Иоан 6

1Сэсся Исусыс муніс Галилея ты#6:1 ты ─ озеро мӧдӧрись муэзӧ, мӧд моза сійӧ тысӧ шуӧны Тивериада. 2Сы бӧрсянь мунісӧ уна отир. Ны син одзын эд шогалісь отирсӧ веськӧтӧм коста Сія керис уна адззывлытӧмсӧ. 3Исусыс кайис керӧсӧ. Сія вӧлі сэтчин Аслас велӧтчиссезкӧт. 4Сибаліс Ыджыт лун ─ иудейезлӧн вежалун.

5Исусыс лэбтіс юрсӧ да казяліс: Сы дынӧ локтӧ уна отир. Сія Филипыслӧ шуис: «Кытісь небам няньсӧ отирсӧ вердны?» 6Сія сідз юаліс, медбы тӧдмавны-видзӧтны Филипыслісь веритӧмсӧ. Ачыс эд тӧдіс ни, мый мӧдӧ керны. 7Филипыс Сылӧ шуис: «Кыксё динарий вылӧ босьтӧм няньыс быдыслӧ оз тырмы нельки кынымиськӧ курччӧвтыштны». 8Ӧтлаын сэтӧн вӧлі Ӧндрей нима велӧтчись, Симон-Петралӧн вон. Сія шуис Исусыслӧ: 9«Татӧн ӧтік зоночкалӧн эмӧсь вит ид нянь да кык чери, но тырмас разь сія сымда отирлӧ?»

10Исус шуис: «Отирсӧ тшӧктӧ пуксьыны». Сэтӧн быдмис сук турун. Сэк отирыс пуксисӧ вит сюрс#6:10 вит сюрс ─ 5000 гӧгӧр. 11Исусыс босьтіс няннесӧ, буркывтіс#6:11 буркывтны ─ благодарить Енсӧ да сетіс велӧтчиссеслӧ. Мӧддэс сеталісӧ няньсӧ отирыслӧ. Сідз сеталісӧ и черисӧ, кинлӧ мымда коліс. 12Быдӧнныс пӧтісӧ. Сэк Исусыс висьталіс Аслас велӧтчиссезлӧ: «Ӧктӧ кольччӧм нянь торресӧ, ась весись нем оз ӧш». 13Нія ӧктісӧ кольччӧм нянь торресӧ. Вит ид няньсис ӧксис даскык ыджыт пестер.

14Исуслісь адззывлытӧм керӧмсӧ адззыліссес шуисӧ: «Сія былись Енсянь Юӧртісьыс, Кӧдалӧ коліс локны му вылас». 15Исусыс тӧдіс: отирыс мӧдӧны локны, Сійӧ кутны да сувтӧтны ӧксуӧн. Сэк Сія ӧтнас бӧра кайис керӧсӧ.

Исуслӧн ва вылӧт ветлӧтӧм

(Мт. 14:22-33; Мк. 6:45-52)

16Сибаліс рыт. Сылӧн велӧтчиссес лэдзчисӧ ты дорӧ, 17пуксисӧ пыжӧ да иньдӧтчисӧ ты мӧдӧрас, Капернаум карӧ. Пемдіс ни, а Исусыс эз на лок ны дынӧ. 18Ты вылын пӧльтіс вына тӧв, васӧ нӧбӧтіс, койис. 19Кыкдас вит али куимдас стадий#6:19 25-30 стадий ─ 5-6 км мымда уйӧм бӧрын нія казялісӧ Исуссӧ. Сія веськыта тыыс кузя локтӧ пыжныс дынӧ. Нія повзисӧ. 20Сія нылӧ шуис: «Эд полӧ, этӧ Ме». 21Нія мӧдісӧ пуксьӧтны Исуссӧ пыжас, но пыжныс локтіс ни, кытчӧ нылӧ коліс.

Исус ─ олан сетан нянь

22Мӧд лунас ты мӧдӧрас кольччӧм отирыслӧ тӧдвыланыс усис: пыжыс вӧлі ӧтік, сэтчӧ пуксисӧ Исуслӧн велӧтчиссес, а Сія ныкӧт эз пуксьы. Велӧтчиссес иньдӧтчисӧ ӧтнаныс, а мӧдік пыж сэтӧн эз вӧв. 23Тивериада карись локтісӧ мӧдік пыжжез сэтчӧ, кытӧн Дӧсвидзисьыс Енсӧ буркывтӧмӧн вердіс отирсӧ няньнас. 24Отирыс казялісӧ, Исусыс велӧтчиссескӧт сэтӧн абу ни. Нія пуксисӧ пыжжезӧ да уйисӧ Капернаум карӧ кошшыны Исуссӧ.

