No̰ Kuwə Ndoo 5
5
1Ɓaɓe, adɨ mei ole dɔ nḛ tɨ kɨ tḛḛ dɔje tɨ kɨn. Ɨgo̰ tajɨ kɨ ɨsɨ taji-je kɨn o. 2Dɔnangɨ ləje təl nḛ lə dɨje kɨ rangɨ, kəy je ləje təl nḛ lə dɨje kɨ jɨ gər gɨnde al. 3Jɨ təl ngan kal je, dɨje kɨ bawde je gotoi, ko̰je je təli dəne ndubə je. 4Jɨ ndogɨ man je ləje je wa tə ndogɨ taa j-a̰y, j-ugə dɔ si kɨ e ya̰je wa taa jɨ re-n me kəy tɨ jɨ ra-n por. 5NJé kɨndə kəmje ndoo ali-je sɨndə tɨ, taai tɔgɨje, lo kɔr kə̰ə̰ ləje goto. 6J-ɨlə jije kɨ rɔ Ejɨpɨ tɨ kɨ rɔ Asɨri tɨ kadɨ j-ɨngə nḛ kuso kɨ tɔl ɓoje. 7Kaje je rai majal, nə gotoi, nɨngə je ə j-ɨsɨ j-otɨ kɔy majal je ləde. 8Ɓəə je təli ɓaje je, nə dəw kɨ kadɨ taa-je jide tɨ goto. 9J-ɨlə rɔje kɔ ji baw kaya je tɨ kɨ toi me wale taa j-ɨngə-n nḛ kuso kɨ taje tɨ. 10Ɓo o̰-je adɨ nda rɔje o̰ por tə nḛ kɨ dəw yole-je dɔ por tɨ be. 11Uwəi dəne je kɨ Sɨyo̰ tɨ kɨ ngan mandɨ je kɨ ɓe-bo je tɨ kɨ Jude kɨ gu toi səde. 12Ɨləi kɨlə ji njé ko̰ ɓe je tɨ, dɔɔi-de taa; ooi to ngatɔgɨ je al. 13Basa je oti mbal kusɨ nḛ, ngan dɨngəm je sɨməi gɨn ngɔ tɨ. 14NGatɔgɨ je ɨyə̰ ta kaw lo gangɨ ta tɨ, basa je ɨyə̰i ta kosɨ pa. 15Rɔnəl goto meje tɨ, lo ndam je ləje təl lo no̰. 16Gɨn tɔ ɓa ləje gangɨ. Kəm-to-ndoo osɨ dɔje tɨ tadɔ jɨ ra majal. 17Gɨn nḛ kɨn ə rɔje ɨsɨ to-n je, kəmje ɨsɨ uwə-n sɨyə rɔy. 18MBal Sɨyo̰ təl nḛ koo kəm-to-ndoo, nja̰ je rai tə lo ka-de. 19Ɓaɓe, ḭ ɨsɨ dɔ ko̰-ɓe tɨ bɨtɨ kɨ no̰ tɨ, ko̰-ɓe ləi to kɨ dɔ ɓal je dɔ ɓal je. 20Ra ban ə mei oy dɔje tɨ be par par ə? ran ban ə ɨmbatɨ-je kɨ no̰i tɨ par a? 21Adɨ jɨ təl kɨ rɔi tɨ Ɓaɓe, ə j-a jɨ təl kɨ rɔi tɨ. Adɨ jɨ təl jɨ to təkɨ ndɔ kɨ j-ɨsɨ-n kəte kɨn be. 22Ɨmbatɨ-je wa par ngata a? Wongɨ kɨ rai dɔje tɨ kɨn al dɔ majɨ.
বর্তমানে নির্বাচিত:
No̰ Kuwə Ndoo 5: bjvDBL
হাইলাইট
শেয়ার
কপি
Want to have your highlights saved across all your devices? Sign up or sign in