ማ̈ቶ̈ሳ 9

ዬሱ̈ሲ ና̈ሳ ዎባ̇ ፋዴ

ማ̈ርቆ̈ሳ 2፡1-12፤ ሉቃ̈ሳ 5፡17-26

1ዪኒ̇ፖ ዓኒ ዬሱ̈ሲ ጎጛ ጋርታ̇ ጌላር ባሃ̈ሪን ፊ̈ጛሪ ፌ ካታሚን ጋርታ̇ ዬይዴ። 2ኣሳን ቶሂ ዎባ̇ር ኣርሳ̇ ጋልዳ ሱርቂ̇ኖ ፔቲ̇ ኣስ ቶ̈ካ̇ሪ ዬሱ̈ሳክ ኤሄይዴ። ዬሱ̈ሳር ኢንታ̇ ኣማ̇ኒን ቤቃ̇ሪ ዎባ̇̈ኮ “ኣን ና̈ራ̈ዶ! ኢ̈ጫፔ̇! ኔ ናጋራ ኔ̈ብ ኣቶ̇ ጌዪንቲ̇ኔ!” ጌይዴ። 3ዪኒ̇ባራ ሙ̈ሶ ሂጋ̇ ታማ̈ርሲዝ ፔቲ̇ ፔቲ̇ ኣሳን “ና̈ሳ ዓ̈ ጾ̈ሳ̇̇ ቆ̈̈ርባያ!” ጋ̈ሪ ፌ ቡ̈ዳባር ቆፒ̇ዴ። 4ዬሱ̈ሳር ኢንታ̇ ቆፊን ኤራሪ ኢንታ̇ኮ “ዪንቲ̇ ኣባቦ ዪ̈ዲፌ̈ኖ ኢ̈ታባዝ ዪንታ̇ ቡ̈ዳባር ቆፒ̇̈ራ? 5‘ኔ ናጋሪን ኔ̈ብ ኣቶ̇ ጌዪንቲ̇ኔ’ ጋ̈ዚምፔኬ ‘ዲንዳር ዬ̇ቤ’ ጋ̈ዚምፖ̇ ዎና̇ ጻ̇̈ራ? 6ዎቲናካር ቴ ኣሳ ናኣ̈ቦ ሳ̈ዝ ጋልዳ̇ ናጋራ ኣቶ̇ ጋንዳ̇ቦ ታ̈ቦ ሲልጣ̈ና ዎን ዪንቲ̇ ኤራምፔ̈ኒዬ” ጋ̈ሪ ዎባ̇̈ኮ “ዲንዳ̇ር ኔ ኣርሲን ቶ̈ካ̇ር ኔ ኣ̈ል ሉካ̇ቤ” ጌይዴ። 7ና̈ሳ̈ዳር ዲንዳ̇ር ፌ ኣ̈ል ሉኪ̇ዴ። 8ዎርዣ ዪ ቤቃ̇ር ጋራ̇ሚንታ̇ሪ፥ ዪ̈ዲፌ̈ኖ ሲልጣ̈ና ኣሳብ ኢሚ̇ኖ ጾ̈ሳ̇̇ ጋላቲዴ።

ዬሱ̈ሲ ማ̈ቶ̈ሳ ጼይጊዴ

ማ̈ርቆ̈ሳ 2፡13-17፤ ሉቃ̈ሳ 5፡27-32

9ዬሱ̈ሲ ኢናፖ̇ ዲንዳሪ ሉኪ̇̈ርዶሪ ማ̈ቶ̈ሳ ጌይዛ ፔቲ̇ ና̈ሳ ቃራጻ ቃጺሲዝ ቤስ̇ ጋልዳ̇ ዶኢንዶ̈ን ቤቃ̇ሪ “ቴ ዎሂን ዬ̇ቤ!” ጌይዴ። ኢያር ዲንዳር ኢ ዎሂን ዬ̇ዴ።

