ᒉᓂᓯᐢ 12
12
1 #
ᐃᓯᐦᒋᑫᐃᐧᓂᐋᐧᐊᐧ 7:2,3; ᐦᐃᐸᕒᐅᐊᐧ 11:8 ᑳ ᑎᐯᔨᐦᒋᑫᐟ ᒫᑲ ᐅᒥᓯ ᐁ ᑭ ᐃᑖᐟ ᐁᑊᕒᐋᒪ, ᓇᑲᑕ ᐅᒪ ᑭᐟ ᐊᐢᑭ, ᒥᓇ ᑭᑐᑌᒪᐠ ᒥᓇ ᑯᐦᑖᐃᐧ ᐃᐧᑭ ᑭᑕ ᐃᑐᐦᑌᔭᐣ ᐊᐢᑭᕽ ᐊᓂᒪ ᑫ ᐋᐧᐸᐦᑎᔨᑖᐣ: 2ᑭᑕ ᑭᐦᒑᔨᐃᐧᔭᐣ ᑭ ᑲ ᐃᓯᐦᐃᑎᐣ, ᒥᓇ ᑭ ᑲ ᓴᐁᐧᔨᒥᑎᐣ, ᑭᑕ ᑭᐦᒑᔨᐊᐧᕽ ᑭ ᐃᐧᔪᐃᐧᐣ ᓂ ᑲ ᐃᓯᐦᑖᐣ: ᐁᑯᓯ ᑭᔭ ᑭ ᑲ ᓴᐁᐧᔨᑖᑯᓯᐃᐧᓂᐃᐧᐣ: 3#ᑲᓬᐁᓯᔭᓇ 3:8ᓂ ᑲ ᓴᐁᐧᔨᒫᐊᐧᐠ ᐊᓂᑭ ᑳ ᓴᐁᐧᔨᒥᐢᑭᐠ ᒥᓇ ᓂ ᑲ ᒪᒋ ᐃᑕᐊᐧᐠ ᐊᓂᑭ ᑳ ᒪᒋ ᐃᑎᐢᑭᐠ; ᒥᓇ ᑭᔭ ᐅᐦᒋ ᑳ ᐃᑕᐦᑐᐢᑳᓀᓯᒋᐠ ᐊᐢᑭᕽ ᑭᑕ ᓴᐁᐧᔨᑖᑯᓯᐊᐧᐠ. 4ᐁᑯᓯ ᒫᑲ ᐁᑊᕒᐋᒼ ᑭ ᓯᐯᐧᑌᐤ, ᑳ ᑭ ᐃᑎᑯᐟ ᑳ ᑎᐯᔨᐦᒋᑫᐟ; ᒥᓇ ᓬᐋᐟ ᑭ ᐊᑎ ᐃᐧᒉᐠ: ᐁᑊᕒᐋᒼ ᒫᑲ ᑭ ᑌᐸᑯᐦᐳᒥᑕᓇᐤ ᓂᔮᓇᓄᓵᑊ ᑕᐦᑐ ᐱᐳᓀᐧᐤ ᐃᐢᐱ ᑳ ᑭ ᓇᑲᑕᕽ ᐦᐊᕒᐋᐣ. 5ᐁᑯᓯ ᐁᑊᕒᐋᒼ ᑭ ᐃᐧᒉᐁᐧᐤ ᓭᕒᐊᐩ ᐃᐧᐊᐧ, ᒥᓇ ᓬᐋᑕ ᐅᒋᐋᐧᒪ ᐅᑯᓯᓯᔨᐊᐧ, ᒥᓇ ᑲᐦᑭᔭᐤ ᑫᑲᐧᐩ ᑳ ᑭ ᒫᐊᐧᒋᐦᑖᒋᐠ, ᒥᓇ ᐯᒫᑎᓯᔨᐟ ᑳ ᑭ ᐊᔭᐊᐧᒋᐠ ᐦᐊᕒᐋᓂᕽ; ᐁᑯᓯ ᐁ ᑭ ᐊᑎ ᓯᐯᐧᑌᒋᐠ ᑫᓇᐣ ᐊᐢᑭᕽ ᐃᓯ; ᐁᑯᓯ ᒫᑲ ᑭ ᐅᑎᐦᑕᒪᐧᐠ ᑫᓇᐣ ᐊᐢᑭ.
