ᒉᓂᓯᐢ 3
3
1 #
ᑭᐢᑫᔨᐦᑖᑯᐦᑫᐃᐧᐣ 12:9; 20:2 ᑭᓀᐱᐠ ᒫᑲ ᐊᔨᐋᐧᐠ ᑭ ᑲᑲᔦᔨᓯᐤ ᐃᐢᐱᐨ ᐊᐃᐧᔭ ᐱᓯᐢᑭᐊᐧ ᑳ ᑭ ᐅᓯᐦᐋᐟ ᑳ ᑎᐯᔨᐦᒋᑫᐟ ᑭᓭᒪᓂᑐ. ᐁᑯᓯ ᐁᐊᐧᑯ ᑭ ᐃᑌᐤ ᐃᐢᑫᐧᐊᐧ, ᑖᐯᐧ ᒋ ᑭᓭᒪᓂᑐ ᑭ ᐃᑌᐧᐤ, ᓇᒪᐃᐧᔭ ᑭ ᑲ ᒥᒋᓈᐋᐧᐤ ᐁ ᒥᓂᓯᐃᐧᐟ ᑳ ᐃᑕᐦᑖᐧᐢᑯᓯᐟ ᒥᐢᑎᐠ ᓂᐦᑖᐃᐧᑭᒋᑳᓂᕽ ᑳ ᐊᔮᐟ? 2ᐅᒥᓯ ᒫᑲ ᐃᐢᑫᐧᐤ, ᑭ ᐃᑌᐤ ᑭᓀᐱᑲᐧ, ᓂ ᑲ ᑭ ᒥᒋᓈᐣ ᐁ ᐃᓯ ᒥᓂᓯᐃᐧᒋᐠ ᐊᓂᑭ ᒥᐢᑎᑲᐧᐠ ᓂᐦᑖᐃᐧᑭᒋᑲᓂᕽ ᑳ ᐊᔮᒋᐠ; 3ᒫᑲ ᐁ ᐃᓯ ᒥᓂᓯᐃᐧᐟ ᒥᐢᑎᐠ ᑖᐊᐧᔨᕽ ᓂᐦᑖᐃᐧᑭᒋᑳᓂᕽ ᑳ ᐊᔮᐟ, ᑭᓭᒪᓂᑐ ᑭ ᐃᑌᐧᐤ, ᓇᒪᐃᐧᔭ ᑭ ᑲ ᒥᒋᓈᐋᐧᐤ, ᒥᓇ ᓇᒪᐃᐧᔭ ᑭ ᑲ ᓵᒥᓈᐃᐧᐤ, ᑭᑕ ᐁᑳ ᓂᐱᔦᐠ. 4ᒥᓇ ᑭᓀᐱᐠ ᑭ ᐃᑌᐤ ᐃᐢᑫᐧᐊᐧ, ᓇᒪᐃᐧᔭ ᑖᐯᐧ ᑭ ᑲ ᓂᐱᓈᐋᐧᐤ: 5ᒋᑫᒫ ᑭᓭᒪᓂᑐ ᑭᐢᑫᔨᑕᒼ ᐊᓂᒪ ᐁ ᑭᓯᑳᐠ ᑫ ᒥᒋᐁᐧᑫᐧ, ᐁᑯᐢᐱ ᑭᐢᑭᓯᑯᐋᐧᐊᐧ ᑫ ᔪᑌᓂᑳᑌᑭ; ᐁᑯᓯ ᒪᓂᑐᕽ ᑭᑕ ᐃᓯ ᐊᔮᔦᐠ, ᐁ ᑭᐢᑫᔨᑕᒣᐠ ᑳ ᒥᐋᐧᓯᐠ ᒥᓇ ᑳ ᒫᔮᑕᕽ. 6ᐃᐢᐱ ᒫᑲ ᐃᐢᑫᐧᐤ ᐃᐧᔮᐸᒫᐟ ᐊᓂᐦᐃ ᒥᐢᑎᑲᐧ ᐁ ᒥᔪ ᒥᒋᐃᐧᓂᐃᐧᔨᐟ, ᒥᓇ ᐁ ᒥᔪᓈᑯᓯᔨᐟ, ᒥᓇ ᒥᐢᑎᐠ ᑫ ᓇᑕᐁᐧᔨᒥᐦᐟ ᑭᑕ ᐅᐦᒋ ᐊᐃᐧᔭ ᐃᔨᓂᓯᐟ, ᑭ ᐅᑎᓇᒼ ᐁᓯ ᒥᓂᓯᐃᐧᔨᐟ, ᐁ ᑭ ᒥᒋᐟ ᒫᑲ; ᐁᑯᓯ ᒥᓇ ᑭ ᐊᑎ ᒥᔦᐤ ᐅᓈᐯᒪ ᐊᓯᒋ; ᐃᐧᐢᑕ ᑭ ᒥᒋᐤ. 7ᐁᑯᓯ ᐅᐢᑭᓯᑯᐋᐧᐊᐧ ᑭ ᔪᑌᓂᑳᑌᔨᐊᐧ, ᐁ ᑭ ᑭᐢᑫᔨᑕᐦᑭᐠ ᐁ ᒧᓭᐢᑲᑌᒋᐠ; ᐁᑯᓯ ᑭ ᒪᐊᐧᓴᑯᑳᐧᑕᒪᐧᐠ ᓂᐱᔮ, ᐁ ᑭ ᐅᓯᐦᑖᐧᓱᒋᐠ ᐋᑯᐦᐅᓱᐃᐧᓇ. 