Kupang Malay - 2016 UBB (NT) Non Drama

Kupang Malay - 2016 UBB (NT) Drama

<div class="version vid1287 iso6393mkn" data-vid="1287" data-iso6393="mkn">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s1">Tuhan Yesus bekin bae satu orang buta</div><div class="p"> 1Ais itu, Yesus dong ada jalan. Ju Dia lia satu orang buta, yang su buta memang dari lahir. 2Ais Yesus pung ana bua dong tanya bilang, &#8220;Bapa Guru! Sapa yang bekin sala, sampe ini orang jadi buta bagini? Gara-gara dia sandiri ko, tagal dia pung mama-bapa?&#8221;</div><div class="p"> 3Yesus manyao bilang, &#8220;Ini orang buta sonde bekin sala. Deng dia pung mama-bapa ju sonde bekin sala ko dia jadi buta. Dia lahir bagitu, ko biar samua orang bisa dapa lia Tuhan pung bekin bae di dia. 4Tuhan Allah yang utus sang Beta. Jadi kotong musti usaha ko kasi jalan Dia pung karj&#225; waktu tar&#225;ng masi ada. Te nanti gal&#225;p su datang, orang sonde bisa karj&#225; lai. 5Waktu Beta masi ada di ini dunya, Beta sama ke tar&#225;ng yang bacaya kasi samua orang.&#8221;#Mateos 5:14; Yohanis 8:12 </div><div class="p"> 6Yesus omong abis bagitu, ju Dia sumbur luda di tana. Ais Dia jongko, ko edok bekin lompor. Ju dia sam&#233;r itu lompor di itu orang buta pung mata. 7Ais Dia pas&#225;n bilang, &#8220;Pi di kolam Siloam, ko cuci lu pung muka di situ.&#8221; (Dalam bahasa Ibrani, Siloam pung arti bilang, &#8216;kirim datang&#8217;.) Ais, itu orang buta pi sana, ju dia cuci dia pung muka. Waktu dia bale datang, dia su bisa dapa lia!#Carita Mula-mula 49:10; 2 Raja-raja dong 20:20; Yesaya 8:6</div><div class="p"> 8Ais itu, ju itu orang pung tatangga dong, deng yang parn&#225; lia dia jadi tukang minta-minta, mulai batanya bilang, &#8220;We! Ini ni, orang buta yang dolu maen dudu minta-minta, to?&#8221;</div><div class="p"> 9Orang saparu bilang, &#8220;Hoo! Andia dia su!&#8221;</div><div class="p">Orang saparu laen bilang, &#8220;Sonde! Dia tu, cuma mirip-mirip ke itu satu sa!&#8221;</div><div class="p">Ma itu orang sandiri kasi tau sang dong bilang, &#8220;Sonde! Ini beta su! Yang dolu buta tu!&#8221;</div><div class="p"> 10Ais dong tanya sang dia bilang, &#8220;Karmana sampe lu su bisa dapa lia ni?&#8221;</div><div class="p"> 11Ju dia manyao bilang, &#8220;Bagini! Itu Orang yang nama Yesus tu, bekin lompor, ais Dia taro di beta pung mata. Ju Dia suru sang beta bilang, &#8216;Pi di kolam Siloam, ko cuci lu pung muka di situ.&#8217; Ais beta bekin iko. Andia ko sakarang beta su bisa dapa lia!&#8221;</div><div class="p"> 12Ais dong tanya sang dia bilang, &#8220;Ko itu Orang ada di mana?&#8221;</div><div class="p">Dia manyao bilang, &#8220;Tau lai ni!&#8221;</div><div class="s1">Orang Farisi dong pareksa orang yang parn&#225; buta tu</div><div class="p"> 13-14Naa, itu hari, waktu Yesus bekin lompor, ju bekin orang buta bisa dapa lia tu, jato kan&#225; di orang Yahudi pung hari barenti karj&#225;. Ju dong antar bawa itu orang yang parn&#225; buta tu, ko pi mangada di partei agama Farisi pung orang dong. 15Ais, itu orang Farisi dong tanya sang dia bilang, &#8220;Coba lu kasi tau doo! Akurang ko lu sakarang su bisa dapa lia?