6ᐁᑊᕒᐋᒼ ᒫᑲ ᑭ ᐱᒥ ᓵᐳᐢᑲᒼ ᐊᐢᑭ ᓯᑭᒼ ᐊᐢᑭᕽ ᐃᓯ, ᐱᔨᐢ ᐊᓂᑕ ᒧᕒᐃ ᒪᐢᑯᑌᕽ. ᑫᓇᓇᐃᑕᐠ ᑭ ᐊᔮᐊᐧᐠ ᐁᑯᑕ ᐊᐢᑭᕽ. 7#ᐃᓯᐦᒋᑫᐃᐧᓂᐋᐧᐊᐧ 7:5; ᑲᓬᐁᓯᔭᓇ 3:16ᐁᑯᓯ ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑕᐁᐧᐤ ᐁᑊᕒᐋᒪ, ᒥᓇ ᐅᒥᓯ ᐃᑌᐤ, ᑭ ᓂᐦᑖᐃᐧᑭᐦᐋᐊᐧᓱᓇᐠ ᓂ ᑳ ᒥᔮᐊᐧᐠ ᐅᒪ ᐊᐢᑭ; ᐁᑯᑕ ᒫᑲ ᑭ ᐅᓯᐦᑕᒪᐁᐧᐤ ᐸᑭᑎᓈᓱᐃᐧᓈᐱᐢᐠ ᑳ ᑎᐯᔨᐦᒋᑫᔨᐟ, ᑳ ᑭ ᓄᑯᐦᐃᓱᐢᑖᑰᐟ. 8ᐁᑯᑕ ᒫᑲ ᑭ ᐅᐦᒋ ᓯᐯᐧᑌᐤ ᐊᓂᑕ ᐊᐧᒋᕽ ᐋᐧᐸᓄᑖᕽ ᐃᑎᑫ ᐯᐦᑎᓬᐃᕽ ᑳ ᐃᐦᑕᑯᐠ, ᐁᑯᑕ ᒫᑲ ᑭ ᑳᐯᓯᐤ, ᐯᐦᑎᓬ ᓀᑲᐯᐊᓄᑖᕽ ᐃᑌᐦᑫ ᑭ ᑕᑲᐧᓂᔨᐤ, ᐁᑯᓯ ᐁᐊᐩ ᐋᐧᐸᓄᑖᕽ ᐃᑌᐦᑫ: ᐁᑯᑕ ᒥᓇ ᑭ ᐅᓯᐦᑕᒪᐁᐧᐤ ᐸᑭᑎᓈᓱᐃᐧᓈᐱᐢᐠ ᑳ ᑎᐯᔨᐦᒋᑫᔨᐟ, ᒥᓇ ᑭ ᒪᐃᐧᒧᐢᑕᒼ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ. 9ᐁᑊᕒᐋᒼ ᒫᑲ ᑭ ᐱᒧᐦᑌᐤ ᓵᐊᐧᓄᑖᕽ ᑫᔮᐱᐨ ᐁ ᐊᑎ ᐃᑐᐦᑌᐟ.
10ᑭ ᓄᑌᑲᑕᓂᐃᐧᐤ ᒫᑲ ᐁᑯᑕ ᐊᐢᑭᕽ: ᐁᑊᕒᐋᒼ ᒫᑲ ᐃᒋᑊᐟ ᑭ ᐃᑐᐦᑌᐤ ᐁᑯᑕ ᐁ ᐃᐧ ᓇᑕᐃᐧ ᐊᔮᐟ; ᒋᑫᒫ ᓈᐢᐱᐨ ᑭ ᓄᑌᑲᑕᓂᐃᐧᐤ ᐁᑯᑕ ᐊᐢᑭᕽ. 11ᐁᑯᓯ ᑭ ᐃᐦᑭᐣ, ᐃᐢᐱ ᒋᑭ ᐁᑎ ᐅᑎᑕᕽ ᐃᒋᑊᐟ, ᐅᒥᓯ ᐃᑌᐤ ᓭᕒᐊᐩ ᐃᐧᐊᐧ, ᒫᑎᑲ ᐁᑲᐧ, ᓂᑭᐢᑫᔨᑌᐣ ᐁ ᑲᑕᐊᐧᓯᓯᔭᐣ ᐁ ᐃᐢᑫᐧᐃᐧᔭᐣ ᑭᑕ ᑲᓇᐋᐧᐸᒥᑲᐃᐧᔭᐣ: 12ᐁᐊᐧᑯ ᐅᐦᒋ ᑫ ᐃᐦᑭᕽ, ᐃᐢᐱ ᐃᒋᑊᐟ ᐃᔨᓂᐊᐧᐠ ᐋᐧᐸᒥᐢᑲᐧᐃᐧ, ᑭᑕ ᐃᑌᐧᐊᐧᐠ, ᐁᐊᐧᑯᓂ ᐃᐧᐊᐧ; ᐁᑯᓯ ᒫᑲ ᑭᑕ ᓂᐸᐦᐃᒋᐠ, ᒫᑲ ᑭᑕ ᐱᒫᒋᐦᐃᐢᑭᐠ ᑭᔭ. 13#ᒉᓂᓯᐢ 20:2; 26:7ᑭ ᓇᑕᐁᐧᔨᑕᒫᑎᐣ ᒫᑲ ᑭᑕ ᐃᑌᐧᔭᐣ, ᑭᔭ ᐁ ᐅᑖᐁᐧᒫᐃᐧᒥᑖᐣ; ᑭᑕ ᐃᓯ ᒥᔪᐸᔨᐃᑯᔮᐣ ᑭᔭ ᐅᐦᒋ; ᐁᑯᓯ ᓂᐟ ᐊᐦᒑᕽ ᑭᑕ ᐱᒫᑎᓯᐤ ᑭᔭ ᐅᐦᒋ.
