ᒉᓂᓯᐢ 9
9
1 #
ᒉᓂᓯᐢ 1:28
ᑭᓭᒪᓂᑐ ᒫᑲ ᑭ ᓴᐁᐧᔨᒣᐤ ᓄᐊ ᒥᓇ ᐅᑯᓯᓯᔨᐊᐧ, ᐅᒥᓯ ᒫᑲ ᑭ ᐃᑌᐤ, ᐃᐧ ᒥᔪ ᓂᐦᑖᐃᐧᑭᐦᐃᑐᐠ, ᒥᓇ ᐃᐧ ᒥᐦᒉᑎᐠ, ᑭᑕ ᓵᑲᐢᑭᓇᑖᔦᐠ ᐊᐢᑭ. 2ᑭ ᑲ ᑲᑯᐢᐸᓀᔨᒥᑯᐋᐧᐊᐧᐠ ᒥᓇ ᑭ ᑲ ᑯᐢᑎᑯᐋᐧᐊᐧᐠ, ᑲᐦᑭᔭᐤ ᐱᓯᐢᑭᐊᐧᐠ ᐊᐢᑭᕽ ᑳ ᐊᔮᒋᐠ, ᒥᓇ ᑲᐦᑭᔭᐤ ᑳ ᐸᐹᒥᔮᒋᐠ, ᒥᓇ ᑲᐦᑭᔭᐤ ᑳ ᐊᐧᐢᑲᐃᐧᑖᒋᐠ ᐅᑕ ᐊᐢᑭᕽ, ᒥᓇ ᑲᐦᑭᔭᐤ ᑭᓄᓭᐊᐧᐠ, ᑭᐦᒋᑲᒥᕽ ᑳ ᐊᔮᒋᐠ; ᑭᒋᐦᒋᕽ ᐸᑭᑎᓈᐊᐧᐠ ᑲᐦᑭᔭᐤ ᐁᐊᐧᑯᓂᐠ. 3ᑲᐦᑭᔭᐤ ᑫᑲᐧᐩ ᐁ ᐋᐧᐢᑲᐃᐧᒪᑲᕽ ᑳ ᐱᒫᑕᕽ ᑭ ᑲ ᐅᒥᒋᐃᐧᓂᓈᐋᐧᐤ; ᐋᐧᐋᐧᐨ ᑳ ᐅᓵᐊᐧᐢᑲᐧᐢᑭᐠ ᑭ ᑭ ᒥᔨᑎᓈᐋᐧᐤ ᑲᐦᑭᔭᐤ ᑫᑲᐧᐩ. 4#ᓬᐃᐱᑎᑲᐢ 7:26,27; 17:10-14; 19:26; ᑎᔪᑕᕒᐊᓇᒥ 12:16,23; 15:23ᒫᑲ ᐃᐧᔮᐢ ᐁ ᐱᒫᑕᕽ ᐁᐊᐧᑯ ᐁ ᒥᐦᑯᐊᐧᕽ, ᓇᒪᐃᐧᔭ ᑭ ᑲ ᒥᒋᓈᐋᐧᐤ. 5ᑫᐦᒋᓈ ᒫᑲ ᑭ ᑲ ᓇᑕᐁᐧᔨᑕᒫᑎᓈᐋᐧᐤ ᑭ ᒥᐦᑯᐋᐧᐤ ᑭ ᐱᒫᑎᓯᐃᐧᓂᐋᐧᐤ; ᐅᒋᒋᕽ ᐁᐦᑕᓯᐟ ᐱᓯᐢᑭᐤ ᓂ ᑲ ᓇᑕᐁᐧᔨᑕᒪᐋᐧᐤ, ᒥᓇ ᐅᒋᒋᕽ ᐊᔨᓯᔨᓂᐤ: ᐅᒋᒋᕽ ᐁᐦᑕᓯᐟ ᐊᔨᓯᔨᓂᐤ ᐅᒋᐋᐧᒪ ᓂ ᑲ ᓇᑕᐁᐧᔨᑕᒪᐋᐧᐤ ᐊᔨᓯᔨᓂᐤ ᐅ ᐱᒫᑎᓯᐃᐧᐣ. 