Versets bíblics populars de ሀዋረታ 4

Comparteix

ሄሳ ግሾ፥ አቶተ እያ ባጋራፐ አትሽን፥ ሀራ ኦደ ባጋራካ ባዋ። ኑኒ እያ ሱንን አታና መላ አሳ ኡባስ ፆሳይ ሳሎፐ ጋርሳን እምዳ ሀራ ሱን ባዋ” ያግስ።

ኤንቲ ፆሳ ዎስዳፐ ጉየ፥ ሄ ኤንቲ ሺቅዳ በሳይ ቃፅስ። ኤንታ ኡባን ጌሻ አያን ኩምን ፆሳ ቃላ ምኖተን ኦድዶሶና።

ሀእካ ጎዳዉ፥ ኤንታ ማንደ በአ፤ ኑኒ ነ አይለት ነ ቃላ ኩመ ዎዛናን ኦዳና መላ ኑና ዳንዳእሳ።

“ ‘ግምበይሳት ቦርድ እፅዳ ሹቻይ፥ ጎዳ ፃጱዋ ምንያ፥ ኡባፈ አያ ሹቹ ግድስ። ሄ ሹቻይ የሱሳ።’

ሺቅዳ አሳይ ጰፅሮስነ ዮሃንስ ምንዳ ምኖተ በእዳ ዎደ ኤንቲ ታማርቦና ጮ አስ ግድዳይሳ አኬክድ፥ ማላለትዶሶና፤ ኤንቲ የሱሳራ ደኤይሳ ኤርዶሶና።

አማነይሳት ኡባይ ቆፋንነ ዎዛናን እስኖ ግድዶሶና። ኤንቲ ባንታዉ ደእያባ ታባ ጎናሽን እስፈ ሻከቶሶና።