Wikhikən 15
15
1Nil nolamewi alakwiminaksowi, Nmihtakws notkikewin.
2Msiw psketkwonol nhəkek tan skat miniwok, osematon: msiw psketkwənol tan minik, omosikehton, welaman aciminkaso.
3Təkec weci pehkikoltiyekw kəlosowakən ikək tan kisi yəholekw.
4Nkesoltikw nil nhəkek, nil kilowaw khəkewak. Tahalo psketkwon skatəc kisiminkasiw skat cikəlminok alakwiminasik, kilowaw na skat nkesoltiwehkw nhəkek [skatəc kisi wəlehtakətipa.]
5Nil alakwiminaks; kilowaw psketkwonol. Tan wen enkesit nhəkek naka nil na, ntənkess ohəkek, nekəm wəleminkaso: Ipəcəl nil skat eyiwan ktəcelesoltipac.
6Tan wen skat enkesihkw nhəkek, lisemaləkwso tahalo psketkwən, kispahsahsik, mawewotasowəl kcəsiyewotasowəl, pskwəlehtasowəl.
7Nkesoltiyekw nhəkek, nkəlosowakənəl nkesowəl khəkewak, wikotəməniyap tan eliwəli təhatəmekw təlokewkeniyac.
8Nit Nmihtakws wecikcitənitəhamkosit kitanakwi minkasiniya; naka kilowaw kotəhkehkimkosipayih nhəkek.
9Tahalo tan Nmihtakws elikselmitpən nil nit kilowaw elikselməlekw: nkesoltikw nkəsetəmowakənək.
10Saktəmekw ntəlkitəmowakənəl ktənkesoltipahih nkəseltəmowakənək. Tahalo nil elihimowokpən Nmihtakws otəlkitəmowakənəl, ntənkess okəseltəmowakənək.
11Yohtəl kekwsal kisi yəholekwil welaman nolitəhasowakən iyo khəkewak, naka welaman kolitəhasowakənowal ocipsənehtaso.
12Yot ntəlkitəmowakən, kilowaw kəseltotoltiniya; tahalo elikisikselməlekw, nit na kilowaw əlikseltoltikw.
13Skat wen akwamk likisikselmowew təhalo wət tan eliponik opəmawsowakən ociyosiwi.
14Kilowaw nsiwiyək əlokhətiyekw tan elkimlekw.
15Skat akwamk ktəlmi liwiholopa notlokehtəmək; ipəcəl notloket skat okəcicitowən tan tepeltəməlicil tan elokelit: kenok ktliwiholpa nsiwiyək, ipəcil msiw kekwsal tanil wecinotəmanil Nmihtakws ktahkinowehtolniyapənil.
16Kilowaw skat kəməkənipakopən, kenok kilowaw nil kəməkənəlopapən, elohikalekwpən, welaman ktəliwltiniya, naka kminkasiniya, tan eliminkasiyekw omecimiyənkeso. Wilaman msiw kekwsal owihi wikotəmek Nmihtakws nnowisowənək kəmilkoniyac.
17Yohtəl kekwsal elkimlekwil welaman kəseltoltipa.
18Oskitkəmikw akwitəhamlakw, kəcicitoniya ntakwitəhamkonepən nil meskw kilowaw akwitəhamlowakw.
19Oskitkəmikw 'ceyawoltiyekw, skitkəmikop okəsiltəmənp tan yot nekəm. Kenokəlo skitkəmikw skat kceyawoltipa, kenok nil kocimkənlopapən skitkəmikw nit tehc skitkəmikw ktakwitəhamkoniya.
20Mikwitəhatəmok yəholekwpən: Notloket skat piyemitpəsiw skatək tanil tepeltəməlicil: Nil kisiwehkanhitit kilowaw cənaktowehkan hokowakc. Saktəmotitsəpən nkəlosowakən, naka saktəm akonəlc kilowaw kəlosowakənowal.
21Kenok msiw yohtəl kekwsal tlehləkoniyalc owihi nowisowənək, cipəcəl skat onənawawiwəl tanil petəkimtpənil.
22Nil skat pəkəcihawansəpən kəlolawansəpən, skatəp oteyiwniya lahkəmiksowakən. Kenok təkec kətama oteyiwniya tan weci kisi asowahmotit otəlkəmiksowakənowal.
23Tan wət akwitəhamit nil, Nmihtakwsəl na otakwitəhamal.
24Skat əlokewansəpən ohəkewak lohkewakənəl tanil meskw wen elokehkwil, skatəp oteyiwniya lahkəmiksowakən ohəkewak. Kenok təkec nəmihokonen naka ntakwitəhamkonen təkwiw nil Nmihtakwsəl.
25Kenok nil əlihe welaman kəlosowakən tan ilowikhasik otpaskowakən ikək əlihe: Ntakwitəhamkopənik ocipisowiw.
26Kenok tan toci Nociwolehlowet pəkəciyat, tan wetəkimokc Nmihtakws. Kehci-niweskwit olamewakəne tan wecimacəhat Nmihtakws. Nekəm nəspiwolamewəkw.
27Naka kilowaw cəna knəspiwolamhətipac, ipəcəl wiciyewipa wecehtakeməkəte amskwahs macəhak.
বর্তমানে নির্বাচিত:
Wikhikən 15: PQM2014
হাইলাইট
শেয়ার
কপি
Want to have your highlights saved across all your devices? Sign up or sign in
Maliseet Gospel of John © Canadian Bible Society, 2014