&#8221;</div><div class="p">Dia manyao bilang, &#8220;Bagini. Itu Orang taro lompor di beta pung mata. Ais beta pi cuci beta pung muka. Sakarang beta su bisa dapa lia.&#8221;</div><div class="p"> 16Ada orang Farisi saparu bilang, &#8220;Itu Orang yang bekin bae sang lu tu, bukan dari Tuhan Allah. Botong tau, tagal Dia su langgar atoran so&#42892;al hari barenti karj&#225;.&#8221;</div><div class="p">Ada saparu lai yang bilang, &#8220;Karmana sampe orang yang bekin sala bisa bekin tanda-tanda heran bagitu?&#8221; Ais dong deng dong bakanjar sampe tapica-pica.</div><div class="p"> 17Jadi dong tanya ulang sang itu orang yang dolu buta bilang, &#8220;Iko lu, itu Orang yang buka ame lu pung mata tu, orang model ke karmana?&#8221;</div><div class="p">Dia manyao bilang, &#8220;Iko beta, na, Dia tu, Tuhan pung jubir satu.&#8221;</div><div class="p"> 18Ma orang Yahudi pung bos-bos dong sonde parcaya bilang, itu orang tu, parn&#225; buta, ais sakarang su bisa dapa lia. Ju dong suru pi pange dia pung mama-bapa ko datang mangada. 19Waktu dong su datang, itu bos-bos tanya bilang, &#8220;Ini satu ni, bosong pung ana, ko? Bat&#250;l, ko sonde, dia su buta memang dari lahir? Ais karmana ko sakarang dia su bisa dapa lia?&#8221;</div><div class="p"> 20Itu orang pung mama-bapa manyao bilang, &#8220;Dia ni, memang botong pung ana. Deng dia su buta memang dari lahir. 21Ma botong sonde tau, dia pake apa ko sakarang su bisa dapa lia. Sapa yang buka dia pung mata, botong ju sonde tau. Dia tu, su b&#233;sar. Tanya langsung sa, te dia bisa carita sandiri!&#8221; 22Dong omong bagitu, tagal dong taku sang orang Yahudi pung bos-bos dong. Tagal dong tau bilang, itu bos-bos su basakongkol bilang, &#8220;Kalo ada orang mangaku bilang, Yesus tu, andia Kristus, na, botong musti usir buang itu orang yang mangaku bagitu dari kotong orang Yahudi pung ruma sambayang.&#8221; 23Andia ko itu orang pung mama-bapa manyao bilang, &#8220;Dia su b&#233;sar. Tanya langsung sang dia sa.&#8221;</div><div class="p"> 24Ais dong pange ulang sang itu orang yang dolu buta tu. Ju dong bilang, &#8220;Bagini! Lu musti omong jujur di Tuhan Allah pung muka ko jaga Dia pung nama bae. Te botong tau pars&#237;s, Yesus tu, orang jahat.&#8221;</div><div class="p"> 25Orang yang parn&#225; buta manyao bilang, &#8220;Bapa dong jang mara, &#233;! Te beta sonde tau kalo Dia tu, orang jahat, ko sonde. Yang beta tau pars&#237;s, andia, dolu beta buta; ma sakarang beta su bisa dapa lia.&#8221;</div><div class="p"> 26Dong tanya sang dia bilang, &#8220;Ko Dia bekin apa sang lu? Dia buka lu pung mata karmana?&#8221;</div><div class="p"> 27Ju dia manyao bilang, &#8220;Hee! Ko tadi beta su carita, ma bosong sonde mau dengar. Akurang ko bosong mau beta carita ulang lai? Mangkali bapa dong ju mau jadi Dia pung ana bua, ko?&#8221;</div><div class="p"> 28Ais dong maki-maki sang dia, ju dong bilang, &#8220;Biar ko lu sa yang jadi Dia pung ana bua! Te botong ni, ba&#42892;i Musa pung ana bua dong. 29Botong tau Tuhan Allah ba&#42892;omong deng Musa. Ma botong sonde tau itu Orang tu, datang dari lobang mana.