6#ᐁᐠᓴᑕᐢ 20:13; ᒉᓂᓯᐢ 1:26ᐊᐃᐧᔭ ᑫ ᓯᑭᓇᒧᑫᐧ ᐊᔨᓯᔨᓂᐃᐧ ᒥᐦᑯ ᐊᔨᓯᔨᓂᐊᐧ ᐅᒥᕽ ᑲᑕ ᓯᑭᓇᒥᔨᐊᐧ; ᒋᑫᒫ ᐅᐟ ᐃᓯᓈᑯᓯᐃᐧᓂᕽ ᑭᓭᒪᓂᑐ ᑭ ᐅᓯᐦᐁᐤ ᐊᔨᓯᔨᓂᐊᐧ. 7#ᒉᓂᓯᐢ 1:28ᒫᑲ ᑭᔭᐋᐧᐤ ᐃᐧ ᒥᔪ ᓂᐦᑖᐃᐧᑭᐦᐃᑐᐠ, ᑭᑕ ᒥᐦᒉᑎᔦᐠ; ᐁᐧᔪᒋ ᓂᐦᑕᐃᐧᑭᐦᐃᑐᐠ ᐊᐢᑭᕽ, ᒥᓇ ᐃᐧ ᒥᐦᒉᑎᐠ ᐁᑯᑕ.
8ᑭᓭᒪᓂᑐ ᒫᑲ ᑭ ᑭᑐᑌᐤ ᓄᐊ, ᐊᓯᒋ ᐅᑯᓯᓯᔨᐊᐧ, ᐁ ᐃᑌᐧᐟ, 9ᓂᔭ ᐅᒪ, ᐋᐧᐸᐦᑕ, ᓂᔭ ᑰᔭᐢᑖᐧᑎᓈᐋᐧᐤ ᓂ ᑭᐢᑭᒥᐁᐧᐃᐧᐣ, ᐊᓯᒋ ᑭ ᓂᐦᑖᐃᐧᑭᐦᐋᐊᐧᓱᓂᐋᐧᐊᐧᐠ ᑫ ᐊᑎ ᐊᐢᑳᐧᑯᔦᑳᐧᐤ: 10ᒥᓇ ᐊᓯᒋ ᐁ ᑕᐦᑐ ᐱᒫᑎᓯᐟ ᐅᓯᐦᒋᑲᐣ ᑳ ᐃᐧᒋᐊᔮᒥᑯᔦᐠ, ᐊᓇ ᐱᔦᓯᐢ, ᐊᓇ ᐊᐊᐧᑳᐣ, ᒥᓇ ᐁᐦᑕᓯᐟ ᐱᓯᐢᑭᐤ ᐊᐢᑭᕽ ᑳ ᐃᐧᒋᐊᔮᒥᑯᔦᐠ; ᑲᐦᑭᔭᐤ ᑭᐦᒋ ᓈᐱᐦᑲᐧᓂᕽ ᑳ ᐅᐦᒋ ᑲᐹᐟ, ᑳ ᐃᐦᑕᓯᐟ ᐱᓯᐢᑭᐤ ᐊᐢᑭᕽ ᑳ ᐊᔮᐟ. 11ᓂᔭ ᒫᑲ ᑰᔭᐢᑖᐧᑎᓈᐋᐧᐤ ᓂᐟ ᐊᓱᑕᒫᑫᐃᐧᐣ; ᓇᒪᐃᐧᔭ ᒥᓇ ᐃᐧᑳᐨ ᑲᐦᑭᔭᐤ ᑳ ᐅ ᐃᐧᔮᓯᐠ ᑭᑕ ᓂᓯᐊᐧᓈᒋᐦᐋᐤ ᐁ ᐃᐢᑭᐯᐠ ᐅᐦᒋ; ᒥᓇ ᓇᒪᐃᐧᔭ ᐃᐧᑳᐨ ᑭᑕ ᐃᐢᑭᐯᐤ ᑭᑕ ᓂᓯᐊᐧᓈᑕᕽ ᐊᐢᑭ. 12ᒥᓇ ᑭᓭᒪᓂᑐ ᐅᒥᓯ ᐃᑌᐧᐤ, ᐁᐊᐧᑯ ᐅᒪ ᑫ ᐃᓯ ᑭᐢᑭᓇᐋᐧᑌᔨᑖᑲᐧᕽ ᓂᐟ ᐊᓱᑕᒫᑫᐃᐧᐣ ᓂᔭ ᑳ ᐅᓯᐦᑕᒫᑕᑯᐠ ᑭᔭᐋᐧᐤ, ᒥᓇ ᐁ ᑕᐦᑐ ᐱᒫᑎᓯᐟ ᐅᓯᐦᒋᑲᐣ ᑳ ᐃᐧᒋ ᐊᔮᒥᑯᔦᐠ, ᑕᐦᑭ ᐋᓂᐢᑳᐨ ᑫ ᐱᒫᑎᓯᕽ. 13ᓂᐟ ᐊᐢᑖᐣ ᓂ ᐱᓯᒣᐧᔮᐱ ᐊᐧᐢᑯᕽ, ᐁᑯᓯ ᐁᐊᐧᑯ ᑫ ᑭᐢᑭᓇᐋᐧᑌᔨᑖᑲᐧᕽ ᐊᓱᑕᒫᑫᐃᐧᐣ ᓂᔭ ᑳ ᐅᓯᐦᑕᒫᑕᑯᐠ ᑭᔭᐋᐧᐤ ᐊᐢᑭᕽ. 14ᐁᑯᓯ ᑭᑕ ᐃᐦᑭᐣ ᐃᐢᐱ ᐃᑐᑕᒫᓂ ᐊᐧᐢᑯ ᑭᑕ ᐱᒥᐸᔨᐠ ᐃᐢᐱᒥᕽ ᐊᐢᑭᕽ, ᐊᓂᒪ ᐱᓯᒣᐧᔮᐱ ᑭᑕ ᓄᑲᐧᐣ ᐊᐧᐢᑯᕽ. 15ᐁᑯᓯ ᓂ ᑲ ᑭᐢᑭᓯᑐᑌᐣ ᓂᐟ ᐊᓱᑕᒫᑫᐃᐧᐣ ᓂᔭ ᑳ ᑭ ᐅᓯᐦᑕᒫᑕᑯᐠ ᑭᔭᐋᐧᐤ, ᒥᓇ ᑲᐦᑭᔭᐤ ᑳ ᐱᒫᑎᓯᐟ ᐅᓯᐦᒋᑲᐣ ᑳ ᐅ ᐃᐧᔮᓯᐟ; ᐁᑯᓯ ᓂᐱᔭ ᓇᒪᐃᐧᑳᐨ ᒥᓇ ᑭᑕ ᐃᐢᑭᐯᐊᐧ ᑭᑕ ᓂᓯᐊᐧᓈᑎᓯᐟ ᑲᐦᑭᔭᐤ ᑳ ᐅ ᐃᐧᔮᓯᐟ. 16ᐁᑯᓯ ᐱᓯᒣᐧᔮᐱ ᑭᑕ ᐊᔮᐤ ᐊᐧᐢᑯᕽ; ᒥᓇ ᓂ ᑲ ᑲᓇᐋᐧᐸᐦᑌᐣ, ᑭᑕ ᑭᐢᑭᓯᑐᑕᒫᐣ ᐊᓱᑕᒫᑫᐃᐧᐣ ᐁᑳ ᐃᐧᑳᐨ ᑫ ᐳᓂᐸᔨᐠ ᑭᓭᒪᓂᑐ ᑳ ᒥᔮᐟ ᑲᐦᑭᔭᐤ ᐁ ᐱᒫᑎᓯᔨᐟ ᐅᓯᐦᒋᑲᓇ ᑳ ᐅ ᐃᐧᔮᓯᔨᐟ ᐊᐧᐢᑭᑕᐢᑲᒥᐠ ᑳ ᐊᔮᔨᐟ. 17ᑭᓭᒪᓂᑐ ᒫᑲ ᑭ ᐃᑌᐤ ᓄᐊᐊᐧ, ᐁᐊᐧᑯᒪ ᑫ ᐃᓯ ᑭᐢᑭᓇᐋᐧᑌᔨᑖᑲᐧᕽ ᐊᓱᑕᒫᑫᐃᐧᐣ ᓂᔭ ᑳ ᑭ ᐅᔮᑕᐢᑕᒪᐊᐧᐠ ᑲᐦᑭᔭᐤ ᑳ ᐅ ᐃᐧᔮᓯᐟ ᐊᐧᐢᑭᑕᐢᑲᒥᐠ ᑳ ᐊᔮᐟ.
18ᐊᓂᐦᐃ ᒫᑲ ᐅᑯᓯᓴ ᓄᐊ ᑳ ᑭ ᑲᐹᔨᐟ ᑭᐦᒋ ᓈᐱᑳᐧᓂᕽ ᐅᐦᒋ, ᐁᐊᐧᑯᓂᐠ, ᓭᒼ, ᐦᐋᒼ, ᒥᓇ ᒉᐱᐟ; ᐦᐋᒼ ᒫᑲ ᐁᐊᐧᑯᓂ ᐅᑖᐃᐧᔭ ᑫᓇᐣ. 19ᐁᐊᐧᑯᓂ ᐅᐦᐃ ᐁ ᓂᐢᑎᔨᐟ ᐅᑯᓯᓴ ᓄᐊ, ᐁᐊᐧᑯᓂᐠ ᒫᑲ ᐅᐦᒋ ᒥᓯᐁᐧ ᐊᐢᑭ ᑭ ᐊᑲᐧᓇᐢᑭᓀᐤ.
20ᓄᐊ ᒫᑲ ᑭ ᒫᒋ ᑭᐢᑎᑫᐃᐧᔨᓂᐃᐧᐤ ᐁᑯᓯ ᑭ ᑭᐢᑎᑳᑕᒼ ᓱᒥᓂ ᑭᐢᑎᑳᐣ. 21ᐁᑯᑕ ᒫᑲ ᑭ ᐅᐦᒋ ᒥᓂᐦᑫᐧᐤ ᓱᒥᓈᐳ, ᐁ ᑭ ᑭᐢᑫᐧᐯᐟ ᒫᑲ, ᐁᑯᓯ ᑭ ᒧᓭᐢᑲᑌᓯᐣ ᐃᐧᑭᕽ. 22ᐦᐋᒼ ᒫᑲ ᐅᑖᐃᐧᔭ ᑫᓇᐣ ᑭ ᐋᐧᐸᐦᑕᒼ ᐅ ᒧᓭᐢᑲᑌᐃᐧᓂᔨᐤ ᐅᑖᐃᐧᔭ, ᐁᑯᓯ ᑭ ᐃᐧᐦᑕᒪᐁᐧᐤ ᐁ ᐃᓯ ᓂᓯᔨᐟ ᐅᒋᐋᐧᒪ ᐊᐧᔭᐃᐧᑎᒥᕽ. 23ᐁᑯᓯ ᒫᑲ ᓭᒼ ᒥᓇ ᒉᐱᐟ ᑭ ᐅᑎᓇᒪᐠ ᐊᑯᐦᐅᐃᐧᐣ, ᐅᑎᐦᑎᒪᓂᐋᐧᕽ ᐁ ᑭ ᐊᐢᑖᒋᐠ, ᐁ ᑭ ᐊᑎ ᐊᓭᑌᒋᐠ, ᐁ ᑭ ᐊᑲᐧᓇᐦᐊᒫᐧᒋᐠ ᒫᑲ ᐅ ᒧᓭᐢᑲᑌᐃᐧᓂᔨᐤ ᐅᑖᐃᐧᐋᐧᐋᐧ; ᑭ ᐊᑎᒥᑳᐸᐃᐧᐊᐧᐠ ᒫᑲ ᐁᑯᓯ ᓇᒪᐃᐧᔭ ᐋᐧᐸᐦᑕᒪᐧᐠ ᐅ ᒧᓭᐢᑲᑌᐃᐧᓂᔨᐤ ᐅᑖᐃᐧᐋᐧᐊᐧ. 