युहन्‍ना 21:15-17

जब होखुरीकै ज्‍याम भ्‍या टब येशूये सीमोन पत्रुसकी गीना, “ए युहन्‍नौ मीजा सीमोन, ही नाङ ङाकी अरुकै डेनाङ वास्‍टै माया जाट्‍ले?” पत्रुसै होसकोकी डेया, “ज्‍यु प्रभु, ङा नाकोकी माया जाट्‍ले डेच कुरा नाकोकी थाहा ले।” येशूये होसकी डेया, “होटडेनाङ ङौ पाठाकोलाक नीये कास्‍की।” येशूये फेरी दोस्रो पटक पत्रुसकी गीना, “ए युहन्‍नौ मीजा सीमोन, ही नाङ ङाकी साँच्‍ची न माया जाट्‍ले?” पत्रुसै होसकोकी डेया, “ज्‍यु प्रभु, ङा नाकोकी माया जाट्‍ले डेच कुरा नाकोकी थाहा ले।” येशूये होसकी डेया, “होटडेनाङ ङौ भेडाकोलाक सेम्‍ह ङोस्‍की।” टब येशूये पत्रुसकी टेस्‍रो पटक गीना, “ए युहन्‍नौ मीजा सीमोन, ही नाङ ङाकी माया जाट्‍ले?” येशूये होसकी सोम पल्‍ट सम्‍म “ही नाङ ङाकी माया जाट्‍ले?” डेयार गीन्‍च बाटै पत्रुस सार्‍है डुखी छाना। होचे डेया, “प्रभु, नाको पट्‍ट न कुरा वार्‌ल्‍हे, ङा नाकोकी माया जाट्‍ले डेच कुरा र नाकोकी थाहा ले।” येशूये पत्रुसकी डेया, “होटडेनाङ ङौ भेडाकोलाक नीये कास्‍की।