&#8221;</div><div class="p"> 30Orang yang dolu buta manyao bilang, &#8220;Heran, &#233;! Bosong sonde tau Dia datang dari mana. Padahal Dia yang buka beta pung mata ko sakarang beta su bisa dapa lia. 31Kotong samua tau bilang, Tuhan Allah sonde dengar sang orang jahat, to? Ma Tuhan dengar sang orang hati lurus, yang idop bekin iko Dia pung mau.#Lagu Puji dong 66:18, 19 32Mulai dari Tuhan Allah bekin langit deng bumi sampe sakarang ni, bal&#243;m parn&#225; ada satu carita ju, so&#42892;al orang yang bekin bae orang yang su buta dari lahir, ko dia bisa dapa lia. 33Jadi, kalo Yesus bukan datang dari Tuhan Allah, pasti Dia sonde bisa bekin apa-apa, to?&#8221;</div><div class="p"> 34Ju dong manyao bilang, &#8220;Weh! Lu ni, orang jahat dari lu pung mama barana ame sang lu! Karmana sampe lu pikir lu bisa ajar bale sang botong?&#8221; Ais ju dong usir buang sang dia dari dong pung ruma sambayang.</div><div class="s1">Orang yang hati buta</div><div class="p"> 35Waktu Yesus dapa dengar dong su usir buang itu orang yang parn&#225; buta dari ruma sambayang, ju Dia pi cari sang itu orang, sampe dapa. Ju Dia bilang, &#8220;Karmana! Lu parcaya sang Manusia Tulen, ko?&#8221;</div><div class="p"> 36Dia tanya bale bilang, &#8220;Ko Dia tu, sapa, Bos? Tolong kasi tau dolo, ko biar beta bisa parcaya sang Dia.&#8221;</div><div class="p"> 37Ju Yesus kasi tau bilang, &#8220;Lu su katumu sang Dia. Dia tu, andia Beta ni, yang sakarang ada ba&#42892;omong deng lu.&#8221;</div><div class="p"> 38Ais, itu orang bilang, &#8220;Bos, beta parcaya!&#8221; Ju dia tikam lutut ko s&#233;mba sang Yesus.</div><div class="p"> 39Ais Yesus kasi tau sang dia bilang, &#8220;Beta datang di ini dunya ko kasi tunju orang pung sala-sala dong, ko biar orang buta bisa dapa lia, deng orang yang bisa lia jadi buta.&#8221;</div><div class="p"> 40Di situ ada barapa orang Farisi yang dengar Dia pung omong tu. Ju dong tanya bilang, &#8220;Karmana, ni? Su jal&#225;s-jal&#225;s, botong sonde buta, to?&#8221;</div><div class="p"> 41Yesus manyao bilang, &#8220;Bagini. Kalo bosong memang buta, na, sonde ada yang kasi sala sang bosong. Ma bosong bilang, bosong tu, orang yang bisa lia. Andia ko bosong masi pikol bosong pung sala.&#8221;</div>
 </div>
 </div>
</div>

Ais itu, Yesus dong ada jalan. Ju Dia lia satu orang buta, yang su buta memang dari lahir. Ais Yesus pung ana bua dong tanya bilang, “Bapa Guru! Sapa yang bekin sala, sampe ini orang jadi buta bagini? Gara-gara dia sandiri ko, tagal dia pung mama-bapa?”
Yesus manyao bilang, “Ini orang buta sonde bekin sala. Deng dia pung mama-bapa ju sonde bekin sala ko dia jadi buta. Dia lahir bagitu, ko biar samua orang bisa dapa lia Tuhan pung bekin bae di dia. Tuhan Allah yang utus sang Beta. Jadi kotong musti usaha ko kasi jalan Dia pung karjá waktu taráng masi ada. Te nanti galáp su datang, orang sonde bisa karjá lai. Waktu Beta masi ada di ini dunya, Beta sama ke taráng yang bacaya kasi samua orang.”
