang gung-du le lu-gawk e zan-che ni ra.
Yesu le we we mai byu myang jang, yang din e lwi Yang le pai le e, “Myang dik e Karai Kasang yang zaw Yesu e, ngaw Nang e hai tu le hta?”
“Nang ngaw le a zing-ri shang ga, Karai Kasang jang ngaw Nang le dung taw le,” ga lwi, hte maw e puk e.
Hka-su-mu-ga-le, Yang gë, “a-joi-a-yung nat nang e, hau yu jang mai htaw law a!” ngu lwi, yang le tai taw poi be.
Yesu gë, “Nang e ming hai ngut le hta?” ga lwi, yang le mi jang. Yang gë, “Nga maw myaw myaw ngut le mu, nga e ming Legu ngut le,” ga lwi, Yang le tu e.
Hau htaw ma, hau mung mai yang maw le a hkat pyam shang ga, yang Yesu le gyai ju-dung e.
Ahkwi hau bum hki pe ma wa jum maw but zaw ni akaw.
Hau mu lwi nat pe gë, “Nga maw hau wa pe jang waw wang shang ga, nangkat kaw la,” ga lwi, Yang le dung kaw e.
Hau hkun Yang yang maw le ahkang bi kat e, a-joi-a-yung nat pe kum gë, htaw law lwi, wa pe jang wang e ngut mu, wa jum gë, hau gam-kum mai nawng shut din wang lwi, nawng ma myaw-shi byu kaw e. Hau wa pe gë, i tung kaw ngut akaw.
Wa zung bang kum gë, hpang-law lwi, hau wa e mau-hka hau hkyaw tai kyaw kaw e. Hau hkun hau su dut law e hkyaw le wu wu ra, yang maw htaw e-law kaw e.
Yang maw Yesu jang je le, Legu lawm e nat dap e su gë, me-bu wut lwi hë hpyang ma e i-mit bun ging lwi zung taw e le, yang maw myang kaw e ngut mu, gyu-dan byu kaw e.
Hau hkyaw le myang e bang le, hau nat dap e byu e wa pe hka-su dut law e le, yang maw le lawm tai kyaw kaw e.
Hau mu lwi, yang maw e mau-hkyaw mai htaw law ra hkyaw le, Yang le chawm-ju dung kaw e.
Hau lai ma wang le Yang e ra-ha ni ra ga, hë hpyang nat dap su gë, Yang le ju-dung e.
Yang lum ahkang a bi e za. “Nang yum ma bang e nang bin-chang wi jang dum law lwi, Hau yum-sing nang le hka-myaw wa karum lwi, shaw-gyaw e le law tai kyaw a!” ga lwi, yang le tai kat e.
Hau yan-mai yang htaw law lwi, Yesu Yang le hka-myaw wa karum be e le Dekapoli mau ma tai kyaw lwi, lung-lang bang mau-ba bum kaw e.

Ahkwi Yesu gë, lai ma he-hpaw shut dum gu-dap law hkun, byu jum maw Yang jang le mung kaw e. Yang gë, hau nawng yam ma ni taw le.
Han hkun, tara jawng a-gi pe ma, Ya-iru ngu su byu ra yu je le lwi, Yang le myang jang Yang e hki wang ma hki-hput-htu mu,
“Nga mi-we-zaw ti su shi law ni a-be. Yang ge law lwi, dwi ni shang ga, yang e a-htaw ma law ke bi ra, le je a!” ga lwi, Yang le gyai gyai ju-dung e.
Hau mu lwi, yang e ra-ha e-law e. Byu lajum maw le Yang jang chang bum lwi, yang maw gë, Yang le zang shaw jin-jap kaw e.

Ra htse i zan swi yut yut naw e mi-we-zaw ra yu le lawm ni ra.
Yang gë, chi sara-maw myaw myaw e law ma a-shaw-a-wi myaw myaw hwi le e, yang waw ma waw lung-lang le ban hpyu yam kaw-lang, ra zwi le a waw ge, je je wi law e.
Yang gë, Yesu e hkyaw le waw gyaw jang, hau shiwa-hpung hkau yam htang ma e-je lwi, Yang e me-bu le sawp e.
Hka-su-mu-ga-le, yang gë, “Yang e me-bu le za lang, ngaw waw sawp le gë ngaw ge law ra,” ga e.
Hau hkun-jang yang e swi yut kan byu law lwi, yang e a-na ge byu e le yang gung se be.
Yesu gë, yang jang ma e wum-aw htaw law e le, Yang e i-mit ma hau hkun-jang se e mu, hau shiwa-hpung hpyang ling law u-jang, “Nga e me-bu le, aw sawp kaw e hta?” ga lwi, mi e.
Hau mu lwi, Yang e lagyaw pe. “Shiwa byu pe Nang le jin-jap nyam shaw dut e le Nang myang taw lwi e, ‘Ngaw le aw sawp akaw?’ ga ashi nung li?” ga lwi, Yang le tu kaw e.
Yang yu gë, hau a-mu kut e mi-we-zaw le byu-wu ra ma-tu, ling-wu ni e.
Hau mi-we-zaw kum gë, yang jang dut law e a-mu le se mu, gyu-nan u-jang hwi le lwi, Yang e hë ma hki-hput-htu lwi, yang e hkyaw lung-lang teng e hkyaw za tai kyaw e.
Yang jau gë, “Mi-we-zaw e, nang e lum e i-mit gë, nang le law ge bi be. Ngwi-ngwi-ngawn ngawn e-law ahkoi! Nang e a-na-ahkya ge shang ga,” ga lwi, yang le tai kyaw e.

Yang dang nyaw taw ashi le, tara jawng a-gi e yum ma bang je le lwi “Nung zaw shi byu be. Hau sara le hai mu lwi shitsang ni ashi hta?” ga kaw e.
Yesu yu gë, hau le tai e dang le hai a ngam mu, “Hka gyu! Lum e i-mit za baw a!” ga lwi, tara jawng a-gi wa le tai kyaw e.
Hau hkun Petru, Yaku e Yaku e yang-gu Yawhan mai gaw-tu Yang jang chang ra ahkang aw le le a bi.
Ahkwi hau tara a-gi e yum shut je jang, ki-ki-kyawng-kyawng, ngau-bi-ngau-nap, i-yawn nik nge maw le Yang myang e.
Yum hkau hpyang wang law lwi, “Nung maw hai mu lwi ki-ki-kyawng-kyawng, ngau-bi-ngau-nap dut ni akaw hta? Zaw-shang gë, shi e a ngut. Yup-ngawn ni e ngut le,” ga lwi yang maw le tai e.
Yang maw kum gë, Yang le nyap u-jang, wi pyam kaw e. Yesu gë, lung-lang bang le hkat pyam yau jang, hau zaw-shang e yang-nu yaug-wa e, Yang e ra-ha ni e bang le wut yu lwi, hau zaw-shang le taw jang shut wang law kaw e.
Hau hkun zaw shang e law le Yang zwi taw lwi, “Talihta Kumi,” ga e. Hau su ga e gë, “Zaw mi e! Taw a! Ngaw ngu taw le,” ga e ngut le.
Hau hkun-jang, Hau zaw-mi gë taw lwi, saw law e. Yang e asak gë, ra htse i zan ngut taw le. Hau mu lwi yang maw gë, gyai gyai mau-ha bum kaw e.
Hau hkyaw le aw le a se shang ga, Yang yang maw le gyai ga tai taw be. Hau htaw ma zaw-shang le zaw-shu bi ra ma-tu Yang tai taw be.

گوێگرتن لە Marku 5