24ᓄᐊ ᒫᑲ ᑭ ᑯᐢᑯᐢᑳᐤ ᐁ ᐋᐢᑌᐯᐟ ᒥᓇ ᑭ ᑭᐢᑫᔨᑕᒼ ᐊᓂᒪ ᑳ ᐅᓯᒥᒫᐃᐧᔨᐟ ᐅᑯᓯᓴ ᑳ ᑭ ᑐᑖᑯᐟ. 25ᐁᑯᓯ ᑭ ᐃᑌᐧᐤ, ᑭᑕ ᒪᒐᑭᒫᐤ ᑫᓇᐣ; ᐊᑐᐢᑫᔮᑲᓇᐠ ᐅᐟ ᐊᑐᐢᑫᔮᑲᓂᐋᐧᐊᐧ ᑭᑕ ᐃᑕᑭᒥᐠ ᐅᒋᐋᐧᒪ. 26ᒥᓇ ᑭ ᐃᑌᐧᐤ, ᑭᑕ ᒪᒥᐦᒋᒫᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᓭᒼ, ᒥᓇ ᑭᔮᒼ ᑫᓇᓇ ᑭᑕ ᐅᐟ ᐊᑐᐢᑫᔮᑲᓂᐤ. 27ᑭᓭᒪᓂᑐ ᑭᑕ ᑌᓂᓴᐃᐧᐁᐤ ᒉᐱᑕ, ᒥᓇ ᑭᑕ ᐃᐧᑭᑫᒧᐦᐁᐤ ᐃᐧᑭᔨᕽ ᓭᒪ; ᒥᓇ ᑭᔮᒼ ᑫᓇᓇ ᑭᑕ ᐅᐟ ᐊᑐᐢᑫᔮᑲᓂᐤ.
28ᓄᐊ ᒫᑲ ᑭ ᐱᒫᑎᓯᐤ ᑳ ᐳᓂ ᐃᐢᑭᐯᔨᐠ, ᓂᐢᑖᐧᐤ ᒥᑖᐦᑐᒥᑕᓇᐤ ᒥᓇ ᓂᔮᓇᓄᒥᑕᓇᐤ ᑕᐦᑐ ᐱᐳᓇᐧ. 29ᑲᐦᑭᔭᐤ ᒫᑲ ᐅ ᑭᓯᑳᒪ ᓄᐊ ᑫᑳᐟ ᑭᐦᒋ ᒥᑖᐦᑐᒥᑕᓇᐤ ᒥᓇ ᓂᔮᓇᓄᒥᑕᓇᐤ ᑭ ᑕᐦᑐ ᐱᐳᓀᐧᐤ; ᐁᑯᓯ ᑭ ᓂᐱᐤ.
বর্তমানে নির্বাচিত:
ᒉᓂᓯᐢ 9: KKMs
হাইলাইট
শেয়ার
কপি
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