14ᐁᑯᓯ ᒫᑲ ᑭ ᐃᐦᑭᐣ, ᐃᐢᐱ ᐁᑊᕒᐋᒼ ᑳ ᐯ ᑕᑯᓯᕽ ᐃᒋᑊᐟ, ᐊᓂᑭ ᐃᒋᑊᐟ ᐃᔨᓂᐊᐧᐠ ᑭ ᐋᐧᐸᒣᐊᐧᐠ ᐊᓂᐦᐃ ᐃᐢᑫᐧᐊᐧ ᓇᐢᐱᐨ ᐁ ᑲᑕᐊᐧᓯᓯᔨᐟ. 15ᐊᓂᑭ ᒫᑲ ᒥᓇ ᐯᕒᐅ ᐅᑭᒫᒪ ᑭ ᐋᐧᐸᒣᐊᐧᐠ, ᑭ ᒥᔪ ᐋᔨᒧᑕᒪᐁᐧᐊᐧᐠ ᒫᑲ ᐯᕒᐅᐊᐧ; ᐁᑯᓯ ᐊᓇ ᐃᐢᑫᐧᐤ ᑭ ᐅᑎᓈᐤ ᐯᕒᐅ ᐃᐧᑭᕽ. 16ᑭ ᒥᔪ ᑑᑕᐁᐧᐤ ᐁᑊᕒᐋᒪ ᐁᐊᐧᑯᓂ ᐅᐦᒋ: ᒫᑲ ᐃᐧᔭ ᑭ ᐊᔮᐁᐧᐤ ᒫᔮᑎᑲᐧ, ᒥᓇ ᒧᐢᑐᓴᐧ, ᒥᓇ ᐃᔮᐯ ᓱᓱᒥᐢᑕᑎᒪᐧ, ᒥᓇ ᐊᑐᐢᑫᔮᑲᓇ, ᒥᓇ ᐊᑐᐢᑫᔮᑲᓂᐢᑫᐧᐊᐧ, ᒥᓇ ᓄᓭ ᓱᓱᒥᐢᑕᑎᒪᐧ, ᒥᓇ ᐱᐢᑳᐧᐃᐧᑲᓂ ᐱᓯᐢᑭᐊᐧ. 17ᑳ ᑎᐯᔨᐦᒋᑫᐟ ᒫᑲ ᑭ ᑯᑕᑭᐦᐁᐤ ᐯᕒᐅᐊᐧ ᒥᓇ ᑳ ᐃᑕᐦᑐᑫᐟ, ᑭᐦᒋ ᑯᑕᑭᐦᐃᐁᐧᐃᐧᓇ ᐅᐦᒋ, ᓭᕒᐊᐩ ᐅᐦᒋ ᐁᑊᕒᐋᒼ ᐃᐧᐃᐧᔨᐊᐧ. 18ᐁᑯᓯ ᐯᕒᐅ ᑭ ᓇᑐᒣᐤ ᐁᑊᕒᐋᒪ ᐅᒥᓯ ᐁ ᑭ ᐃᑌᐧᐟ, ᑫᑲᐧᐩ ᐅᒪ ᑳ ᑐᑕᐃᐧᔭᐣ? ᑖᓀᑭ ᐁᑳ ᑳ ᑭ ᐃᐧᐦᑕᒪᐃᐧᔭᐣ ᐊᓂᒪ ᐁ ᐃᐧᐃᐧᔭᐣ ᐁᐊᐧᑯ? 19ᑖᓀᐦᑭ ᑳ ᑭ ᐃᑌᐧᔭᐣ, ᐁᐊᐧᑯ ᓂᐦᑖᐁᐧᒫᐤ? ᐁᑯᓯ ᓂ ᑲ ᑭ ᐅᑎᓈᐦ ᑭᑕ ᐃᐧᐃᐧᔮᐣ: ᐁᑲᐧ ᒫᑲ, ᐋᐧᐸᒼ ᑭᐊᐧ, ᐅᑎᐣ, ᐁᑯᓯ ᓯᐯᐧᐦᑌ. 20ᐯᕒᐅ ᒫᑲ ᑭ ᐃᐧᐦᑕᒪᐁᐧᐤ ᐅᐟ ᐃᔨᓂᒪ ᐁᐊᐧᑯᓂ ᐅᐦᒋ: ᐁᑯᓯ ᑭ ᓯᐯᐧᑎᓴᐁᐧᐊᐧ, ᐃᐧᐊᐧ ᐊᓯᒋ, ᒥᓇ ᑲᐦᑭᔭᐤ ᑫᑲᐧᐩ ᑳ ᐊᔮᐟ.
বর্তমানে নির্বাচিত:
ᒉᓂᓯᐢ 12: KKMs
হাইলাইট
শেয়ার
কপি
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
