Psalmyn 22
22
EVENING PRAYER.
PSAL. 22.
Deus, Deus meus.
1My Yee, my Yee, jeeagh orrym; cre’n-fa t’ow er my hreigeil:
as t’ow choud veih my lhaynt, as veih goan my accan?
2O my Yee, ta mee geam fey laa, agh cha vel oo cur clashtyn:
as ooilley’n oie neesht cha vel mee goaill veg y fea.
3As t’ow uss tannaghtyn casherick:
O uss ooashley Israel.
4Ren ny ayraghyn ain treishteil ayn-yds:
hug ad nyn marrant ort, as ren oo ad y livrey.
5Deïe ad orts, as hooar ad cooney:
hug ad nyn marrant ort, as cha row ad er nyn ghoyrt mow.
6Agh er my hon’s, she beishteig mee, as cha nee dooinney:
eer craid gheiney, as oltooan y pobble.
7Ta ooilley ny ta dy m’akin, gannidys orrym:
t’ad sheeyney magh nyn meillyn, as craa nyn ghing, gra,
8Hreisht eh ayns Jee, dy jinnagh eh eshyn y livrey:
lhig da eh y livrey, my ta taitnys echey ayn.
9Agh uss eh ren m'y ghoaill ass breïn my vayrey:
v’ow my hreishteil tra va mee foast er keeagh my voïr.
10Ta mee er ve fo dty chiarail er dyn traa ruggyr mee:
uss my Yee eer veih breïn my vayrey.
11O ny treig mee, son ta seaghyn er-gerrey:
as cha vel unnane dy chooney lhiam.
12Ta ymmodee dew er jeet mygeayrt-y-moom:
ta terriu lajer Vasan er hoiaghey orrym er dagh cheu.
13T’ad fosley nyn meeal orrym:
myr lion jollyssagh buirroogh son spooilley.
14Ta mee deayrtit magh myr ushtey, as ta ooilley my chraueyn ass ynnyd:
ta my chree neesht ayns mean my chorp eer myr kere ta lheïe.
15Ta my niart chyrmit seose myr peesh dy haagh-craie, as ta my hengey lhiantyn gys my ghruntyn:
as ver uss lhiat mee gys joan y vaaish.
16Son ta ymmodee moddee er jeet mygeayrt-y-moom:
as ta coonceïl ny olkyssee cur nyn goyrle dy-cheïley m’oï.
17Hoyll ad my laueyn as my chassyn: foddym ooilley my chraueyn y choontey:
t’ad shassoo gindys as jeeaghyn orrym.
18Rheinn ad my gharmadyn ny mast’ oc:
as er my chooat hilg ad lottyn.
19Agh ny bee uss foddey voym, O Hiarn:
she uss my chemmyrk; jean siyr dy chooney lhiam.
20Livrey m’annym veih’n chliwe:
as my ynrycan bioys veih pooar y voddey.
21Saue mee veih beeall y lion:
t’ow er my chlashtyn myrgeddin veih mastey earkyn ny unicornyn.
22Nee’ms dt’Ennym y hoilshaghey da my vraaraghyn:
ayns mean ny hagglish nee’m uss y voylley.
23O moylley-jee yn Chiarn, shiuish ta goaill aggle roïsh:
cur-jee ard-voylley da, ooilley shiuish jeh sluight Yacob, as gow-jee aggle roïsh, ooilley shiuish sluight Israel.
24Son cha vel eh er hoiaghey beg jeh, ny er hreigeil stayd inshil y voght:
cha vel eh er ollaghey e eddin veih, agh tra deïe eh er, hug eh clashtyn da.
25Hoods nee’m chebbal my voylley ayns sheshaght vooar ny nooghyn:
my vreearraghyn nee’ms y chooilleeney ayns yn enish ocsyn ta goaill aggle roishyn.
26Nee ny boghtyn gee, as bee ad er nyn yannoo magh:
adsyn ta shirrey lurg y Chiarn, moyllee ad eh; bee’n cree eu bio son dy-bragh,
27Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn:
as ver ooilley kynneeyn ny ashoonyn ooashley kiongoyrt rish.
28Son lesh y Chiarn yn reeriaght:
as she eshyn yn Kiannoort mastey yn pobble.
29Nee nyn lheid ocsyn ooilley ta berchagh er y thalloo:
gee as ooashley ’choyrt.
30Nee adsyn ooilley ta er nyn injillaghey gys y joan [gys boghtynid] gliooney kiongoyrt rish:
as cha vel dooinney erbee er vioghey e annym hene.
31Nee my lhuight’s eshyn y hirveish:
bee ad goit stiagh son sheeloghe da’n Chiarn.
32Hig adsyn, as nee ny niaughyn soilshaghey magh e chairys:
da pobble hig er y theihll, adsyn ta’n Chiarn er chroo.
বর্তমানে নির্বাচিত:
Psalmyn 22: PS1765
হাইলাইট
শেয়ার
কপি
Want to have your highlights saved across all your devices? Sign up or sign in
maintained by the British and Foreign Bible Society