25Адззисӧ Сійӧ ты мӧдӧрас да юалісӧ: «Велӧтісь! Кӧр нӧ Тэ локтін татчӧ?» 26Исус шуис нылӧ: «Тіянлӧ быльсӧ веськыта висьтала: тійӧ одӧ кошшӧ Менӧ адззывлытӧммесӧ видзӧтӧмныт кузя. Тійӧ кошшат Менӧ няньсӧ пӧттӧдз сёйӧмныт кузя. 27Эдӧ тӧждісьӧ тшыксян сёян понда, а тӧждісьӧ пырся олансӧ сетан сёян понда. Сійӧ сёянсӧ сетас тіянлӧ Морт Зон. Ен Айыс эд Сы вылӧ пуктіс Ассис пассӧ#6:27 пас ─ печать». 28Отирыс юалісӧ Исусыслісь: «Мый миянлӧ керны, медбы керӧмным вӧлі Еныс сьӧрті?» 29Исус нылӧ висьталіс: «Веритӧ Енсянь Ыстӧмлӧ. Сія керӧмыс Еныс сьӧрті».

30Сэк нія Исусыслісь юалісӧ: «Кытшӧм пас Тэ верман мыччавны, сійӧ адззылӧм бӧрын медбы мийӧ пондім веритны Тэныт? Мый мыччалан? 31Миян айезным кушмуас сёйӧмась манна. Вежа Гижӧтас висьталӧм эд: "Няньсӧ сёйны Сія сетіс нылӧ енӧжсянь"». 32Исус шуис нылӧ: «Тіянлӧ быльсӧ веськыта висьтала: Моисейыс эз сет тіянлӧ енӧжсянь няньсӧ. Менам Айӧ енӧжсяняс сетӧ тіянлӧ былись няньсӧ. 33Енлӧн няньыс ─ енӧжись Локтӧмыс. Сія отирлӧ сетӧ олан».

34Сэк шуисӧ Сылӧ: «Велӧтісь! Пыр сетав миянлӧ сэтшӧм няньсӧ». 35Исус висьталіс: «Ме ─ олан сетан нянь. Ме дынӧ локтӧм мортыс оз понды тшыгьявны. Меным веритісьлӧн некӧр оз понды косьмыны горшыс. 36Ме тіянлӧ висьтавлі ни: тійӧ и адззыліт Менӧ, да одӧ Меным веритӧ. 37Быдӧнныс, кӧднӧ Меным сетӧ Айӧ, Ме дынӧ локтасӧ. Ме дынӧ локтӧм мортсӧ ог вашӧт дынсим. 38Енӧжсяняс Ме эг лок керны, мый Меным колӧ. Ме локті керны сійӧ, мый колӧ Айӧлӧ. Сія эд Менӧ ыстіс. 39Менӧ ыстісь Айӧлӧн тшӧктӧмыс сэтшӧм: Сы сетӧммез коласісь ась ӧтік оз ӧш. Меным колӧ нійӧ медбӧрья лунас ловзьӧтны. 40Менӧ ыстіс Айӧ. Сылӧ колӧ, медбы Сылісь Зонсӧ адззылісь мортлӧн да Сылӧ веритісьлӧн вӧлі пырся олан, и Ме ловзьӧта сійӧ медбӧрья лунас».

41Исуслӧн висьталӧмсянь «Ме ─ енӧжись лэдзчисьӧм нянь» иудейес лӧгасисӧ. 42Нія баитісӧ: «Абу я Сія Ӧсиплӧн Исус зон? Мийӧ эд тӧдам сылісь ай-мамсӧ. Мыля нӧ Сія баитӧ, Ме пӧ лэдзчи енӧжись?» 43Исусыс нылӧ сэтчӧ шуис: «Ас коласаныт эд шушкӧтчӧ! 44Некин оз вермы локны Ме дынӧ, оз кӧ вайӧт сійӧ Менӧ ыстісь Айӧ. Сійӧ мортсӧ медбӧрья лунас Ме ловзьӧта. 45Енсянь юӧртіссес гижӧмась: "Еныс быдӧннысӧ велӧтас". Быдыс, кин Айӧс кывзӧ да Сысянь велӧтчӧ, локтӧ Ме дынӧ. 46Енсянь Локтӧмся Айсӧ некин эз адззыв. Дзир Сія адззыліс Айсӧ. 47Тіянлӧ быльсӧ веськыта висьтала: Меным веритісь мортлӧн эм пырся олан. 48Ме ─ олан сетан нянь. 49Тіян айезныт кушмуас сёйисӧ манна да кулісӧ. 50А енӧжись лэдзчӧм няньсӧ сёйисьыс оз кув. 51Ме ─ ловья нянь, лэдзчи енӧжись. Сійӧ няньсӧ сёйисьыс пондас овны пыр. Менам сетӧм няньӧ ─ Менам Вывтырӧ. Сійӧ Ме сета отир олан понда».

