Yakut - IBT-R (NT+Psalms,Proverbs,Jonah) Non Drama

Text OT © 2009 (Psalms), 2016 (Proverbs), 2019 (Jonah) Institute for Bible Translation, Moscow Text NT: © Institute for Bible Translation, Moscow  Audio OT: ℗ 2014 IBT and Hosanna Audio NT: © Institute for Bible Translation, Moscow

Yakut - IBT-R (NT+Psalms) Drama

Иһит, Айыы Тойон, Эйиэхэ этэрбин,
өйдөөн иһит мин энэлийэрбин.
Болҕой үөгүлүүр саҥабын,
Ыраахтааҕым миэнэ, Таҥарам.
Эйиэхэ мин үҥэбин.
Айыы Тойон, тыҥ хатыыта Эн истэҕин мин саҥабын;
мин тыҥ хатыыта кэлэммин, Эн иннигэр турабын,
Эйигин кэтэһэбин.

Эн кэрээнэ суох быһыыны сөбүлээбэт Таҥараҕын;
нэгэй киһи Эйиэхэ ыалдьыттаабат.
Киһиргэс Эн иннигэр кэлэн турбат;
кэрээннэрин сүтэрбиттэри Эн барыларын абааһы көрөҕүн.
Сымыйаны саҥарааччылары өлөрөҕүн;
хаанымсахтан, албынтан Айыы Тойон сиргэнэр.

Оттон мин, Эн муҥура суох үтүөҕүнэн,
Эн Дьиэҕэр киириэм;
Эйигиттэн толлон тураммын,
сибэтиэй Храмҥар сүгүрүйүөм.
Айыы Тойон, Бэйэҥ кырдьыккынан миигин
өстөөхтөрүм быыстарынан сирдээ,
Эйигин батыһар суолбун дэхсилээ.

Кинилэр тылларыгар кырдьык диэн суох:
сүрэхтэрэ – өлөрөр-өһөрөр санаа,
бэлэстэрэ – иин маҥалайа,
тыллара-өстөрө – албын-ньымаат.
Айыы Таҥара, Эн кинилэри буруйдаа,
оҕуруктаах куомуннарыттан бэйэлэрэ оҕуттуннар;
халыҥ аньыыларын иһин киэр кыйдаа:
кинилэр Эйигин утары өрө турбуттара.

Оттон Эйиэхэ эрэнээччи барыта үөрүөхтүн,
үөрүүлээх ырыа аргыстаах буолуохтун өрүүтүн;
Эн ааккын таптааччылар Эйигинэн күөн тутталларын туһугар
кинилэри Эн араҥаччылаа.
Айыы Тойон, Эн кырдьыгы тутуһааччыны алгыыгын,
үтүө сыһыаҥҥынан кинини куйахтыы харыстыыгын.

گوێگرتن لە Саалтыр 5