Иоан 3

1Иудейезлӧн веськӧтліссез коласын вӧлі Никодим нима фарисей. 2Никодимыс ойнас локтіс Исусыс дынӧ. Сія шуис: «Велӧтісь, мийӧ тӧдам: миянӧс велӧтны Тэнӧ ыстіс Еныс. Сэтшӧм адззывлытӧм керӧммесӧ некин оз вермы керны, оз кӧ ло сыкӧт Ен». 3Исусыс сэтчӧ сылӧ висьталіс: «Тэныт быльсӧ веськыта висьтала: мортыс оз вермы адззывны Енлісь Юраланінсӧ, оз кӧ вились шогмы вылісянь». 4Никодимыс шуис Сылӧ: «Кыдз вермас мортыс шогмыны пӧрисьувья? Вермас разь сія бӧр пырны мамыс кынӧмӧ да вились шогмыны?»

5Исусыс висьталіс: «Тэныт быльсӧ веськыта висьтала: оз кӧ мортыс шогмы васянь да Ловсянь, сія оз вермы пырны Енлӧн Юраланінӧ. 6Вывтырсянь шогмӧмыс ─ вывтыр. Ловсянь шогмӧмыс ─ лов. 7Эн дивуйтчы эта висьталӧмӧсянь: тіянлӧ колӧ вились шогмыны вылісянь. 8Тӧв пӧльтӧ, кытӧн сылӧ колӧ. Сылісь шысӧ кылан, но он тӧд, кысянь сія локтӧ, кытчӧ мунӧ. Сідз овлӧ и Ловсянь быд шогмӧм морткӧт».

9Никодимыс Сылісь юаліс: «Кыдз сідз вермас лоны?» 10Исусыс шуис: «Тэ Израильлӧн велӧтісь и сійӧ он тӧд? 11Тэныт быльсӧ веськыта висьтала: мийӧ баитам сы йылісь, мый тӧдам. Висьтасям сы йылісь, мый адззылім. Тійӧ тай миян висьталӧмӧ одӧ веритӧ. 12Ме тіянлӧ висьтала му вылісьыс йылісь, и тійӧ одӧ веритӧ. Сэк вермат разь веритны, висьтала кӧ тіянлӧ енӧжисьыс йылісь? 13Енӧжын олісь да енӧжись лэдзчӧм Морт Зонся сэтчин некин эз на лэбтісьлы.

14Кӧркӧ Моисейыс кушмуас бедь вылӧ лэбтӧм кыйӧс#3:14 кый ─ змея. Сідз лоас лэбтӧм и Морт Зон, 15медбы Сылӧ быд веритісь морт эз кув, а сылӧн вӧлі пырся олан#3:15 пырся олан ─ вечная жизнь. 16Еныс эд сідз радейтӧ му вылісь отирсӧ, нельки сетіс Ассис ӧтка Зонсӧ, медбы Сылӧ быд веритісь эз кув, а сылӧн вӧлі пырся олан.

17Еныс эд Ассис Зонсӧ эз ысты му вылас отирсӧ судитны, а ыстіс мездыны. 18Сылӧ веритісьсӧ озӧ пондӧ судитны. А кин оз верит, сія судитӧм ни. Сія эд эз верит Енлӧн ӧтка Зонлӧ. 19Енлӧн судыс то мый понда: му вылас локтіс югытыс, отирыс тай асланыс лёк керӧммезныс кузя ӧддьӧнжык радейтісӧ пемытсӧ. 20Быд лёк керисьлӧ син вылӧ оз ков югытыс. Сія оз лок югытас, медбы сы лёк керӧм йылісь эзӧ пондӧ тӧдны. 21Быльыс сьӧрті олісь морт мунӧ югытлань, медбы Ен отсӧтӧн керӧм уджыс сылӧн тыдаліс».

Исус йылісь Иоанлӧн висьталӧм

22Сыбӧрын Исусыс велӧтчиссескӧт локтіс Иудея муӧ. Сэтчин Сія ныкӧт оліс да пыртіс отирсӧ. 23Сы коста Иоаныс пыртіс отирсӧ Енонын, матын Салим кар дынын. Сэтчин вӧлі уна ва. Отирыс вовлісӧ Иоаныс дынӧ пыртчыны. 24Сэк Иоансӧ абу на вӧлі пуксьӧтӧмась.

25Ӧтпыр Иоанлӧн велӧтчиссес иудейескӧт пондісӧ етшасьны#3:25 етшасьны ─ спорить мортлӧн сӧстӧммӧм#3:25 сӧстӧммӧм ─ обрядовое очищение иудеев йылісь. 26Велӧтчиссес локтісӧ Иоаныс дынӧ да висьталісӧ: «Велӧтісь, тэкӧт Иордан ю дорас вӧлі Морт, Кӧда йылісь Тэ висьтасин. Ӧні Сія пыртӧ отирсӧ и быдӧнныс мунӧны Сы дынӧ».

27Иоаныс нылӧ висьталіс: «Мортыс ас вылас босьтны нем оз вермы, абу кӧ сылӧ сетӧм енӧжсянь. 28Тійӧ эд асьныт кыліт месянь: ме абу Кристос-Мездӧтісь, ме ыстӧм Сы одзын мунны. 29Гӧтрасись зон сія, кӧдалӧн эм невеста. Зонлӧн ёртыс сулалӧ да кывзӧ сійӧ. Сылӧ гажся-гаж кывны гӧтрасись зонлісь баитӧмсӧ. Сэтшӧм ыджыт гажыс ӧні менам. 30Сылӧ колӧ быдмыны, а меным учӧтсявны.

31Вылісянь Локтӧмыс быдӧннысся вылынжык. Му вылын олісьыс ─ дзир муись морт. Сія и баитӧ му вылісьыс йылісь. Енӧжись Локтӧмыс быдӧннысся вылынжык. 32Мый Сія адззыліс да кыліс, сы йылісь и висьтасьӧ. Но отирыс Сылісь висьталӧмсӧ озӧ кывзӧ. 33Сылісь висьталӧмсӧ кывзісьыс мыччалӧ: Еныс быльсӧ висьталӧ. 34Енлӧн Ыстӧмыс висьталӧ Енлісь кыввесӧ. Еныс эд сетӧ Сылӧ Ловсӧ лыдтӧг#3:34 лыдтӧг ─ бессчётно. 35Айыс радейтӧ Зонсӧ, и быдӧс сетіс Сы киӧ. 36Зонлӧ веритісьлӧн эм пырся олан. Кин оз верит Зоныслӧ, сія пырся олансӧ оз адззыв. Сы вылын Енлӧн лӧгыс кольччас».

Исус да Самарияись инька

বর্তমানে নির্বাচিত:

Иоан 3: БЮ19

হাইলাইট

কপি