10ዬሱ̈ሲ ማ̈ቶ̈ሳ ኣ̈ል ቡና ኡሽካንዳ̇ብ ዶኢንዶ̈ን ቃራጻ ቃጺሲዝ ኣስ ዎይሊንኬ ናጋራንቻ̇ን ኢ̈ክ ዬ̈ሪ ኢባርኬ ኢ ታማ̈ራንባር ዎልኣ ቡና ኡሽካንዳ̇ ዶኢዴ። 11ፋራሳ̈ዋን ዪኖ̇ ቤቃ̇ሪ ኢ ታማ̈ራንኮ “ዪንታ̇ ኣስታማ̈ራ̈ዲ ቃራጻ ቃጺሲዛንባርኬ ናጋራንቻ̇ንባራ ዎዛርፌ̈ን ዎልኣ ሙይራ” ጌይዴ። 12ዬሱ̈ሲ ኢንቲ̇ ሶ̈ሊኖን ሲስካ̇ሪ ኢንታ̇ኮ “ማዛንቦዶኬ ኮሻ̇ንቦ ኣኪማ ኮሺባ̈ሴ። 13‘ቴ ኮያዚንዳ̇ ማ̈ሪቲዶኬ ዣ̈ርሻ ጊዳካ̇ዬ’ ጋ̈ር ጻ̈ፊኖንዳ̇ ኢዛ ኣብዝ ጌንትኮ ኮሺንቺ̇ ቤቂ̇ ኤሪብቴ̇። ቴ ዬይኖንዳ̇ ጺላ̇ን ጼይጋንዳብ ጊዳካ̇ይዶ̈ን ናጋራንቻ̇ን ማ̈ሪቲ ጌላምፔ̈ኔ” ጌይዴ።

ጾ̈ማ ጎይ ኦይጪ̇ኖ ኦይች

ማ̈ርቆ̈ሳ 2፡18-22፤ ሉቃ̈ሳ 5፡33-39

14ኢናፖ̇ ጻማ̇ቂዛ ዋ̈ኒ̇ሳ ታማ̈ራን ዬሱ̈ሳክ ዬ̈ሪ “ኑ̈ናኬ ፋራሳ̈ዋን ዎይ ጋላስ ጾ̈ሚ̈ርዶን ኔ ታማ̈ራን ጾ̈ሚባ̈ሶን ኣባቢያ?” ጌዪ ኦይጪ̇ዴ። 15ዬሱ̈ሳር ኢንታ̇ኮ “ኢሳ̇̈ዲ ኢንታባር ዶኣምባ̇ራ ቱሪን ኣሳን ዎዛርታር ሙዲዳንዳብ ዳንዳኢ̈ራ? ኢሳ̇ ኢንታ̇ ጋልዳፖ̇ ፋጊንቲ̇ዝ ኬሊ̇ ዬይሬ ዪን ኢዝባራ ኢንቲ̇ ጾ̈ሚ̈ሬ። 16ሲላ ኣፊላ ጋልዳ ኦራ ጫርቃ ጋዳ̇ር ኪቢዝ ኣሲ ኦ̈ናካር ባዬ̇። ዪዝ ዎቴ̈ጌንዶ፥ ጫርቂን ኦራንዳ ኣፊሊን ሲሊን ዳርሳ̇ራ ቲ̈ኖምፖ̇ ዉ̈ርሲ ኢ̈ሳር ኣሻ̇ሬ። 17ዪና̇ ኢዝፌ̈ኒ ቢርት ኤ̈ሲ̇ኖ ኤ̈ስ ሲላ ኦካራ ጋርታ̇ ጋዲ̇ዝ ኣሲ ኦ̈ናካር ባዬ̇። ዪኒ̇ፌ̈ን ዎቴጌይንዶ̇ ኦካሪንዳ̇ ዳርኣ̈ሬ፤ ኤ̈ሲ̇ንዳ̇ር ዉልኢንታ̇̈ሬ፤ ኦካሪንዳር ሜላ̇ ኣታ̇̈ሬ። ቢርት ኤ̈ሲ̇ኖ ኤ̈ሲ̇ንዶ̇ ኦራ ኦካራ ጋርታ̇ ጋዳ̇ንዳብ ኮሺ̇̈ሬ፥ ዪስቴጌይንዶ̇ ኤ̈ሲ̇ንዳ̇ር ኦካሪንዳር ዎልኣ ኮሽ ዶኢ̈ሬ።

