Ninge 16

A mangana ninge tane Devit.

1God, balaure bat iau,

kanong narako taam iau ni barahit.

2Iau ga tange tano Watong, “Augu no nugu Tamat.

Iau pai kap tiga bilai na linge sen bia mekaia ho augu sen mon.”

3 # Nng 101.6 Ira halhaliana sige diet ken ta ira numehet pise,

diet ing ira minamari diet i tamat, ma ira nugu kanakana bakut i kis narako ta diet.

4 # KBk 23.13; Jos 23.7 Ira marmaris ta diet ing diet hilau mur ira mes na god na tamat hanahaan.

Iau pa ni hurange ise ira udiet hartabar na de tupas ira palimpuo,

ma iau pa ni kilam mah ira hinsa diet.

5 # Kra 3.24 Watong, augu at no pinlawegu ma no nugu gingop,

ma u te balaure timaan no nugu subaan.

6 # Jer 3.19 U te igah tar no nugu umaan kai ra bilai na katon.

Tutun saakit, iau te hatur kawase ra melmel na pinlawegu.

7 # Nng 77.6 Iau ni pirlat no Watong, aie nong i la harharahut iau ma no uno minminonas na nianga.

Huo mah ra bung no kaatigu i la pirpir iau.

8 # Ap 2.25-28 Iau te bul hatikane tar no Watong menalua tagu.

Aie ken ra kata na limagu,

kaik, pai tale be da gune iau.

9Io kaik, no kaatigu i guama ma no karamegu i kanakana,

no palatamaigu mah na kis timaan sukun ira hiniruo,

10 # Ap 13.35 kanong pa nu waak se tar iau tano hanuo na minaat.

Iau te tar tutun no nugu nilon taam, kaik pa nu tode tar iau bia ni marsang.

11 # Nng 36.7,8 U te hapalaine iau ta ira ngaas na nilon.

Kaia ra matmataan taam, nu hahungi iau ma ra gungunuama,

ma katiga hono kata na limaam, nu hahungi iau ma ra kanakana nong pana le pataam.

S'ha seleccionat:

Ninge 16: gfkNTP

Subratllat

Comparteix

Copia

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Ninge 16