Yohaannis Mishiraachcha Aagga
Aagga
Yohaannis mishiraachchi Yesuusa hincaa'ookkok maara edde'aa manni lambe'enne siidamukkok hee'oo Waa'i sagar ihukkisa caakkisaa la'iseenatte. Kitaaboom ixxi gagim caakkisoo'isanne ku mishiraachchi kitaabamukkok qananaa'aan Yesuus «Gatisaanchi ihaa waarookko» yamamukkok ixxi Waa'i Beet ihukkisa amma'nnamoo'isinaa ixxonne amma'nnimmi mashka'innem doolli hundi heechchi ixxuwwina hee'oohan ihukkisaa qoossamoo'isinatte (20:31).
Mishiraachchoo'mmek luxxi baxxanchi doolli hundichcho hee'oo Waa'i sagarii Yesuusii mat ihamukkisa aagganne hincaa'aa lasonne Yesuus Gatisaanchi ihaa waarookko yamamukkok Waa'i Beet ihukkisa moo'isoo annanni annanni maalalsiisoo agannuwwa hincaa'ookko. Eehanniinsim ka maalalsiisoo agannuwwiinsi mah mish siidamuda'e caakkisoo agannuwwi awwonookko. Ku baxxanchi odim kurookkok mat mat manni Yesuusanne amma'nnaa ixxi awwonaan ihamu bikkina mulli keen odim hinkid ixxuwwa sabbo'isaa «Ixxonne amma'nninoommoyyo» yito'isaa kurookko. Usheexxaxxi 13-17 Yesuus amadamu hiimo ixxi losaaninne maqire hinkaa'nna qoxxaakkoo edanchi hee'ukkisaa odim ee hiimom gudimmi sagaraa qoxxishshi sagaraa macceesisukkisaa kurookko. Lasaanchi usheexxattuwwi Yesuus amadanchi bikkina, oogato'ina hincimmi bikkina, saqalanchi bikkina, kichchi bikkinaa ee'isam odim kichchiinsi lasonne ixxi losaanina moo'amukkisaa caakkisoo keeno.
Yohaannis Yesuus Kiristoosinne siidamoo doolli hundichchi heechcha caakkisaa moo'isookkok ku uwwanchi kabadiinsi ki'isaa Yesuusa gooqqisa, hanqisaa heechchisaa issaa aa'oo keeninatte. Ka mishiraachchi kitaaba annanni issookkok ayyaanaam hanquwwa caakkisimmina losamaakkoohanee amma'n heechchina awwaaxxinoommoka yimmim wo'o, hurbaata, caakka, allaaraancho, gereebba, woyi'n kaashsha, woyi'n mishaa mulli keenoo kobi'llishshi issaa awwaaxximminnette.
Kitaaboom Kanniinsi Woroon Yoo'isanne Baxxansamaakko
Aagga (1:1-18)
Yesuusik luxxi awwonaanii Xammaqaanchi Yohaannisii (1:19-51)
Yesuus awwaadimma asheerukkisa (2:1—12:50)
Awwaaxxi lasaanchi saantanne Yerusaaleemannee ee hegeegguwwannee (13:1—19:42)
Moollanni ki'ukkisaa moo'amukkisaa (20:1-31)
Goollo'o; Galii'l uullanne ixxi losaanina odim moo'amukkisa (21:1-25)
বর্তমানে নির্বাচিত:
Yohaannis Mishiraachcha Aagga: KeesKita
হাইলাইট
শেয়ার
কপি
Want to have your highlights saved across all your devices? Sign up or sign in