ያ̈ሮ̈ሳ ናኢንዲኬ ታጶናምኢ ላይ ሱ̈ ጎጊንቲ̇ኖ ኣሲንዲ̇ክ

ማ̈ርቆ̈ሳ 5፡21-43፤ ሉቃ̈ሳ 8፡40-56

18ዬሱ̈ሲ ዪኖ̇ ኢንታ̇ብ ሶ̈ላምባ̇ራ፥ ኣይሁዳን ዎ̈ሳ ኬ̈ቦ ኣላቃ ማ̈ቂ̇ኖ ፔቲ̇ ኣስዶ̈ሪ ኢ̈ክ ዬ̈ር ኢ ቲ̈ን ቡቂንታ̇ሪ “ታ ናኢን ቴ ጋል ዓት ዓይቃ̇ዴ፤ ዎቲናካር ኔ ዬ̈ራ ኢዝ ጋል ኔ ኩሽ ጋዳ̇̈ርኮ ፋጻ̈ርሽዋ” ጌይዴ። 19ዬሱ̈ሳር ኢናፖ̇ ዲንዳር ኢባር ሉኪ̇ን ኢ ታማ̈ራንሬ ኢ ዎሂን ሉኪ̇ዴ።

20ዪኒ̇ባራ ታጶ̇ ናምኢ ላይ ኩም ሱ̈ ጎጊንታ̇ ሙታ̇ ዎይሊን ቢጻ ቤቂ̇ኖ ፔቲ̇ ማጪ̇ንዳ፥ ዬሱ̈ሳክ ጋስ ጎይ ዬ̈ራ ኢ ኣፊሊን ሲ̈ንን ኤ̈̇ዴ። 21ኢዛ ዪኖ̇ ዎቲኖንዳ̇ “ሜላ ኣቲ̇ን ታ̈ኒ ቴ ኩሽባር ኢ ኣፊሊን ሙታ̇ ኤ̈̇ኖኮ ፋጻ̈ሬ” ጋ̈ራ ፌ ቡ̈ዳባር ቆፒ̇ኖኮታ̇ቦ። 22ዬሱ̈ሲ ጋስ ማ̈ቂ̇ ኣሲን ቤቃ̇ሪ “ቴ ናኢንዴ̇ ኢ̈ጫፔ̇! ኔ ኣማ̇ኒን ኔ̈ና ፋኔ” ጌይዴ። ኣሲንዳ̇ ላው ኢዝባር ፋጻዴ። 23ዬሱ̈ሲ ኣይሁዳን ዎ̈ሳ̇ ኬ̈ቦ ኣላቃ ኣ̈ል ዬላ̇ምባራ ዬ̈ፊብ ሞይዛ ፉጊዝ ኣሳንኬ ዎጺ̇ሙታ̇ ዬ̈ኪ̇ዝ ኣሳን ቤቂ̇ዴ። 24ኢያር ኢንታ̇ኮ “ዪንቲ̇ ዎይ ዓንዳ̇ፖ̇ ዓር ጌብቴ̇፥ ናኢን ሱርቂንዶኬ ዓይቃካ̇ዬ!” ጌይዴ። ኢንታ̇ር ኢ ጋል ሚጪ̇ዴ። 25ዎርዣ ዛ̈ና ኬስኪ̇ኖፖ̇ ዓኒ ዬሱ̈ሲ ናኢን ዎ ኬ̈ን ጋርታ̇ ጌላሪ ኢዝ ኩሺን ኤ̈̇ዴ። ኢዛር ዲንዳ̇ ኤቃ̇ዴ። 26ኢ ኦ̈ሲንዳ̇ ኢና ዎ ጋዲን ጋርታ̇ ዎይ ሲስኪ̇ንታ̇ዴ።