Yesus omong abis bagitu, ju Dia sumbur luda di tana. Ais Dia jongko, ko edok bekin lompor. Ju dia samér itu lompor di itu orang buta pung mata. Ais Dia pasán bilang, “Pi di kolam Siloam, ko cuci lu pung muka di situ.” (Dalam bahasa Ibrani, Siloam pung arti bilang, ‘kirim datang’.) Ais, itu orang buta pi sana, ju dia cuci dia pung muka. Waktu dia bale datang, dia su bisa dapa lia!
Ais itu, ju itu orang pung tatangga dong, deng yang parná lia dia jadi tukang minta-minta, mulai batanya bilang, “We! Ini ni, orang buta yang dolu maen dudu minta-minta, to?”
Orang saparu bilang, “Hoo! Andia dia su!”
Orang saparu laen bilang, “Sonde! Dia tu, cuma mirip-mirip ke itu satu sa!”
Ma itu orang sandiri kasi tau sang dong bilang, “Sonde! Ini beta su! Yang dolu buta tu!”
Ais dong tanya sang dia bilang, “Karmana sampe lu su bisa dapa lia ni?”
Ju dia manyao bilang, “Bagini! Itu Orang yang nama Yesus tu, bekin lompor, ais Dia taro di beta pung mata. Ju Dia suru sang beta bilang, ‘Pi di kolam Siloam, ko cuci lu pung muka di situ.’ Ais beta bekin iko. Andia ko sakarang beta su bisa dapa lia!”
Ais dong tanya sang dia bilang, “Ko itu Orang ada di mana?”
Dia manyao bilang, “Tau lai ni!”

Naa, itu hari, waktu Yesus bekin lompor, ju bekin orang buta bisa dapa lia tu, jato kaná di orang Yahudi pung hari barenti karjá. Ju dong antar bawa itu orang yang parná buta tu, ko pi mangada di partei agama Farisi pung orang dong. Ais, itu orang Farisi dong tanya sang dia bilang, “Coba lu kasi tau doo! Akurang ko lu sakarang su bisa dapa lia?”
Dia manyao bilang, “Bagini. Itu Orang taro lompor di beta pung mata. Ais beta pi cuci beta pung muka. Sakarang beta su bisa dapa lia.”
Ada orang Farisi saparu bilang, “Itu Orang yang bekin bae sang lu tu, bukan dari Tuhan Allah. Botong tau, tagal Dia su langgar atoran soꞌal hari barenti karjá.”
Ada saparu lai yang bilang, “Karmana sampe orang yang bekin sala bisa bekin tanda-tanda heran bagitu?” Ais dong deng dong bakanjar sampe tapica-pica.
Jadi dong tanya ulang sang itu orang yang dolu buta bilang, “Iko lu, itu Orang yang buka ame lu pung mata tu, orang model ke karmana?”
Dia manyao bilang, “Iko beta, na, Dia tu, Tuhan pung jubir satu.”
Ma orang Yahudi pung bos-bos dong sonde parcaya bilang, itu orang tu, parná buta, ais sakarang su bisa dapa lia. Ju dong suru pi pange dia pung mama-bapa ko datang mangada. Waktu dong su datang, itu bos-bos tanya bilang, “Ini satu ni, bosong pung ana, ko? Batúl, ko sonde, dia su buta memang dari lahir? Ais karmana ko sakarang dia su bisa dapa lia?”
Itu orang pung mama-bapa manyao bilang, “Dia ni, memang botong pung ana. Deng dia su buta memang dari lahir. Ma botong sonde tau, dia pake apa ko sakarang su bisa dapa lia. Sapa yang buka dia pung mata, botong ju sonde tau. Dia tu, su bésar. Tanya langsung sa, te dia bisa carita sandiri!” Dong omong bagitu, tagal dong taku sang orang Yahudi pung bos-bos dong. Tagal dong tau bilang, itu bos-bos su basakongkol bilang, “Kalo ada orang mangaku bilang, Yesus tu, andia Kristus, na, botong musti usir buang itu orang yang mangaku bagitu dari kotong orang Yahudi pung ruma sambayang.” Andia ko itu orang pung mama-bapa manyao bilang, “Dia su bésar. Tanya langsung sang dia sa.”
