Versets bíblics populars de GÉNESIS 3

Comparteix

Hinan warmiqa repararqan sach'a ruruqa mikhunapaq sumaq kasqanta, munayllaña kasqanta, yachayniyoq kanapaq munapayana kasqantapas. P'itispataq mikhuykurqan. Hinaspan qosanmanpas haywarirqan, hinan paypas mikhuykullarqantaq.

Mach'aqwayqa yuyaysapan karqan Apu Señor Diospa ruwasqan llapan salqa animalkunamanta, hinan warmita nirqan: —¡Ahá! ¿Dioschu nirqasunkichis: Aman mikhunkichischu huertapi llapa sach'a ruruta, nispa? nispan.

Qantawan warmitawantaq cheqninachisqaykichis, mirayniykitawanpas paypa miraynintawanpas, mirayninmi umaykipi t'ustusunki, qantaq talonninpi kaninki, nispa.

Warmitataq nirqan: —Ancha nanaywanmi wiksallikunki, nanaywanmi wawakunata wachakunki. Qosaykitataq munanki, paytaq kamachisunki, nispa.

Hump'iykita hich'arispan mikhunata tarinki ruwasqa kasqayki hallp'aman tukunaykikama, ñut'u hallp'an kanki, ñut'u hallp'amantaq tukupunki, nispa.

Qharitataq nirqan: —Warmiykita kasusqaykirayku, hark'arqayki chay sach'a ruruta mikhusqaykiraykupiwan, qan hawa hallp'aqa ñakasqa kanqa, sayk'uywanmi hallp'ata ruruchinki, chaytan tukuy kawsasqayki p'unchay mikhunki.

Diostaq tapurqan: —¿Pin willarqasunki q'alalla kasqaykita? ¿Hark'arqayki chay sach'a rurutachu mikhurqanki? nispa.

Qharita qarqomuspantaq, Edén huertaq inti lloqsimuy kinrayninpi churarqan raphrayoqkunata, tukuyneqman wach'iq nina espadatapas, kawsachiq sach'aman ñanta hark'ananpaq.

Qharitaq warminta suticharqan Evata, payqa llapa kawsaqkunaq maman kasqanrayku.