8ᑭ ᐯᐦᑕᒣᐧᐊᐧᐠ ᒫᑲ ᐅ ᐯᐦᑖᑯᓯᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑭᓭᒪᓂᑐᐊᐧ ᐁᑎ ᑕᑭᑖᑯᓯᓂᔨᐠ ᐁ ᐸᐹᒧᑌᔨᐟ ᓂᐦᑖᐃᐧᑭᒋᑲᓂᕽ; ᐁᑯᓯ ᐋᑕᒼ ᒥᓇ ᐃᐧᐊᐧ ᑭ ᑳᓱᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ ᑭᓭᒪᓂᑐᐊᐧ ᒣᑳᐧ ᒥᐢᑎᑯᐢᑳᕽ ᓂᐦᑖᐃᐧᑭᒋᑲᓂᕽ.
9ᐁᑯᓯ ᑳ ᑎᐯᔨᐦᒋᑫᐟ ᑭᓭᒪᓂᑐ ᑭ ᓇᑐᒣᐤ ᐋᑕᒪ, ᐅᒥᓯ ᐁ ᑭ ᐃᑖᐟ, ᑖᓂᑌ ᐁᔮᔭᐣ? 10ᐁᑯᓯ ᐅᒥᓯ ᑭ ᐃᑌᐧᐤ, ᑭ ᑭ ᐯᐦᑖᑎᐣ ᓂᐦᑖᐃᐧᑭᒋᑳᓂᕽ, ᓂ ᑭ ᑯᐢᑖᒋᐣ ᒫᑲ, ᒋᑫᒫ ᐁ ᒧᓭᐢᑲᑌᔮᐣ; ᐁᑯᓯ ᓂ ᑭ ᑳᓱᐣ. 11ᐅᒥᓯ ᒫᑲ ᑭ ᐃᑌᐤ, ᐊᐁᐧᓇ ᑳ ᐃᐧᐦᑕᒫᐢᐠ ᐁ ᒧᓭᐢᑲᑌᔭᐣ? ᑭ ᑭ ᒧᒥᓈᑖᐤ ᒋ ᒥᐢᑎᐠ ᑳ ᑭ ᐃᐧᐦᑕᒫᑖᐣ ᐁᑳ ᑭᑕ ᒧᒥᓈᑕᐟ? 12ᐁᑯᓯ ᓈᐯᐤ ᑭ ᐃᑌᐧᐤ, ᐃᐢᑫᐧᐤ ᑳ ᑭ ᒥᔨᔭᐣ ᑭᑕ ᐃᐧᒉᐃᐧᐟ ᓂ ᑭ ᒥᔨᐠ ᒥᐢᑎᑯᕽ ᐅᐦᒋ ᐁᑯᓯ ᓂ ᑭ ᒥᒋᐣ. 13#2 ᑲᕒᐃᐣᑎᔭᓇ 11:3; 1 ᑎᒪᑏ 2:14ᑳ ᑎᐯᔨᐦᒋᑫᐟ ᑭᓭᒪᓂᑐ ᒫᑲ ᑭ ᐃᑌᐤ ᐃᐢᑫᐧᐊᐧ, ᑫᑲᐧᐩ ᐅᒪ ᑳ ᑭ ᐃᑐᑕᒪᐣ? ᐁᑯᓯ ᐃᐢᑫᐧᐤ ᑭ ᐃᑌᐧᐤ, ᑭᓀᐱᐠ ᓂ ᑭ ᑲᑲᔦᓯᒥᐠ ᐁᑯᓯ ᓂ ᑭ ᒥᒋᐣ. 