Ais dong pange ulang sang itu orang yang dolu buta tu. Ju dong bilang, “Bagini! Lu musti omong jujur di Tuhan Allah pung muka ko jaga Dia pung nama bae. Te botong tau parsís, Yesus tu, orang jahat.”
Orang yang parná buta manyao bilang, “Bapa dong jang mara, é! Te beta sonde tau kalo Dia tu, orang jahat, ko sonde. Yang beta tau parsís, andia, dolu beta buta; ma sakarang beta su bisa dapa lia.”
Dong tanya sang dia bilang, “Ko Dia bekin apa sang lu? Dia buka lu pung mata karmana?”
Ju dia manyao bilang, “Hee! Ko tadi beta su carita, ma bosong sonde mau dengar. Akurang ko bosong mau beta carita ulang lai? Mangkali bapa dong ju mau jadi Dia pung ana bua, ko?”
Ais dong maki-maki sang dia, ju dong bilang, “Biar ko lu sa yang jadi Dia pung ana bua! Te botong ni, baꞌi Musa pung ana bua dong. Botong tau Tuhan Allah baꞌomong deng Musa. Ma botong sonde tau itu Orang tu, datang dari lobang mana.”
Orang yang dolu buta manyao bilang, “Heran, é! Bosong sonde tau Dia datang dari mana. Padahal Dia yang buka beta pung mata ko sakarang beta su bisa dapa lia. Kotong samua tau bilang, Tuhan Allah sonde dengar sang orang jahat, to? Ma Tuhan dengar sang orang hati lurus, yang idop bekin iko Dia pung mau. Mulai dari Tuhan Allah bekin langit deng bumi sampe sakarang ni, balóm parná ada satu carita ju, soꞌal orang yang bekin bae orang yang su buta dari lahir, ko dia bisa dapa lia. Jadi, kalo Yesus bukan datang dari Tuhan Allah, pasti Dia sonde bisa bekin apa-apa, to?”
Ju dong manyao bilang, “Weh! Lu ni, orang jahat dari lu pung mama barana ame sang lu! Karmana sampe lu pikir lu bisa ajar bale sang botong?” Ais ju dong usir buang sang dia dari dong pung ruma sambayang.

Waktu Yesus dapa dengar dong su usir buang itu orang yang parná buta dari ruma sambayang, ju Dia pi cari sang itu orang, sampe dapa. Ju Dia bilang, “Karmana! Lu parcaya sang Manusia Tulen, ko?”
Dia tanya bale bilang, “Ko Dia tu, sapa, Bos? Tolong kasi tau dolo, ko biar beta bisa parcaya sang Dia.”
Ju Yesus kasi tau bilang, “Lu su katumu sang Dia. Dia tu, andia Beta ni, yang sakarang ada baꞌomong deng lu.”
Ais, itu orang bilang, “Bos, beta parcaya!” Ju dia tikam lutut ko sémba sang Yesus.
Ais Yesus kasi tau sang dia bilang, “Beta datang di ini dunya ko kasi tunju orang pung sala-sala dong, ko biar orang buta bisa dapa lia, deng orang yang bisa lia jadi buta.”
Di situ ada barapa orang Farisi yang dengar Dia pung omong tu. Ju dong tanya bilang, “Karmana, ni? Su jalás-jalás, botong sonde buta, to?”
Yesus manyao bilang, “Bagini. Kalo bosong memang buta, na, sonde ada yang kasi sala sang bosong. Ma bosong bilang, bosong tu, orang yang bisa lia. Andia ko bosong masi pikol bosong pung sala.”

گوێگرتن لە Yohanis 9