KEUJADIAN 2
2
1Teuma seuleusoe kheueh geucebta banmandum álam seumeusta. 2#Ibr. 4:4, 10 #Keu. 20:11 Bak uroe nyang keutujoh Po teu Allah ka geupeuseuleusoe banmandum buet Geuh nyan, óh lheueh nyan laju Gobnyan geupiôh. 3Teuma geubri kheueh beureukat keu uroe nyang keutujoh nyan dan geupeujeuet uroe nyan sibagoe uroe nyang khusos, sabab bak uroe nyan Allah geupiôh óh ka lheueh geupeuseuleusoe mandum buet Gobnyan. 4Nyan kheueh riwayat teucebta álam seumeusta.
Taman Eden
Watée Tuhan Allah geupeujeuet álam seumeusta, 5gohlom na bijéh nyang ka meutarôk dan gohlom na seunaman ateueh rhueng bumoe, sabab Allah gohlom geupeutreun ujeuen dan gohlom na ureuëng nyang pubuet tanoh nyan. 6Teuma ié ka jipeuphon teubiet nibak miyueb dan laju ji-ile ateueh bumoe.
7 #
1Kor. 15:45
Óh lheueh nyan Tuhan Allah laju geucok bacut tanoh, tanoh nyan laju geupeugét lagée sidroe manusia,#tanoh, … manusia Kheun “manusia” dan “tanoh” lam basa Ibrani na su jih saban. óh lheueh nyan laju geuyueb nafáh jih lam ruhuéng idong mangat udeb; óh lheueh nyan udeb kheueh manusia nyan.
8Óh ka lheueh nyan Tuhan Allah geupeugét teuma taman di Eden, disiblaih utimu, lam taman nyan laju geukeubah manusia nyang ka lheueh geupeujeuet nyan. 9#Why. 2:7, 22:2, 14 Tuhan Allah laju geupeutimoh meubagoe rupa bak kayée nyang gét-gét, nyang jipeuhase boh kayée nyang gét. Bak teungoh taman timoh kheueh bak kayée nyang teubri udeb, dan bak kayée nyang jibri peungeutahuan keuhai nyang brok ngon nyang jeuhet.#peungeutahuan keuhai nyang brok ngon nyang jeuhet atawa peungeutahuan keuhai meubagoe-bagoe.
10Na saboh krueng ié ji-ile nibak Eden, jipeubasah taman nyan; dan diluwa Eden krueng nyan meucabeueng peuet boh cabeueng. 11Nyang phon nan jih Pison; krueng nyan ji-ile jikeulileng tanoh Hawila. 12Nibak teumpat nyan na meuteumé méuh aseuli meunan cit deungon reumpah-reumpah nyang mangat bée nyang payah that meuteumé, meunan cit deungon batée-batée peumata. 13Krueng nyang keudua nan jih Gihon; ié jih ji-ile jikeulileng tanoh Kus.#Kus (di Mesopotamia); atawa Sudan. 14Krueng nyang keulhée nan jih Tigris ji-ile siblaih utimu Asyur. Dan Krueng nyang keu peuet nan jih Efrat.
15Óh lheueh nyan Tuhan Allah laju geukeubah manusia nyan di taman Eden mangat jipeubuet dan jipeulara taman nyan. 16Allah meufeureuman ubak manusia nyan, “Gata jeuet gata pajoh peue-peue mantong boh kayée nyang na lam taman nyoe, 17nyang hán jeuet gata pajoh na kheueh nibak kayée nyang jibri peungeutahuan keuhai nyang gét dan nyang jeuhet. Boh kayée nyan hana jeuet gata pajoh; meunyoe gata pajoh cit, gata pasti maté bak uroe nyan cit teuma.”
18Óh lheueh nyan Tuhan Allah meufeureuman lom, “Hana gét manusia udeb keudroe. Ulôn teuma Lôn peujeuet rakan keujih nyang sisuai mangat jeuet keupeubantu jihnyan.” 19Teuma Gobnyan laju geucok tanoh bacut dan geupeugét laju mubagoe jeunéh beulatang darat dan beulatang nyang po di manyang. Banmandum nyan geuba lé Po teu Allah ubak manusia nyan mangat geukalon peue nan jih nyang gét teuboh keu nan beulatang-beulatang nyan. Nyan kheueh asaiphon beulatang di darat dan di manyang ka meuteumé nan jih maséng-maséng. 20Meunan kheueh manusia nyan geubri nan ubak beulatang bah kheueh nyang na udeb di darat meunan cit nyang udeb di manyang. Teuma lamkawan beulatang nyan hana meusaboh pih nyang jeuet geucok keurakan dan nyang jeuet keu peubantu gobnyan.
21Dan Tuhan Allah laju geupeuéh manusia nyan sampoe teungét lagée ureuëng pangsan, teungoh mangat that teungét manusia nyan, Tuhan Allah laju geupeuteubiet sikrék tuleueng rusôk manusia nyan, inciek luka nyan laju geutôb ngon asoe. 22Nibak tuleueng rusôk nyan lé Tuhan Allah laju geupeujeuet sidroe ureuëng inong, óh lheueh nyan laju geuba lé Allah ubak manusia nyan. 23Dan jipeugah kheueh lé manusia nyan,
“Nyoe pat jih, ureuëng nyang saban lagée ulôn –
tuleueng nibak tuleueng lôn, dan asoe nibak asoe lôn.
Ulôn boh nan jihnyoe inong, sabab jihnyan teucok nibak ureuëng agam.”#Lam basa Ibrani haba keu ureuëng agam na kheueh ISH, dan gaba keu ureuëng inong na kheueh ISHA.
24 #
Mat. 19:5; Mrk. 10:7-8; 1Kor. 6:16; Ef. 5:31 Nyang kheueh sabab jih ureuëng agam jitinggai ma ngon yah jih, dan meusaboh ngon peurumoh jih, laju bandua jihnyan ka jeuet keusaboh.
25Ureuëng agam ngon ureuëng inong nyan teulon, teuma nibak awaknyan hana meurasa malée.
বর্তমানে নির্বাচিত:
KEUJADIAN 2: LAIACE
হাইলাইট
শেয়ার
কপি
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