ዬሱ̈ሲ ኣ̈ፊ ዎቢ̇ኖ ናምኢ ኣሳን ፋዴ

27ዬሱ̈ሲ ኢናፖ̇ ዲንዳ̇ሪ ሉካ̇ምባራ ኣ̈ፊ ዎቢ̇ኖ ናምኢ ኣሳን ኢ̈ኮ “ዳ̈ዊታ ናኣ̈ዶ! ኑ̈ና ማ̈ራቤ!” ጌዪ ዉይሲ ሙታ̇ ኢ ዎሂን ዬ̇ዴ። 28ዬሱ̈ሲ ኬ̈ ጌሊኖፖ̇ ዓኒ ኣ̈ፊ ዎቢ̇ኖ ኣሳን ኢ̈ክ ዬይዴ። ኢያር “ቴ ዪንታ̇ ኣ̈ፊን ፋንዳብ ዳንዳኣዚን ዪንቲ̇ ኣማ̇ኒ̈ራ?” ጋ̈ር ኢንታ̇ ኦይጪ̇ዴ። ኢንታ̇ር ኢ̈ኮ “ኣ̈ ጎዳ̈ዶ! ኔ ፋ̈ሬ” ጋ̈ር ማሂዴ። 29ኢናፖ̇ ዬሱ̈ሲ ኢንታ̇ ኣ̈ፊን ፌ ኩሽባር ፊታ̇ሪ “ዪንታ̇ ኣማ̇ኒንዲፌ̈ኒ ዪንታ̇ብ ማ̈ቆ̇ጋ̈ቤ!” ጌይዴ። 30ኢንታ̇ ኣ̈ፊንዳር ቤቃ̇ዴ። ዬሱ̈ሲ ኢንታ̇ኮ “ዪንቲ̇ ዪኖ̇ ኦ̈ባካር ሶ̈ላፒ̇ቴ!” ጋ̈ሪ ሚ̈ንር ኪ̈ቲ̇ዴ። 31ዎቲናካር ኢንቲ̇ ሉካ̇ሪ ዬሱ̈ሳ ኦ̈ሲን ኢና ዎ ጋዲን ጋርታ̇ ዎይ ሶ̈ሊዴ።

ዬሱ̈ሲ ኖ̈ና ሙ̈ም ማ̈ቂ̇ኖ ፔቲ̇ ኣስ ፋዴ

32ዬሱ̈ሲ ኢንታ̇ ኣ̈ፊን ፋኖ ኣሳን ኬስኪ̇ ሉኪ̇ኖፖ̇ ዓኒ ሜላ ኣሳን ኢ̈ታ ኣያ̇ና ኤ̈̇ር ኖ̈ኒን ሙ̈ሚሲኖ ፔቲ̇ ኣሲ ዬሱ̈ሳክ ኤሄይዴ። 33ዬሱ̈ሲ ና̈ሳ ጋልዳፖ̇ ኢ̈ታ ኣያ̇ና ኬሲ̇ኖፖ̇ ዓኒ ና̈ሳ̈ዲ ኖ̈ኒን ፊርቂንቲ̇ን ሶ̈ሊ ኤ̈̇ዴ። ዎርዣ̈ዳር “ዓዲፌ̈ኖ ባዚ ኢስሬ̈ል ጋዳ̇ ኑ ቤቃ̇ራር ኤራካ̇ዬ” ጌይዴ። 34ዎቲናካሬ ፋራሳ̈ዋን “ኢ ኢ̈ታ ኣያ̇ና ኬሲ̇ዛ̈ዲ ኢ̈ታ ኣያ̇ናን ኣላቃባራ” ጌይዴ።

ዬሱ̈ሲ ዎርዣ̈ብ ሚጪንቲ̇ዴ

35ዬሱ̈ሲ ዎርዣ ኣይሁዳን ዎ̈ሳ ኬ̈ ጋርታ̇ ታማ̈ርሲሙታ̇፥ ጾ̈ሳ̇̇ ካ̈ቲቲ ዎጛሊን ሳባ̇ኪሙታ̇፥ ኣሳ ዱማ ዱማ ዓርጋ ጋልዳፖ̇ ዎይ ፋሙታ̇፥ ካታማ ጋርታ̇ኬ ጋጻራ ጋርታ̇ ዎይ ዬ̇ዴ። 36ዎርዣ̈ዲ ጋይጫናኢ ባዮ̇ ዶሪፌ̈ኒ ሜቲንታ̇ርኬ ኢንታ̇ ማ̈ዲ̇ዝ ኣሲ ባዮ̇ ማ̈ቃ̇ር ዎን ቤቃ̇ሪ ኢንታ̇ብ ሚጪንቲ̇ዴ። 37ዪ̈ኮታ̇ቦ ኢ ፌ ታማ̈ራንኮ “ዎት ጋዳ̇ ዎ ካ ዎይሊን፤ ዎቲናካሬ ኢና ኦ̈ዝ ኣሳን ጊላ̇። 38ዪዚ ካን ላ̈̈ዲ ካን ሺ̈ሺ̇ዝ ኣስ ዎቲን ጋዲን ጋርታ̇ ሚሻምፔ̈ኒ ጌሺብቴ̇” ጌይዴ።

বর্তমানে নির্বাচিত:

ማ̈ቶ̈ሳ 9: ኦጫ̈ቃማ

হাইলাইট

কপি