Versets bíblics populars de मत्ती 5

Comparteix

मान्सनले बत्ति बालिबर भाँडाले त छोप्दाइन, तर उच्चा ठाउँमि राख्दाहान, रे घरमि हुन्या सबकि निउति तइले उजालो दिन्छ। यिसेरी तमरो ज्योति मान्सनका अगाडी चम्कउ, रे तिननले तमरा निका काम धेकुन, रे स्वर्गमि हुन्या तमरा पिताको महिमा अरुन्।”

तमन पुराइ संसारकिलाइ ज्योति जसाइ हौ। डाङामि बसालिया सहर लुक्द सक्दैन।

धन्य हुन जइको हृदय सुद्द छ, क्याकि तिननले परमेश्वरलाइ धेक्द्या हुन।

धन्य हुन जो धार्मिक भइबर बाँच्च चाहानाहान, क्याकि परमेश्वरले तिननलाइ सन्तुष्ट पाड्या हुन।

तर म तमनलाइ भण्नउ, आफना शत्तुरलाइ प्रेम अर, रे तमलाइ सताउन्याकि निउति प्रार्थना अर

“धन्य हुन जो परमेश्वरको आबश्यकता महसुस अद्दाहान, क्याकि स्वर्गको राज्य तिनरोइ हो।

धन्य हुन जो मेलमिलाप अराउनाहान, क्याकि तिननलाइ परमेश्वरका चेलाचेली भणिन्या हो।

धन्य हुन जो सोक अद्दाहान, क्याकि तिननलाइ परमेश्वरले सान्त्वना दिन्या हुन।

धन्य हुन जो धार्मि भइबर बाँच्या हुनाले सताइय्या छन, क्याकि स्वर्गको राज्य तिनरोइ हो।”

धन्य हुन जो दयालु छन, क्याकि परमेश्वर तिनरि निउति दयालु हुन्या हुन।

“धन्य हो तमन, जब मान्सनले मेरा निउति तमरो बदिनाम अद्दाहन रे सताउनाहान, रे झुटि बोलिबर तमरा बिरुद्दमि खराब कुरणी भण्नाहान क्याकि तमन मेरा शिष्या हौ। तइ बेला तमन रमा रे भौत खुशी हो, क्याकि स्वर्गमि तमरो इनाम ठुलो हुन्या हो। क्याकि इसेरि तमन भण्ना अगाडी रन्या अगमबक्तालाइ तिननले सताइराइथ्यो।”

धन्य हुन जो नम्र छन, क्याकि परमेश्वरले तिननमि आफ्नो बाचा पुरा अर्याउन्या हुन।

“तमन यइ संसारका मान्सनकिलाइ नुन जसाइ हौ। तर यदि नुनले आफ्नो स्वाद हरायो भण्या, तमनले यइलाइ क्याले आजी नुन्यो बनाउन्या हो? त्यो त बाइर खित्तु रे मान्सनका गोडाले कचाउट्टु बाहिक और केइ कामको हुनइन।

तबइकिलाइ तमनले सदाइ ठीक काम अददु पणन्छ, जसो तमरा स्वर्गमि हुन्या पिताले सदाइ ठीक अददाहान।”

तमनले भण्या बचन ‘हो’ भण्या ‘हो’ ‘होइन’ भण्या ‘होइन’ हुनु पणन्छ। यिन भण्न्ना बड्ता त सैतान बठेइ आउन्या हो।”

“तमनले यो आज्ञा सुणिराइछौ, ‘आँखाको सट्टामी आँखा, रे दाँतका सट्टामी दाँत।’ तर म तमनलाइ भण्नउ, दुष्ट मान्सनले तमनसित अर्या खराब कामको बदला जन लिय। जइले तेरा दाइने गलामि थप्पडी हाणलो, तइलाइ अर्खो गला लगइ थापी दिय।

यदि तमरो दाइन आँखो पाप अद्दया परीक्षामि पणन्छ भण्या तइलाइ निकलिबर खितदिय, क्याकि तेरो पुराइ शरीर नरकमि खितिनु भण्न्ना बरु तेरा अंगमी हइ एक अंग नहुनु तेरा निउति निको छ। यदि तमरो दाइन हात पाप अद्दाइ परीक्षामि पणन्छ भण्या तइलाइ काटीबर खितदिय। क्याकि तेरो पुराइ शरीर नरकमि जाना भण्न्ना बरु तेरा अंगमी हइ एक अंग नहुनु तुकिलाइ भौत निको हो।”