14ᐁᑯᓯ ᑳ ᑎᐯᔨᐦᒋᑫᐟ ᑭᓭᒪᓂᑐ ᑭ ᐃᑌᐤ ᑭᓀᐱᑲᐧ, ᐅᒪ ᐅᐦᒋ ᑳ ᑭ ᐃᑐᑕᒪᐣ ᑭᔭ ᐊᔨᐋᐧᐠ ᑭ ᒪᒐᑭᒋᑳᓱᐣ ᐃᔨᑯᕽ ᑲᐦᑭᔭᐤ ᐊᐊᐧᑳᓇᐠ, ᒥᓇ ᐊᔨᐋᐧᐠ ᑳ ᐃᑕᓯᐟ ᐱᓯᐢᑭᐤ ᐱᑯ ᐃᑕ ᑳ ᐊᔮᐟ; ᑲᑖᕽ ᑭ ᑲ ᐊᐧᐢᑲᐃᐧᐣ, ᒥᓇ ᐊᓯᐢᑭ ᑭ ᑲ ᒥᒋᐣ ᑫ ᐃᐢᑯ ᐱᒫᑎᓯᔭᐣ. 15#ᑭᐢᑫᔨᐦᑖᑯᐦᑫᐃᐧᐣ 12:17ᒥᓇ ᓂ ᑲ ᐃᑕᐢᑖᐣ ᑭᑕ ᐸᑳᐧᑎᑐᔦᐠ ᑭᔭ ᒥᓇ ᐃᐢᑫᐧᐤ, ᒥᓇ ᑭᔭ ᑭ ᓂᐦᑖᐃᐧᑭᐦᐋᑲᓇᐠ ᒥᓇ ᐃᐧᔭ ᐅ ᓂᐦᑖᐃᐧᑭᐦᐋᑲᓇ, ᑭ ᑲ ᓯᑯᐢᑎᑳᐧᓀᐢᑳᐠ ᒥᓇ ᑭᔭ ᐊᐧᐦᑲᐧᐣ ᑭ ᑲ ᓯᑲᐧᐦᐊᒫᐧᐣ. 16ᐁᑯᓯ ᐊᓂᐦᐃ ᐃᐢᑫᐧᐊᐧ ᐅᒥᓯ ᑭ ᐃᑌᐤ, ᓈᐢᐱᐨ ᓂ ᑲ ᒥᐦᒉᑐᑖᐣ ᑭ ᑯᑕᑫᔨᑕᒧᐃᐧᐣ ᒥᓇ ᑭ ᓂᐦᑖᐃᐧᑭᓈᐊᐧᓱᐃᐧᐣ; ᑯᑕᑫᔨᑕᒧᐃᐧᓂᕽ ᑭ ᑲ ᓂᐦᑖᐃᐧᑭᓈᐊᐧᓱᐣ; ᒥᓇ ᑭ ᑲ ᒧᐢᑕᐁᐧᔨᒫᐤ ᑭ ᓈᐯᒼ, ᐃᐧᔭ ᒫᑲ ᑭ ᑲ ᑎᐯᔨᒥᐠ. 17#ᐦᐃᐸᕒᐅᐊᐧ 6:8ᐋᑕᒼ ᒫᑲ ᐅᒥᓯ ᑭ ᐃᑌᐤ, ᐁ ᑭ ᓇᑐᐦᑕᐊᐧᐟ ᐁ ᐃᑌᐧᐟ ᑭᐊᐧ, ᒥᓇ ᐁ ᑭ ᒧᒥᓈᑕᐟ ᒥᐢᑎᐠ ᑳ ᑭ ᐃᐧᐦᑕᒫᑖᐣ ᐁ ᐃᑌᐧᔮᐣ, ᓇᒪᐃᐧᔮ ᑭ ᑲ ᒧᒥᓇᑖᐤ, ᒪᒐᑭᑌᐤ ᐊᓯᐢᑭ ᑭᔭ ᐅᐦᒋ, ᑯᑕᑫᔨᑕᒧᐃᐧᓂᕽ ᑭ ᑲ ᐅᐦᒋ ᒥᒋᓱᐣ ᑫ ᐃᐢᑯ ᐱᒫᑎᓯᔭᐣ. 