52Сэк иудейес ӧтамӧдныскӧт пондісӧ етшасьны: «Кыдз Сія вермас сетны Ассис Вывтырсӧ миянлӧ сёйны?» 53Исус висьталіс нылӧ: «Тіянлӧ быльсӧ веськыта висьтала: Одӧ кӧ пондӧ сёйны Морт Зонлісь Вывтырсӧ, одӧ кӧ пондӧ юны Сылісь Вирсӧ, тіян оз ло оланыс. 54Менчим Вывтырӧс сёйисьлӧн, Менчим Вирӧс юисьлӧн эм пырся олан, и Ме ловзьӧта сійӧ медбӧрья лунас. 55Менам Вывтырӧ ─ былись сёяныс. Менам Вирӧ ─ былись юаныс. 56Менчим Вывтырӧс сёйисьыс, Менчим Вирӧс юисьыс олӧ Ме пытшкын, а Ме ола сы пытшкын. 57Менӧ ыстіс ловья Айӧ. Менам оланӧ ─ Айӧсянь. Сідз и Менӧ сёйисьлӧн оланыс ─ Месянь. 58Сія ─ енӧжись лэдзчисьӧм нянь. Сія няньыс абу айезнытлӧн кодь. Тіян айезныт сёйисӧ манна да кулісӧ, а этӧ няньсӧ сёйисьыс пондас овны пыр».

59Быдӧс сійӧ Исусыс баитіс Капернаум карын, синагогаын#6:59 синагога ─ иудейезлӧн кейман керку велӧтӧм коста.

Пырся олан сетан кыввез

60Этӧ кывзӧм бӧрын велӧтчиссес унаӧн баитісӧ: «Кыввес нач вежӧрттӧмӧсь! Кин вермас Сійӧ кывзыны?» 61Ачыс Исусыс тӧдіс велӧтчиссеслісь кылӧмныс йылісь шушкӧтчӧмнысӧ. Сія юаліс нылісь: «Нія кыввес тіянӧс падтӧны? 62Адззылат кӧ Морт Зонлісь лэбтісьӧмсӧ сэтчин, кытӧн Сія вӧлі одзжык, мый сэк шуат? 63Лов сетӧ олан, а морт сійӧ керны оз вермы. Менам висьталӧм кыввезӧ сетӧны тіянлӧ лов да олан. 64Тіян коласісь мукӧдыс озӧ веритӧ». Исусыс эд одззасянь ни тӧдіс, кин оз верит Сылӧ да кин Сійӧ вузалас. 65Сэк Сія шуис: «Сы понда Ме и висьталі тіянлӧ, некин оз вермы локны Ме дынӧ, оз кӧ ло сылӧ сетӧм Айӧсянь».

66Эта бӧрын Сылӧн велӧтчиссез коласісь унаӧн мунісӧ Сы дынісь. Нія эзӧ ни сэсся пондӧ ветлӧтны Сыкӧт. 67Сэк Исусыс юаліс даскыкнан велӧтчисьлісь: «Одӧ я и тійӧ мӧдӧ мунны Ме дынісь?» 68Симон-Петра шуис Сылӧ: «Дӧсвидзисьӧ! Кин дынӧ миянлӧ мунны? Тэнат кыввет сетӧны пырся олан. 69Мийӧ веритам да тӧдам: Тэ ─ Кристос-Мездӧтісь, ловья Енлӧн Зон». 70Исусыс сэтчӧ шуис: «Ме Ачым тіянӧс даскыкӧ бӧрйи, но ӧтікыс тіян коласісь куль». 71Сідз Сія баитіс Симон-Искариотлӧн Иуда зон йылісь. Сія эд лӧсьӧтчӧм ни вӧлі вузавны Исуссӧ. Иудаыс вӧлі Сылӧн даскык велӧтчись коласісь.

Исуслӧн воннэз озӧ веритӧ

বর্তমানে নির্বাচিত:

Иоан 6: БЮ19

হাইলাইট

কপি