18ᒥᓯ ᑳᐃᐧᒥᓇᑲᓯᔭ ᒥᓇ ᑳᐃᐧᒥᓇᑲᓯᔭ ᑭ ᑲ ᓂᐦᑖᐃᐧᑭᑕᒫᑯᐣ; ᒥᓇ ᑭ ᑲ ᒥᒋᐣ ᑳ ᓵᑲᐢᑭᐠ ᑭᐢᑎᑳᓂᕽ; 19ᐊᐯᐧᓯᑫᐧᐃᐧᐣ ᑭ ᑲ ᐅᐦᒋ ᒧᐋᐧᐤ ᐸᐦᑫᐧᓯᑲᐣ ᐃᐢᑯ ᑭᑕ ᑭᐁᐧᑐᑕᒪᐣ ᐊᐢᑭ, ᒋᑫᒫ ᐁᑯᑕ ᑳ ᐅᐦᑎᓂᑲᐃᐧᔭᐣ; ᒋᑫᒫ ᑭᐟ ᐊᓯᐢᑭᐃᐧᐣ, ᒥᓇ ᐊᓯᐢᑭᕽ ᑭ ᑲ ᐃᓯ ᑭᐋᐧᐣ. 20ᐁᑯᓯ ᐋᑕᒼ, ᐃᑊ ᑭ ᐃᓯᔨᐦᑳᑌᐤ ᐃᐧᐊᐧ, ᒋᑫᒫ ᐁᐊᐧᑯ ᐅᑳᐃᐧᐋᐧᐊᐧ ᑲᐦᑭᔭᐤ ᑳ ᐱᒫᑎᓯᐟ. 21ᑳ ᑎᐯᔨᐦᒋᑫᐟ ᑭᓭᒪᓂᑐ ᒫᑲ ᑭ ᐅᓯᐦᑕᒪᐁᐧᐤ ᐋᑕᒪ ᒥᓇ ᐃᐧᐊᐧ ᐸᑫᑭᓄᐃᐧ ᒥᐢᑯᑖᑲᔭ ᐁ ᐃᐧᔮᑕᐦᐋᐟ.
22 #
ᑭᐢᑫᔨᐦᑖᑯᐦᑫᐃᐧᐣ 22:14
ᒥᓇ ᑳ ᑎᐯᔨᐦᒋᑫᐟ ᑭᓭᒪᓂᑐ ᑭ ᐃᑌᐧᐤ, ᒋᐢᐟ, ᐊᔨᓯᔨᓂᐤ ᑳ ᐃᓯ ᐊᔮᔭᕽ ᐃᓯ ᐊᔮᐤ, ᐁ ᑭᐢᑫᔨᑕᕽ ᑳ ᒥᔮᐧᓯᓂᔨᐠ ᒥᓇ ᑳ ᒫᔮᑕᓂᔨᐠ, ᑳᑲᔦ ᐁᑲᐧ ᑭᑕ ᓱᐃᐧᓂᐢᑫᔨᐤ ᑭᑕ ᐅᑎᓇᕽ ᐱᒫᑎᓯᐃᐧ ᒥᐢᑎᑯᕽ ᐅᐦᒋ, ᒥᓇ ᑭᑕ ᒥᒋᐟ ᐁᑯᓯ ᑳᑭᑫ ᑭᑕ ᐱᒫᑎᓯᐟ; 23ᐁᐊᐧᑯ ᐅᐦᒋ ᒫᑲ ᑳ ᑎᐯᔨᐦᒋᑫᐟ ᑭᓭᒪᓂᑐ ᑳ ᐊᐧᔭᐃᐧᑎᓴᐋᐧᐟ ᐃᑎᐣ ᓂᐦᑖᐃᐧᑭᒋᑲᓂᕽ ᐅᐦᒋ ᑭᑕ ᐊᑐᐢᑳᑕᕽ ᐊᓯᐢᑭ ᐃᑕ ᑳ ᑭ ᐅᐦᒋ ᐅᑎᓂᐦᐟ. 24ᐁᑯᓯ ᑭ ᐊᐧᔭᐃᐧᑎᓴᐁᐧᐤ ᓈᐯᐊᐧ; ᐁ ᑭ ᐸᑭᑎᓈᐟ ᒫᑲ ᒉᕒᐊᐱᒼ ᐋᐧᐸᓄᑖᕽ ᐃᑌᐦᑫ ᐃᑎᐣ ᓂᐦᑖᐃᐧᑭᒋᑲᓂᕽ, ᒥᓇ ᑳᐧᑯᑌᐃᐧ ᐃᓴᐁᐧᐢᐠ ᒥᓯᐁᐧ ᑳ ᐋᐃᓯ ᑫᐧᐢᑫᐧᐢᑭᐸᔨᐠ, ᑭᑕ ᒥᑖᑫᐧᑎᓴᐦᐅᐁᐧᐠ ᐱᒫᑎᓯᐃᐧᓂ ᒥᐢᑎᑯᕽ ᐅᐦᒋ.
বর্তমানে নির্বাচিত:
ᒉᓂᓯᐢ 3: KKMs
হাইলাইট
শেয়ার
কপি
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
